بخصوص الوباء تعالو (تم دمج المواضيع المشابهة)

[كلي تفاؤل]

السلام عليكم

بنات شسالفه بكتيريا الخضار اي كولاي المنتشره بأوربا
نسافر والا لأ حدي مكتئبه وخايفه

ياربي:eh_s(2):

كنت متشوووووقه للسفر اول مره بحياتي اروح لزلمسي وحدي متشوقه بس عقب هالمرض يمكن نكنسل كل شئ

معاي عيالي وخايفه عليهم خاصه ان المرض قاعد ينتشر بسرعه ويصيب الاطفال وكبار السن اكثر شي

ياربي والله كل يوووم انطر هالسفر :eh_s(16):

شسوي وشراح تسوون انتو تسافرون والا لا

 

[كلي تفاؤل]

رد: نسافر اوربا والا لأ عقب هالوباء

واذا لكم احد هناك الحين بالنمسا وسويسرا شخبار الوضع عندهم

 

[أشبـاهـ المطـر]

رد: نسافر اوربا والا لأ عقب هالوباء

اهو بس بألمانيا بصراحه الوباء يخرررع
لو اني بمكانج بغير وجهتي فوراً الموضوع مايتحمل
مغامره لا تلقوا انفسكم بالتهلكه ​

 

[كلي تفاؤل]

رد: نسافر اوربا والا لأ عقب هالوباء

لا الوبا منتشر النمسا يريطانيا امريكا اسبانيا المانيا انا قاعده اتابع اخباره

لااااا ياربي وين نروح

 

[كلي تفاؤل]

رد: نسافر اوربا والا لأ عقب هالوباء

ناس يقولون سافروا بس لا تاكلون خضروات وفواكه الحين حتي اللحم البقري الهمبرقر فيه بعد شناكل بالله كاكاوات
وناس يقولون لا تسافرون
صج صج ضايق خلقي كل يوم كنت اطالع صور زلمسي وكابرون 
الحمدلله على كل حال

 

[نوف22]

رد: نسافر اوربا والا لأ عقب هالوباء

انا نفسج علي اعصابي واحاتي حيل الله يستر

 

[العذوب]

رد: نسافر اوربا والا لأ عقب هالوباء

واللي يعافيكم ردوا شلون على الوضع بالمانيا بتسااافرون والا لا :yaaaaaarb:
احنا سفرتنا عقب اسبوعين بنروح المانيا والنمسا ومعاي عياليي
حدنااا متشوقين للسفر بس مادري على الوضع هنااااك:eh_s(10): اللي عندها خبر ترد عليناااا

 

[شهرزاد الحكاية]

رد: نسافر اوربا والا لأ عقب هالوباء

من صجكم بنات الوضع يخرع لهدرجة ...؟؟​

 

[العذوب]

رد: نسافر اوربا والا لأ عقب هالوباء

شووفوا قنواات التلفزيون خاصة العربية طاالبين تبرعاات نقل دم للمصااابين في المانيا لانه هالمرض يقضي على كريات الدم الحمراء الله يكااافينا الشر

 

[كلي تفاؤل]

رد: نسافر اوربا والا لأ عقب هالوباء

العذوب انتي نفس حالتي ...انا دخلت منتدي متخصص بالسفر قالوا عادي بس ابتعدوا عن الخضروات والفواكه اوكي انا مو مشكله بس المشكله عيالي هم مو شي اسافر وانا على اعصابي اكل ووولا تاكل ...الحمدلله على كل حال انا بتابع الاخبار واشوف اخرتها ...

اي شهرزاد 16 وفيات و300 وشي اصابه ...هالبكتيريا تقعد بالامعاء وتسبب اسهال بعدها دم والحالات الصعبه فشل كلوي ووفاة ..مدري نصدق والا لأ خاف نفس سالفه انفلونزا الطيور ما ادري الخنازير اللي جننونا عليها ...

 

[شهرزاد الحكاية]

رد: نسافر اوربا والا لأ عقب هالوباء

لاحول ولاقوة الا بالله العلي العظيم الله لايبلاناااا​

 

[درر نادره]

رد: نسافر اوربا والا لأ عقب هالوباء

صج الوباء المنتشر معدى ؟ يقولون انتشر بسرعه عندهم بدول اوربا الله يستر يعنى نكنسل لان انا معايا امى وخواتى وعيالى كانت حاجزه لتركيا لما صار الزلزال كنسلت وقلت لها احجزى معاي لالمانيا الظاهر مومكتوب لنا السفر هالسنه الحمدلله على كل حال

 

[درر نادره]

لندن والوباء

بنات ابلندن شلون الاوضاع هناك

 

[أم أنور]

رد: نسافر اوربا والا لأ عقب هالوباء

ان شاءالله ماكو الا العافيه
سبحان الله كل صييف اتصير مصيبه :/

 

[كلي تفاؤل]

رد: نسافر اوربا والا لأ عقب هالوباء

درر انطري لا تكنسلين يمكن يستجد شي باجر والا عقبه
اهم شي استخيري عن الروحه وهو اكثر شي منتشر بشمال المانيا
انا بنطر لاخر لحظه وبشوف الوضع وخيار التكنسل راح يكون موجود

 

[LA TROO7]

رد: نسافر اوربا والا لأ عقب هالوباء

خوفتوووني

 

[الأماكن]

رد: نسافر اوربا والا لأ عقب هالوباء

والله ما أدري


ساااااافـــــروا و الحافظ الله

تجنبوا الفاكهه و الخضرة

صار لنا 3أو4 سنين على هالحال ... يا انفلونزا الطيور ولا الخنازير ... ولا رماد البركان

مو ملاحظة بس بالصيف تطلع المصايب

 

[fri2010]

رد: لندن والوباء

حتى احنا مترددين مو قادرين نحجز فنادق بسبت هالشي

ناس تقول الوضع طبيعي وناس تقول الوضع يخوف!

 

[FeShinGoOo]

بخصوص الوباء تعالو

قووه بناااات



وحشتوني ووحشني المنتدى قلت خل اشبك اليوم اتطمن عالاوضاع

الصراحه اخترعت من القسم كذا موضوع عن الوباء اللي بأوروبااا

انا حاليا بألمانيا فرانكفورت

الوضع حده طبيعيييييييييييييييييييييييييييييي

ماكو شي كلش محد قاعد يطري الوباااء ومحد مهتم كلش او خايف الناس عايشين طبيعي ياكلون يشربووون يظحكون يرقصون كلشي مسوين محد خايف ومخترع بس احنا مكبرين المواضيع

والله لاتحاتون واتوكلوا على الله انا من اول ماطبيت المانيا قاعده اكل خضره بما اني ما اكل لحومهم الحمدالله ماصار فيني شي لا وازيدكم من الشعر بيت كله ني ماكو شي مطبوخ كلوب ساندويج وداخلها خس وخيار وطماط وجبن والناس ضبه عليهااا .. والله لو اتشوفون اشلون زحمه عالاكل والمطاعم والخضره بتظحون على سالفة الوباء


صلو عالنبي وخلو عنكم هالسوالف ماكو الا العافيه بس احنا ماعندنا الا انكبر المواضيع وانظخمها وحتى الاخبار يحبون يبالغون


والله الحافظ :eh_s(15):​

 

[أشبـاهـ المطـر]

رد: نسافر اوربا والا لأ عقب هالوباء

(إِذَا سَمِعْتُمْ بِالطَّاعُونِ بِأَرْضٍ فَلَا تَدْخُلُوهَا ،
وَإِذَا وَقَعَ بِأَرْضٍ وَأَنْتُمْ بِهَا فَلَا تَخْرُجُوا مِنْهَا)
رواه البخاري (5728) ومسلم (2218) .

الطاعون هو الوباء والله اعلم ​