بجرية وتسألكم عن تجهيز البيبي (استفسار عن الاجهزة الضرورية ؟)

[Mednight Rain]

السلام عليكم ورحمة الله وبركاته

:nbvppw:​

حبيت استفسر عن جم شغلة مو عارفة فيها ، بجرية وماودي اجرب ف ياليت اللي عندها خبرة ومجربة تساعدني ..

بجهز للبيبي وببدأ بالاشياء الغالية ان شاء الله ..

ومو عارفة شنو أحسن ؟؟

1- جهاز شفط للحليب ؟ أي ماركة ؟ ووين أحصلها ؟ وشنو افضل كهربائي او يدوي ؟؟

2- معقم المميات ؟؟ أي جهاز اشتري ؟؟ ووين أقدر أحصله ؟؟

3- جهاز يسخن الاكل والحليب ( سخان للرضاعة ) مو عارفه عنه اي شي !! بس اشتريه او لا ؟؟ يعني بيفيدني ؟؟

Baby monitor4- الجهاز اللاسلكي لسماع البيبي
منه فايدة او تكملة عدد؟
5- مقياس الحرارة ؟ اي ماركة ؟؟


وجزاكم الله خير

​

​

:bye22:​

 

[الأماكن]

رد : بجرية وتسألكم عن تجهيز البيبي (استفسار عن الاجهزة الضرورية ؟)

أولا جهاز شفط الحليب ... تلقينه بكل الصيدليات ... الافضل و الاريح طبعا الكهربائي ...سعره تقريبا بال20 أو 21 ... والماركات متنوعة

اختاري اللي تبين

ثانيا : ماركة ايفنت من سنتر بوينت (على فكرة سنتر بوينت مسوي تنزيلات طييييييري و اشتريه) تعقمين المميات بالبخار

ثالثا : سخان المميات وااااايد زين ... تحطين الممية فيه تدفي الممية .. مثلا لو البيبي تنح و ما يبي يشرب بداااااال ما تقطين الحليبة دفيها بالدفاية... بس مو تطول الرضعة عن يوم كامل

رابعا: اللاسلكي ... هذا لو كنتي بشقة بروووحج مثلا أو ما عندج خدااامة ... و بتروحين الحمام المطبخ بالصالة حطيه عند البيبي

خامسا : ميزان الحرارة بكل الصيدليات ... موجود و بالغانم و يوريكااا


و مبرووووك البيبي و الله يقومج بالسلااااااامــــــة

 

[Mednight Rain]

رد : بجرية وتسألكم عن تجهيز البيبي (استفسار عن الاجهزة الضرورية ؟)

الله يبارك فيج .. وتسلمين ع الرد .. ماقصرتي

 

[tmtmt]

شوفي في موضع مثبت وااااايد راح يفيدج ان شاءالله ...

بالنسبه للشفاطه والتعقيم المميات من الصيدليه
الشفاطه احسن شي الي لونه اصفر ما اعرف ماركتها والله

وبالنسبه لتسخين الحليب ما احبه لني اعود الياهل يشرب الحليب سواء كان دافي ولا بارد
عشان لا ياذيني وفعلا انصحج بهالطريقه

وبالنسبه للاساكي اي مفيد اكيد
نفس ماقالت الي قبلي ...

وبالنسبه لقياس الحراره واااااايد مهم
روحي الصيدليه قوليله ابي اقضل نوع وراح يعطيج

الله يسهل عليج ان شاءالله

 

[الباحثات عن الجمال]

البنات ما شاء الله عليهم والله يسهل عليكي.

 

[Om-Faty]

رد : بجرية وتسألكم عن تجهيز البيبي (استفسار عن الاجهزة الضرورية ؟)

اي والله بنااات انا بعد ابي اعرف
من وين القى سخان المميات ؟؟!

 

[Mednight Rain]

رد : بجرية وتسألكم عن تجهيز البيبي (استفسار عن الاجهزة الضرورية ؟)

مشكورين ع الردود

وين احسن صيدلية شاملة أحصل فيها كل شي..؟

 

[Q.8.h.2]

انا شفت بسنتر بوينت هالشغلات

شفاط الحليب والسخان والمعقم بس صراحه ليحن ماشريت بس حاطتهم في بالي ان شاء الله

 

[الجفول&]

رد : بجرية وتسألكم عن تجهيز البيبي (استفسار عن الاجهزة الضرورية ؟)

استفدت من موضوعج يعطيج العافيه انت والبنات..

 

[ساندريلا]

بنات سخان المميات مفيد واايد موجود بسنتر بوينت ومذركير
بس سنتر بوينت رخيص ومذرركير غااالي واثنيناتهم يقومون بنفس العمليه

 

[Mednight Rain]

رد : بجرية وتسألكم عن تجهيز البيبي (استفسار عن الاجهزة الضرورية ؟)

up
up

 

[ملكه الحطب]

روحي ركض على سنتربونت لانه ارخص حتى من مذركير والحين تنزيلاتهم راح اتخلص يوم 28

الشفاطه اخذي بيجون وتلاقينها بالصيدليه

وسخان الحليب هم اخذيه لانه حرام تعطين البيبي حليب بارد يسوي مغص هو بروحه ينمغص منه فتمغصينه زياده ليش

وميزان الحراره اخذي اللي من الاذن هم رخيص بسنتربونت تلاقينه ب 5 وبالصيدليات على 10 وفوق

 

[Mednight Rain]

رد : بجرية وتسألكم عن تجهيز البيبي (استفسار عن الاجهزة الضرورية ؟)

مشكورين بنات ماقصرتوا

 

[انا حبه للابد]

رد : بجرية وتسألكم عن تجهيز البيبي (استفسار عن الاجهزة الضرورية ؟)

ماشاء الله البنات ماقصرو واضم صوتي لهم

 

[Mednight Rain]

رد : بجرية وتسألكم عن تجهيز البيبي (استفسار عن الاجهزة الضرورية ؟)

شكرا للكل

 

[حورية الشماااال]

سخان الحليب مو زين نصيحه سالي الدكتوره عنه

مرحبا
بنات عندي ادويه نفاس مسويتها جدتي يشهد علي الله نظيفة وتسنع المرة ومافيها اللي يخرب المره

المردووده ب 10


والطبيخه 8

واللهوم ب8

لدوا الفنجان ب4

والتوصيل عليج

 

[*فدك*]

رد : بجرية وتسألكم عن تجهيز البيبي (استفسار عن الاجهزة الضرورية ؟)

السلام عليكم ورحمة الله وبركاته
عليكم السلااااااااااام

:nbvppw:​

حبيت استفسر عن جم شغلة مو عارفة فيها ، بجرية وماودي اجرب ف ياليت اللي عندها خبرة ومجربة تساعدني ..
انا مثلج بجريه بس بفيدج بالي شريته بعد نصايح المجربين من الاهل والاصدقاء


بجهز للبيبي وببدأ بالاشياء الغالية ان شاء الله ..

ومو عارفة شنو أحسن ؟؟

1- جهاز شفط للحليب ؟ أي ماركة ؟ ووين أحصلها ؟ وشنو افضل كهربائي او يدوي ؟؟
احسن جهاز قالولي عنه ماركه مديلا لونه اصفر واختي مجربه الكهربائي وايد تمدحه وفي ناس مجربه اليدوي يعني انتي والي تتحملين وترتاحين له

2- معقم المميات ؟؟ أي جهاز اشتري ؟؟ ووين أقدر أحصله ؟؟
اي ماركه تفي بالغرض افنت او مذركير او اي ماركه مايفرق

3- جهاز يسخن الاكل والحليب ( سخان للرضاعة ) مو عارفه عنه اي شي !! بس اشتريه او لا ؟؟ يعني بيفيدني ؟؟
ماشريته ,,قالولي ماله معني ..زياده عدد يعني ,,

Baby monitor4- الجهاز اللاسلكي لسماع البيبي
منه فايدة او تكملة عدد؟
اكيد فيه منه فايده بس بصراحه ماعرف اي نوعيه بالضبط ماشريت للحين ومادري ..ان شاء الله البنات بيفيدونج
5- مقياس الحرارة ؟ اي ماركة ؟؟
هذا ضروري جدا جدا جدا تاخذينه ماركه براون لا تفكرين بغير براون...تلقينه بالصيدليات ب 20 او 22 وبصيدليه بوتس تحصلينه ب18


وجزاكم الله خير

​

​

:bye22:​

ان شاء الله اكون افدتج بالي اقدر عليه ...والله يسهل عليج وعلينا:ioljnmlk:

 

[شموخ ابومتعب]

خيتو...

افضل نوع قياس الحراره من الاذن من براون

جهاز لسماع البيبي
مفيييييييييييييد مرا

لانو حتى لو رحتي لا اهل زوجك او اهلك وحطيتي البيبي بغرفه بعيده شوي راح تسمعين البيبي اوضح
انا كذا مفكره لانو شقتي صغيره بس لو عند اهلي احتاجه كثييييييييييييير

والمعقم
لااااا ماله داعي وغاااااااااالي اذا تبين النوع الطيب
يعني 60 دينار تقريباُ500 ريال سعودي
والله يعينا ع التجهيززززززززز:cxxxp:

 

[Mednight Rain]

رد : بجرية وتسألكم عن تجهيز البيبي (استفسار عن الاجهزة الضرورية ؟)

الحين اقتنعت بشفاطة ميديلا
وببراون للحرارة
وبالاسلكي
بس المعقم احتمال ارجع ورا<<<< جدر ستانستيل وافوحه
ماقصرتوا بنات
ف ميزان اعمالكم ان شاءالله

 

[المكسيكيه]

يسلمووو على الموضوع المميز
والبنات كفواووفوا ما شاء الله عليهم