بتوحشني.........قصه سعوديه قمه في الروعه

[آسيااا]

ريم..تعرفينها انتي
ريوف ونواف ..مين
ريم..مها بنت خالتي
ريووف..الله عليك مها فنانه والله
نواف..من مها انا اتذكرها صغيره كم عمرها
ريم..مها عمرها الحين 19 اول سنه بالجامعه فنون جميله رسامه درجه اولى
سلطان..اخت لمى صح (الكل يعرف لمى لانها ماتستحي ولاتحشم احد)
ريوف..صح لكن عكسها مها قلبها ابيض ماتعرف حركات لمى
نواف وبأبتسامه ......حلوه
ريم..قمر
نواف..يالله نروح نخطبها
ريم وريوف..ههههههههههههه ه
ريم ..صدق نواف مها طيبه لاتضيعها
نواف ..يصير خير ..بااي تصبحون عل خير

يوم الاثنين الساعه عشره الصباح نزلت ريم ولاحصلت احد الا الشغاله سألتها عن امها قالت انها راحت عند ام سلطان
طلعت ريم للجامعه عندها محاضلره عالساعه 11 وهي طالعه صادفته امل ..
امل ....ريم مارحتي للجامعه
ريم..الحين رايحه ليه
امل..ريم متى محاضلرتك
ريم..11
امل ..اوكي حبيبتي اطلبك
ريم..امري
امل..حطي سالم عند امي لان عندي موعد بالمستشفى وسعود يالله يوصل على وقت الموعد
ريم..اوكي يالله وينه
امل..ثواني
اخذت ريم سالم وكان نايم وراحت لبيت عمها لكن الي صار ان فيه سياره ظلت تلاحق سيارة ريم من مكان لمكان وريم ماانتبهت لها
وصلت ريم ولان سالم نايم نزلت تعطيه ام خالد ولاانتبهت عالسياره الي واقفه قريبه منها وتوها بتدق الجرس الا يطلع خالد
ريم تفاجأت فيه
ريم..السلام عليكم
خالد ..وعينه عالسياره الي واقفه ....ادخلي
ريم استغربت من رده والتفت بشكل عفوي تشوف شو يناظر
خالد وهو واصل حده ..قلت ادخلي
دخلت ريم وخالد راح يشوف السياره والشباب من شافوه رايح لهم راحوا بسرعه ورجع خالد وريم توها بتطلع
خالد..وبنظره كلها نااار .....ماكان المفروض تنزلين وهم وراك
ريم..ومن غير ماتلتفت عليه..ماانتبهت لاحد
خالد..ماانتبهتي..!!
ريم..عن اذنك
خالد......شوفي ريم المفروض انك اصلا ماتطلعي
ريم وعصبت من اسلوب خالد ونظراته المستفزه وكأنها عامله جريمه قاطعته.....والمفروض ابوي الي له الحق فيه
وطلعت وطلع خالد ونزل عن الشباك وقال......ريم عدلي اسلوبك هالمره بكيفي امشيها لك
ريم..ولاردت عليه وابتعد وراحت ريم للجامعه وهي معصبه منه معقوله هذا خالد الي اقول انه مختلف ومتفهم
يالله ماتوقعته كذا وظلت معصبه ولاارتاحت الا لما وصلت للجامعه وقالت لعبير صديقتها كل شئ
عبير....ههههههههه ياقوي عينك رديتي عليه
ريم..عبير انا والله ماانتبهت لسياره بعدين لو تشوفين شلون يناظرني
عبير....ريم انا اشوف انه تصرف طبيعي منه بااعتبار انه ولد عمك وحتى لو احد من اخوانك
ريم..ياشيخه بلا هم خلينا نروح للمحاضره

 

[آسيااا]

الجزء الرابع عشر ..


مرت الايام سريعه وبدر تاجلت سفرته لمكه وبيوم الجمعه الكل كان موجود الاسعود كان نايم لانه سهران ونواف عنده شباب بالمجلس
كل البنات موجودين وبدر ورغد رن جوال ريوف وكان قريب من رغد شافت الرقم وابتسمت لانها عرفته
رغد..ريوف برد الله يخليك
ريوف وهي مستحيه لان بدر جالس اكيد عرف من المتصل
ريوف ..بأبتسامه وجهها كأنه طماطه ..ردي
ردت رغد ولاتكلمت
سلطان..هلا وغلا عيوني
رغد..هههههههه هلا فيك
سلطان..ههههههههههههه هههههههه رغوده زين ماقلت شئ ثاني
رغد..شلونك سلطان
سلطان..يسرك الحال بشريني عنك وعن بدر
رغد..الحمد لله تمام..امي وابوي شلونهم
سلطان..الحمد لله وينك ماتجين
رغد..وتناظر بدر ماعندي احد يجيبني ....ولما شافته رفع حاجبه ..ههههههههههههههه امزح يمه خفت
سلطان ..عندك بدر
رغد..ايه
سلطان..حطي سبيكر
سلطان ..مساء الخيرات ابو سالم
بدر..هلا مساء النور سلطان شلونك
سلطان..الحين ماتقول لي ليه تخوف اختي ترى هي رقيقه ماتستحمل هههههههه
بدر..لاتخاف اختك بعيوني وبعدين مابتكون احرص مني عليها انت خلي بالك من ناس ثانيين
ريوف استحت منهم وطلعت وطلعت ريم معها وضحك بدر
بدر..اقول سلطان احرجنا البنت الله يخسك
سلطان..والله انت زوجتك الي احرجتوها وينها ريووف
بدر..هههههههه ماعندك احد طلعت
سلطان..افا والله
بدر..سلطان عندي لك اقتراح
سلطان..سمعنا
بدر..اجل زواجك لاجازة العيد
سلطان..رغد
رغد..ايوه
سلطان ..اذبحيه الله يخليك
رغد..بسم الله عليه اذبحه عشان زواجكم ان شاء الله يتأجل سنه
سلطان ..خليه ينفعك
بدر..طبعا بنفعها مو انا زوجها
سلطان.....والله اقول مالت عليك انت وزوجتك عطوني زوجتي
رغد....سلطان حبيبي زوجتك تشوفها بيوم الزواج خلاص مافيه حتى مكالمات
سلطان.....رغيده اشوف صرتي المتحدثه الرسميه بأسم زوجك
بدر.....هههههههههههه هههههههههااي سلطان
رغد...والمتحدثه عن ريوف بعد
سلطان..عطيني زوجتي وروحي له ينفعك
رغود..سلطان زعلت خلاص الحين ريوف تراضيك ههههههههه
سلطان ..ايه تراضيني مو زوجتي صح يابدر
بدر..حلوو الكلام صح كل واحد تراضيه زوجته وينتهي الموضوع
سلطان..ههههههههه طيب يالله مع السلامه وعطوا ريوف الجوال بتصل فيها
بدر..مع السلامه
رغد وهي جالسه بمكانها ....ريوووف
بدر..لو شو ماصار مابترجع بعد مااحرجنها قومي عطيها
رغد..مالي خلق اقوم
بدر ويناظرها بطرف عينه .... ..وليه ان شاء الله
رغد..والله ودي انام
بدر..نامي
رغد..اقولك مالي خلق اقوم ولااتحرك
بدر..نامي هنا
رغد..هنا؟؟
بدر ..ايه هنا غرفتي فوق تعالي ننام لنا ساعه حتى انا بنام
رغد..حتى يعني بقوم حتى اروح للغرفه
بدر وهو واقف ويناظرها بأبتسامه .....شرايك اشيلك
رغد استحت وقالت لا بقوم يالله وطلعت لغرفة بدر القديمه بدر نام عالسرير ورغد كانت بالحمام وهي راجعه فتحت درج معين
واخذت منه علبة الكريم الي دائما بدر يحطها بهالدرج
بدر..وبصوت عالي..رغد
خافت رغد..شفيك خوفتني
بدر ولاول مره يقولها ..بسم الله عليك لكن شلون عرفتي مكان الكريم وكأنك متعوده
رغد انقلب وجهها صار لونه احمرر وسكتت
بدر وبأبتسامه ......دخلتي غرفتي قبل صح
ابتسمت رغد..كثير
بدر ورافع حاجبه ..بعد كثير هالكلام بعد او قبل الزواج
رغد..بصراحه قبل
ابتسم بدر طيب خلينا ننام الحين وبعدين يصير خير الظاهر اشياء كثيره ماكنت اعرفها
وتم يفكر هذا يأكد محبة رغد له قبل الزواج بدليل انها تعرف غرفته واغراضه واماكنها
بدر تغير كثيرا وبدأ يحس بالاستقرار مع رغد لكن للاسف بكل مره يرجع يقنع نفسه انه مو مرتاح معها وانها ترفضه
مهما حاولت تقنعه بتصرفات هذا بدر صعب المزاج وتفكيره كذا يعني كل الي تعمله رغد من كل قلبها هو يعتبره تمثيل
وبداخلها رافضته ..

والمغرب الكل موجود العيال والبنات قالت ام سعود ...وين سالم ياامل
امل..نايم ياخالتي
ام سعود..الحين عندي ثلاث عيال ولاعندنا الا حفيد واحد
سكت بدر ورغد نزلت رأسها وريوف ماتمنت ان امها قالت هالكلام لان تعرف ان اساس مشكلة بدر ورغد هالموضوع
نواف.....الحمد لله اني مو متزوج الحبايب انت وياه الكلام موجه لكم
سعود.....ولايهمك الغاليه ان شاء الله كل سنه حفيد جديد
ابوسعود...والله مانبي كل سنه
نواف.....ههههههههههه هههههههه ابوي الله يطول بعمرك مو لازم احفاد مانكفي احنا
ابوسعود..تكفون بس الصغار حياة كل بيت
رغد حست انها ماتقدر تجلس اكثر قامت بهدوء وطلعت وطلعت معها امل
امل......شفيك رغد
رغد..ولاشئ
امل ..احسك متضايقه
رغد.....زين فيه احد حس فيني
امل ..رغد حبيبتي ليه هالكلام انتي تعرفين غلاتك عند عمي ومرت عمي والبنات
رغد..اعرف والله لكن انتي تعرفين من اقصد
امل....ماتغير
رغد.....حاولت امل تنازلت كثير
امل....رغد تكلمي بصراحه حتى اقدر اساعدك
رغد ..ونزلت دموعها تعبت ياامل صح انا مالي الا ثلاث اسابيع راجعه له لكن ضغطت على نفسي كثير والله ياامل
اني اسكت وانتم تشوفون مايجلس بالبيت الاوقت النوم وااقات متفرقه قليله عمري ماسمعت منه كلمه حلوه ولاحتى بالغلط
امل.....رغد حبيبتي انتي تحبين بدر والي انا اشوفه انك رجعتي رغد الي نعرف لكن انتي مره حسستي بدر بالحب بطريقه غير الاهتمام
رغد.......مافمت شتقصدين ..؟؟
امل.....الي اقصده رغد أن الكلمه الحلوه الي تتمنين تسمعينها منه انتي قلتيها له
رغد.....
امل..رغد خذيها نصيحه من اختك اعطي بدر كل شئ تتمنيه منه لاتترددين بكلمه صادقه اعطيه احساسك مثل ماهو من غير اي
اختيار وانتقاء ومراعاة وصدقيني الرساله راح توصل له بشكل او بأخر لكن اعطي بدر احساسك
رغد.....الله كريم ادعي لي
امل ..الله يوفقك تعالي ماقلت لك شصار بين ريم وخالد اخوي ..
ودخلت ريم وريوف وريوف ماتدري عن الي صار قالت........شصار بينهم
امل .....قولي انتي ياريم

 

[آسيااا]

ريم ....والله مااحد عكر مزاجي من الصبح الا اخوك
امل اتصلت على خالد من غير مااحد ينتبه لانها قالت له ريم ماتعصب وترد كذا الا اذا انت غلطان وحبت تقنعه لان ريم
بتقول الي صار ..رد خالد بالبدايه مافهم شئ لكن انتبه بالاخير وسمع ريم الي قالت الي صار بالضبط
ريووف.....ريمووه شو هالرد ماتستحين
ريم وبصوت اشوي حاد .....لا حبيبتي مابستحي ليه انا ماعملت شئ غلط
امل..طيب ريم هو اكيد عصب لانه شاف السياره
ريم..على عيني يعصب وانا مازعلت من هالشئ لكن اسلوبه وهو يكلمني ولانظرته وكأنه انا الي قايله لهم تعالوا وراءي
لاحبيبتي انا مابرضى اي شخص ينظر لي هالنظره حتى لو هو اخوك مع احترامي لك وله
رغد..الحين انتم ليه مكبرين الموضوع ماصار شئ
ريم....والله انا صراحه منقهره منه
امل.....هههههههههههه ههه واخيرا حصلت احد يقهرك
ريوف.....ههههههههههه ههه امل المشكله انها ماقصرت خذت حقها
امل قطعت الاتصال وشوي ويتصل خالد قالت امل الطيب عند ذكره ريم تعمدت تجلس ببتسمع وبعد ماسلم خالد على امل
خالد.....والله بنت عمك هذي صدق انها بنت سالم
امل....اهم شئ انك فهمت مثل ماقلت لك
خالد.....فهمت وصدقيني نظرتي على قولها ماتعمدتها عموما حصل خير هي عندك
امل.....ايه
خالد.....زين اسأليها للحين معصبه
امل.....ريم يقول خالد للحين معصبه
استغربت ريم وريوف ورغد لكن بالنهايه هذا خالد وكل شئ متوقع منه
ريم وبصوت واطي.....لا
امل.....تقول لا
خالد.....ززين قولي لها كل يوم تمر بسالم عشان الاقي احد اعصب عليه
امل....ههههههههههههه ههههههههه
ريم عرفت انه قال شئ عنها ماقالته امل ففضلت انها تسكت وتطلع من عندهم

نرجع لخالد الشخصيه المختلفه بالعائله كلها والي الكل متعود عليه واسلوبه صريحه لدرجه خياليه يعرف كيف يكسب
ابوه وعمانه رغم ان افكاره متحرره عن العادات الي متمسكين فيها اهله ..بيوم كان الكل بمجلس ابو خالد

ابو سعود..ها ياابو خالد متى بتفرح بولدك
ابو خالد..الله يهديه اذا تقدر عليه اقنعه
ابو سعود..خالد الحين انت وراء ماتكمل نص دينك وتعرس
خالد..الله يطول بعمرك ياعمي العرس شر لابد منه
الكل..هههههههههههههه ههه
سعود..يااخي لاتكون متشاءم الزواج استقرار
خالد..طيب اوكي لكن الزواج هم والله اتحدى واحد منكم يقول لا مسؤليه والالتزام تغير جذري بحياتك
ابو سلطان..ياابوي بتجلس عزابي طول عمرك
خالد..لاان شاء الله قريب بعرس وبتفرحون
ابوسعود..ان شاء الله ان اشر واحنا مستعدين نخطب لك
نواف....وانا يبه ابي تخطب لي بس مو من السعوديه
ابو سعود وتغير وجهه ..اجل منين ؟؟
نواف وهو يحاول يداري ضحكته ..من ديرة الي كنت عندهم
ابوسعود..خسك الله كانك بتعرس منهم
نواف..اعرست وخصلت
ابو خالد..نواف وراء ماتترك ابوك بحاله
نواف ....هههههههه والله عمي فاهمني امزح معه ..ولايهمك الغالي بنات السعوديه مافيه مثلهم تاج على رأسي
ابوسعود والابتسامه على وجهه..كفوا بولدي
بدر..الحين انا بمشي للشباب بالاستراحه تخاونيي
طلع الشباب ولابقى غير الاخوان وبعد العشاء الكل راح على بيته ..

وفي بيت بو سعود ريم ماسكه التيلفون وتكلم صديقتها عبير
ريم..عبير مليت انت شو تعملين ..؟؟
عبير ..انا عالنت ياقلبي
ريم..ماتملين منه والله مااتحمل اجلس عشر دقايق
عبير..ريم النت وسيله اكتب من خلاله الي مااقدر اقوله او اعبر فيه بحياتي انتي تعرفين اني عايشه مع جدتي
بعد وفاة امي وابوي وخالي في بيته مع زوجته وعياله ولاعندي حتى احد اسولف معه جدتي الله يرفع عنها على طول نايمه من الادويه وانا جالسه كذا
ريم..طيب حبيبتي انتي اش تكتبين بالنت
عبير..انا اكتب خواطر واشارك ببعض المواضيع
ريم..طيب كيف النت الكل ينقله ويكتب باسمه يعني مايحفظ لك حقك وانتي من خلال الي اطلعت عليه مشاء الله مميزه
عبير..مايهمني صدقيني المهم اني اكتب ان احد يقرأ احساسي ولايظل حبيس بداخلي
ريم..تصدقين ولد عمي شاعر درجه اولى عليه كتابات تأخذ العقل واسلوبه جنان
عبير..ايهم اخو رغد او نوف..
ريم..اخو رغد عبدالله واعتقد انه يكتب بالنت لكن مااعرف بأي منتدى
عبير..حاولي تعرفين بشوف كتاباته
ريم..بسأل رغد واقولك
عبير ..اوكي انا بطلع اصلي وانام شوي تامرين بشئ الغاليه
ريم..سلامتك عيوني باي
عبير ..باي

حزنت ريم على حال صديقتها الروح بالروح تحس انها بخير ونعمه عايشه مع اهلها امها وابوها واخوانها حمدة ربها على هالنعمه وراحت
تصلي وحصلت بغرفة ريوف رغد وامل
ريم..السلام علييكم
الكل..وعليكم السلام
ريم..اعترفوا شعندكم بالغرفه جالسين
امل..نحش فيك
ريم..ماتقدرين ..بخلي سعود يتزوج عليك
رغد..هههههههههه والله تخوفين ريم
امل..مسكينه انتي ريمووه حبيبي مايقدر لانه يحبني
ريوف..ايووووه ياواثقه
امل..طبعا حبيبتي الله لايحرمني منه قولوا امين
الكل..امين
ريم..تصدقين ريوف كنت اكلم عبير وضاق صدري عليها
رغد..عبير ماغيرها صديقتك
ريوف..شفيها
ريم..كسرت خاطري والله هالبنت طيبه لكن نصيبها دائما لحالها حتى اذا مرضت ماعندها احد
امل..طيب هي من زمان ماجت عندنا ليه
ريم..جدتها تعبانه ولاتقدر تتركها الجامعه وتجلس على اعصابها كل ساعه تتصل تتطمن عليها
رغد..والله انا حبيتها من اول ماجلست معها شكلها بنت اصول ومتربيه
ريوف..مسكينه والله تكسر الخاطر لكن زين ان عندها نت على الاقل تضيع وقت
ريم..توها تقوله هي تشارك بمنتدى وماخذ وقتها
رغد..اي منتدى خلينا نشوف كتاباتها
ريم..الابسألك عبدالله باي منتدى يكتب ..
الكل وعلى وجه علامة استفهام من سؤال ريم
ريم..شفيكم بسم الله كنت اسولف معها لانها تكتب خواطر وتكلمنا على الشعر وذكرت قصايد عبدالله الي شفتها عندك
وقلت لها عليها سألتني عن المنتدى ولاعرفت اسمه
رغد سرحت بعيد بعدين ابتسمت وقالت مااعرفه لكن بحاول اعرفه منه الا هي بأي منتدى تشارك
ريم..قالت لها اسم المنتدى
ظلوا البنات يتكلمون عن زواج ريوف الي باقي عليه شهر بس بعد الاختبارات بأسبوع زواجها وهي لانها تدريب
تنتهي قبل بداية الاختبارات يعني عندها فتره ترتاح فيها ...

وفجاه دق جوال امل وردت
..امل..مساء الورد هلا والله بااخوي وحبيبي شلونك
خالد..هلا بالقاطعه الي ماتسأل
امل..حرام انا كل مااكون عندكم انت مو موجود قولي خالد لاتكون تزوجت واحنا ماندري
خاالد..ههههههههههههه هههههههههه والله ماهي بشينه
امل..صدق خالد خلاص عاد فرحنا خلني اصير عمه
خالد..ان شاء الله قريب
امل..صدق..؟؟
ريم عورها قلبها من كلام امل يعني خالد وافق عالزواج
خالد..صدق بس لاتشتغلين خطابه انا الي بختار
امل..شلون تختار من الشارع
خالد..كيفي المهم من اختياري
امل..خالد عندي لك وحده قمر وربي قمر
خالد..الي بقلبي قمر
امل..وشهقة وقالت من الي بقلبك قول الله يخليك
خالد..ههههههه لاتحاولين امووول
امل...خااااااااااااا الد
خالد..امل نسيتيني ليه اتصلت عليك شوفي ابيك تمري على بيتنا بكرا اذا تقدرين
امل..ليه ؟؟
خالد ..بطلع مع الوالد للمزرعه من الصبح تعالي عند امي لاتجلس بروحها
امل.وتكلم البنات ...بنات كلكم عندي في بيت اهلي بكرا
خالد..انتي وينك.؟؟
امل..في بيت عمي
خالد..ماعلينا اوكي بكرا امل
امل..اوكي سلم على اهلي
خالد..يوصل ..باي
امل..باي..
قالت لهم امل الي صار مع خالد والكل كان يعلق الاريم الي امل حست فيها لكن سكتت قالت اخوي واعرفه مابيعمل الا
الي براسه ليه اعشم البنت بشئ وانا ماادري عنه ..
ظلت ريم تفكر بخالد وتسأل نفسها ياترى اهتمامي فيه اعجاب او شئ ثاني ..خالد دائما يثير اسأله ببالي اتمنى احصل لها اجابه
وغير كذا وسامته تخليني غصب افكر فيه ..ريم تعبت من كثر ماتفكر بخالد بالاخير قالت ياريم لاتتأملي شئ خالد مختلف من زمان وهو يقول مابأخذ الا من اختياري يعني انسي الموضوع ..طلعت ريم من غرفة ريوف ونزلت تحت عند سلطان..

ريم..اهلين اخي العزيز
نواف ولارفع رأسه ..هلا
ريم حست سلطان واصله معه وقربت عنده..سلطان
نواف وبنفس الوضع ..نعم
ريم..فيك شئ تعبان..؟؟
نواف..هههههههههههههه هههههههههههههههههههه ااااي
ريم..حرام عليك والله خوفتني
نواف..هههههههههههههه هااي والله انك خبله ريم
ريم..اضحك وانا اقول بجلس مع اخوي حبيبي ماانت كفوا وقامت عنه
نواف..ريم حلفتك بالله ارجعي والله امزح
ريم..وهي تبتسم المشكله اني احبك
نواف..احم احم اصلا اعرف انك تحبيني
ريم..طيب نواف بطلب منك طلب ..؟؟
نواف..وهو يفكر قولي لكن مااضمن اني انفذه
ريم..نواف اقنع اهلي اننا نطلع للثمامه ونأخذ لنا شاليهات هناك
نواف..الله ياللثمامه والله اشتقت لايام السهر ذكرتيني بطلع مع الشباب للمخيم
ريم..نواف انا اقولك عشان تطلع
نواف ..زين اسمعي شرايك نطلع للمخيم احس من الشاليهات
ريم..طيب حلووو لكن اقنع امي وابوي
نواف مو انتي تحبيني..؟؟
ريم بأستغراب..ايه
نواف..هههههههههههاي كلهم مثلك مايرفضون لي طلب
ريم..هههههههههههه امووت عالثقه انا
نواف..طبعا انا نواف ..المهم انا طالع وبكرا ان شاء الله اقنعهم باي
ريم..باي

 

[اخت اخوها]

لااااااااااااا ليكون نهايتها مفتوحه؟؟؟؟؟؟؟
اذا في تكمله الله لا يهينج ....

 

[آسيااا]

شكرا للمرور القصه كامله بس والله اعذروني بدت الدوامات وانشغلت

 

[آسيااا]

الجزء الخامس عشر ..


ومن بكرا مثل ماوعدت امل اخوها راحت الظهر بيت أهلها واتفقت مع البنات انهم يروحون عندها لكنهم قالوا
عشان رغد بيروحون لها العصر ..
رغد ماقالت لبدر شئ عن الروحه لبيت عمها لكن اتصلت عليها ريم تسألها اذا بتروح ينتظروها العصر واذا مابتروح
يروحون يتغدون بعد الجامعه عند امل رغد قالت بسأل بدر وارد عليك ..والحين رغد لها شهر من رجعت لبدر ولاعمرها بيوم
اتصلت فيه معظم تواصلهم عن طريق المسجات لكن هالمره قالت بتصل فيه تقول بنفسها والله اشتقت لصوته واتصلت
بدر كان مشغول بالشركه وقطع عليه صوت الجوال اخذه واستغرب هذي رغد وكان مخزن رقمها بأسم( البيت 2)
بدر..الووو
رغد..اهلين بدر
بدر..هلا رغد
رغد..يعطيك العافيه لااكون ازعجتك
بدر..الله يعافيك لاابدا امري
رغد بخاطري بينهي المكالمه بسرعه امووت واعرف لهالدرجه انا انسانه مااطاق ..سلامتك بس حبيت اخذ اذنك
بروح مع البنات عند امل بيت اهلها
بدر..بيت عمي ..؟؟
رغد..ايه لان خالتي ماعندها احد عمي وخالد طالعين لمزررعه
بدر ..ايه صح اوكي طيب لكن ..وسكت كان بيقول هالموضوع كان ممكن تأجليه لحد ماارجع لكن غير رايه وحس انه يجرحها كذا
رغد..خير بدر فيه شئ
بدر..لا مافيه شئ متى بتروحين
رغد..بروح مع البنات العصر هم ينتظروني
فبدر..اوكي مو مشكله
رغد..طيب انا مااطول عليك يالله بااي
بدر..باي
سكرت رغد من بدر وهي مبسوطه اول مره تحس انه هادي ومرتاح يمكن لانه بالتيلفون المهم اتصلت بالبنات وبلغتهم وبعدها بساعه تقريبا قالت انا مأارسلت لبدر ولامره مسج حلوو كله كلام رسمي بكتب له الحين مسج وياليت هالمسج يوصل الي بخاطري " اشتقت لك مثل طفل فقد صدر حنون ..اشتقت لك مثل البحر لاصارت امواجه جنون "" وصل المسج لبدر وظل عشر دقايق يقرأه ويقول معقول رغد تحمل لي هالحب تردد يرسل لها او لا لكن دخل عليه واحد ونسى بدر موضوع المسج
والعصر طلعت معهم
وبدر حس انها فرصه يضمن ان رغد برا البيت قال ماراح انام اتمنى مره وحده اشوف البيت وكل ركن فيه براحتي
اول شئ طلع لصاله الي فوق واخذ صورة طفل وجلس يتأمل فيها يالله هالبراءه بالاطفال وسرح بعيد يتخيل ولده بين يديه ويلعب معه
بدأ يبتسم تخيله معه بالبيت يبكي ويضحك لكن آه يارغد جرحتيني بالشئ الي عملتيه ترك الصوره وبدأ ينتقل من ركن لركن وخصوصا
التحف المحفور عليها كلام اول بيت قراه كان ..
ارسل حروفي يمك اليوم واقرأ ..تلقى كثر أشواق هالعالم اشتقت
غيرك اليا غاب فرقاه بشرى..وطيفك اليا غاب لحظه تضايقت
( لشاعره عذايب )
وظل يفكر بدر ياترى الصدفه او هي اختارت البيت او قبل او بعد او او اسئله كثيره بباله تجاوزها
لدبدوب حامل لوحه من الخشب مكتوب عليها ..
أحبك كلمه ماتكفي واعشقك واهواك ..غلاك يزود في اللحظه وقربك لي يداويني
(لشاعره جواهر السديري)
واستمر بدر على هالحال يتأمل الشموع والورود والتحف والصوره وكل شئ يحس فيه شئ مشترك مع غيره يجمعهم
شئ واحد الحب بكل ركن بالبيت فيه كم هائل من الحب بدر لما حس انه انجرف مع احساسه قال لا هذا تهيئ رغد
مثلها مثل خواتي تحب الحركات الي كذا حاول يقنع نفسه وراح لسعود بالخيمه ..

بالخيمه مافيه الا سعود وولده سالم نايم عنده ..
بدر..السلام عليكم
سعود..وعليكم السلام
بدر..سالم عندك
سعود..والله جلس يصيح لما وصلت امه واخذته معي
بدر..والله ولدك هذا مدلع
سعود..طبعا ولد سعود لازم يتدلع وبعدين نشوف ولدك
بدر..آه
سعود..افا والله سلامتك يااخوي من الآه
بدر..خليها على الله
سعود..بدر اكلمك بصراحه ولاتعصب
بدر..وبأبتسامه ماراح اعصب قول
سعود...انت مرتاح مع رغد..؟؟
بدر..عادي
سعود..يابدر كفايه خلاص اعطي مشاعرك الحريه انها تترجم لردود فعل ليه تقيد نفسك بالتعبير الخالي من اي مشاعر
بدر..هههه كل هذا فيني
سعود..بدر شوف انت تزوجت رغد وانت مو مقتنع ابدا وصارت بينكم مشاكل لكن يابدر الي اشوفه انك مازلت مو متقبل
بدر..وبكل هدوء ..شوف سعود رغد بنت عمي صح وزوجتي لاهي مقصره معي ولاانا لكن حياتي اشوفها عاديه لكن تقريبا مرتاح
لكن كنت اتوقع حياتي تكوت اجمل من كذا
سعود..لازم تكون مو الحياة الي توقعتها بدر انت باني بينك وبينها حاجز كبير صعب انها تتجاوزه بسهوله
اعطي نفسك وبنت عمك مساحه من غير حواجز حتى تتقربون من بعض صعب يابدر ان طرف يعطي والثاني يصد مهما كان بيجي يوم
وتمل البنت منك
بدر..والله يااخوي مااعرف
سعود..احكي يابدر قول الي بخاطرك انااخوك وصدقني بترتاح اذا تكلمت
بدر..والله ياسعود احس علاقتي مع رغد متذبذبه ساعات احس اني مرتاح معها واتمنى احسسها بهالشئ لكن فجأه اتذكر
تصرفها والي صار بالمزرعه وارجع اقول لا لا
سعود..بدر انسى الي صار غلطه منها يمكن ماحبت تقول لك هالشئ اختلق لها اعذار وعيش حياتك بعدين لاتنسى ان رغد
بنت وزوجه مثل اي زوجه لازم تهتم فيها وتحسسها بهالشئ بدر انت زوجتك تعرف الكل هنا ومتعوده عليهم الا انت الي
المفروض تكون اقرب لها من الكل بدر لاتضيع ايام عمرك بسبب غلطه يمكن ماكان لها اي دافع يمكن كانت خوف من المستقبل عدم استقرار ولاتنسى ان رغد ماعندها خوات وخالتي ام سلطان كبيره بالسن وتذكر انك انت الي ماكلمتها ولاجلست معها بأيام الملكه بدر اذا تبي نصيحتي لاتضيع ايامك بسبب غلطه يااخوي مافيه اجمل من انك تقول الشئ الي تحسه لاتحبس مشاعرك بداخلك والله تتعب ومع الايام
راح تعرف اذا هي عملت هالشئ لسبب او لا لكن مايعني ان تكون بحالة ترقب تتنتظر لحد ماتعرف السبب وتضيع ايام عمرك
بدر..تعرف سعود انا فعلا لازم اعيش حياتي
سعود..هههههههههه ايوه كذا انت تمام


وفي بيت العم بو خالد كانوا البنات كلهم هناك ..مجتمعين ومبسوطين وخصوصا ان سالم الصغير مع ابوه مرتاحين من
ازعاجه ..
رغد..والله اني ولهانه على عبدالله من زمان ماجلست معه
ريم..الحين اخوك وولد عمي الموقر ليه مايجي على نفسه شوي ويتشرف بزيارتك
رغد..هههههههههههههه ان شاء الله بيشرفني قريبا جدا
ريوف..سبحانه الله عبدالله استنساخ عن عمي بكل شئ حتى بصوته
ريم..حتى ناس فيهم من عمي بعد..هههههههههههه
امل..ههههههههههه ريوف الا شخبار سلطان اي احلى قبل الخطبه او بعد
ريوف ..والله حبيبتي بكل الحالتين حلووو
رغد..وااااااو وينك ياسلطان تسمع وتشوف
ريم..ياشيخه سامع كل شئ وعارف هههههههههه
امل..ههههههههههههههه هههه والله ياريم انتي الله يعين زوجك عليك
ريم..يحمد ربه ويشكره اني انا وافقت عليه يعني ميزته بموافقتي
رغد..اقول حلوه الثقه لكن مو دايم
امل..رغوده شلون بدر معك ..؟؟
رغد..سكتت تقول بخاطره لاتسألوني وتذبحوني
امل..سوري رغدوه اذا ضايقتك
ريوف..لارغد ماتزعل اكيد تفكر فيه
ريم..يااختي لاتفكرين فيه اخوي ماينفع معه الا انك ماتعطيه وجه
ريوف..ريمووه لو سمحتي استكي انتي ونصايحك
رغدوبأبتسامه من غير نفس باهته ..اخبار بدر ياعزيزات انه ماتقدم ولاخطوه
الكل سكت لانهم يعرفون شكثر رغد تضغط على نفسها وتجامل وتضحك عنده
رغد..مجرد تغيير بسيط
الكل...شووووووو؟؟
رغد..صرت اذا كلمته يرفع عينه لثانيه يناظرني
ريم ..سكتت هههههههههههههههههههه هههههههههههههه

 

[آسيااا]

رغد..والله ياريم شئ يضحك اخوك بصراحه جبل مايهزه شئ لكن.....
الكل خاف من سكوتها بعدين رغد وبابتسامه ..احبه
الكل..ايوووووووووووو ووووووووووه
امل..راح يحبك لكن اصبري عليه
رغد..اتمنى
وفجاه سمعوا احد يدق الباب وراحت الشغاله تشوف مين الكل استغرب منو جاي لهم
نوف..مالت عليك يالشييون تجتمعون ولاتقلون لي
قامت امل..هلا والله
نوف..لاتسلمين تشوفون انتي ورغود ان ماخليت اخواني يأخذون عليك سوريات يهبلووون
ريم..ههههههههههههههه ههههه وانا بساعدك
ريوف..نوف انا مالي دخل انا اختك حبيبتك
نوف..لو اختي قلتي لي اجي معكم انبسط مو بالبيت كني خبله اكلم حمود كنه يفهم
الكل..هههههههههههههه ههههههههههه
سلمت نوف عليهم وجلسوا مع بعض وفجأه صار شئ مافيه أحد توقعه الكل انصدم منه وخصوصا رغد
دق جوالها وكان عند نوف ..
رغد ..مين
نوف.. مااعرف لكن مكتوب .......انت عمري
رغد كانت تشرب عصير وشرقت فيه .كح كح
امل ..بسم الله عليك شفيك
رغد وصوتها راح ...بدر
الكل استغرب ..ريوف ..طيب
رغد..اول مره يعملها ويتصل
الكل رحم رغد يالله اول مره يتصل فيها معقوله نوف ..طيب ردي لايقطعه رغد وبصوت مبحوح ...الوو
بدر..هلا والله رغد
رغد وكل علامات الدهشه على وجهها والكل يراقبها ..اهلين بدر
بدر..هاشلونك الجمعه حلووه
رغد وخلاص ودها تسأله انت بدر...اكيد حلوه مادام كل بنات عمي فيه
بدر..بس ماكأنك طولتوا ساعه حول تسع
رغد..والله عدى الوقت من غير مانحس فيه
بدر..طيب انا جاي لك الحين اوكي
رغد وخلاص جلست عالكرسي والكل يتابعها بنظراته ويشوفه وجهها شلون تغيير بعد كلام بدر
رغد..اوكي
بدر..يالله سلمي عليهم بااي
رغد..باي
نوف ..شفيك رغوده ..؟
رغد بعالم ثاني بدر اتصل وبيجي هو يأخذهم ليه معقوله اشتاق لي او فقد وجودي بالبيت صح هي تروح بيت اهلها لكن هم
كل اسبوع يجتمعون في بيت احد عمانهم يعني بدر يكون معها او اذا طلعت ماتطول ساعه او اقل ومعظم وقتها في بيت عمها عند البنات
اول مره تطلع من العصر الى تسع بعدين انتبهت على صرخت ريم
رغد..وجع شفيك خوفتيني
ريم..هههههههه سوري انتي سافرتي مع الحبيب
ريوف وهي خايفه رغد ..تكلمي شفيك مره وحده سكتي
رغد..والله اعذروني اول مره يعملها بدر ماعمره اتصل من رجعت له ولابعد لوتعرفون ليه متصل
الكل..ليه
رغد..بصراحه انجاز عظيم منه
ريم ..قولي بسرعه
رغد..بيجي يأخذنا ..!!
نوف..ههههههههههههههه ههههههه والله رغوده
امل..اكيد اشتاق
رغد..لاعاد قويه اشتاق لكن غريب هالانسان عليه طلعات غريبه
ريوف..بدر مافيه مثله والله انه طيب وحبوب
رغد..وبصوت واطي ..وهذي مشكلتي معه
نوف..ههههههههههههههه ههههههه سمعتك لكن قولي يارب
رغد..يارب

وصل بدر وطلعت رغد والبنات قالوا بيرجعون مع امل ..ونوف زوجها بيمر عليها عند عمها
ركبت رغد السياره ..السلام عليكم
بدر..عليكم السلام
بدر..البنات مابيجون معنا
رغد..لابيروحون مع امل
بدر..اوكي طيب شرايك أجل بمر على سلطان عندي كم شغله
رغد..وهي مبسوطه ..اوكي خليني اشوف امي بس ان شاء الله ماتكون نامت
بدر..ان شاء الله
وصلوا لبيت ابوسلطان لكن للاسف حصلت امها وابوها نايمين سلمت على سلطان
سلطان..هلا والله بنور البيت
رغد..هلا فيك حبيبي شلونك
سلطان..الحمد لله
رغد..ياخساره امي وابوي ناموا
سلطان..يالله مره ثانيه تعالي لهم بكرا قولي لي اذا فيه ناس مايرضون ..ههههههه
بدر..ههههههههههههههه فهمتك حرام عليك لاتظلمني
رغد..طيب عبدالله وينه
سلطان..توه عندي لكن طلع لغرفته
رغد..اوكي عن اذنك بروح اشوفه
طلعت رغد لاخوها عبدالله الي مايجلس بغرفته الا على صوت الموسيقى الهاديه
رغد..مساء الخير
عبدالله بأبتسامته الرائعه..مساء الفل والورد لاحلى الخوات
رغد..هلا عبدالله شلونك
عبدالله ..مثل ماانتي شايفه الصبح بالشركه وباقي الوقت مع الشباب او عالنت
رغد..للحين تكتب بالمنتديات
عبدالله..منتدى واحد بس اكتب فيه والباقي اطلع عليها مااشارك
رغد..ايوه صح عبدالله ابي موقع.....بشوف كتابات وحده
عبدالله من عيوني
فتح الموقع وقال شو اسم البنت
رغد..حياة بلا حياة

 

[آسيااا]

عبدالله ..اف اف شو هالاسم المتشاءم
رغد..مسكينه
عبدالله ..وبعد ماطلع مواضيعها فتح صفحه لموضوع بقسم الخواطر اسمه ..ويأخذني الحنين اليك

وطلبت رغد من عبدالله يقرأها بصوته ..

عندما تشتد بي رياح الحزن
ابحث عن بقعة ارض تحتويني
بقعة ارض اتنفس الفرح فوقها
بقعة ارض انزف الحزن عليها
عندها اتذكر..فيأخذني الحنين اليك
عندما أجلس وحدي اقلب كتاب العمر
اتجول في صفحات الامس
واقرأ سطور تاريخك العظيم بي
عندها اتذكرك فيأخذني الحنين اليك

عبدالله ماكمل الخاطره والتفت على رغد..رغد تعرفين الكاتبه شخصيا او معرفة نت
رغد..عبدالله انا من متى استخدم نت انا عرفها لكن مو مره هي صديقة ريم لكني اشوفها احيانا
عبدالله..طيب ليه متحمسه تشوفي كتاباتها
رغد وحست انها اصابت الهدف..لانها بصراحه ظروفها مختلفها واسلوبها وحياتها
عبدالله وبكل اهتمام كيف ..قالت له رغد قصة عبير
عبدالله ..مااستغرب الاسم الحين حياة بلا حياة
رغد..الله يرزقها ويسعدها مسكينه
وفجأه سمعت صوت سلطان وطلعت له وطلعت من بيت اهلها وتركت عبدالله يقرأ عبير وحروفها
عبداله بدأ يقرأ مشاركاتها وردودها انسانه فعلا مختلفه محترمه لها تقدير واحترام من كل الموجودين
وغير كذا انسانه واعيه ومميزه بحضورها بأغلب المواضيع وان كانت اغلب مشاركاتها بقسم الخواطر
قرر عبدالله انه يشارك بنفس المنتدى لكن راح يغير اسمه لان الكل يعرف منهو العطاء بأغلب المنتديات قرر انه يشارك
بأسم مخالف لاسم عبير سجل بأسم أمل الحياة ..وبدأ اولى مشاركاته قصيده يجاري فيها اهم شعراء المنتدى وكان التصفيق
من المشاركين رائع لانه شاعر مبدع ..

قدر نواف انه يقنع امه وابوه بطلعت المخيم وتحدد الموعد يوم الاربعاء الظهر طبعا مع كل عمانهم وعيالهم
طلعوا الكل بعد مااقنعت ريم خالتها ان مها تطلع معهم وكانت خايفه لمى تجي لكن لمى من عرفت ان نوف وصلها خبر
بكل الي صار وهي مالها وجه تدخل بيت خالتها ابدا ..وصلوا للمخيم والجوو كان حلوو وكان اليوم ولااحلى منه البنات مبسوطين مسجل
ورقص والشباب مبسوطين قصايد وسوالف ولعب ..وبالليل وقت النوم وقت الرعب بالنسبه لريم ..ريم تموت عالبر لكنها تخاف
من شئ اسمه نوم بالخيام متعودين كل مره نواف او احد من اخوانها يقرب لها السياره وتنام فيها اتصلت على نواف
وكان سهران مع عيال عمه واخوانه بعد ماناموا الشياب
نواف..هلا والله بهالصوت
سعود..ماعقلت للحين
نواف..هههههههههههههه هههه عقلت هذي ريمووه
خالد انتبه لاسم ريم وظل يراقب كلام نواف
نواف..نعم ..نعم عيدي عمتي ريم
ريم..نواف الله يخليك والله تعبانه ناموا كلهم يالله قرب السياره
نواف ..نامي بالخيمه
بدر وسعود..ههههههههههههه ههههههههه
سلطان ..للحين نفس المشكله
خالد..اي مشكله( كان قليل مايطلع وينام يطلع وبالليل يرجع للبيت )
سعود..هذي ريموه اختي لو تمووت ماتنام بالخيمه لو تجلس طول الليل صاحيه
بدر...هههههههههه حرام نواف قوم قرب لها سيارتي
نواف‎ ‎لا خليها هي الي تبي تطلع للبر خليها تتحمل
سعود..لاصدق الحين بتتصل فيني او في بدر
ارسلت مسج لهم بدر وسعود وضحكوا كلهم منه
نواف ..منها ..؟؟
بدر..ايه
نواف.شكاتبه
سعود..عندكم عشر دقايق اذا ماقربتوا لي سياره بقول لحريمكم انكم شايفين لكم غيرهم
الكل..هههههههههههههه ههههه
نواف ..ايووه الحين الدور علي اسمعوا المسج
وفتح المسج وسكت الكل ينتظره لكنه قام وقال..بروح اقرب السياره حرام مسكينه
الكل...ههههههههههههه هههههه
سعود..تعال شقالت لك سببت لك رعب
نواف وهو يمشي يقرأ المسج "" نواف صدق مها معي مسكينه واذا مانمت بتظل سهرانه يالله عاد ""
هو من شاف اسم مها قال لا عاد هذي الي مخططين انها العروس بتقول مالت عليه هذا وهو اخوها
وقرب نواف السياره لريم وبنت خالتها ونامت اما بالخيمه رغد ماقدرت تنام وحست بريوف تتكلم وعرفت انها
تكلم سلطان راحت لها وقالت..
رغد....ريوف تأكدي من سلطان اذا بدر صاحي
ريوف....صاحي توه يكلمه
رغد..اوكي
راحت رغد وطلعت جوالها وقررت ترسل له رساله وكتبت فيها
"" هلا بدر ...كيف الجوو عندك ان شاء الله مبسوط""
وصل المسج لبدر استغرب لكن رد عليها " حلوو وانتم كيف ..وبعدين غريبه مانمتي للحين""
" شوي وبنام لكن قلت اشوفك مبسوط ومرتاح""
""رغد شرايك بتصل احسن من سوالف المسجات ""
""لا خلاص انااعرف انك ماتحب تسولف بالجوال""
""الظاهر كل شئ عني تعرفيه""
""طبعا مو زوجي..""
""وقبل مااكون زوجك ..؟؟"" هنا تعمد بدر يحرجها
"" تصبح على خير عمري ""
ضحك بدر على رغد لانها حاولت توصل الاجابه بشكل غير مباشر
" تلاقي الخير يارب ..على ان الاجابه ماوصلت للحين..""
ابتسمت رغد ونامت مرتاحه
والصبح صار الشئ الي ولااحد تخيله او تصوره سلطان صحى بدري واخذ موافقه عمه انه يتمشى مع زوجته شوي الي هي ريووف
لما صحوا كل العيال ..ابوسعود..سعود
سعود..سم طال عمرك
ابوسعود..قول لريوف سلطان بيجلس معها شوي
الكل سكت وتم يطالع سلطان الي يبتسم ويقول ..خلاص اخذنا الموافقه من عمي
بدر..هههههههه طيب باقي الموافقه الاصعب وافقت
سلطان..ماقلت لها شئ بدر حبيبي انت اقنعها
بدر..ياسلطان شلون اقنعها الله يهديك احنا بالبر وتوها صاحيه واكيد ماعملت حسابها
سلطان..انا هذا الي ابيه
سعود...سلطان..اسمع قل لاختك تقنعها وانا بقول لزوجتي مالي خلق انا الحين احاول مع احد كلم سلطان رغد الي ماتت من الضحك
على طلب اخوها وسعود قال لامل اما ريوف
ريوف....ا لا لا انتم مجانين اطلع له وزواجي بعد عشرين يوم بهالشكل اخاف يهون بعدين
رغد..ههههههههههههههه ريوف انتي قمر
ريم..روحي انتي وياها تطلع بجلابيه ومن غير تصليح ولاشئ
امل ..ريم تعرفين شوودي فيه
ريم..ايش..
امل..اخلي خالد اخوي يسمعك كم كلمه يعلكم شلون تتكلمين يااختي اذا كلامك مايفيد اسكتي
ريم سكتت لما سمعت اسم خالد بعدين قالت ..اقول اتصلي عليه يجي يسمعني كم كلمه اقول خالد اخوك ليه رعب يعني ..
امل..لا بس ريم روحي شوفي وين خالتي
ريم..لا بسمع شتقولون
رغد..ريوف حبيبتي انتي وربي كذا حلوه
ريووف لا
امل..ياغبيه وربي احساس حلووو
رغد..الظاهر مالها الا رجالها وطلعت
راحت لنوف وقالت لها السالفه كلها ضحكت نوف وقالت ..والله ريوف ماعندها سالفه احد يحصل له ويقول لا
رغد..طيب اقنعيها
نوف..اقول اتصلي على سلطان وعطيني اكلمه
رغد بكل استغرراب ليه..
نوف..اتصلي وتسمعين
اتصلت وكلمت نوف سلطان وبعد السلام
نوف..سلطان اسمعني ريوف ماوافقت ولابتوافق لكن اذا بتشوفها لازم تغامر موافق
سلطان.. هههههههههههه حرب داخلين شلون اغامر
نوف..ريوف الحين بالخيمه الصغيره ولاعندها الا ريم بطلعها وانت ادخل ونكون حطيناها قدام الامر الواقع
سلطان عجبته الفكره لكن قال..نوف اخاف تزعل
نوف..طيب حلووووو راضيها
سلطان..ههههههههههههه هههههه والله انتي سوالف يانوف موافق نفذي
نوف..اوكي اذا عطيتك دقه ادخل من الباب الخلفي اوكي
سلطان والابتسامه على وجهه ..اوكي
وفعلا طلعت نوف ريم ودخل سلطان وكانت ريوف تفكر ولابسه جلابيه لونها عشبي ورافعا شعرها وننازله منه خصل وجهها على طبيعه مافيه غير الواقي من الشمس ..
سلطان..اح السلام
ريوف ..وكأن احد كاب عليها مويه بارده ماقدرت ترد ولاتستوعب اصلا انه معها بنفس الخيمه
سلطان..ريوف
ريوف ..ونزلت راسها ولاردت عليه
سلطان..افا والله الغاليه ماهي معطيتنا وجه
وريوف تغلي بداخلها والله لاوريك يارغد عملتيها ظلمتها هذا كله تخطيط نوف
سلطان..وجلست قريب من ريوف لكنها بعدت عنه ..سلطان..ههههههههههه ههههه لهالدرجه ريوف زعلانه
سلطان..عيوني حسيت اني مشتاق ولهان عليك صح باقي اقل من شهر لكن تمنيت اشوفك اليوم ليه تحرميني من هالوجه
وبكلام سلطان الحلو رضت ريووف وجلست معه تقريبا ساعه الاربع وبعددها طلع ودخلت عليها رغد ونوف
نوف...ريوووف

 

[آسيااا]

ريوف..وجع خرعتيني
رغد..عجبك المقلب الحلووو
ريوف..مردود يارغد تشوفين كل اسرارك عندي ان مافضحتك عند بدر
رغد..مابيصدق
ريوف..ههههههههه حبيبتي عندي الادله والمناديل
رغد..هههههههههه الله يخسك والله مو انا نوف الي خططت لكل شئ
نوف..تعالوا شسالفة المناديل
ريوف..سر بينا
وتدخل امل وريم..امل ..بنات بطلع مع اخوي وسعودي من بيطلع
الكل ..لا مابنطلع
ريم..لامابروح اجل
امل..ليه..؟؟
ريم..اروح لحالي ارز وجهي
امل..ههههههههههه لو انا وحبيبي بس يمكن لكن خالد معنا
ريم.....ههههههههه طيب بس اشتري الي ابي
ررغد..جالكسي
ريم..ههههههههههههه وبجيب لك
طلعت ريم وامل وراحوا يشترون اغراض وكانت طول الوقت تسولف مع سعود لان سعود حبيب وعادي عنده
اما خالد كان يحكي لكن اكثر الوقت يسمع كلام ريم
بعد ماطلعوا كلهم ظلت ريوف ومها ورغد يسولون ونواف اخذ سيارته لكن تفاجأ بورقه وتفاجئ اكثر لما شاف الي فيها
فيها رسمه رائفه لطفله حاضنه دبدوب وشكلها فعلا جذاب والتوقيع مها نواف تأكد انها مها بنت خالته لانها كانت مع ريم لكن السؤال الي ظل بباله هل هالحركه مقصود او نست الورقه ..
مرت الايام حلوه عليهم انبسطوا كثير فيها ..
الجزء السادس عشر


بدت الاختبارات والكل مشغول ريوف وريم ورغد حست انها فقدتهم بأيام الاختبارات لكن ريوف خلصت قبل لكنها مشغوله بزواجها
ويوم الخميس موعد استلام فستانها وفستان رغد اما امل ونوف وريم فساتينهم بمشغل ثاني لكذا قررت رغد انها تتجرأ وتطلب من بدر يوديهم للمشغل ..دخلت عليه وهو يقرأ الجريده ..
رغد..احم بدر
بدرر..ورفع راسه ايوه
رغد..اليوم موعد استلام فستاني اناوريوف
بدر..ابتسم ..طيب
رغد..السواق مشغول شرأيك تودينا
بدر..اوكي لكن لاتطولون علي
رغد..من عيوني خمس دقايق ونكون جاهزين
بدر..يالله
راحت رغد لريوف وطلعوا مع بعض للمشغل لكن للاسف ريوف فستانها يحتاج تعدديل بسيط اما رغد فستانها تمام
رغد..ريوف ماابي بدر يشوف فستاني
ريوف..ليه يعني هههههههههههههرغوده بتعمليها له مفاجأه بيوم الزواج
رغد..ياشيخه انا فقدت الامل منه اخاف مايوافق اذا شافه عاري مره
ريوف..اقولك انا باخذه عندي وانتي قولي يحتاج تعديل
رغد..حبيبتي اصلا انتي الي فاهمتني
اتفقت رغد وريوف وطلعوا لبدر
بدر وبأبتسامه ....بشروا خلصتوا من المشاوير

 

[آسيااا]

ريوف..هههه للاسف لا
بدر..افا وانتي رغد
رغد..ولا انا
بدر..والله مشكله انتم الله يعينكم
بدر..اقول احنا قريبين من صحارى شرايكم نتمشئ شوي
رغد..وتناظر بدر ..والله مانقول لا
نزلوا لصحارى وتمشوا واشتروا لهم كم غرض وبدر كان مبسوط اول مره يكون مع رغد بمشوار كذا
طلعوا من صحارى ورجعوا عالبيت ريووف راحت للبيت اما رغد وبدر قرروا انهم يطلعون يتمشون
وهذا الشئ حير رغد كثير معقوله بدر مو طبيعي اليوم ..

اما الانسانه الي رمزت لنفسها حياة بلا حياة فعلا كانت بلا حياة أيامها تمر من غير أي ذكرى اليوم بكرا نسخه منه ماكانت تحلم بأي شئ
اي شئ يغير حياتها حتى بالنت كانت تشترك بمنتديات وتكتب من باب التنفيس عن المشاعر المكبوته احيانا تكتب الحب لكن حب
نازف حب مجروح دائما تكتب الجانب السلبي لاي قصة حب ماكانت قادره تعيش الحب حتى بحروفها ..
لكن أمل الحياة قلب كل هذا الوضع عند عبير ..
عبدالله دخل لحياة عبير فجأه وغيرها بدلها بدأ يزرع الأمل بحياتها بشكل حلو والاجمل انه محترم ولاتعدى حدود الادب معها لكن كيف صار هذا..بالبدايه بعد ماقدر عبدالله انه يتكيف مع اعضاء المنتدى وكسب اعجاب الاغلبيه بأخلاقه وجمال شعره بدأ يكتب وبشكل مختلف عن اسلوبه بالمنتديات طرح موضوع بأسم" الامل بين بين رموش العين " وكان يحمل فلسفه غريبه جميله للأمل من خلال تصوير الالتقاء
والاحتضان بين رموش العين رغم ان البعد لايتجاوز الثواني تكلم عن الامل بالحياة حتى بالثقه الامل موجود فكيف بحياة نحن حكمنا عليها بأنها شبه مستحيله او حزينه ..عبير تأثرت كثير بكلام عبدالله وبدأت سلسلة الردود الرائعه بين طرفي نقيض احدهم يطلب الأمل والاخر فاقد له ..وهكذا استمر عبدالله يكتب ويكتب لكن مالذي دفع عبدالله لهذا التصرف او الرحمه او الشفه او احساس الشاعر او احساس اخر
بالبدايه عبدالله اندفع لتسجيل حتى يزرع الامل بحياة انسانه فقدته لكن بعد الاشتراك والحوار والمتابعه اعجب عبدالله بعبير كثيرا اما عبير
كانت تقاوم احساس جعلها بصراع كبير بين هذا الاحساس وبين الشئ الذي تربة عليه ..
اصبحت تنتظر لكلمات عبدالله لكل ردوده لكل حضور له لكن جعلت هذه اللهفه دفينه بقلبها لايعلمها الا الله حتى ريم ماكانت تدري عنها
لكن عبدالله توقف عن الكتابه بالمنتدى وبشكل مفاجئ وهذا التوقف غير بأموور كثير ...

اما في بيت سعود ..سعود كان سرحان ويفكر بـأخوه بدر وكيف انه مصعب حياته بتقيد مشاعره
امل....سعود شفيك اليوم ماانت طبيعي
سعود...سلامتك بس بسألك رغد كيف وضعها مع بدر
امل ترددت تقول له او لا لكنها بالاخير قالت......ان شاء الله انها مرتاحه لكن يحتاجزن وقت
سعود...ان شاء الله
سكتت امل لانها تعرف سعود اذا ماتكلم عن الموضوع يعني مابيقول شئ خلاص
شوي وتدخل عليهم ريم
ريم...السلام عليكم
سعود وامل.....وعليكم السلام
سعود....نور البيت والله
ريم..تسلم منور بوجودكم
ريم....وين الاخ المحترم السيد سالم لان المرسوله من الشيخه ام سعود وصلت
سعود...ههههههههههههه ههه خلاص ولايهمك بنخليه يجلس عندك على طول حتى ماتتعبين
ريم.....لاالله يخليك لولدك ويخليه لكم
امل....انتي حصلي واحد خفيف دم مثل سلوم حبيبي
ريم....ايه ان شاء الله ترى انتي ماخذه مقلب كبير بولدك
سعود....ريمووه ترى انتي تهينين ولدي لو سمحتي لاتجرحينه
ريم.....مع السلامه بقول لامي مارضوا يعطوني ولدهم وراحت بتطلع
امل.....ريييييييم تعالي حرام مالي خلق انااجيبه
رجعت ريم وهي تضحك ماتمشون الا كذا
اخذت سالم ورجعت للبيت وهي راجعه صادفتها رغد واخذت منها سالم ودخلت للبيت
رغد....السلام عليكم
ام سعود ....وعليكم السلام

 

[آسيااا]

رغد...شلونك خالتي
ام سعود..الحمد لله انتي شلونك وبدر شلونه
رغد...الحمد لله بخير هذا سالم وصل
ام سعود...ان شاء الله عقبال مايوصل سالم ولد بدر
رغد ..ان شاء الله ادعي لي ياخالتي
وهنا دخل بدر وسلم على امه واخذ سالم بحضنه
ولاكان موجود غير بدر ورغد وام سعود قالت ام سعود بتكلمهم
ام سعود.... بدر ابوي
بدر..سمي الغاليه
ام سعود...رغد بنتي اقربي عندي واسمعوا شبقول لكم
بدر..امري يمه تفضلي
ام سعود..انتم الحين لكم الحين حول التسع شهور متزوجين بس انا مااشوفكم مرتاحين
بدر..افا يمه من قال الحمد لله مرتاحين
رغد..الحمد لله خالتي مرتاحين ومبسوطين
ام سعود..بدر انت ولدي ورغد ربيتها على يدي مثل بناتي اعرفكم اذا تمثلون او انكم صادقين اسمعوني لين اخلص كلامي وعقب كييفكم
انتم قبل ماتعرسون انتم عيال عم والمفروض كل الي صار بينكم مايكون بس الشيطان الله يعيذنا منه وانتم الحين متزوجين والمفروض
انكم خلاص ترضون بالمكتوب لكم وبعدين تسع شهور يكفي نبي ولد يفرحنا ويفرحكم ويخليكم على قلب واحد اما العناد الي فيكم
اتركوه عيب انتم الحين كبار ومتزوجين مابغصبكم على شئ بس الي يصير بينكم مايرضيني ولايرضي امك يارغد اذا شفتيها تضحك
ومبسوطه قلبها محروق على بنتها الي سبحان من غيرها ليه ياابوي اذا بدر مقصر عليك بشئ انا مثل امك قولي لي او قولي لامك
مايصير يارغد شوفي جسمك شلون صار الى متى بتستمرون كذا وانت يابدر السهر يابوي المفروض تخففه انت متزوج الحين
سكتت ام سعود لما حست انا رغد عيونها غورقت بالدمع اما بدر كان ساكت طوال الوقت قامت ام سعود وقالت..الله يهديكم
ولاظل غير بدر ورغد رغد كانت تحاول تحبس دموعها اما بدر كان مقتنع بكلام امه لكن كسرت خاطره رغد وقام عندها
بدر..نزل لمستوى رغد ....رغد لاتحبسي دموعك
وفعلا نزلت دموعها وحز بخاطر بدر الي يصير بهالانسانه معقوله انا عملت هالتغيير كله فيها
بدر...تعالي رغد نروح للبيت ويصير خير
قامت رغد وطلعت مع بدر لبيتهم دخلوا للبيت رغد هدت شوي وبدر قال بخاطره خليني اتكلم معها
بدر..رغد ابي اسألك ممكن
رغد ورفعت عينها ..تفضل
بدر....انتي ليه تغيرتي الكل يقول انك قبل غير عن الحين ابي اعرف السبب ..؟؟
رغد تقول بخاطرها شقول لك الحين.....لاماتغيرت لكن طبيعي ببداية زواج لازم شويه تغيرات بسيطه هم يبالغون
بدر ....لا يارغد انتي عشتي معي سبع شهور انسانه ورجعتي لي انسانه ثانيه وبصراحه الثانيه اجمل لكن الي ابي اعرفه
تغيرتي لكن رجعتي مثل ماكنتي ببداية زواجنا ليه
رغد حست انها تعبت ونزلت دموعها وقامت وقالت....اسأل نفسك وراح تحصل الاجابه عن اذنك تعبت خلاص حرام
وهي طالعه مسكها بدر.....لا يارغد فهميني شتقصدين
حاولت تتكلم ماقدرت دموعها اثرت بشكل كبير على بدر ابتسم وقال ....مافيه شئ يستاهل دموعك حتى انا اطلعي ارتاحي
ويصير خير يالله ..
طلعت رغد وظل بدر للعصر وبعدين طلع ولاشاف رغد

في بيت ابو خالد .. ام خالد وابو خالد وامل عندهم وخالد توه داخل عليهم

ام خالد..ياوليدي متى بتفرح قلبي والله هالبيت يبي عيالك يكسرونه ويلعبون فيه
خالد..ههههههههههههه يكسرونه ياام خالد
ابوخالد..ايه ياوليدي فرح قلوبنا وريحنا
امل..خالد حبيبي خلاص عذبتنا بكون عمه تزوج
خالد..يقول بخاطره الظاهر انه آن الاوان اني اريح قلوب هالشياب
خالد..ان شاء الله تأمرون لو تبون اتزوج اربع بليله وحده
الكل..هههههههههههههه ههه
ام خالد.. يعني اخطب لك وليدي..؟؟
خالد ويفكر.. الغاليه انا في بالي بنت الحلال لكن قولي بشوف من مفكره فيه الغاليه
امل..ليه خلاص قول لنا انت منو تبي ..؟؟
خالد..لابعرف ذوق امي اول
ام خالد..ماغيرها شيخة الحريم
امل.. عرفتها هههههههههههههههه
ام خالد.. اكيد بتعرفينها بسم الله عليها زين وعقل وخفة دم
خالد..هذي نادره منو هي ..؟؟
ام خالد.. ريم بنت عمك
خالد من المفاجأه ..هههههههههههههههههه هههههههههههههههههههه هههههههااي
الكل استغرب من ضحكة خالد...
ابو خالد ..خاالد ليه الضحك امك ماقلت اسم الخادمه عشان تضحك
امل..صادق ابوي
خالد.. اسف الغالي والله مو قصدي لكن الوالده قالت الاسم للبنت الي اخترتها
ام خالد تناظر بخالد وامل قامت وقمزت عنده
امل..احلف خالد
خالد وبأبتسامه ..من غير حلف انا خالد ابي ريم بنت عمي
ابوخالد.. والله فرحتني وكفوا ولدي
ام خالد.. خلاص نروح الاربعاء نخطب لك
خالد...لا ..اقصد انا ابي امل تعرف رأي ريم أول
امل..وبصوت واطي ..موافقه
خالد سمعها ..عن اذنكم امل تعالي غرفتي شوي
دخلت امل مع خالد غرفته
خالد..ليه قلتي موافقه ليه واثقه
امل..بصراحه خالد أنا اعرف ريم احس انها مو رافضتك صدقني احساس بس
خالد..ابيك تتأكدين
امل..اذا رائي يهمك تقدم وريم مابترفض صدقني
خالد..وبأبتسامه ..واثقه الشيخه
امل..والابتسامه على وجهها ..طبعا اخوي ماهو اي احد
طلعت امل بيتها بعد مااتفقت مع اهلها انهم يخطبون ريم الاربعاء

رجعت امل للبيت لكنها دخلت بيت عمها ولاحصلت احد سألت الخدامه وقالت البنات بغرفة ريوف
وام سعود راحت عند اختها طلعت امل عند البنات لكنها تفاجأت بشكل رغد
امل..سلامات رغد شفيك ..؟؟
وكانت رغد نايمه على سرير ريم وشكلها مره تعبانه
ريم..من العصر وهي على هالحال حرارتها مرتفعه وصوتها مختفي والانفلونزا شديده عليها
امل وبأ الاهتمام على وجهها ..طيب شقال الدكتور
ريوف..وبكل خيبة امل..ماوافقت تروح
امل..شوووووووو ماراحت للمستشفى وبدر ساكت لها
ريم..مايدري ماشافها لما طلع كانت ببداية التعب وهو معزوم اليوم واتوقع يتأخر
امل وفعلا عصبت عالبنات ..وتتوقعون انه بيرضى عن تصرفها او انتم
ريوف وبأستسلام ..ماوافقت
رغد وتأشر بيدها ..لا وبصوت مبحوح مافيني شئ لاتنزعجين
امل..انتم ماعندكم سالفه وطلعت
رغد وتقول لريوف ..شوفيها لاتتصل الله يخليكم شوي واقوم مافيني شئ وبخاطرها تقول انتم ماتعرفون شقلت له اليوم
وطلعت ريوف لامل وحصلتها تكلم
امل..خواتك والله ماهم صاحين البنت مرره تعبانه
نوف ..شوفي انا زوجي الحين بيطلع لدوام بقوله يحطني عندكم وبكلم على بدر اوكي
امل..اوكي باي
ريوف..امل بتزعل رغد
امل..تزعل ماتحس بنفسها الى متى تداري بدر هو زوجها ومسؤل عنها
ريوف..والله حاولت لكنها حلفت مانتصل عليه
امل ..ماعلينا خلينا ندخل ولاتقولون لها شئ
دخلوا البنات وشوي وتدخل نوف وتسلم عليهم وتجلس جنب رغد
نوف..رغد حبيبتي ليه تعملي كذا بنفسك ..بدر زوجك ومسؤول عنك ياعيوني مايصير الي تعمليه الى متى
وانتي تتنازلين عن حقوقك يارغد لاتفكرين باليوم وبس فكري ببعدين حياتك مع بدر هي كل عمرك مو كم يوم
امل..بروح اعمل لك عصير ليمون وطلعت من عندهم وهي نازله سمعت صوت بدر يكلم الخدامه وتغطت
ونزلت ..
بدر..هلا ام سالم وينها رغد
امل..بغرفة ريم روح شوفها
مشى بدر بسرعه واستغربت امل خوفه هل من باب انه زوجها او فعلا رغد اصبحت تعني شئ لبدر دعت لهم بالتوفيق وراحت
للمطبخ ..بدر طق باب الغرفه وفتحت له ريم ودخل ولانطق ولاقال ولا كلمه ؟..رغد حاولت تعدل جلستها لكنه قرب عندها
وطلعوا البنات ولاظل غير نوف الي مسكت رغد يدها تمنعها حتى ماتطلع
بدر..جلس عالسرير وحط ايده على جبين رغد ..سلامات رغد
رغد..وصوتها ماينسمع ..الله يسلمك
بدر..نوف الله لايهينك هاتي عباية رغد ..
رغد..لابدر مافيني شئ
بدر..رجاء ماابي نقاش وكلامنا بعدين اذا رجعنا
مسك رغد وساعدها لحد ماركبت السياره وفعلا كانت تعبانه ولاهي حاسه بشئ وصلوا المستشفى والحمد لله
التشخيص كان انفلونزا حاده واعطوها مضادات وخافض للحراره ورجعت للبيت بعد مااخذت الابره الخافضه
وصلوا البيت وساعد بدر رغد لحد مانامت على سريرها
بدر..هارغد كيفك الحين
رغد وتحاول تبتسم ..الحمد لله اصلا قايله لكم من اول مافيني شئ
بدر..وجلس قريب منها ..رغد الي صار اليوم ماابيه يتكرر رجاء انا زوجك ومسؤل منك
رغد..ماحبيت ازعجك تعب بسيط
بدر عصب ..اي بسيط وحرارتك اربعين المهم مو هذا وقته انا بروح اقول لهم يعملوا لك شئ تاكليه عشان العلاج
رغد.لابدر ماابي شئ مو مشتهيه
بدر وهو طالع ..مو بكيفك
ابتسمت رغد وهي تقول لنفسه هذي الميزه الي فيه انه مايحب يقصر بواجباته لكنه مقصر بمشاعره
اليومين الي مرت على رغد وهي تعبانه كان بدر مايطلع من البيت ويحاول يكون قريب منها لكن باليوم الي بدت صحة
رغد تتحسن سمعت الخبر الي زادها تعب جسمي ونفسي ..

دخل بدر لبيت ابوه ورغد كانت عندهم وسلم والكل لاحظ سكوته
بدر وبكل قوه ..ياجماعه انتم ناس مؤمنين بالله
رغد وعورها قلبها وقامت عنده لانه من اول مادخل حست انه يناظرها بشكل مختلف
رغد ودموعها تجمعت بعيونها..بدر..اهلي فيهم شئ
ام سعود..لااله الا الله قول ياولدي يالله تسمعنا خير
بدر..عبدالله صار له حادث وهو بالعنايه
رغد خلاص انهارت ونزلت دموعها ..ليه ليه يارب
حضنها بدر..استغفري الله مايجوز هذا قضاء وقدر وان شاء الله مافيه الا الخير
لاول مره تحس رغد بالامان الحقيقي بحضن بدر وتحس انه فعلا واقف معها بكل مشاعره واحاسيسه
حاول بدر يهدي رغد لكنها اصرت انها تروح تشوف اخوها واخذها بدر للمستشفى واول ماوصلت حصلت
كل عمانها واخوها وخالد وسعود وامها وراحت بسرعه وارتمت بحض امها وظلت تصيح بعدين راح لهم سلطان
سلطان...ياجماعه اذكروا الله ان شاء الله مافيه الا كل خير
رغد من بين دموعها .....سلطان هذا عبدالله حب البيت كله

 

[آسيااا]

سلطان..الله يقومه بالسلامه تعالوا ارتاحوا انتم بالاستراحه واذا طلع الدكتور بطمنكم
وراحت رغد مع امها وطلع الدكتور وطمنهم وراح بدر يطمن رغد
بدر....رغد
طلعت رغد بسرعه...طمني بدر
بدر بأبتسامه .....تطمني عيوني طلع الدكتور ويقول الحمد لله بكرا الصباح اذا الله اراد بيطلع من العنايه
رغد...احلف
بدر ومقدر حالتها..والله العظيم
رغد..يعني مافيه شئ ..
بدر..كسر بسيط بيده وجبروه لكنه غايب عن الوعي يقول الدكتور بكرا يتحسن ان شاء الله
رغد..الله يطمنك يارب بروح اطمن امي
بدر..طيب وبعدها يالله وبكرا الصبح اجيبك تشوفيه
رغد..بس
يقاطعها بدر ...رغد جلستكم مالها فايده نواف بيظل معه وسلطان بيرجع مع عمي
رغد....بدر طلبتك
بدر..ـآمري
رغد..بروح بيت اهلي اليوم
بدر..يريحك هالشئ
رغد..بكون جنب امي الله يخليك
بد...ولايهمك نامي الليله عندهم
رغد..تسلم لي ياعمري وراحت لامها تطمنها
رجعت رغد بيت اهلها وظلت مع امها الي ماقدرت تنام من كثر خوفها على عبدالله حتى ابوها ماقدر
اما سلطان كان بالمجلس دخلت عليه رغد
..رغد......مو حلو البيت من غيره
سلطان...الحياة كلها مو حلوه من غيره
رغد..الله يشفيه يارب
سلطان.......تعرفين رغد عبدالله رغم هدوؤه لكن له حضور بكل مكان له هاله من الحب والتميز عند الكل
رغد.....تعرف سلطان ودي اروح الحين اشوفه
سلطان......لارغوده روحي صلي اذن الفجر وانابروح للمسجد والصبح كلنا نروح عنده
وصلت رغد ونامت والساعه سبع دق جوالها وردت من غير ماتنتبه لرقم لانها تعبانه كثير
رغد....الو
بدر..صباح الخير
رغد..ولاهي قادره تركز تحس انها بحلم .....هلا
بدر وحس بخووف على رغد ....رغد نايمه او تعبانه ....
استوعبت رغد لما احتد صوت بدر......لابدر مانمت الا بعد الفجر
بدر...زين اسمعي سلطان يقول انهم ماصحوك لانك نايمه تحبين امر الحين او تنامين
رغد..لاالحين بروح اشوف عبدالله شلونه الحين
بدر.. الحمد لله مافيه الا كل خير اوكي كم يبي لك حتى تجهزين
رغد..بدر فطرت
بدر وبأبتسامه .....لا منو يفطرني
رغد...سامحني عيوني شرايك تجي ونفطر هنا ونطلع
وبدر بدأ قلبه يرق لها ......والله مو شينه خلاص شوي وانا عندك يالله باي
رغد.....باي
قفلت رغد وضحكت وقالت انت عمري والله
قامت رغد واخذت لها دش سريع ولبست جلابيه ورفعت شعرها ونزلت تجهز الفطور وصل بدر وفطروا وبعدين راحوا للمستشفى
ولما وصلوا المستشفى صادفوا سلطان عند باب الغرفه وسلم عليهم
سلطان..رغوده اسمعي لاتحضنين عبدالله تسمعين
رغد وبخوف ..ليه شفيه
سلطان..مافيه الا الخير لكن يده مكسوره ومجبره والثانيه عنده تمزق بالكتف حاسبي عليه
رغد.....طيب خلاص ابعد بروح اشوفه
دخلت رغد الغرفه ولاحصلت غير امها وعبدالله اول ماشافت عبدالله نزلت دموعها وهو ابتسم لها قربت عنده وسلمت عليه
رغد ودموعها على خدها..سلامات الغالي ماتشوف شر
عبدالله وبنفس الابتسامه الهاديه..الله يسلمك من كل شر عيوني ههههه ليه الدموع الحين مافيني شئ
رغد ولاقدرت تحكي من الصياح ودخل بدر وسلطان وسلم على عبدالله وام سلطان وانتبه لرغد انها تصيح
بدر..رغد خلاص عيوني شوفي عبدالله مافيه شئ قدامك
سلطان...لاتحاول مابتسكت الا اذا خلصت دموعها مع انها ماتخلص ابدا
ام سلطان...خلاص يابنتي تعوذي من ابليس هذا اخوك بخير
رغد وهي تمسح دموعها ...خلاص مابصيح حتى الدموع حرام
سلطان.....هههههههههه ههههه لا مو حرام بس دموعك غاليه صح بدر
بدر وهو يناظر رغد..صح دمعة رغد غالييه كثير كثير
سكتت رغد وظلت تتأمل عبدالله اخوها كيف هالانسان المميز بحضوره وكلامه وحتى غضبه
عبدالله اذا عصب مايقول ولاكلمه يسكت ولايحب يتكلم مع اي شخص معصب لانه يعرف ان الانسان
معرض لانفعالات كثير ممكن تكون سبب ببعض التصرفات الغير عقلانيه
عبدالله وهو مبتسم .....بدر تعال خذ زوجتك شوفها ماهي طبيعيه اليوم الظاهر تتأملني على بالها انت
بدر.....هههههههههههه هه انا من الصبح اقول مو طبيعيه
رغد وتناظر بدر من طرف عينها .....
سلطان..يمه يالله اوصلك البيت انتي ورغد لان الشباب بيجون يشوفون عبدالله
ام سلطان ...بروح بس ترجعني العصر
سلطان..من عيوني
بدر..خالتي شرأيك تجين معنا للبيت والعصر انا اوصلك
رغد وهي مبسوطه ..الله يخليك يمه تعالي عندنا
ام سلطان..خلاص بس اشوف ابوسلطان اول
بدر..ولايهمك انا بتصل فيه واقوله يجي يتغداء عندنا
ام سلطان ..خلاص ياولدي شورك وهداية الله
بدر..يالله مع السلامه واشوفكم العصر

طلع بدر مع رغد وخالته ووصل لبيت ابوه ونزلت ام سلطان لبيت ابو سعود ورغد راحت لبيتها تبدل ملابسها

دخلت ام سلطان وسلمت على ام سعود والبنات
ام سعود ....بشرينا عن عبدالله
ام سلطان..والله انه تعبان شوي والدكتور مابيطلعه قبل اسبوع
ام سعود..ان شاء الله بيطلع بالسلامه
ام سلطان ..ان شاء الله
رغد..السلام عليكم وسلمت على خالتها وجلست عند البنات
ريم....رغد الحمد الله على سلامة عبدالله
رغد..الله يسلمك
رغد وتأشر على ريووف .....ليه ساكته
ريم وبصوت واطي..ماادري من الصبح وهي كذا ساكته
رغد......ريوف ..ريوف
ريوف ومن غير نفس......نعم
رغد..افا شفيك عيوني
ريووف..مافيني شئ
رغد..مو علي هالكلام
ريم..انا بروح اشوف امل واجيب سالم وطلعت وتركت رغد وريوف لحالهم
دخلت بيت سعود ولاحصلت احد وسألت الخدامه قالت لها روحي هاتي لي سالم من عند المدام
وجلست بالصاله تنتظر سالم الصغير وفجأه رن التليفون شافت الرقم وعرفته هذا رقم الخيمه اكيد سعود.
ريم...هلا والله بأخوي حبيبي والله
المتصل............
ريم...افا والله ماعجبك صوتي
خالد......هلا ريم
ريم من الروعه وقفت بمكانها وتحس بتصيح خلاص
خالد.....الوووووووو
ريم..احم الوو مين ..؟؟( على بالها ماعرفته)
خالد وبأبتسامه .......خالد
ريم..هلا خالد شلونك وشلون عمي
خالد ومبسوط ......الحمد لله انتم شلونك
ريم..بخير لحظه بنادي لك امل
خالد......لا ريم خلاص ماله داعي احساس ينهي احساس
ريم مافهمت قصده وسكتت
خالد.....ههه بااي ريم
ريم وهي ماسكه السماعه بيدها وبنفس مكانها
امل..بسم الله الرحمن الرحيم شفيك
ريم..تناظر امل وودها تقول اخوك مو طبيعي اليوم.......مافيني شئ اتصل خالد اخوك
امل وبخاطرها تقول اكيد خالد قال لها شئ البنت مو طبيعيه........طيب قفل الحين..؟؟
ريم..ايه قفل انا بروح بيتنا تعالي رغد ومرت عمي عندنا وطلعت وضحكت امل وراحت تتصل بخالد

 

[آسيااا]

في بيت ابو سعود....
رغد..ريووف ليه كذا حزينه زواجك قريب المفروض تكوني مبسوطه
ريووف..رغد انا مبسوطه لكن اليوم ضايق خلقي شوي
رغد وهي مبتسمه .....سمعتي صوت سلطان اليوم
ريووف ......لا
رغد...عطيني جوالك
ريوف..ليه
رغد ..بتطمن على اخوي جوالي بالبيت نسيته
اعطتها ريوف الجوال واتصلت بسلطان..
سلطان..هلا والله
رغد...اسمع سلطان ريووف اليوم مزاجها مو تمام وهذي مسؤليتك يالله باي
سلطان.....هههههههههه هههههههههههههههههههه ااي
رغد..يالله معك ريووف
ريوف..هلا سلطان
سلطان..هلا والله بعمري
ريوف...ماعليك من كلام رغد
سلطان......ريووف زعلانه مني صح
ريوف................ .
سلطان....ريووف عمري انا عصبت لان كلامك يعصب بعد هالانتظار تقولين تأجلين شهر
ريوف......خلاص سلطان مابنأجل لكن ماكان المفروض تعصب ولاترد علي حرام عليك طوال امس اتصل عليك ماترد
سلطان........اسف حبيبتي والله كنت معصب لكذا ماحبيت ارد اسف الغاليه
ريووووف سكتت ماعرفت شو تقول سلطان دائما يعترف بخطأه وهذا شئ يميزه عن الكل انه
عند الكل مستعد يقول اسف لان الخطأ خطأ مهما كان ..

اما بدر كان بالبيت وبينام وقال بتصل برغد حتى تصحيني العصر واخذ جواله واتصل وفجأه سمع
صوت رنة جوال قريبه عنده واخيرا حصل جوال رغد لكن المفاجأه ان المكتوب
أنت عمري يتصل بك .....
بدر ظل يتأمل ويعيد الاتصال أنت عمري معقوله رغد يالله رغد لو تعرفين بشو مخزن رقمك (البيت2)
وقال لا بغيره وبكتب الاسم الي احس فيه ....( الحنونه )
ترك الجوال ونام بدر ورغد ظلت ببيت عمها والعصر رجعت للبيت وصحت بدر

اما بالمستشفى مافيه غير عبدالله ونواف الي قرر انه ينام عنده لانه قريب منه كثير
عبدالله .....نواف
نواف......ايوه
عبدالله......ماراح اطلع قبل اسبوع
نواف..تمر بسرعه ياشيخ
عبدالله......ماهمني انا الي يهمني شخص ثاني
نواف وبااستغراب.......منو وو...؟؟
عبدالله...قصه طويله
نواف.....قول يااخوي خلينا نعرف لكن حدد هالشخص منوو اول
عبدالله.....نواف أنا كنت اكتب قصايد وخواطر كثير من غير ماتكون موجهه لشخص معين
لكذا كل قصايدي تتناول الحب والكره والخيانه والشوق لاني اعيش احساس الاخرين اعيش احساس
خيالي او لشخص اخر واكتبه لكن الشخص الي اقصد هي الانسانه الي اكتب لها الحين كل قصايدي
من غير قصد مني كل الحروف تنكتب لها
نواف..وبكل حماس.........عبدالله أنت تحب..؟؟
عبدالله......مااعرف
نواف...والله شوقتني قول يااخوي وضح كلامك
وقال عبدالله لنواف كل الموضوع من البدايه من اول ماقالت له رغد الموضوع الى الوقت الي بدت تسيطر
عبير على حياته
نواف.....طيب وهي تحبك......؟؟
عبدالله......نواف البنت محترمه كثير مستحيل اتجرأ واقول لها مستحيل
نواف......يعني حب صامت
عبدالله وباابتسامه حزينه ويمكن من طرف واحد بعد..
نواف ......اسالك سؤال وتجاوبني بصراحه ...؟؟
عبدالله ...تفضل
نواف.....انت لما قدرت تحدد مشاعرك تجاهها شو كان هدفك......؟؟
عبدالله ..فهمت قصدك نواف أنت تعرفني اكثر من غيرك تعرف اني انسان مستقيم
مااعرف استغل احساس اي شخص انا اول شئ توقعته اعجاب بفكر هالبنت لكن
اتضح لي لا اني هالبنت دخلت قلبي من أول ماسمعت اسمها نواف هالبنت هي الانسانه
الي كتبتها قبل مااعرفها بكل قصيده كان الخيال هو سيدها
نواف..طيب عبدالله الحين شو راح تعمل
عبدالله ....الاعتراف لها مستحيل لاني اعرف رد فعلها
نواف ..طيب انت تعرف البنت تقدم لها واخطبها
عبدالله..لكن انا ابيها تعرف اني خطبتها وانا اعرف انها عبير الي رمزت لاسمها باسم حياة بلا حياة
نواف..عبدالله اذا تبي رائي خلي اختك تقولها كل شئ
عبدالله..اخاف من ردها
نواف..لاتخاف اذا تحبك او على الاقل ترتاح لك ماراح يصير الا الخير
عبدالله..خلينا من هالكلام انابعطيك اسم الموقع وتطبع لي كل مشاركاته بالايام الي مرت اوكي
نواف ..اوكي واجيبها معي بالليل
الجزء السابع عشر...

اما عبير بعد ما حست ان هالامل بدأ يتسرب لحياتها بلحظه خافت منه خافت من الامل الي ممكن يدمرها
ترددت تصارح ريم عن احساسها لكن ريم سبقتها وسألتها بأحد مكالمتها
ريم..عبوره اذا احد قال ماابي انهي احساس بأحساس شيقصد
عبير..هههههههههه مافهمت قولي السالفه من الاول
ريم...ههههههههههههه فاهمتني
قالت ريم السالفه لعبير وحاولت عبير تشرح لريم
عبير..اذا مااني غلطانه ولد عمك يحبك
ريم وهي مو مستوعبه .....لا مافيه امل يحبني
عبير ..ليه ..؟؟
ريم..ماادري
عبير.....وانتي..؟؟
ريم.......بصراحه ارتاح له كثير ويعجبني كثيرر
عبير..قوليها ماله داعي هالكلام
ريم.....هههههههههههه هه عبوره خلينا مني وقولي لي شو اخبارك
عبير..مافيه جديد لكن
ريم...عبوره شفيك...؟؟
قالت عبير كل السالفه لريم واستغربت ريم معقوله عبير تتأثر بكلام النت
ريم..عبير انتي تعرفين نهاية هالشئ ..؟؟
عبير...ريم لاتزيدين همي هم اعرف ادري ان هالشخص مااعني له شئ لكن
اثر علي كثير بكلامه ونقاشه وهدوءه
ريم..وبعدين ..؟؟
عبير..ريم انا اعرف حدودي ومستحيل اتجاوزها وانتي تثقين بهالشئ لكن مااقدر
اني امنع نفسي من اني اتابع كل حروفه
ريم..عبير لاتبنين اي امل على هالشخص
عبير..صدقيني ماعندي اي امل فيه لكن شعور ماقدرت احدد ماهيته ..
ريم ..عبير بروح اشوف اخوي واكلمك بعدين اوكي
ريم..اوكي باي

 

[آسيااا]

[frame="2 80"][frame="3 50"]نزلت ريم لنواف الي صحى البيت كله من صوته
ريم....شفيك نعم
نواف...ماتسمعين من الصبح انادي
ريم....امر شتبي
نواف....الاوراق الي كانت هنا وينها
ريم بنفسها تقول قالوا لك الخدامه.....مااعرف سالت امي
نواف....مافيه وقت اسألي امي وارسلوها بيت عمي منصور باي
ريم...باي
طلع نواف لعند واحد من ربعه ينتظره ركب نواف
نواف..السموحه تأخرت عليك
عبدالعزيز....ولايهمك ياله حرك تأخرنا عالشباب
نواف....اتصل على صقر قوله يعطيك رقم سلمان بسرعه
اتصل عبدالعزيز واخذ الرقم لكن الي صار انه طلع ورقه من درج سيارة نواف وظل يناظرها
بعد ماسجل الرقم التفت على نواف ..
عبدالعزيز....الله عليها فنانه هالرسمه
نواف....عجبتك
عبدالعزيز.....مها عبدالعزيز رسوماتها رائعه
من ذكر اسمها نواف انصدم صح التوقيع كان بأسم مها لكن كيف عرف اسم ابوها
نواف ومن داخله يغلي من القهر....تعرفها
عبدالعزيز.....ومن مايعرفها
نواف خلاص وصلت معه .....شلون تعرفها
عبدالعزيز وهو انسان طيب ماكان يقصد يستفز نواف .....الله يسلمك انت تعرف اني اخصائي بجمعية الاطفال
المعاقين وبيوم وصلتنا شهادة تقدير كلها برسم اليد مايقارب الخمسين شهاده للاطفال المتفوقين وهذا شئ اسعد
الجميع والطبيعي اننا نسأل من مين قالوا انها من طالبه اسمها مها عبدالعزيز اهدتها للجمعيه بعدها صارت تهديهم
لوحات وكلها تخص الطفل ..الا ماقلت لي منين حصلت هالرسمه
نواف وارتاح بعد ماسمع كلام عبدالعزيز وحس انه فخور ببنت خالته.....من الاهل
عبدالعزيز وانحرج من نواف ...اهاااا
نواف ظل يفكر بمها اكيد مختلفه عن اختها الي هذي تصرفاتها وتفكيرها اكيد مختلفه ..


اما في بيت بدر ..رغد كانت جالسه لحالها مالها خلق تروح بيت عمها وبدر مو موجود طفشت وهي جالسه
لحالها قالت والله مليت الي متى هالحال من تزوجته ماطلعت الا كم مره الى متى يعني انا من حقي انه يجلس معي
وقامت طلعت لغرفتها وبدلت ملابسها تحاول تضيع الوقت بعدين جلست تتفرج على فلم ورجع بدر بيأخذ اوراق وحصلها
بدر..هلا رغد
رغد..هلا
بدر..غريبه ليه جالسه بالبيت
رغد..والله مالي خلق اطلع او اروح لأحد
بدر..ليه رغد تعبانه
رغد..لا مافيني شئ
مااقتنع بدر بردها حس أن رغد مو طبيعيه قال بنفسها مابطلع بجلس معها
بدر..انزين بما انه مالك خلق تطلعين ,,وبأبتسامه يصير انا اجلس معك
رغد..براحتك
بدر..لا الظاهر مزاجك مو تمام
رغد..ابي اطلع
بدر..بأستغراب.....وي ن..؟؟
رغد..مااعرف ابي اطلع معك
ابتسم بدر وقال ولايهمك بعطي سعود الاوراق ونطلع
رغد..اوكي بس لاتطول
بدر..دقايق يالله اجهزي ..
طلع بدر وابتسمت رغد لنفسها اخيرا قدرت اطلب شئ من حقي طلعت مع بدر وبالسياره
رغد...بدر برووح للمرسى ونأخذ شاليه هناك
بدر ومو مستوعب ..للمرسى وشاليه واليوم الاثنين
رغد..طيب
بدر..طيب شمعنى المرسى ..؟؟
رغد..هادي يعجبني ..الله يخليك بدر
بدر..ولايهمك نروح للمرسى
وصلوا واخذوا شاليه هناك وفعلا الشاليه كان رايق وهادي والاجمل أن بدر انبسط كثير مع رغد
رغد..بدر الساعه وحده تأخرنا عندك شغل الصباح
بدر..والله انا مبسوط وبعدين عادي مو لازم دوام بكرا
رغد من فرحتها كان ودها تصيح اول مره بدر يقول مبسوط يالله فرحتها كانت ماتوصف
عالساعه اربع طلعوا ورجعوا للبيت لما وصلوا ودخلوا
رغد..وبأبتسامه عذبه.....شكرا بدر
بدر وبنظره لاول مره تحس رغد ان فيها احساس .....الشكر لك انتي لاني انبسطت كثير
وبكذا انتهت الليله عليهم وهم مرتاحين ....

اما ريوف خلاص زواجها تحدد بعد اسبوعين وكانت مشغوله كثير اما ريم مشغوله بأختباراتها
ورغد طوال الوقت مشغوله مع ريوف ..
انتهت الاختبارات ولاباقي على زواج ريوف وسلطان غير يومين وريوف خلاص اعصابها تعبت
من الضغط وطوال الوقت نوف وامل ورغد عندها وبيوم الزواج


ريووف كانت رائعه بجمالها الرايق وريم كانت ولااحلى اما رغد فكانت خايفه من بدر والسبب فستانها
لكنها قالت خلاص مايقدر يقول شئ الزواج اليوم جهزت ولبست وهي نازله صادفها بدر لما شافته خافت
وبدر انبهر بشكلها كانت فاتنه مميزه ظل يتأمل شكلها وهي تبتسم واخيرا
رغد واستحت من نظرات بدر.. ...خلاص بدر
بدر...هههههههههههههه ه طيب خلاص بس ياويلك اذا نزلتي الشال
رغد....ان شاء الله
بدر..يالله مشينا ولاتنسين اقري المعوذات على نفسك
التفت رغد له وابتسم لها وطلعوا لبيت ابو سعود
اماريوف كانت ميته من الخوف صح هي تحب سلطان لكن فراق البيت الي عاشت فيه 22 سنه صعب
فراق امها وابوها شئ ماقدرت تتخيله لحظه كيف تصحى من غير ماتشوف امها وابوها وتصبح عليهم
شلون ماتشوف ريم وتضحك معها بكل لحظه شلون تفقد اخوانها الي بأي وقت تروح لهم هالشئ كان موتر
ريوف كثير لكن وصلت رغد ودخلت عندها
رغد..هلا والله بمرت اخوي وااااااااااااااااااا ااااو شو هالزين
ريوف وهي فرحانه بشوفت رغد......رغد بموت من الخوف
رغد....ههههههههههههه ه تموتين وانتي تحققين حلمك
ريوف..اي حلم ماابي شئ خلاص
رغد...خلاص بروح اقول لسلطان ريوف ماتبيك خلاص
ريوف..رايقه
رغد..ههههههههههه خلاص حبيبتي هالخوف شئ طبيعي لكن اخوي حبوب
ريوف................ ..
رغد..ريوف اقول اليوم زواجك ماله اي داعي هالخوف حاولي تهدين شوي
ريووف..طيب وين البنات
رغد..خالتي تقول ريم راح تجي مع امل ونوف موجوده
ريوف......ياربيه وينهم
رغد..خلاص بروح اشوفهم
وطلعت رغد تشوف البنات وصادفتها نوف..
نوف..هلا واله بهالزين
رغد..وبأبتسامه .....هلا فيك عيوني
نوف وبضحكه .....شلون وافق بدر عالفستان..؟؟
رغد...ههههههههههههه ماادري لكن لاول مره احس واشوف بعيون بدر نظرة رضى واعجاب
نوف...اقول الصدق
رغد وهي خايفه..قولي
نوف...نامي عند اهلك اليوم
رغد وتغيرت تعابير وجهها ..ليه..؟؟
نوف....ههههههههههههه اخاف على اخوي ينهبل شكلك جنان
رغد..يالشينه خوفتيني
نوف...فاتك ريم كلمتها وصوتها واطي اقولها شفيك ولاترد صارت الشيخه توهقت مع امل وجات مع خالد ولد عمي
رغد...تستاهل ريم مايسكتها الا خالد لانه اجرأ منها
ودخلت نوف ورغد عند ريوف اما ريم مسكينه طول الوقت وهي تدعي على امل الي وهقتها وهذا الشئ عملته امل بالعنيه
قالت لريم ان سعود بيوصلهم وهي تعرف سعود مشغول الي بيوصلهم خالد اول ماعرفت ريم قالت
ريم.......ماابي اروح
امل وبابتسامه خبيثه......وليه عمتي ريم
ريم..بس كذا بكلم نواف يأخذني
امل..واقول لخالد ريم مابترضى تركب معك
ريم................. .
امل..ريم ماله داعي كل هذا اخوي مايعض
ريم وتقول بخاطرها شلون اركب معه هو مايستحي لكنها وافقت لان مالها حل ثاني ولما ركبت السياره
ريم..السلام عليكم [/frame][/frame]

 

[آسيااا]

خالد ومبسوط وامل اكثر تسمع كلامهم.....وعليكم السلام هلا ريم
ريم وبصوت واطي....اهلين
خالد وتعمد يحرجها...عالبركه وعقبالك ان شاء الله
ريم تقول الله يخليك اسكت صوتك يوترني وانا مو ناقصه
امل..وتبي ريم تتكلم...... ريم شرأيك بشكلي
ريم..حلو
امل..افا بس حلو وليه كذا من غير نفس
ريم................. ...
خالد..الظاهر ريم زعلانه لان ريوف بتتزوج
امل....ولايهمك ريم بكرا نعمل خطوبتك وبعده زواجك
ريم.......امل
امل ..ايوه
ريم.....الظاهر مستعجله تبين تخلصين مني
امل...هههههه لا لو تخلصت منك هنا بحصلك في بيت ثاني قريب مني مرره
خالد فهم قصد امل وابتسم وسكتت لانه حس ريم منحرجه كثير اما ريم كانت تتمنى تذبح امل لكن سكتت
واول ماوصلوا قلت ريم لامل.....املوه والله لاردها لك
امل....ههههههههههههه هههه ماقلت شئ
ريم..اي هين ماقلت شئ وراحت لريوف وهي منقهره من كلام امل
دخلت ريم وشافت عبير وراحت سلمت عليها واخذتها عند ريوف
عبير ...الف الف مبروك ريوف الله يوفقك
ريوف..الله يبارك فيك عقبالك
عبير ..مبروك رغد
رغد وهي تبتسم لنعومة عبير..الله يبارك بعمرك
نوف..ريوف يالله وقت الزفه
وبعد المعاناة قامت ريوف واشتغلت الموسيقى وطلعت ريوف واشتغل شريط الشعر الي الكل تفاجأ فيه
الاريوف الي كانت تعرف وهو اهداء من عبدالله لسلطان اخوه لكن سلطان اضاف ثلاث ابيات وصف لريوف لان عبدالله ماكتب
الا بشكل عام الكل عرف ان هالصوت صوت عبدالله لان اشرطة شعره عند كل العائله وبصوت واطي
ريم....عبوره هذا عبدالله اخو رغد الي قلت لك عنه
عبير.....صوته حلوو وقصيدته احسها قريبه لنفس
تمت الزفه ودخل ابو سعود وابو خالد وابوسلطان وسلطان وسعود وبدر ونواف والل سلم وبعدها طلع سعود ونواف وبدر راح يسلم على
ام سلطان وبعدها راحت رغد للكوشه تسلم على اخوها ..
وبطاوله ماهي بعيده كانت فيه انسانه تحس انها بتموت وهي تشوف بدر يبتسم لرغد وهي طالعه للكوشه والشئ الي خلاها تمووت
لما رفع بدر الشال لرغد وقال لها شئ وهو مقرب راسه منها بعدها طلع بدر ..وشوي طلع سلطان وريوف وابتدوء اول لحظات
تحويل الحلم لواقع حقيقي ..
انتهى الزواج والكل مبسوط ومرتاح لان ريوف وسلطان اجتمعوا اخيرا والحب يجمعهم وهذا الشئ يزيد من روابط الاهل
وباليوم الثاني الكل اجتمعوا ببيت ابو سعود وجات عندهم ريوف وسلطان وسلموا عليهم بعدين وصلهم نواف للمطار ..
اما ريم فقدت ريوف كثير لانها متعوده تسهر معها وتجلس معها
امل......ريم شفيك ريوف تزوجت المفروض تفرحين لها
نوف...ريما حبيبتي ماتعودنا عليك كذا
ريم.....الله يسعدها
رغد..ويسعدني يارب
ريم.....هههههههههههه ههه صح ماقلتي لي ماقال بدر شئ امس عالفستان
امل......ياشيخه شلون يقول وشكلها جنان
نوف.....الظاهر رغوده فيه تقدم مع اخوي
رغد....اتمنى يانوف انا مااقول مافيه لكن مازال متحفظ حتى عالكلام الحلو
امل ولايهمك بكرا يتغير
ريم......اقول عبوره بتجي عندي اليوم
رغد.....هالانسانه احبها
امل.....حتى انا والله
نوف.....وتعمدت نوف تقول هالكلمه لان امل قالت لها عن نية خالد......اموله اخطبيها لخالد ..؟؟
ريم انصدمت من كلمت نوف اما امل فهمت قصد نوف
امل...ياليت لكن خالد خلاص اختار الانسانه الي على قوله دخلت قلبه
ريم تمنت تروح وتتركهم لكنها نزلت راسها وابتسمت ورغد تناظر امل ونوف وحست ان بينهم شئ
رغد.... .بتصل بحبيبي اخوي
ريم.......انتي هيه توه متزوجين
رغد.....هههههههههههه بسم الله اقصد عبدالله وجع
ريم.......هههههههههه هههههههههه على بالي
رغد...هلا والله بأخوي وحبيبي
عبدالله.....هلا بهالصوت
رغد......لاتقول ولاكلمه
عبدالله.....افا والله
رغد......انتظرك اليوم حرام عليك اجلس عندي لو ساعه
عبدالله...من عيوني بعد المغرب امر عليك
قفلت رغد من عبدالله بعد مااتفقت انه يكون عندها بعد المغرب
ريم....ماتسمعين الحين اقول عبير بتجي عندي ليه تعزمين اخوك
رغد......مابيطول بعدين خذي راحتك معها بعدين اجي عندكم
ريم.....وتقصد امل ونوف.....تعلموا الذوق مو من اول ماتجي البنت وانتم على راسي
نوف...مالت عليك اصلا انابروح اليوم انا وامل لسوق
ريم .....احسن

وبعد المغرب وصل عبدالله لبيت اخته وجلس معها وعجبه الجوو الهادي بالبيت وفجأه اتصلت ريم
وقالت لها ان عبير وصلت من بدري
رغد....اوكي طيب عبير متى بتروح
عبدالله لفت انتباهه اسم عبير وخصوصا انته بعد ماطلع من المستشفى ماشارك ابدا لانه قال لازم اعمل الشئ الصح
عبدالله......رغد مشغوله

 

[آسيااا]

رغد.....لا ريم عندها صديقتها وتقول تعالي عندنا
عبدالله .....هي البنت الي شفتي مشاركاتها عندي
رغد وهي مستغربه .....مشاء الله تتذكرها
عبدالله ابتسم
رغد استغربت من كلمته وظلت تتأمل عبدالله


راحت رغد عند البنات بعد ماطلع عبدالله وجلست وانبسطت على عبير الي كلامها موزون وهادي كثير بعدها
رجعت رغد لبيتها وتوها داخله الي تسمع التيلفون يدق راحت وردت..
رغد...الوو
المتصله ....هلا رغد
رغد تحاول تعرف الصوت.....اهلين من معي
المتصله.....ماعرفتين ي
هنا عرفتها رغد ....نعم لمى
لمى....حبيت اتطمن على حبيبي ماشفته من كم يوم
رغد انصدمت بكلامها
لمى....لعلمك الاسبوع الجاي بيقولك بيسافر لكن مابيسافر بااي
رغد انصدمت من كلام لمى كانت تتوقع بدر صادق لمى قال انها ماتعني له يالله شو اعمل الحين اقوله او اسكت
من احكي له من اشكي له تعبت من هالحال والله تعبت ظلت رغد مسكينه على هالحال لكنها قررت تتجاهل بدر
حتى يعرف قدرها وقيمتها قررت اصعب قرار انها تعطيه كل شئ تقدم له كل شئ لكن من غير اي احساس
راح تجمد احساسها تجاهه وبعد مااتخذت هالقرار طلعت لغرفتها ونامت وهذا اول شئ انصدم منه بدر رغد تنام قبل مايوصل
قال اكيد تعبانه راح عندها
بدر....رغد تعبانه فيك شئ
رغد وهي معطيته ظهرها....ولاشئ بنام
استغرب بدر وطلع وتركها وبالصباح صحى وحصلها جالسه تبرد اضافرها
بدر....صباح الخير
رغد...صباح النور
بدر....مابتفطرين معي
رغد ....مااشتهي
بدر....رغد انا بكرا مسافر لجده
رغد انصدمت حست ودها تصرخ تقول ليه حرام لكنها سكتت
بدر....رغد شفيك ليه ساكته
رغد وبعد معاناة.....تروح وترجع بالسلامه
بدر....طيب ممكن اعرف شفيك
رغد قامت بتطلع فوق.....سلامتك
بدر عصب منها لكنه قال نأجل الموضوع للعصر ويصير خير
بالعاده رغد تجلس تصلح شغلها وتجهز الغداء مايرجع بدر الا كل شئ جاهز لكن اليوم نامت وعالساعه وحده صحت
وعملت الغداء واتصلت ببدر وقالت له انها تعبانه وبتنام واذا وصل الغداء بالمطبخ استغرب بدر هذي مو طبيعيه اليوم
لكن قال يمكن تعبانه رجع ولاتغداء نام ولما صحى المغرب حصلها تحت
بدر...السلام عليكم
رغد...وعليكم السلام
بدر...مارحتي عند اهلي اليوم
رغد...لا
بدر وصلت معه من اسلوبها معه .....طيب نروح لهم
رغد.....مالي خلق
بدر....ليه
رغد....كذا مالي خلق
بدر....رغد عدلي اسلوبك معي
رغد تضحك باستهتار ...ان شاء الله
بدر واستفزته اكثر...مااعتقد اني قلت شئ يضحك
رغد وخلاص مهما مثلت ماتقدر قامت بتطلع....اسفه
مسكها بدر....مو حل كل ماتكلمنا طلعتي الى متى
رغد ماقدرت نزلت دموعها
بدر.....مو حل دموعك يارغد شفيك تكلمي
رغد...مافيني شئ مافيني شئ
بدر.....لا فيك توقعت انك بتسأليني حتى كم بجلس اذا سافرت لكن الموضوع مو هامك اصلا
رغد...اسبوع
بدر...اهاا يعني تعرفين عن موضوع السفر لكذا زعلانه خلاص سافري معي
رغد...ماني زعلانه ولاابي اسافر معك
بدر....لا زعلانه بعدين من قال لك اني بسافر مافيه احد يعرف الي واحد من خوالي
رغد....قالت لي حبيبة القلب
بدر وعصب من كلمتها ومسكها من يدها ولفها بقوه.....من قال لك ..؟؟
رغد ودموعها ماعدت قادره تسيطر عليها .....خلاص تطلقني اذا تحبها
بدر.....رغد انتي من تتكلمين عنه
رغد...وصارت تقول كلام ماتدري وش هو .....من غيرها حبيبتك لمى الي من يومين ماشفتها ولاكلمتها حرام تعذبها
بدر ماحس الا بيده ارتفعت وعطى رغد كف جمد رغد وهز بدر من قوته
رغد من صدمه من كف يدر ....تتوقع هذي رجوله
بدر وهو خلاص واصل حده من نفسه لانه تجرأ ورفع يده. بصوت عالي ...رغد لاتستفزيني
رغد....وهي تأشر على قلبها ...هديت الباقي من حبك هنا وطلعت لكن مو لغرفتها لبيت عمها

 

[آسيااا]

[grade="800080 FF6347 FF1493 008000"]خلاص باقي 3 اجزاء وتنتهي القصه اذا حصلت ردود حلوه منكم:eh_s(21):
ماراح اقصر وياكم[/grade]:eh_s(21

 

[مـ سهله ـو]

القصه واااااايد حلوه كملييها

 

[اخت اخوها]

لازم تنزلين القصه كامله لان اذا مانزلتيها من اول شي مايصير لها طعم وتملينها

 

[مسوكه^^]

وين باقي القصه كمليها ...........
ترا عشت القصه وراسي عوراني....