بتسافرين النمسا والمانيا هالصيف؟؟!! حياج بتجمعنا صيف 2010

[اعتلي يانفس]

بنات احنا مفكرين بفيينا زلمسي ميونخ وعل الفنادق
فيينا فندق ماريوت
زلمسي كنت ابي قراند بس خرعوني بمنتديات ثانيه قلولي صاحبته يهوديه وفي فيران وذبان وماينظفون الغرفه اكثر من 40 عضو قالو هالكلام وغيرنا حطينا فندق سي هوتيل فرايبورغ ان شاء الله كتبته صح
وميونخ ميريديان شرايكم نعتمد ابي شوركم

 

[~Luxury]

اقول بنات شلون الجو بالنمسا صج حر؟؟

 

[Ms.LoL]

صباح الخير ..
أهلين فقدتكم هاليومين ^.^

====

حصوصه
كنت بشتري من تباك مادري شسمها إللي قلتي عنها
خلاص باخذ من الثانية عيل
و حصلتي لها تعبئة بكل مكان .؟

إنزين شلون لفعل خدمة بلاك بيري على خطي نمساوي .؟
لأنه الخدمة لو على خط زين بتصير دبلاات \=

====

زلمسي كنت ابي قراند بس خرعوني بمنتديات ثانيه قلولي صاحبته يهوديه
وفي فيران وذبان وماينظفون الغرفه اكثر من 40 عضو قالو هالكلام وغيرنا حطينا فندق سي

يمممممممممممه !!
ذبان ها تمشي نتخيل إنه بالوفره
لكن فيرااان !
عاد أمس تقولي وحده مادحته لها
و تقولها لا تاخذين صوب القطار إزعاج
قلت لها إي قريت بالمنتدى قايلين جذي
مو قراند هوتيل؟
\

 

[79oo9a]

النمسا العاصمه فيينا اول ما طبيتها حررررررررر مو طبيعي جني بالكويت سكنت بماريا هلفر nh وكل مانزلت اتمشى بالسوق وامر من عند الفندق اصعد اتسبح وانزل لان كان حر مو طبيعي اول ما طبينها بس قعدنا يومين بعدين رحنا زلمسي عاد زلمسي الجو مو طبيعي

لولو انتي اول ما اطبين فيينا اخذي الخط .. انا عطوني الخط ابلاش وفيه 20 يورو هم ابلاش وانا خذيت 10 يورو احتياط يعني بس دفعت 10 .... التعبئه مادري مادورت لان توه خلص رصيدي واليوم ان شاءالله بنزل فيينا واليووم الاحد كل المحلات مسكرة يعني باجر بدور بفيينا 100 % راح القى لان انا شريته مناك

وخدمه البلاك بيري مادري عنها ما سألت !! حسافه اليوم مسكرين ولا جان نزلت اسألج

 

[79oo9a]

بناات مادري اشعاجبكم بقراند ترا بس اسم ولا الفندق سخييف ومعاملتهم مو شي انا رحت بشووف الغرف وبسكن فيه بس بصراحه كلش مو شي لاالمعامله والغرف مو ذاك الزوود ... سكنت ب seehof نفس القراند يطل على البحيرة ونضيف معاملتهم حلوة وارخص من القراند بألف مرة

 

[{عسوله مطير]

قوه يالغوالي


ياليت تفيدوني أحسن قرووب ..للنمسا !

 

[{عسوله مطير]

بناات مادري اشعاجبكم بقراند ترا بس اسم ولا الفندق سخييف ومعاملتهم مو شي انا رحت بشووف الغرف وبسكن فيه بس بصراحه كلش مو شي لاالمعامله والغرف مو ذاك الزوود ... سكنت ب seehof نفس القراند يطل على البحيرة ونضيف معاملتهم حلوة وارخص من القراند بألف مرة

فديتج .عاد عندي له صور من برا وموقعه موطبيعي ..يخلي الواحد يتخيل


طيب seehofموقعه حلو نفس موقع قرند على بحيره:sfg:

 

[79oo9a]

عسوله مطير اي انا سكنت فيه وعندي صور من البلكونه بس ما اعرف انزل الصور واحطهم اهني ولا وريتج المنظر .... البلكونه تطل على البحيرة دايركت
القراند اوكي موقعه حلو بس

 

[Ms.LoL]

أهلين حصوصه
ما تقصرين ..
عاد تصدقين شفت تقريرين واحد بالوطن و الثاني بالراي
مودين مذيعين مناك يسوون تقرير عن النمسا
بمناسبة إنه خطوط الوطنية للطيران فاتحين رحلة لهناك
المهم
مذيع الراي لما نزل يقول صقعه
و مذيعه الوطن الصغيره اظن اسراء تقول بررد
و انها حاسبه حسابها صيفي و درجة الحرارة 12

يظهر كل شوي تتغير \=

بقولهم عن الفندق إللي انتي فيه ..

بالنسبة للخط ..
إي صح اليوم الأحد هناك عطلة ..
أوكي يصير أي وقت تمرين عليهم تسئلن ..
أنا سفرتي بشهر 7 مو الحين ..
و مشكووره على التقارير ونستينا و الله ^.^

 

[زيزية سمره]

سلااام يا بنات...
آنا انشاللة سفرتي بعد اسبوعين ..يعني من 6/7/2010 ليما 7/8/2010 وطبعا ولرابع سنة على التوالي نروح النمسا والمانيا...والاستقرار يكون بالريف النمساوي... منطقة كابرون بالتحديد... ومنها نتنقل بالسيارات ... مرة المانيا و مرة ايطاليا و مرة نستكشف المناطق القريبة ... المكان شي عجيب ولا بالخيال... من جو و طبيعة و نظافة و تسلية... لو أظل أروح كابرون العمر كلة ما راح امل.. تخيلو العام كنت حامل و بالشهر الرابع و هم رحت... العام رحنا اسبوع بلاك فورست و بعدها نزلنا كابرون و قعدنا شهر.. والسنة بإذن اللة بنروح اسبوع سلوفاكيا و بعدها ثلاث أسابيع كابرون ولو ما رمضان جان قعدنا أكثر...انشاللة بنطير على الطيران الأردني.. احنا مجربينة وايد مريح.. و بالنسبة للسكن .. احنا نتعامل مع وحده كل سنة ناجر بيتها كلة و هو عبارة عن ست شقق و موقعة بالسنتر تقريبا... إذا عندكم أي استفسارااااااااااااات ترى حاضرين للطيبين.

 

[الحياة طموح]

السلام عليكم
و الله كل وحده لها راي ، مادري ليش ، فندق ناس تمدحه والاقي ناس اتذمه
حيرتونا معاكم


ابي مساعدتكم بهالموضوع
http://www.q8yat.net/showthread.php?p=17522454#post17522454

 

[noor sultan]

سلااام يا بنات...
آنا انشاللة سفرتي بعد اسبوعين ..يعني من 6/7/2010 ليما 7/8/2010 وطبعا ولرابع سنة على التوالي نروح النمسا والمانيا...والاستقرار يكون بالريف النمساوي... منطقة كابرون بالتحديد... ومنها نتنقل بالسيارات ... مرة المانيا و مرة ايطاليا و مرة نستكشف المناطق القريبة ... المكان شي عجيب ولا بالخيال... من جو و طبيعة و نظافة و تسلية... لو أظل أروح كابرون العمر كلة ما راح امل.. تخيلو العام كنت حامل و بالشهر الرابع و هم رحت... العام رحنا اسبوع بلاك فورست و بعدها نزلنا كابرون و قعدنا شهر.. والسنة بإذن اللة بنروح اسبوع سلوفاكيا و بعدها ثلاث أسابيع كابرون ولو ما رمضان جان قعدنا أكثر...انشاللة بنطير على الطيران الأردني.. احنا مجربينة وايد مريح.. و بالنسبة للسكن .. احنا نتعامل مع وحده كل سنة ناجر بيتها كلة و هو عبارة عن ست شقق و موقعة بالسنتر تقريبا... إذا عندكم أي استفسارااااااااااااات ترى حاضرين للطيبين.

تروحون وتردون بالسلامه باذن الله
بغيت اسال اذا بتطلعون من سلوفكيا لكابرن بتطلعون بسياره وهل هى قريبه والسياره بتاخذونها من سلوفاكيا وهل الطريق امان؟
لان زوجى اول مره يسوق فى اوروبا
مشكوره

 

[كوكو لاتي]

بنات انا ليلحين ما حجزت


وكنت بروح فيينا وزالامسي وميزنخ




والحين ريلي يقول ربعه قالوله روح فرانكفورت وزالامسي وفرنسا (الشانز) شلون ارتبها؟؟؟؟؟؟

 

[الحياة طموح]

السلام عليكم

مايطلع منكم شي كلش

شاركوني بهالفندق
http://www.booking.com/hotel/de/fre...6-29;checkout=2010-07-01;show_room=RD24838202
شرايكم فيه

 

[الحياة طموح]

شنو قبست عليكم؟؟

صارلي سنه اتابعكم ، اليوم الكل مو موجود.


عموما شرايكم بهالفندق ، يستاهل و لا لا
http://www.booking.com/hotel/de/hot...06-29;checkout=2010-07-01;show_room=RD6148401

 

[^^ام ميمي^^]

مرحبا بنات اشلونكم


مشكورة حصوص على التقرير اللي عطيتينا عنه

عاد انا ان شاء الله سفرتي الخميس وبسكن بفيينا بنفس فندقج اشرايج فيه ؟؟؟ وبسكن يومين بس

وبزيلامسي فندق ابارتمنت بوست و بسالزبورغ برينيسانس وبميونخ ميركوري سيتي سنتر اشرايج فيهم من ناحية الموقع والشكل مريتي عليهم او شفتيهم شيء ؟؟

كاتبين بهالتجمع من زمان ان المسافة من زيلامسي الى سالزبورغ ساعة وثلث و من سالزبورغ الى ميونخ تقريبا ساعه وثلث واكثر من مره نكرر هالمعلومة سواءا مني او من ام مهاوش يمكن انتي تخربطتي بينها وبين مسافة فيينا عن زيلامسي لان من فيينا الى زيلامسي 4 ساعات

وان شاء الله بشتري نفس الخط اللي قلتيلنا عنه

 

[نورة بنت الكويت]

السلام عليكم و رحمة الله و بركاته
مسائكم ورد و جوري
شخباركم بنات إن شاءالله تمام
حبيت أسألكم شنو الهدايا و الأشياء المميزة في ألمانيا و النمسا و فرنسا و جنيف و اللي مو موجودة عندنا بالكويت و من وين أشتريها

 

[^^ام ميمي^^]

شنو قبست عليكم؟؟

صارلي سنه اتابعكم ، اليوم الكل مو موجود.


عموما شرايكم بهالفندق ، يستاهل و لا لا
http://www.booking.com/hotel/de/hot...06-29;checkout=2010-07-01;show_room=rd6148401

الفندق جيد للي عنده سياره بس المواقف اليوم ب 10 يورو و النت فيه مجاني و غرفة جيده بس مو بالسنتر ومو قريب من الاسواق

 

[خشف بدو]

مرحبا بنات انا بنضم لكم ان شاء الله حجزنا قروب مع سفريات الفضاء وانا شكلي اخر وحده منكم سفرتي:sfg:

اي تاريخ السفر ومتى الرده؟
ان شاء الله 7.22 لمده 14 يوم
على اي طيران حجزتوا وجم سعر التذكره ؟
حجزنا مع قروب سفريات الفضاء الشخص 640 شامل التذكره والسكن.على الالمانيه
جم مدة الرحله؟
14 يوم
اشلون تقسيمكم على المناطق يعني كل منطقة اشكثر تقعدون فيها؟
والله لحد الحين ماادري
شنو اسامي الفنادق اللي بتسكنون فيها وجم سعرها بالليله؟
ماادري
شنو وسيلة التنقل؟ تأجير سياره؟ قطارات ؟ تكاسي؟
مواصلاتنا مع القروب اتوقع باصات
جم شخص؟
انا وزوجي
جم الميزانيه؟
1500 بس مصروف

 

[الحياة طموح]

الفندق جيد للي عنده سياره بس المواقف اليوم ب 10 يورو و النت فيه مجاني و غرفة جيده بس مو بالسنتر ومو قريب من الاسواق

السلام عليكم
انزين شنو الفندق اللي بالسنتر تقريبا نفس سعره و جودة الغرف وفيه نت؟