بجد تعبانة واحتاج مساعدة اخوية

[اهلي عنوز]

حبيبتي طنشي وقطي ورا ظهرج و اسمعي مني ولا طلعي مني بدال مايحرونج بكلامهم حريهم برودج
و زوجج مايصير تمدين ايدج عليه حتى لو ماسوالج اللي تبين اكسبيه بالكلمة الحلوه و الطيبةو احرجيه بافعالج معاه
والله يكون بعونج ياارب

 

[مستحيل اخونك]

الله يهدي قلبك ويفرج همك ويحنن قلب زوجك عليكي يااااااااارب

 

[غنج اهلها]

حبيبتي اول شي لاتقارنين بينج وبين مرت حماج انسيها حتي تقدرين تعشين

تبين توجبينها وتهدينها اوكي من طيب اخلاقج

لكن لاتعاتبين اذا ماجازتج نفس الجزاء لان اصابع ايدج مو سواء فجذيه الناس ونفسياتهم وتربيتهم

//

من ناحيه زوجج انتي خسرتيه مع انه كان بيدج

لدرجه صارت دموعج عنده عاااادي

//

خالتج عديها نفس امج سوا لها الخير وانسيه لاتحاسبينها ابدااااااااا

//

مده ايدج علي ريلج وعلي نفسج غلط هذي راح تدهورج نفسيا

وتخليج قلقانه وعصبيه ودوم حزينه وتبجين

حرام عليج

لاتسوين جذيه ترا الدنيا ماتسوا ووعليج بقيام الليل والدعاء والاستغفار

 

[شادن33]

وانتي الله ايهداج قالبه البيت والريال ومتعبه عمرج عشانها
يبا لاتقارنين عنها مايابتلج ولا باركتلج شتبين فيها
سوي خييير ياعمري وقطيه بحر
عليج من اهل ريلج سوي الواجب وبسسسسس
وريلج لعوزتيه هاتلي بيت وسياره يديده ماعنده مسكين او مايبي يطلب من عمج كيفه
خلاص لاتحنييين ع الريال جابلي صحتج وعيالج وريلج
لا تخربين حياتج
شيليهم كككلهم من راسج
وعليج بذكر الله

 

[susuu]

بنات صدقوني ما اقارن
ابدا ما اغار منها ولا ابدا تمنيت شر حالها

انا اعاني من مقارنات اهل ريلي بيني وبينها وبما اني مب غلطانة احس يظلموني بكلامهم وحركاتهم


وزوجي بجد ما اقدر اتحكم باعصابي خلاص
كل ما اشوفه او تصير مشكلة اطلع الماضي والحاضر والقديم والجديد وتكبر مشكلة
كل يوم على ذي حالة


من يومين عيد زواجي قلت له ارجوووك ابي هالسنة غير ولو مرة ابي غير وافرح
قلت له ابي حمل غير صار نكد في نكد كامل 9 شهور مافرحني ولا بشرني بشي زين
ولادتي صعبة كانت وتعبت وايد

والحين يوم قلت ابي عيدزواجي غير من ساعة 12 كنت مريضة ومتسدحة نام الاخ وبعدين قمت اشوف رضيعي قام وساعة 1 يبارك لي وقلت تو ناس ما ابي ويالله بدينا هواش لين الفير وظليت قايمة لين يوم ثاني وبعدين رجع ظهر تخيلوا كامل صبح مادق اني كيف صرت ولا نفسيتي كيف الحين مهم تراضينا وقلت بس طلبت تفرحني

المساء سوا عشاء وحجز بوفيه وعزم ربعه مع زوجاتهم تخيلوا يقولي عزمت 30 و24 اكدوا عليه ويوم وصلت ماشفت الا 8 اشخاص تخيلوا حسيت بالاهانة وطاولات فاضية والكل يسال ليش محد جاي ..ادري مب غلطته بس لومته وتهاوشنا وخاصة بعد ماراحوا هالناس ماقالي جلسي ناكل كيك ولا اكل ظليت بدون اكل طول اليوم
وعاد بالليل شب نار مرة ثانية وتهاوشت وظليت ابكي وقلت فعلا عيدزواج غير كله هم ونكد

ياربي احس نفسيتي متدمرة وتعبانة واجد من عدم اكل والبكاء
وكارهة ريلي خلاص ما اقدر استحمله ..شو اسوي طيبته دام في لحظة ينسى ويتهاوش وما يهتم فيني
خلااااص تعبااااانة

 

[شادن33]

ياماما خفي ع الريال
شكلج انتي تنكدين كل سالفه
خلي قلبج وسيع
ولا مابتفرحين في حياتج
الله المستعااان

 

[susuu]

اختي شادن

احسج مب فاهميني انا ما ميته على سيارة ولا بيت ربي يغنيني ويوم تزوجت ماطلبت وقلت ابي اسكن مع اهلك ولو ابي كان عمي عطاني ذاك الوقت بيت او ابوي بعد
بس قصدي هما ناس وايد اغنياء ومب بخلاء بس ريلي يتكسل في كل شي
عنده ارض ايش كبرها بس كل يوم اقوله جيت الاوراق نبدا خريطة مرة بكرة ومرة نهاية شهر ومرة الحين بيزاتي كلها بالاسهم يعنى كل مرة حجة
ويعطيهم ابوهم بيزات متى ما يبي بس هو مادايم يطلب ولا انا اقوله بس ..بس مرات نحتاج شي يقول حاليا ماعندي انزين ابوك قالك خذ هاي فلوسكم من شركة واخوه ياخد الالاف متى ما يبي وبجد مايهمني ولا قلت له شوف اخوك ياخذ انت ليش ماتاخذ مايهمني بس مرات نحتاج بيزات لاشياء مهم

حاليا ساكنة بفيلا وعندي بنوتة تعبت اقوله سويلها غرفة كل يوم باجر والي عقبه والحين ماشي بيزات وغيره وغيره اظطر اهاوش او ابكي حق غرفتها ويالله يالله سوالي غرفة هالبنوتة عقب 3 سنين وبعد كل تعبي انا ..انا الي صممت وشريت ياخي حتى مشاركة ما يسوي بس يقول حلوو حلوو
صج ما اسوت علي غرفتها طلعت من روحي وصحتي في هاي 3 سنوات
وبعدكم تحسسوني اني انا الي غلطانة

صح لي دور واغلاط بس واحد ما يصفق من ايد وحدة

 

[شادن33]

ياعمري يمكن ريلج من النوع اللي مايحب ياخذ من ابوه وانتي بحنتج ينظغط ويتضايج

 

[الشهد كله]

حبيبتي susuu كل اللي قاعد يصير فيج بسببج !!!!!!!!!!

انتي صاحبة المشاكل

انتي صاحبة النكد

انتي صاحبة الهم والغم

ليييييييييييييش كل هذا

بصراحة ريلج مو مقصر معاج

سواء بارك لج متأخر أو مبجر ما تفرق ولا راح تنقلب الدنيا

بس للأسف انتي قلبتيها !!!!!!

عزم 30 ولا 100 انتي شكو

حضروا كلهم ولاَ ولا واحد انتي ليش زعلانة ؟؟؟؟؟؟

انتي منكدة على نفسج ومنكدة عالريال معاج

انتي اللي خليتي حياتج من سيء إلى أسوأ

أهله وجبيهم وبس

تحبين تروحين على راحتج وما تحبين تروحين ما أعتقد بيجبرج

خليه يروح أهو وعياله وبعدي عن القيل والقال

أهو الزوج ما يعدل بين زوجاته بعد مو الحمولة !!!!

ترى الحمولة ما تدري عنج ولا يحسون بهالمقارنة انتي اللي تطحنين عمرج بهالشي

خلي إيمانج بالله قوي وخفي عالريال شوي

انتي بنفسج قلتي إن أبوهم يشتري لهم ويبني لهم

يعني أبوه مقتدر

يعني مجرد شكوى واحدة من ولدهم يزوجونه اللي تبرد على قلبه وتريحه

ويخليج تقومين بالعيال بروحج

ليش توصلين نفسج حق هالمستوى

قطي كل شي ورى ظهرج

وافتحي معاه صفحة يديدة

قصي لسانج عن الألفاظ اللي ما تنفع

قصي إيدج ولا تمدينها عليه ( عيييييييييييييييييب ) وي كبرها عند الله

رطبي لسانج بذكر الله والإستغفار

كل ما حسيتي بنفسج متضايقة وفيج هوشة استغفري لحد ما تنامين

انتي اللي لازم تبدين بهالمهمة

حبيبتي العيب فيج حاولي تتغيرين لا يغيرج الريال

والله يعينج ويوفقج ويسعدج​

 

[susuu]

ما ابيه ياخذ بس على يهتم بالامور

وايد حياتي مختربة والحين مع 3 يهال صغار ماعارفة شو اسوي نفستي خربانة وتعبانة وجسمي مرهق مرات احس نفسي عيوز كل شي يالمني
بارحة صديقتي تشوفني من ايام مدرسة تقولي ها بعدج ذيج الدلوعة المرحة ولا صرتي جدية..شو اقولها صرت كئية وتعبانة وكله مريضة راح مرحي ودلعي وشقاوتي حتى وجهي احسه شاحب مب مال وحدة عمرها 25

ماعرف شو اسوي ولا كيف ابدا من يديد
يوم نتهاوش ما اقدر امسك لساني واطلع كل الي في خاطري والومه والومه لين ما اتعب وعقب اصيح

 

[شادن33]

ان اقول عدلي من نفسج
ولا بيضيع ريلج منج وبيزهق
والله ايسر امووورج

 

[susuu]

اختي الشهد كله
ابجي يوم اقراء كلامج بس صدق انا ما كنت جذي ..كنت ماعرف نكد ولا شي
كنت مرحه ودلوعة واخر عنقود وكله احب طلعات
الحين تغيرت وصدقيني ما ابي لا فلوس ولا شي بس البيت من حقي وبعد ما ابيه حقي هاي لعيالي يعيشوا احسن عيشة دام قادرين ليش ما اوفر لهم
وربي ما ابي شي حال عمري ولاتهمني ذي سوالف

وما اسوي مقارنات بس مرت حماي من جت انعفست حياتي من كثر ماتخرب علي صرت ما احب اروح في جلساتهم وتحرجني مع البنات الي بعمرنا تشلهم بصوب واتم بروحي ياخي احراج
واذا مرة ولا مرتين مارحت تخرب من وراي بطريقة دبلماسية ان لا هي ماتحب تجي او مايصير عندها حتى ذيك المرة مسكينة ماجت تتذكروا وبكذا صاروا بنات الاهل مايعزموني
تخيلي يعزوموها هي وحميتي وانا لا احس اتفشل جدامهم

وريلي ماعرف شو سالفته بس كل ما يبدا هوشة ما اقدر امسك عمري
وادري يوم امد يدي سواء علي وعليه غلط والوم نفسي وضميري يعاتبني طول الليل بس والله ما اقدر احس اصير مينونة والاعصاب مالية راسي لو شي زجاج بعد عدالي ما اتردد اقط عليه ولا على عمري

 

["وسم"]

الحمدلله على كل حال

قريت كل ردود البنات عليج وللحين انتي مصرة انج مو غلطانه وان اللي تسوينه بنفسج وف يريلج غصبن عليج وانج مو قادرة تسيطرين على نفسج ...
ريلج من النوع اللي شخصيتيه ضعيفة مو قادر عليج وعلى النكد اللي تسوينه ... صدقيني ريلج مع الايام راح يفكر بالحل السهل وهو انه يطلقج اي الطلااااااااق لان مو قادر يواجههج خاصة لما تعصبين
انتي حابه توصلين لهذه المرحلة ... ترا بيدج انتي الغلطانه لان من كلامج ريلج سلبي ماله اي دور زانتي ام اللسان وام الضرب

يمكن ريلج يسولف لامه عن لسانج ووقاحتج مع ريلج
وشنو يعني عيد زواج وما في احد جا هو شكو ... بعدين انا خابره العيد الزواج بين المرا وريلها شكو لاااازم ناس تجي والكشخة اللي مالها داعي بس اثبات لشخصيتج وانج سويتي شي ممكن الناس تسولف فيه

اننتي للحين دلوعة عقلج صغير ومو ماخذه الحياة جد الله يعين عيالج على العقد اللي راح تسببي لهم من صراخج
والله حرام عيلج .....
نفسج وريلج وعيالج
المشكلة انج تبين نقولج انج انتي الصح وريلج اللي غلطان لا حبيبتي انتتتتتتييييييييي الغلطانه
بدليل الموضوع من شهر 6 اللي طاف انتي منزلته وللحين على نفس وضعج ما تغير فيج شي من كلام البنات

ريلج حاله حال كل الرياييل .... ومعروفين رياييل الكويت أغلبهم ما يبون يسون شي واتكاليين وما ييهتمون لاحتياجات المرا والبيت
عاد اذا طلع حماج بكيف مرته ويروح يطلب من ابوه هذه مو مشكله اقلب حياتي عليها

 

["وسم"]

تبين الحل ؟؟
مستعدة انج تسوينه من قلب ؟؟؟؟
شوفي نفسج مستعدة واذا تأكدتي ردي علينا
تبين تتغيرين وتتغير حياتج ؟؟؟؟
تبين البيت يجيج ؟؟؟

ردي علي وانا اقولج شلووون بس تسوين اللي اقولج عليه

 

[susuu]

وسم كلامج قوي علي
ومافهمتي شو ابي اقول بس عموما اذا تحسون اني انا غلطانة
فعيل مستعدة اصلح

وابي اتغير
ما ابي بيت ولا شي بس ابي استرجع الراحة نفسية والاستقرار
اوعدج بنفذه من اليوم

بس تكفين قولي لي كيف ارجع نفسي واكون هادية واكسب ريلي

 

[tmtmt]

حبيبتي susuu كل اللي قاعد يصير فيج بسببج !!!!!!!!!!​

انتي صاحبة المشاكل​

انتي صاحبة النكد ​

انتي صاحبة الهم والغم ​

ليييييييييييييش كل هذا ​

بصراحة ريلج مو مقصر معاج​

سواء بارك لج متأخر أو مبجر ما تفرق ولا راح تنقلب الدنيا​

بس للأسف انتي قلبتيها !!!!!!​

عزم 30 ولا 100 انتي شكو​

حضروا كلهم ولاَ ولا واحد انتي ليش زعلانة ؟؟؟؟؟؟​

انتي منكدة على نفسج ومنكدة عالريال معاج ​

انتي اللي خليتي حياتج من سيء إلى أسوأ ​

أهله وجبيهم وبس ​

تحبين تروحين على راحتج وما تحبين تروحين ما أعتقد بيجبرج​

خليه يروح أهو وعياله وبعدي عن القيل والقال​

أهو الزوج ما يعدل بين زوجاته بعد مو الحمولة !!!!​

ترى الحمولة ما تدري عنج ولا يحسون بهالمقارنة انتي اللي تطحنين عمرج بهالشي​

خلي إيمانج بالله قوي وخفي عالريال شوي ​

انتي بنفسج قلتي إن أبوهم يشتري لهم ويبني لهم​

يعني أبوه مقتدر​

يعني مجرد شكوى واحدة من ولدهم يزوجونه اللي تبرد على قلبه وتريحه ​

ويخليج تقومين بالعيال بروحج​

ليش توصلين نفسج حق هالمستوى​

قطي كل شي ورى ظهرج ​

وافتحي معاه صفحة يديدة ​

قصي لسانج عن الألفاظ اللي ما تنفع​

قصي إيدج ولا تمدينها عليه ( عيييييييييييييييييب ) وي كبرها عند الله​

رطبي لسانج بذكر الله والإستغفار​

كل ما حسيتي بنفسج متضايقة وفيج هوشة استغفري لحد ما تنامين ​

انتي اللي لازم تبدين بهالمهمة​

حبيبتي العيب فيج حاولي تتغيرين لا يغيرج الريال​

والله يعينج ويوفقج ويسعدج​

بالضبظ نفس كلامها
انتي السبب بكل شي
وانتي الي متعبه نفسج ونفسيتج وجسمج !!!

كسروا خاطري اليهال حسيتهم مو عايشين طفولتهم ومو عايشين فبيئه مريحه

شكوووو انتي بجمولتج حبوج ولا قعدوا
لي هتلدرجه حبهم لج ضروي !! الي يسوي فيج كل هذا

عساهم ماحبوج بالطقاق مو ضروري
ليش مخليتهم محور حياتج واهما الاساس بحياتج
خل يتحجون من اليوم لي باجر ماااا يهم
اعيش حياتي مثل ما ابي واونس نفسي وعيالي وريلي وبسسسس

نفسج لها حق عليج وريلج له حق وعيالج لهم حق

 

[الشهد كله]

وسم كلامج قوي علي
ومافهمتي شو ابي اقول بس عموما اذا تحسون اني انا غلطانة
فعيل مستعدة اصلح

وابي اتغير
ما ابي بيت ولا شي بس ابي استرجع الراحة نفسية والاستقرار
اوعدج بنفذه من اليوم

بس تكفين قولي لي كيف ارجع نفسي واكون هادية واكسب ريلي

حبيبتي susuu شنو البيت مقابل راحتي آنا وزوجي وعيالي

انتي موجودة في بيتج مو بالشارع

عشان تحاسبينه على بيت

البيت بيت الآخرة مو بيت من طابوق واسمنت

انتي تغيري

اشتري راحتج ولا تييبين سيرة البيت

يمكن قاعد يبنيه وانتي ما تدرين عنه ويبي يسوي لج مفاجأة

يمكن في شي مخليه يتأخر

وتبين الصج إذا هذا وضعج يفكر ألف مرة قبل لا يخطي خطوة للبنيان

انتي حاولي تهدين أعصابج شوي

لا تطلبينه شي زايد عن حده

لا يطول لسانج عليه

لا تقولين له لأ !!!!!!!!!!!!

كل شي يطلبه منج ردي عليه بكلمة " إن شاء الله "

حسسيه بالأمان

وإذا على أهله لا تقعدين مع البنات اللي تقعد معاهم مرت حماج

دايماً خليج مع خالتج أم زوجج

عالأقل لما تسمعين منها شي غير عن البنات

وعليج بقراءة سورة البقرة وايد مهمة حق هالأمور

وكل ما تضايقتي استغفري بدون توقف

والله يسعدج​

 

[sosowaty]

اااااااااب

 

[susuu]

الشهد كله
تسلمي حبوبة
بجد كلامج بلسم

انزين ببدا من اليوم بحاول اضبط اعصابي
واذا عاندني ولا قاالي شي بطلع بروح غرفة ثانية واحاول اتجنبه

ولا شو رايكم اروح جم بيت امي ..من تزوجنا كله مع بعض حتى نفاسي يكون ببيتي

 

[شتات أنثى]

حبيبتي روحي لمستشار للعلاقات الزوجيه
من لهجتك عرفت انو انت اماراتيه
اذا كان صحيح عند د خليفه المحرزي ود ناعمه الهاشمي
بالأحرى استشيري احد مختص