- إنضم
- 3 أغسطس 2005
- المشاركات
- 4,023
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم بنات وعساكم بخير
أنا شريت سي دي دكتور أحمد بهبهاني لما كان سعره 450 دينار وقبل لا أكمل الموضوع بقولكم ....
لو السي دي سعره 700 دينار هم راح أشتريه
أول شي بخصوص البنات إللي تهجموا عالدكتور ..
دكتور أحمد أنا عرفته من التلفزيون والجرايد .. يعني لا يصير لي ولا لي صلة قرابة معاه ..
من شريت منه السي دي شهر 3 وأنا أدق عليه وأدزله مسج أستفسر عن كل صغيره وكبيره والريال مسكين أبد أبد أبببببببد مو مقصر يشرحلي كللللللل شي موفاهمته وبالتفصيل الممل بعد
وأنا بعد ما أستحي ساعات كذا مرة علق معاي السي دي دزيتله المسج الفير وأنا معصبه قتله يادكتور سي ديك معلق وماني قادرة أكمل المحاضرات ووووو إلخ
فقير ثاني يوم قالي خلاص تعالي ويبي لابتوبج أعطيج واحد ثاني .. رديت عليه قتله ماقدر أيي .. قالي خلاص أنا أدزلج السايق ..
تالي إكتشفت إن لابتوبي فيه فايروس وأنا قاعده أتحلطم عالريال فقير
الريال حيييييييييييييل تعبان على عمره وتعبان على هالسي دي .. لأن هالسي أهو نتاج أبحاثه من سنة الـ 1995
ومهمة السي دي إنه يشيل كللللللللل الترسبات والخرابيط إللي تعلمناها بالمدارس على إيد هالمدرسات الله يهديهم
يايبنيلنا مدرسات لغتهم غير لغتنا ويعلمونا النطق كله غلط بغلط ( زس إز زي موسك ) شتفهمين بالله ؟ والا شلون بتنطقين الكلام عدل بذمتكم ؟؟؟
ثانيا : المعهد البريطاني هالنصابين .. إللي تدشين تبين تاخذين الآيلز عندهم يقولج تعالي أول شي دشي عندنا 6 دورات قبل دورة الآيلز لأن مستواج ضعيف حيل وكل دورة بـ 200 دينار .. والكتب سعرها 15 دينار وكل دورة مدتها 6 أسابيع
لا بالله كدينا خير
======================
بعد هالتحلطم هذا بطلب منكم طلب .. بليز لاتهاجمون الدكتور قبل لا تسمعون منه وتشوفون السي دي وتحكمون عليه .
أول شي السي دي هذا ينقسم إلى قسمين :
الأول : قواعد
الثاني : تطبيقات للتوفل والآيلز ( وهذا المطلوب لنا )
القسم الأول : يشرحلج مو بس القواعد لأ .. يشرح كل صغيره وكبيره باللغه الإنجليزية ككل .. ووحده من البنات سألت عن موضوع التكرار ليش يعيد ويزيد ..
أول شي أهو يطلب منج فقط إنج تحضرين المحاضرات من غير ماتحطينلج نوت وتكتبين أي شي
بس تقعدين جبال الكمبيوتر وتسمعين شيقول .. ومع التكرار المصطلحات وتراكيب القواعد راح تدش بعقلج الباطن تلقائيا . هذا الهدف من التكرار ومن التلخيص في آخر كل فصل .
ثانيا : قسم التوفل والآيلز : طبعا راح يعطيج الدكتور مذكرتين تتابعين معاه المحاضرات المرئية .. أهو مصور نفسه بالدورة إلي معطيها للطلبة فتقعدين تتابعين كأنج طالبة معاه قاعده بالدورة وعندج المذكرات وتمشين معاه خطوة بخطوة وماراح يكون في أي مسسنغ بالعملية لأن شرحه جدا واضح والخطوات مرتبه وماشية مع المذكرة إللي معطيج ياها .
وبهالقسم هذا أنا شفت إنه قمممممة بالمتعة .. يعلمج تكتيكات لطيفه والخدع إللي يستخدمونها واضعي إختبارات التوفل والآيلز وشلون يخربطونج بالأسئلة بالليسننغ والريدنغ
وأول هالقسم هذا في محاضرتين عن ( علم الصوتيات )
يعلمج شلون لما تقرين الكلمات تعرفين تنطقينها عدل عدل ومواقع الأحرف والفرق بين الآكسنت البريطاني والآكسنت الأمريكي ويفجج ويحلل حرف حرف .. طبعا هالقسم هذا جدا مفيد حق البنات إللي يستخدمون الديكشنري .. بس المشكله إن الحين إللي صاير إن كل ديكشنري إييج معاج سي دي فيه المفردات كللللللها حوالي 600 ألف كلمة وتقدرين تسمعينها وهذا أنا شفته بدكشنري
Macmillan شريته من بريطانيا .. لكن أيضا هالمحاضرتين تنفعج بالريدنغ لما تقومين بتقرين قطعه مثلا من خلال هالمحاضرتين راح تعرفين شلون تنطقين الكلام بدال ما توقفين وتتأتتين وتقولين أي أي أأأأي أأي لوووووووووووووووووووول
المهم
نرجع لمحور حديثنا ...
وهم يزاه الله خير الدكتور راح يرسلج هالإيميل تقسيمه وجدول متابعتج للمحاضرات .. بكل يوم جم فصل تخلصين علشان تمشين صح ..
بالإضافة إلى :
إهتمامه الشدييييييييييييييييييد في موضوع الكلمات وكيفية حفظها
طبعا أنا من شهر 6 لي أول أمس وأنا أدقدق عليه واقوله دكتور سويت جذي جذي صح ؟؟
يقولي يا أم حسين مو قتلج سوي جذي ولااااتضيعين وقتج ؟؟؟؟؟
فقير يعلمني طريقه وأنا من كيفي أسوي إللي فبالي ويطلع غلط :23_asmilies-com:
طبعا يعطيج ليستة مفردات 1000 كلمة .. ويعلمج شلون تحفظينهم ويمشي معاج خطوة بخطوة ..
وطبعا إذا مشيتي على طريقته راح تحفظين من 1000 - 1500 كلمة بالشهر
طبعا هذا راجع لمجهودج وعزيمتج وإرادتج .. لكن طريقته جديده وروووووووووووووووووعه وممتعه
وكل إللي حواليني الحين كل ما إستصعبت عليهم كلمه إيوون يسألوني صرت أنا الدكشنري حقهم لوووووووول
بالذمة بنات .. أي محاضر بدورة يسويلج جذي ؟ والا أي معهد بتدشينه بيهتم فيج بهالطريقه والا بيشرحلج كل تفاصيل اللغه ومداخلها ومخارجها ؟؟؟؟؟
الله يحفظه دكتور أحمد فعلا فعلا إنسان يستحق كل إحترام وتقدير وشكر
وعلى فكرة .. لاتقعدون تقولون دعايه ودعايه ..
يبا إييييييييييييييييييييييه بسويله دعاية كيفي
مو بس نقعد قعدات الحريم ونمدح بالصالون الفلاني والمحل العلاني والمطعم الفلاني .. خنلتفت حق نفسنا شوي ونشيل هالغبره إللي ترست روسنا بالمدارس ونتعلم اللغه من أصحابها وهل جم فلس عندنا نقطه على شي يفيدنا بدال مانفسفسهم عالملابس والجناط ونشتكي تالي من صعوبة اللغه وإن اللغة الإنجليزية صعبه .. والله لا هي صعبه ولا شي بالعكس واااااااايد ممتعه وتحسين نفسج مثقفه إذا تعلمتيها وخصوصا إنها لغة العصر وكل العالم بهالوقت إذا بيتخاطب بيتخاطب باللغة الإنجليزية
فإذا تعلمتيها من منبعها قدرتي تقايشين غيرج سواء بالشهادة والا المعرفه والا حتى الكمبيوتر
والحين أي سؤال تفضلوا المايك معاكم :eh_s(20):
====================
إييييييييييييي صج ..
قريت بموضوعي إللي تحت وحده مادري منو تقول وين البنات إللي قالوا عن السي دي وإنحاشوا ؟؟
يابنتي ما إنحشنا قاعدين ندرس ماعندنا وقت ندش المنتدى كل يوم :nocommint:
دوامات وعيالنا وريايلنا وزوارات الأهل ومواجيب ماتخلص ودراستنا
الله يوفقنا ويوفقكم يااااااااااااااااااااااااارب
قولوا آمين أشوف موتسكتون :nbvppw:
تحياتي يابنات
أم حسون الشيطون
شلونكم بنات وعساكم بخير
أنا شريت سي دي دكتور أحمد بهبهاني لما كان سعره 450 دينار وقبل لا أكمل الموضوع بقولكم ....
لو السي دي سعره 700 دينار هم راح أشتريه
أول شي بخصوص البنات إللي تهجموا عالدكتور ..
دكتور أحمد أنا عرفته من التلفزيون والجرايد .. يعني لا يصير لي ولا لي صلة قرابة معاه ..
من شريت منه السي دي شهر 3 وأنا أدق عليه وأدزله مسج أستفسر عن كل صغيره وكبيره والريال مسكين أبد أبد أبببببببد مو مقصر يشرحلي كللللللل شي موفاهمته وبالتفصيل الممل بعد
وأنا بعد ما أستحي ساعات كذا مرة علق معاي السي دي دزيتله المسج الفير وأنا معصبه قتله يادكتور سي ديك معلق وماني قادرة أكمل المحاضرات ووووو إلخ
فقير ثاني يوم قالي خلاص تعالي ويبي لابتوبج أعطيج واحد ثاني .. رديت عليه قتله ماقدر أيي .. قالي خلاص أنا أدزلج السايق ..
تالي إكتشفت إن لابتوبي فيه فايروس وأنا قاعده أتحلطم عالريال فقير
الريال حيييييييييييييل تعبان على عمره وتعبان على هالسي دي .. لأن هالسي أهو نتاج أبحاثه من سنة الـ 1995
ومهمة السي دي إنه يشيل كللللللللل الترسبات والخرابيط إللي تعلمناها بالمدارس على إيد هالمدرسات الله يهديهم
يايبنيلنا مدرسات لغتهم غير لغتنا ويعلمونا النطق كله غلط بغلط ( زس إز زي موسك ) شتفهمين بالله ؟ والا شلون بتنطقين الكلام عدل بذمتكم ؟؟؟
ثانيا : المعهد البريطاني هالنصابين .. إللي تدشين تبين تاخذين الآيلز عندهم يقولج تعالي أول شي دشي عندنا 6 دورات قبل دورة الآيلز لأن مستواج ضعيف حيل وكل دورة بـ 200 دينار .. والكتب سعرها 15 دينار وكل دورة مدتها 6 أسابيع
لا بالله كدينا خير
======================
بعد هالتحلطم هذا بطلب منكم طلب .. بليز لاتهاجمون الدكتور قبل لا تسمعون منه وتشوفون السي دي وتحكمون عليه .
أول شي السي دي هذا ينقسم إلى قسمين :
الأول : قواعد
الثاني : تطبيقات للتوفل والآيلز ( وهذا المطلوب لنا )
القسم الأول : يشرحلج مو بس القواعد لأ .. يشرح كل صغيره وكبيره باللغه الإنجليزية ككل .. ووحده من البنات سألت عن موضوع التكرار ليش يعيد ويزيد ..
أول شي أهو يطلب منج فقط إنج تحضرين المحاضرات من غير ماتحطينلج نوت وتكتبين أي شي
بس تقعدين جبال الكمبيوتر وتسمعين شيقول .. ومع التكرار المصطلحات وتراكيب القواعد راح تدش بعقلج الباطن تلقائيا . هذا الهدف من التكرار ومن التلخيص في آخر كل فصل .
ثانيا : قسم التوفل والآيلز : طبعا راح يعطيج الدكتور مذكرتين تتابعين معاه المحاضرات المرئية .. أهو مصور نفسه بالدورة إلي معطيها للطلبة فتقعدين تتابعين كأنج طالبة معاه قاعده بالدورة وعندج المذكرات وتمشين معاه خطوة بخطوة وماراح يكون في أي مسسنغ بالعملية لأن شرحه جدا واضح والخطوات مرتبه وماشية مع المذكرة إللي معطيج ياها .
وبهالقسم هذا أنا شفت إنه قمممممة بالمتعة .. يعلمج تكتيكات لطيفه والخدع إللي يستخدمونها واضعي إختبارات التوفل والآيلز وشلون يخربطونج بالأسئلة بالليسننغ والريدنغ
وأول هالقسم هذا في محاضرتين عن ( علم الصوتيات )
يعلمج شلون لما تقرين الكلمات تعرفين تنطقينها عدل عدل ومواقع الأحرف والفرق بين الآكسنت البريطاني والآكسنت الأمريكي ويفجج ويحلل حرف حرف .. طبعا هالقسم هذا جدا مفيد حق البنات إللي يستخدمون الديكشنري .. بس المشكله إن الحين إللي صاير إن كل ديكشنري إييج معاج سي دي فيه المفردات كللللللها حوالي 600 ألف كلمة وتقدرين تسمعينها وهذا أنا شفته بدكشنري
Macmillan شريته من بريطانيا .. لكن أيضا هالمحاضرتين تنفعج بالريدنغ لما تقومين بتقرين قطعه مثلا من خلال هالمحاضرتين راح تعرفين شلون تنطقين الكلام بدال ما توقفين وتتأتتين وتقولين أي أي أأأأي أأي لوووووووووووووووووووول
المهم
نرجع لمحور حديثنا ...
وهم يزاه الله خير الدكتور راح يرسلج هالإيميل تقسيمه وجدول متابعتج للمحاضرات .. بكل يوم جم فصل تخلصين علشان تمشين صح ..
بالإضافة إلى :
إهتمامه الشدييييييييييييييييييد في موضوع الكلمات وكيفية حفظها
طبعا أنا من شهر 6 لي أول أمس وأنا أدقدق عليه واقوله دكتور سويت جذي جذي صح ؟؟
يقولي يا أم حسين مو قتلج سوي جذي ولااااتضيعين وقتج ؟؟؟؟؟
فقير يعلمني طريقه وأنا من كيفي أسوي إللي فبالي ويطلع غلط :23_asmilies-com:
طبعا يعطيج ليستة مفردات 1000 كلمة .. ويعلمج شلون تحفظينهم ويمشي معاج خطوة بخطوة ..
وطبعا إذا مشيتي على طريقته راح تحفظين من 1000 - 1500 كلمة بالشهر
طبعا هذا راجع لمجهودج وعزيمتج وإرادتج .. لكن طريقته جديده وروووووووووووووووووعه وممتعه
وكل إللي حواليني الحين كل ما إستصعبت عليهم كلمه إيوون يسألوني صرت أنا الدكشنري حقهم لوووووووول
بالذمة بنات .. أي محاضر بدورة يسويلج جذي ؟ والا أي معهد بتدشينه بيهتم فيج بهالطريقه والا بيشرحلج كل تفاصيل اللغه ومداخلها ومخارجها ؟؟؟؟؟
الله يحفظه دكتور أحمد فعلا فعلا إنسان يستحق كل إحترام وتقدير وشكر
وعلى فكرة .. لاتقعدون تقولون دعايه ودعايه ..
يبا إييييييييييييييييييييييه بسويله دعاية كيفي
مو بس نقعد قعدات الحريم ونمدح بالصالون الفلاني والمحل العلاني والمطعم الفلاني .. خنلتفت حق نفسنا شوي ونشيل هالغبره إللي ترست روسنا بالمدارس ونتعلم اللغه من أصحابها وهل جم فلس عندنا نقطه على شي يفيدنا بدال مانفسفسهم عالملابس والجناط ونشتكي تالي من صعوبة اللغه وإن اللغة الإنجليزية صعبه .. والله لا هي صعبه ولا شي بالعكس واااااااايد ممتعه وتحسين نفسج مثقفه إذا تعلمتيها وخصوصا إنها لغة العصر وكل العالم بهالوقت إذا بيتخاطب بيتخاطب باللغة الإنجليزية
فإذا تعلمتيها من منبعها قدرتي تقايشين غيرج سواء بالشهادة والا المعرفه والا حتى الكمبيوتر
والحين أي سؤال تفضلوا المايك معاكم :eh_s(20):
====================
إييييييييييييي صج ..
قريت بموضوعي إللي تحت وحده مادري منو تقول وين البنات إللي قالوا عن السي دي وإنحاشوا ؟؟
يابنتي ما إنحشنا قاعدين ندرس ماعندنا وقت ندش المنتدى كل يوم :nocommint:
دوامات وعيالنا وريايلنا وزوارات الأهل ومواجيب ماتخلص ودراستنا
الله يوفقنا ويوفقكم يااااااااااااااااااااااااارب
قولوا آمين أشوف موتسكتون :nbvppw:
تحياتي يابنات
أم حسون الشيطون
التعديل الأخير:
