بجد تعبانة واحتاج مساعدة اخوية

[susuu]

ياهلا وغلاا
مادري من وين ابدا بس مواضيعكم وردودكم على بعض خلتني اتشجع واكتب لكم

بخبركم مشكلتي وقصتي بالاختصار

تزوجت قبل 6سنين بواحد من نفس قبيلتنا بس مايقربلي وطبعا عرفته باحد حفلات العائلة وحبيته
وتزوجنا وكان عمري 19 وهو 21 بالكورس الاخير من دراسة

من بداية حاولت اغير فيه عدة اشياء ماكانت تعجبني وطبعا حبيت يكون الافضل لهذا غيرته وهو من حبه حاول يتغير

تزوجت وسافرنا الغربة عسب باقيله كورس وانا كنت ابي اكمل بس ماقدرت فبعد تخرجه رحنا بلد بلد اخر الي كنت ادرس فيه

زوجي شخصيته ضعيفة شوية ويحبني واجد ويسمع كل كلامي
مايعرف يتصرف لازم انا سيد الموقف انا اخبره كيف يتكلم شو يقول كيف يخطط كيف يفكر يعنى بالاختصار امشيه بكلامي

وهو طيب وخلوق ويحبني واجد ودوم يفضلني على نفسه ومايقصر علي شي وطبعا مايحب يزعلني

مرت الايام وزادت مشاكلنا ولما رجعت البلد سكنت مع اهله اكتشفت امه تفرق في معاملة بينه وبين اخوه وبعد فترة تزوج هالاخ وصارت تحب زوجته وتعاملها معاملة زينة واي خطا يكون اللوم علي
مع اني ربي يشهد رضيت بعيشتهم وحبيتهم وابدا ما كان لي طلبات واي شي خالتي تقول اقولها ان شاء الله

وزادت مشاكل بسبب وجود مرت حماي وصارت مقارانات وعرفت كيف تخطط وتكسبهم مافي جلسة وحفلة ماتفوتها لان اهل ريلي وايد يحب اليمعات 5 ايام بالاسبوع لازم كل عايلة تتجمع وانا ما احب وايد وعندي التزمات وبيت واطفال
وصارت مقارنات ليش هي تي وانا لاا حتى مرة اجهضت وطفلها مات ببطنها وكان في حفلة حضرت بس عشان ماتفوت على نفسها وتثبت انها الافضل
كل شي تحشر عمرها هاي من بنته وكم شغالة وكم بيت وكم سيارة عنده كل شي كل شي

وطبعا ماقدرت وطلعنا ببيت مستقل وهم مشاكلهم ملاحقتنا صارت تتكلم من وراي وعايلة ريلي وايد كبيرة ومترابطة فتحاول بطريقة دبلوماسية توصل كلام للكل
وبيتنا مجابل بيتهم

مهم بسببهم تاثرت حياتي زوجية وايد ودخلت في حالة نفسية بسبب اللوم الي كل يوم لازم اسمعه

وزوجي ما يدافع عني وكل يوم هوشة وزعل لين ماتعود وماعاد يهمه زعلي
والي يزعلني اكثر يجذب ويعطيني امنيات ويكسرني بعدين

مثلا بيقول لاتحاتي شهر 4 بننتقل من هاي بيت لمنطقة ثانية ويجي شهر 4 و5 و6 ولا يب طاري ويوم ابجي يقول ماصار عيل ليش تجذب

يجي يقولي باجر بيبلج خبر مفرح اذا حزينة يمر باجر ولاشفت شي

خلاص ماعاد بينا حب

من صيف الي طاف وعدني بنبني بيتا والحين دش صيف ثااني وهو خبر خير
ومن شهرين قالي برمضان بنتحول بيت ثاني وعقبها نبني ولين يومك ما اسمع منه شي

وامس بس عرفت ان مرت حماي بتطلع من بيت خالتي وريلها خذالها فيلا ايجار لين ما يزهب بيتهم واسبوع الياي بيدوا يبنوا بيت العمر

انا ما اقارن بس ريلها يقدر وانت حتى محاولة ماتقدر
مع انه ابوهم هو الي يبنيلهم عيل ليش ماتصر وتقوله

كل يوم نتهاوش وتطلع مواضيع مال زمان ونقعد نصارخ لين ماوصلنا ان نمد يد بعضنا على بعض
وصرت اضرب نفسي باي شي وحاليا انا حامل بس اعصاب ماراضية تفارقني

بطفلي الي قبله سويت نفس شي كل يوم ابكي واضرب نفسي واهل ريلي كل شوية يحاكموني
لو اروح كل يوم بيتهم ويوم مارحت يوم التالي لو شافوني يقولوا غريبة انتي جاية
لو كنت مريضة يقولوا تتهرب ماتبي تشوف مرت حماها
لو عندي عزيمة خالتي تقول لي دقي عليها وعزميها واسوي وهي حتى ماتجي ولاتعتذر بس ماتلومها واذا هي سوت عزومة ماتقولها تتصل فيني
تخيلوا 3سنين سكنت معاهم واخر مرة تقول خالتي انتي ماكنتي تطلعي بنتج من غرفة عشان هما ما يشوفوها بجيت من خاطري لاني ابدا ماسويتها بنتي تربت وسطهم و24 ساعة بينهم وهاي عمها مع انه عمها وحيد ابدا مايسال عنها بس لما تكون هناك يسوي نفسه يحبها بعدها مستحيل حتى وهي مريضة او شي ابدا مايسال عنها وخالتي حاسبتني انا

بنات والله سكنت بغرفة ريلي قديمة حتى ماطلبت يغيروها ..كنت اطبخ لهم مرات ..اذا خالتي مريضة اسهر معاها حتى جوتيها تكرمون كم مرة لبستها مع انهم وايد اغنياء وخدم وحشم وما اقول قصروا عني بس كنت مستانسة وماطلبت لي بيت او شي عبالي حب يغني عن كل شي

تربية امي اني اكون قنوعة وطيبة مانفعتني وجدام عيني هي وريلها يغيرون سياراتهم ويبذرون ويصرفون من فلوس عمي

صارت تحب ولده حماي اكثر من ولدي مع ان ولدي مشى قبل ولدها ويتكلم وشاطر وولدها لا يمشي ولا يتكلم بس ه و بنظرها افضل من عيالي

رحت الحج ودعيت ربي يصفي قلبي ماابي احط شي بخاطري وحمدلله ربي سهل علي كل شي بالحج ورجعت براحة نفسية بس حركاتهم مستمرة ..جبت لها هدية ماردت لي زيارة وكانت حامل وولدت عند امها ببلد ثاني ورحت لها ازورها عقب مارديت باسبوع طلعت حامل حتى ماكلفت تباركلني اوتشكرني لاني تعنيت وسافرت لها

اي حد يولد كل يوم تزوره واذا حد مريض من اهل زوجي تروح عنده وانا مقابل بيتهم ماتكلف تسال عني والغريبة خالتي تشوف سوالفي وماتشوف سوالفها

هي قبلي بسنة راحت الحج بس بجد حتى تمر ماجابت لي رحت ازورها وعطيتها ذهب على شكل كعبة ..كل ما اروح بيت خالتي اشوفه مرة مقطوط بالصالة مرة بالغرفة وبعد سنة خالتي طرشت لي قالت عبالي مالج بس ماقلت شي وابدا ما اشتكي وهي كل مرة تشتكي اي شي حتى لو شي بايخ تسويه تهويل وتخبر

قلت لريلي ابي اغير سيارتي قالي اسبوع الياي بودي ابيع سيارتج وصار الحين شهرين وماشفت شي
وبعدها باسبوعين شفت حماي مطلع سيارة يديدة

بجد انكسر كلما يوعدني
والحين من عرفت انها بتبني والحين بتسكن فيلا ايجار وانا معصبة وتهاوشنا وايد وضربته وايد ماقدرت امسك نفسي وضربت نفسي

خلاص ماعاد يقول كلمة زينة ولا يعوضني باي شي
اعرفه يحبني وايد ودوم بيوقف معاي
بس ماعرف كيف ارجع حياتنا مثل اول

كل ما اشوفه اتذكر شو سوا معاي وكم مرة كسرني وجذب علي وحرمني من عدة اشياء
ولما اشوفه اتذكر اهله شو سوا معاي ولازال كذا

تعبت من حياتي وماقدر اخبر ولا حد بتصير مشكلة وفضيحة كبيرة

ادري اني غلطانة ولو بجزء بس ماعرف شو اسوي

فكرت بكسب اهل ريلي باخلاقي وطيبتي وكل شي سويت لهم من طيب نفسي لاني حبيتهم بس جرحوني وهي تسوي نفاق ويحبوها سبحان الله

ارجوكم انصحوني ..عاتبوني ,,ارشدوني احس ضعت خلاص
تعبانة وايد وحامل وعندي طفلين صغار مساكين دوم يشوفوني تعبانة واصيح وفجاءة يغمى علي واطيح


يمكن كلامي مب مرتب بس كتبت بدون تفكير وتنسيق

بجد بسال الله بجوف الليل يهديني ويقويني وينصرني
وكل وحدة مرت على موضوعي ونصحتني محبة واخوة ربي يرزقها بالي تتمناه يارب

 

[susuu]

بنات وايد تعبانة
صارلنا يومين بعد هالسالفة كله مكشرين وارمي كلمة عليه واعيد وازيد عليه
وهو بعد قام يكشر ومايعبرني
كله بس ابجي كارهة كل شي

 

[عشقي بناتي]

الله يعينك ويفرجها عليك

 

[بسبوسه.]

حبيييبتي والله


خلاص يا قلبي هدي بااالج وتذكريي انتي حاامل ونفسييتج تأثر على الي ببطنج وعلى عيالج الي حوولج


شوفي حبيبتي اكووو نوعين من البشر ... نااس تكسرين عينهم بطييبتج .. وناااس يبييلهم مواااجهه و العين بالعين والسن بالسن عشان يحسوون


بس على الرغم من كلامج عن اهل ريلج بس مااا حسيت انهم من النوع الثاني !!

بالعكس احسهم من النوع الاول بس يبيلهم حجي حلو ومسااير .. ولو انه الافعال المفرووض تغني عن الكلام بس احسهم ينقص عليهم بالكلام

اول شي انسي الي صار بينج وبين ريلج وانه يووعد ويخلف
وتذكري ايجابيااته عشان ترجعين تتقبليينه نفس اول

وحبيبتي لا تحطيين ببالج انه ما ينفذ وعووده عشان انه يجذب او مو حاطلج اعتبار
لا قووولي انه انشغل قوولي انه ما يقدر وانتي مثل ما قلتي شخصييته ضعييفه .. خليييج وراااه بس مو بالحنه بداال ما تضربينه وتضربين نفسج قوووليله حبيبي شصااار على البيت متى بنطلع
ابي اخذ راااحتي ويآأك ومن هالحجي وبما انه يحبج صدقييني راح يسمع كلاامج

وتأسفييله انج تطااولتي عليه بمدت اليد وانا مقدره انفعاالج والله بس عشان لا يحس انه مكسوور ويحس بضعف شخصييته ذيج الساعه بينفر منج .. حسسييه انه رياال وانتي مشييه من غير ما يحس


وبالنسبه لاهله والللللللللللللله عييييييييييشييي حيااتج ولا تهتمييين للقال والقيل
ليييش تحرييين قلبج وانتي تدرين انج مو غلطااانه !!!

اذا قااالتلج شووفي فلااانه وعلااانه عاادي ابتسمييي وضحكي وقوووليلها خاالتي انتو منو يفوتك قعدتكم الحلوه .. والله لو انا ما عندي التزاامات جاان ألازمكم 24 ساعه يااا حلو سوالفكم ومقعدكم الي ما ينمل
واوعدكم راح اييي ومن هالحجي
بس لا تحرييين عمرج ولا شييي عييشييي حيااااتج حبيييبتي ولا تفكرييين بفلاانه وليش ما دقت علي ولا شكرتني ولا باركتلي .. ادري انه معاج حق بس سوي خيير وقطيي بحرر ولا راح تتعبين لو تنطرين الكل يتعاامل معااج بمثاليه


واتمنى من ربيي يسهل امرج ويألف بينج وبين ريلج واهله

 

[susuu]

عشقي بناتي مشكورة حبيبتي ولج بالمثل يارب

بسبوسة .. ربي يسخر لج احبائج ويعطيج الي تبين

شوفي كلامج صح وانا مثل ماقلت ما انكر غلطتي
بس طفحت والله
كل شوية انتقاد كل شوية لوم
حتى ماينتظرون جرح يبرى يرمون كلام ثاني علي

واما لهذيك فاصلا مافي علاج وادري حبل الشر قصير بيجي يوم وينكشف بس عاد لين ذاك اليوم انا شو بيكون حالتي

وعن ريلي خلاص ماعاد فيني حيل مادري من وين ابدا
حتى هو مايعتذر او يستمح مني

احس من اشوفه اتذكر كل شي ماقادرة استحمل شوفته

بس بجد ما ابي اخسره ابي ابدا من اول بس ماعرف كيف
كل الطرق صدقيني جربت بالحب ويحس ويجلس يراضيني ويوم ثاني يرد نفس اول واخس
وبالاهانة بعد ماحسيته تاثر
ماعرف كيف ارجع مياه الى مجاريها

تعبببببببببببت

 

[الدائمة الطفولة]

حبيبتي لأآتهمج هذيج الزوجـة ,,

ومآعليج من الحجي اللي ينقآإل ،، يآمـآ بتسمعين ~

مابتقدرين تكملين حياتج اذا بتسمعين حق القيل والقال

انتي اهم شي سوي الوآجب ،، سوآء اعراس او عزا لاسامح الله ،،

يعني سوي اللي عليج وبس ~

لاتضغطين على نفسج ،،

وليش تنقلين بيتج ،، اذا كان هاي هو السبب ،، ترى التهرب ماراح يحل المشكلة

خلج قوية ،، ومآيهمج حجي آحد

آوثقي بنفسسسج = )

والله يسهل لج يأآآآررب

 

[انا لحبيبي .]

لا حول ولا قوة الا بالله العلي العظيم ،

حبيبتي انتي كيف بتضربي حالك؟ وبتضربي زوجك ؟ حتى لو عصبتي كيف بتمدي ايدك على زوجك؟ وهو ساكتلك؟ لو واحد غيرو والله العظيم بطلقك ، كل يوم مشاكل ونكد وهم وغم ، منيح منه مخليكي عندو على اسلوبك العصبي والنكدي

ليش ما تتحلي بالصبر؟ وليش بس حماتك اجت صرتي تسوي مشاكل زياده عن البيت والسياره وكل شي؟ بتحكي ما بتقارني حالك فيها؟ انا يلي شايفته انك عم بتقارني حالك فيها بكل شي

زعلانه لانهم حبوها وما بشوفو اخطائها؟ هدول بشر شو بدك فيهم؟ حقك عند ربنا محفوظ ما بروح وربنا يمهل ولا يهمل ، رح يجي يوم من الايام وتنقلب الايه ويشوفو اخطائها ، بس تحلي بالصبر

شو استفدتي انتي من كل هالقصه؟ نكد لبيتك ، لزوجك ، لأولادك ، وازا اولادك بضلهم يشوفوكي هيك رح يتعقدو ، لاتنكدي على حالك وعلى بيتك وعلى زوجك ، من البدايه حكيتي انه زوجك بسمع كلامك وانتي العقل يلي بدير زوجك ، ليش تغير فجأه ؟ من اسلوبك ماحس حاله رجال ما حس انه اله كيان .

اقعدي مع نفسك وامسكي ورقه وقلم واكتبي صفاتك السيئه والحسنه ، وشوفي شو اكترها وكوني صريحه مع نفسك اهم شي
ماحد رح ينفعك ولا رح يصارحك غير نفسك لما تكوني صريحه فيها ، انتي يمكن شخصيتي منيحه وطاهره من جواا بس اسلوبك والضغوط يلي عليكي عملت فيكي هيك ، وما حد انضر غيرك ، اطلبي من ربنا تصليح الحال والهدايه ، حاولي صلحي من نفسك ومن بيتك ولاتهدمي بيتك عشان فلان وعلان

لاتزعلي من كلامي بس انتي طرحتي مشكله واحنا ما علينا الا نعطي اراء ووجهات نظر ، وان شاء الله بناسبك رأي من الاراء ورتاحي

 

[susuu]

دائمة طفولة ربي يسعدك دنيا واخرة يارب
اسعدني كلامج ومرورج وصدقج راح بسوي الواجب فقط من يوم ورايح لان مثلما قلتي قيل والقال ما بيخلص

 

[susuu]

انا لحبيبي
تصدقي قريت كلامك مرة ومرتين واربع وعشر
ودموعي تتساقط ..بجد كلامج اثر فيني كثير
وحسيت شفت خصل سيئة فيني استحيت من نفسي والله

ماعرف كيف امد يدي على زوجي بس صدقيني في هذيك لحظة ماحس بشي لدرجة اني عادي اضرب نفسي

وصحيح جلست اطلب رضاهم وهم بشر

انزين ارشديني كيف ابدا وكيف اصلح نفسي
خاطري ارجع بشخصية وانسانة جديدة

كيف اغير اسلوبي معاهم ..كيف اخليهم ماينتقدوني
كيف ارجع زوجي ليحبني ويدلعني من اول وجديد .. كيف اطنش كل الي اسمعه وما اتاثر

يااارب ارزقها من خيرك الواسع واعطها ماتتمنى يارب
لج كل الاحترام عزيزتي

 

[& شرطان الذهب &]

الله يفرج عليج وماضيقه الابعدها فرج

 

[* بنت المطر *]

لاحول الله انا بعرف شهالرجال اللي تمدين ايدج عليه وساكت حمدالله والشكر ! سيطرتي عليه من البدايه ومع الاسف

تعودتي كل شي تبينه يصير مافيج حتى شوية صبر قاعده تضغطين على حالج وعلى زوجج ع شنو عشان فلانه سوت وسوت

وانتي شعليج منها ! ترا من راقب الناس مات هما حبيبتي بسج عاد بسج لخاطر الله ولخاطر طفالج وزوجج المسكين اللي

كسرتيه بقوتج وكسرتي هيبته حبيبتي ادعي للناس الله يهنيهم باللي يجيهم ولج بالمثل ان شالله مافيه شي بالغصب وبالعصبيه

الحمدلله انج طالعه من اهل زوجج بعض الرياجيل والله لوتنطقين الصبح والليل من اهله مايطلع ولايدفع ايجار ولاتكلم

قال تبين نطلع انتي ادفعي وانتي سوي وسوي حمدي ربج بااختي اهم شي الصحه والعافيه ! استغفرالله انتي لو ماجبتي عيال

واهي جايبه اش بيصير فيج باختصار بتنهارين بسهوله تدرين ليش لانج ضعيفة ايمان وايمانج ضعيف حيل بقضاء الله وقدره

امني بان ربج مايمنع عنج شي الا فيه خيره لج قووي ايمانج ادعي وتصدقي وتقربي من ربج اكثر ربج غاضب عليج من غضب

زوجج عليج الله يهديج بس شلج بفلانه وعلانه انا مرت حماي متزوجه بعدي بسنه وعندها ماشالله خمس اطفال وفيلا وسياره

وانا متبهذله وي زوجي وماعندي الا طفلين وحارمني من الخلفه لكني ماحسدتها ولا حطيت دوبي ودوبها بالعكس ادعيلها واوصلها

واهديها واتمناله الخير والله بيعطيني ع قد نيتي ان شالله والخيره فيما اختاره الله اهم شي ان بصحتنا وعافيتنا ومستورين

الله يهديج بس الله يهديج

 

[susuu]

مشكورة اختي شرطان ذهب ولج بالمثل يارب

 

[susuu]

بنت مطر
بجد ماعرف من وين اشكرج وشو اقولج

كلامج اثر فيني جداا
وخاصة يوم قلتي ان ايماني ضعيف و ربج غاضب
بجد ماقدرت اوقف دموعي والمني كلام بكثر ماحسسني بغلطتي

لج مني كل الاحترام على وقفة الرائعة هذه
اسعدج ربي وين ماكنتي يارب

 

[ذوق وحلا]

الله يفرج همك ياقمر ويصلح حالك انتي وزوجك ويحبب اهل زوجك فيك وينصرك على من ظلمك

 

[susuu]

ذوق وحلا ..اسعدك الله دوما
لج الشكر على الدعوة الطيبة

 

[ميمي..]

الله يفرج همك ويسعدك يارب
اهم شي اصلحي علاقتك بزوجك وترى مو كل شي يجي بالعصبيه والبكي والصراخ
انتي تقولين طيب ويسمع كلامك خلاص حاولي تقنعينه باسلوب حلو

 

[fdeet_shosho]

الله يعينج حبيبتى ويصبرج
حبيبتى انتى اهم شي عندج زوجج وعيالج وبيتج هذول الاهم غيره مايهم اذا زوجج راضي عنج وانتى راضيه عنه وعيالكم حوالينكم والله لو قاعدين بعشه بتصير قصر من سعادتكم والراحه .
اما اهل زوجج فاشوفج حاطتهم اولويه بحياتج ترا صعب تحصلين على رضا كل اللى حوالينج رتبي حياتج وخليلج اولويات واشياء ثانويه
اشغلى نفسج باي شي حسنى من نفسج دشي دورات توظفى اذا انتى مو موظفه ليش تعيشين نفسج بتعب وكابه وتسببين لزوجج نفس الشي ترا الرجال اذا زهق ياخذله وحدة ثانية ويرتاح اما المره تاكل بعمرها وتمرض وما تستفيد شي من كل هالسوالف.

انا اقولج بيت اهل زوجج روحيلهم مرة بالاسبوع كواجب وعشان ماتقطعينهم وعشان عيالج يشوفونهم بهاليوم لاتلتفتين لفلانه وعلانه ولا شنو سوت ولا شنو حطت اهم شي تطلعين من بيتج وعيالج وياج وانتى مرتاحه وزوجج مرتاح .

باقى الاسبوع خصصي وقت لج انتى لراحتج ودللى روحج عشان نفسيتج تعبانه ومع الحمال تتعبين اكثر انا مثلج الحين حامل وتعبانه نفسيتى اذا حسيت روحي زهقت طلعت بروحي ورحت سوق او كافيه او مطعم مع رفيجاتى وغيرت جو ورديت نفسيتى زينه ومرتاحه ولى خلق اجابل عيالى ترا اذا انتى ما دللتى روحج محد بيدللج .

اما سالفه تطقين زوجج وتطقين نفسج لا حرام هالشي ومايصير مو زين حقج ولا حق عيالج يشوفون هالمناظر وصدقيني زوجج زين وحرام تخسرينه شوفى سوالف والقصص اللى نقراها كل يوم اللى يخونها واللى مسافر ومخليها واللى ماذيها وما يصرف عليها وعلى عيالها هذي الدنيا لازم مشاكل بس الشاطرة اللى تتاقلم وتخلى هالمشاكل تمر وماتاثر عليها

اذا عالبيت قعدي مع زوجج وخططوا للمستقبل انتى من عصبيتج واستعجالج اهوا قاعد يسايسج مايبيج تعصبين وتزعلين اخذي الامور بهدوء ولاتعصبين العصبيه ماراح تجيبلج شي بالعكس كل ماكنتى هاديه كل ماعرفتى تتصرفين عدل وتاخذين اللى تبينه
وطمنينا عنج وربي يوفقج ويسهل امورج ويسهل ولادتج .

 

[ام زهقانه]

الله يفرجها عليك قولوا امييييييييييين
وينصر علي من ظلمك اميين

 

[susuu]

بنات اشكركم على وقفتكم
بس ترا موضوع زاد عن حده
مشاكلنا زادت وهواشتنا زادت وطقنا زاد

صار مايهتم لي ..حتى ليلة ولادتي من كثر ماتهواشنا وبكيت ما تعشيت
وطوال حمل صار عندي نقص كالسيوم وهايموجلبين وزادت لي الالم صرت بس ابكي مااقدر انام حتى رحت دكتورة ابجي اقولها عطيني حبوب منومة تكفين من كم يوم ما رقدت تعبانة حيل

وولادتي وايد كانت صعبة وتعبت لان مافيني طاقة ونزفت وعقبها بعد ما انحل ولا شي
كل يوم هواش وطق ونرد ماضي مليون مرة ويوعدني ويخلف مليون مرة

صرت اكره ما احبه ولا ادانيه ..بس يوم يعتذر ويقولي كلمتين ارضى شو هالحالة

شو اسوي بس ما اقدر ..يوم نتهاوش ابكي واتعب واسهر لين فجر واداري العيال ومن عناد ما اكل وفي نهاية انا الي خسرانة
هو يطلع ويداوم ويتغدا وكل شي عقب يستسمح وارد انسى

 

[ام المزيووون]

يالله الله يهديج انتي ليش جذي اسمحيلي ثقتج بنفسج معدومه خلاص شيلي الناس من راسج وفكري بحياتج مع زوجج اللي

دمرتيها للاسف خلاص انسي والله لو يصير شي بينج وبين زوجج هالناس اللي ذابحه نفسج عشانهم بيفرحون ويتشمتون فيج

الكل عنده مشاكل مع الحموله هذي المشكله الازليه لكل متزوجه بس محد سوا سواتج اهدم بيتي واحول حياتي لجحيم واعقد

عيالي وامرض عشان هالناس ارحمي نفسج واخذيلج فترة نقاها مع زوجج سافروا خلي حياتج الزوجيه والحب اللي بينكم

يرد وخلاص لا تطالعين باللي بايد غيرج واشغلي نفسج احس كل اللي تسوينه من الفراغ تعرفي علي ناس اطلعي استانسي

غيري حياتج وحاولي ماتفكرين في الناس اللي يغثونج والله يصلح حالج ويهديج