بجرية وتسألكم عن تجهيز البيبي (استفسار عن الاجهزة الضرورية ؟)

[f@rsaq8]

مرسي ..

 

[Zen&7ala]

1- جهاز شفط للحليب ؟ أي ماركة ؟ ووين أحصلها ؟ وشنو افضل كهربائي او يدوي ؟؟

استعملت الكهربائي من ماركة بيجون بكل مكان تحصلينها انا خذيتها من جمعيه مشرف سعرها 19 دينار

تلوع الجبد و خلت صدري يطلع منه دم (جرحت حلمتي) و وقفت رضاعه
2- معقم المميات ؟؟ أي جهاز اشتري ؟؟ ووين أقدر أحصله ؟؟

بيجون حلوين أو philpes من مذركير


3- جهاز يسخن الاكل والحليب ( سخان للرضاعة ) مو عارفه عنه اي شي !! بس اشتريه او لا ؟؟ يعني بيفيدني ؟؟

مادري!!


Baby monitor4- الجهاز اللاسلكي لسماع البيبي
منه فايدة او تكملة عدد؟

لا والله ترى صوت البيبي ينسمع

5- مقياس الحرارة ؟ اي ماركة ؟؟

بيجون

حبيبتي بيجون واايد زينه حتى القطن حق الخروج و قطن الأذون

كله مخصص حق البيبيات احسن من جونسون بالنسبه لي

 

[باربي لكويت]

الله يتمم عليج وعلي وعلى كل حامل يارب موضوعج جدا مفيد انا مثلج ابي استفيد لان ماعندي خبره كلش بهالشغلات وهمن بعد انا حيل وسواسيه من هالامور يعني ماافضل السخانه مال الحليب احس مضر على البيبي اذا ماشرب المميه وبردت سويله غيرها ولا انه تستخدمين هالشغلات انا اخاف منها اللي تسخن الاكل او اي شيء بعد مابرد وجهه نظري

يالله بنات فيدونا خلونا نستفيد اكثر ومشكوره صاحبه الموضوع على هالطرح الموفق

 

[Mednight Rain]

شكرا لكم ع مروركم ومساعدتكم

 

[Mednight Rain]

قررت اشتري شفاطة الحليب ميديلا بس احترت طلع في اكثر من نوع
- عادي
- بطاريه
- كهربا

شراايكم بنات اي وحدة اشتري ؟

 

[kuwaitya_zoGaa]

الله يسهل عليج الولادة يارب

 

[eye shadow]

السلام عليكم ورحمة الله وبركاته

:nbvppw:​

حبيت استفسر عن جم شغلة مو عارفة فيها ، بجرية وماودي اجرب ف ياليت اللي عندها خبرة ومجربة تساعدني ..

بجهز للبيبي وببدأ بالاشياء الغالية ان شاء الله ..

ومو عارفة شنو أحسن ؟؟

1- جهاز شفط للحليب ؟ أي ماركة ؟ ووين أحصلها ؟ وشنو افضل كهربائي او يدوي ؟؟

هلا هلا
خيتوو .. افضل شفاطه من وجهة نظري افنت .. من سنتربوينت
سهله ومريحه .. والافضل اليدوي .. ما اعرف انا عن نفسي ما افضل الا شياء الكهربائية
بس حاولي ما تكثر من استخدامها .. انا استخدمت وندمت لانه ولدي رفض صدري واستسهل الرضاعه .. ودايما احس بتانيب الضمير اتجاهه .. واحس قصرت فيه

2- معقم المميات ؟؟ أي جهاز اشتري ؟؟ ووين أقدر أحصله ؟؟

انا استخدم التعقيم العادي .. خذيت افنت الي بالميكرويف
بس شككت فيها .. لانه تعرفي اضرار الميكرويف والتحذيرات من الاثار الجانبيه للتكنولوجيا خخخ .. عاد ما شرح

3- جهاز يسخن الاكل والحليب ( سخان للرضاعة ) مو عارفه عنه اي شي !! بس اشتريه او لا ؟؟ يعني بيفيدني ؟؟

ما استخدمته


baby monitor4- الجهاز اللاسلكي لسماع البيبي
منه فايدة او تكملة عدد؟
5- مقياس الحرارة ؟ اي ماركة ؟؟


مقياس الحرارة مهم .. انا استخدم بيجون

وجزاكم الله خير

​

:bye22:​

لا تكثري من الكماليات .. ما اتوقع راح تستخدمي كل ها الاشياء
وترى اذ احتجتيها .. عادي ما ضروره من الحين تاخذيها
اذ حسيتي بالحاجه لها .. روحي السوق ولا خبري زوجك

الله يسهل

 

[مـــهره]

لج مني دعوه الله يهون عليج والبنات ماقصروا وحاولي ترضعين طبيعي احسن