بتسافرين النمسا والمانيا هالصيف؟؟!! حياج بتجمعنا صيف 2010

[Ms.LoL]

ديري يا حلو خاماتهم ..
كل ما أروح ألقاهم لي الركبة على الحفة ..
و أحب يكونون يغطون تحت الركبه لأنه مع الحركة و القعده ريل على ريل يرتفع ..
و يكون البنطلون صاك على فخوذي ..

اليوم وراي فراره مع أمي بالبلوكاات ..
شرينا من ريفا قمصان بس نص جم بنغير جمومهم ..
و عندي قميص رمادي بطوله ..
يمكن أحطله وصلة من الشغلات اللي يبيعونا عند الكُلف ..
كريشه و مادري شنو بعد نشوف ..

=====

إي البخور ..
مره قلبنا كوب من إللي بالفندق و استخدمنا ظهره حق الفحم ..

=====

أم ميمي ..
اليوم رحنا المباركية ..
بالمحلات اللي تحت ..
دورنا البوك إللي حطيته و شريتيه ب 750
ما لقينا البوك .. لقينا جنطه صغيرونه مقسمه ..
تنقلينها من جنطه لي الثانية ..
في حجمين ..
بط جبدي ما رضى ينزل عن دينار ..
جان آخذ من اللي يمه حجم أكبر ب 750 ..
معني أبي الصغيره ..
أمي مستانسه على الجنطه تقولي شكريها اللي دلتنا على المكان ..
لأنها حيل تعاني من مشكلة الجنطه و العفسه و تغيير الجنطه و النقل لوول ..

 

[Ms.LoL]

واي رحت المباركية و نسيت أشتري شمسيات \=
شكلي برجع لهم لأنه باخذ الحجابات القطن مناك بدينار ونص
و بره ب 4 ..
بس مادري لو نفس المستوى!
سألت عن الشطاف مناك ما عندهم ياه ..


وايت مسك ..
وييه شدعوه قاومت و ما دخلت الموضوع
شفت الصور و علقت و أمس لي الساعة 1 بليل أحاول أحط الرد المنتدى معلق
اخر شي دخلت و خليت لاب توبي على الصفحة فيها الرد
و ييت الصبح لقيته طافي .. \=


ما تقصرين على النصايح اللي تقولينها بمحلها و بوقتها ..
في شغلات جنج أمي ..
انتي نفسها تلُوع جبدج من مغاسلهم و كله ديتول ..
أمي ما ندخل حمام الفندق إلا و هي ماسحته بكلوركس تقول أقوى من ديتول ..
و تمسح كل مكان المغسله و الكرسي ..
تخليه ينقع بعدين تمشه زين عشان ما يحوش هدومنا يروح لونها ..
و تخيلي كل ما نظفوا الغرفه و الحمام .. ترد تنظف مره ثانية ..
لأنه مسح فيه بخرجه ماسح فيها حمامات الفندق كله قطع لوول ..
بس ما خذت طشت .. قلت لها عنج شكلها بتقلدج لوول ..
و بعد نفسج شاريه من الامارات عربانه للأغراض خفيفه طوالية و فيها كرسي ..
كان من القرية العالمية بعالم الصين ..
بس ما نحبها شكلها يضحك و نقشتها تفشل ..
خاصه لو رحنا دبي مول محد يرضى يتل العربانه p=

و سالفة ثوب الصلاة
إن ما حصلنا غرفتين مفتوحين على بعض ..
كله نلبس ثوب و نمشي بالممر لوول ..

 

[^^ام ميمي^^]

ديري يا حلو خاماتهم ..
كل ما أروح ألقاهم لي الركبة على الحفة ..
و أحب يكونون يغطون تحت الركبه لأنه مع الحركة و القعده ريل على ريل يرتفع ..
و يكون البنطلون صاك على فخوذي ..

اليوم وراي فراره مع أمي بالبلوكاات ..
شرينا من ريفا قمصان بس نص جم بنغير جمومهم ..
و عندي قميص رمادي بطوله ..
يمكن أحطله وصلة من الشغلات اللي يبيعونا عند الكُلف ..
كريشه و مادري شنو بعد نشوف ..

=====

إي البخور ..
مره قلبنا كوب من إللي بالفندق و استخدمنا ظهره حق الفحم ..

=====

أم ميمي ..
اليوم رحنا المباركية ..
بالمحلات اللي تحت ..
دورنا البوك إللي حطيته و شريتيه ب 750
ما لقينا البوك .. لقينا جنطه صغيرونه مقسمه ..
تنقلينها من جنطه لي الثانية ..
في حجمين ..
بط جبدي ما رضى ينزل عن دينار ..
جان آخذ من اللي يمه حجم أكبر ب 750 ..
معني أبي الصغيره ..
أمي مستانسه على الجنطه تقولي شكريها اللي دلتنا على المكان ..
لأنها حيل تعاني من مشكلة الجنطه و العفسه و تغيير الجنطه و النقل لوول ..

قولي حق العفوو ولو ماسويت شيء اي انا وايد مرتاحة لها وعندي الكبيره والصغيره ولونها اسود وحتى يدتي تستعملها حق ادويتها تقول مرتبه و لا عفيسة ادويتي قبل اقعد ساعه ادور عليهم

 

[^^ام ميمي^^]

مس لول انتي سفرتج مع اهلج ؟؟

 

[ام مهاوش]

مرحبا بنات اشلونكم شخباركم
وايت مسك اشلونج عسانا مانخلا منج صج نبهتينا عن شغلات وايد
مس لول زين تسوون تزهبون من الحين بس ماقلتي متى تاريخ سفرتكم وشنو فنادقكم
ام ميمي شخبارج اشلون بنتج انشالله احسن ويالله زهبي اغراضج من الحين مابقا شي على سفرتج احنا من الحين نزهب وانتي اللي مابقالج شي ماسويتي شي
بنات اليوم رحت الافنيوز بشتريلي تكرمون جوتي انا دايما حق السفر اشتري اديداس ستيلا ماكورتيني الجوتي مريييييييييح وعملي وهالمره لما رحت لقيت مغيرين اشويه من طريقة جواتيهم منزلين جواتي يابسه اشويه ماتصلح حق مشي ضاق خلقي وايد
وانا ماره قلت خل ادش سكيشرز دشيت ولا القا نفس طريقة الجواتي اللي ابيهم يكونون سبورت بس اشكالهم ناعمه نفس الجواتي الفلات العاديه لانه بصراحه الجوتي الرياضه شكله كبير ويفشل باللبس
وخذيت منهم الجوتي عزكم الله
يوم الخميس رحت مجمع ديسكفري ماقصرت حبيبتي وايت مسك قالتلي اخذي كروكس رحت وشفتهم عجبوني انا اول مومقتنعه بشكل الجوتي وايد كبير بس لقيت عندهم نفس الجواتي الفلات العاديه وصج مرييييييييييييييييح خذيتلي واحد

 

[^^ام ميمي^^]

هلا فيج ام مهاوش

الحمدلله بنتي احسن وديتها يوم الخميس مستشفى السلام وعطوني لها علاج و الحمدلله اللحين وايد احسن

تدرين اني للحين ما شريت جنطة السفر

 

[سيدة الكويت]

شلونكم بنات شخباركم يا اوربيات

سؤال شكثر تبعد فرانكفورت عن فرنسا

وشلون الجو عندهم..؟؟

 

[White Musk]

حياكم الله
وماس يوينا شي
انا اليوم كنت بالبلوكات حسافة ماشفتج يا مس لول
بناتي قالولي يمه ما نب يبديات تحت القمصان نبي قمصان بأكمام طويلة وما تشف حق السفر
رحت شريت لهم خامات المتر بدينار القميص ما يكلف 7 دنانير
وبالنسبة للحجابات البيض أرتب شي انا آخذ للبنات للمدرسة من مقر جمعية الاصلاح بالشامية الحجاب على 3 بس قصته مرتبة على الراس
وخامته ناعمة
اذا تبون بعد جواتي مريحة
انا رحا سكيتشششششرز شريت حق البنات أول ما بدا السيل للسفر وبعد خذيت لهم اسود للمدرسة مرة وحدة قلت لهم خشووووه تحت السرسر ههههههههههههههد
بس ما ارتحت على جواتيهم رحت شريت لي من موفيتسو فوق بالأفنيوز بسطرة لحظة من فضلك آخر محل
حصلت واحد اسود بوخيوط يهبل مريح وسعره مع السيل 29
وخذيت لي جنطة كروس من ck وايد\ حلوة وكبيرة تشيل كل شي
بس لي الحين ما رتبنا سفرتنا مشغولين بدواماتنا انا عندي دورة العصر وآخر يوم لي الأربعاء القادم
وزوجي كانت عنده مهمة الأسبوع الي فات
انشاء الله باكر بنتصل على صاحبنا بمكتب السفريات انشاء الله يكون رتب لنا رحلة حلوة
قصة حياتي
كلما بنزل الصور المنتدى يعلق
باقي لي اخر صور كابرون وبحط لكم صور قصر نيوشوان بألمانيا
ودمتم سالمين
اخذو من النصر المايوهات الاسلامية واستمتعوا بالسباحة إذا حصلت لكم الفرصة
لا تنسون تشترون من لوازم العايلة البلاك بوراسين علشان تركبون عليه البلاك بو3 روس
اخذوا وايد منهم لأن مرات تنسونهم بالفنادق
الي عندها طفل صغير مزعج وتحاتيه بالطيارة تاخذ معاها مشغل ديفي دي وسيديات وايد وايد مهم
انا ولدي اذكر شغلنا له سي دي شارع العرب
طمااااشة لا ومعلي الصوت على كبر الطيارة
تسمعين مرة صوت الأذان ومرة صوت البحرينية وهي تغازل الخباز غلووومي وغلومي ينحلطم بالعيمي طماااشة
كانت رحلتي مأساة معاه

 

[White Musk]

يا كره البدليات لازم اخربط بالكتابة
نسيت اقول لكم اوتي براون العادي الي على بخار وبتعبأ بالماي ترا خفيف بالجنطة ومريح كنت اغسل الهدوم واذا شوي انشفوا اكويهم
من كثر ما ارد على نفس الأسئلة بس بمواضيع ثانية احس انا كتاباتي قاعدة تتكرر مادري ذكرتها لكم ولا بموضوع ثاني
دلاغاتكم القديمة اخذوهم للسفر علشان الي ما تبونه تقطونه

حطو بغرشة صغيرة- مالت الدوا - سائل فانيش الي بالقلن الوردي بالجمعيات
ترا البقع اذا غسليتها بصابون وماراحت خلاص ما تروح
فانيش السائل حطيه عالبقعة وعقب غسليها بالماي والصابون

احرصو ان يكون معاكم لبس حلو ومتجدد في كل سفرة علشان التصوير لأن الصور الي راح تصورونها بتكون ذكرى معاكم طول العمر
فلازم يكون اللبس حلو ومتناسق
وانتو بعد لي لبستو لبس حلو وجديد تحسون انكم فريش حتى لو كان من اي قطعة بـ 5
انا استغرب من الي ياخذون على قولتهم اردا شي والعتيج الي بيقطونه للسفر
انا احس ان السفر تغيير وفيه راحة نفسية عقب تعب السنه لازم الوحدة تدلل نفسها
انا حتى الطشت احب اشتريه جديد للسفر مع اني ادري اني بقطه بس اقول ما يسوى سعرة رخيص ليش آخذ عتيج
لا وانقي الوان حلوة ابيض او بيج ما احب ارقع بالألوان لأن بيكون بويهي طول السفرة كلما عزكم الله ادخل الحمام اشوفه

 

[معشووقة السفر]

السلام عليكم للجميع
ام مهاوش ، وايت مسك ، ام كشه والبنات الباجي شلونكم شخباركم خلصتوا تجهيزاتكم ولا بعد ؟
اليوم عرفت ان في منتدى اسمه زاد المسافر فيه معلووووووومات وايد مفيده للسفر لاي بلد تبونه
طلوا عليه وشوفوا تقارير الناس
ماعليكم امر ابي جناط سفر عمليه وخفيفه ونوعيه ممتازه من وين ؟
واذا ابي اشحن من ميونيخ لي الكويت شلون الطريقه ؟ لان انا سفرتي عالخطوط القطريه و الوزن بالرجعه بس 20 كيلو للشخص

حدهم شويه

 

[ام مهاوش]

هلا فيج ام مهاوش

الحمدلله بنتي احسن وديتها يوم الخميس مستشفى السلام وعطوني لها علاج و الحمدلله اللحين وايد احسن

تدرين اني للحين ما شريت جنطة السفر

الحمدالله طمنتيني على بنتج قاعده احاتيها ههههههه
دوري من الجناط القدم صدقيني راح تلقين

 

[ام مهاوش]

شلونكم بنات شخباركم يا اوربيات

سؤال شكثر تبعد فرانكفورت عن فرنسا

وشلون الجو عندهم..؟؟

للاسف ماعندي فكره

 

[ام مهاوش]

يا كره البدليات لازم اخربط بالكتابة
نسيت اقول لكم اوتي براون العادي الي على بخار وبتعبأ بالماي ترا خفيف بالجنطة ومريح كنت اغسل الهدوم واذا شوي انشفوا اكويهم
من كثر ما ارد على نفس الأسئلة بس بمواضيع ثانية احس انا كتاباتي قاعدة تتكرر مادري ذكرتها لكم ولا بموضوع ثاني
دلاغاتكم القديمة اخذوهم للسفر علشان الي ما تبونه تقطونه

حطو بغرشة صغيرة- مالت الدوا - سائل فانيش الي بالقلن الوردي بالجمعيات
ترا البقع اذا غسليتها بصابون وماراحت خلاص ما تروح
فانيش السائل حطيه عالبقعة وعقب غسليها بالماي والصابون

احرصو ان يكون معاكم لبس حلو ومتجدد في كل سفرة علشان التصوير لأن الصور الي راح تصورونها بتكون ذكرى معاكم طول العمر
فلازم يكون اللبس حلو ومتناسق
وانتو بعد لي لبستو لبس حلو وجديد تحسون انكم فريش حتى لو كان من اي قطعة بـ 5
انا استغرب من الي ياخذون على قولتهم اردا شي والعتيج الي بيقطونه للسفر
انا احس ان السفر تغيير وفيه راحة نفسية عقب تعب السنه لازم الوحدة تدلل نفسها
انا حتى الطشت احب اشتريه جديد للسفر مع اني ادري اني بقطه بس اقول ما يسوى سعرة رخيص ليش آخذ عتيج
لا وانقي الوان حلوة ابيض او بيج ما احب ارقع بالألوان لأن بيكون بويهي طول السفرة كلما عزكم الله ادخل الحمام اشوفه

واي حبيبتي وايت مسك كلامج يونس ويشجع الواحد يزهب جنطته وناااااسه
ماقلتيلي وين ناويه تسافرين
صاجين بناتج احسن شي القمصان اللي جمها طويل بلا اذيت البدي ولا شي واذا يبون يغيرون يلبسون مع القميص كارديغان حفر يصير شكلهم حلو وعملي وذرب
وزين تسوين رحتي البلوكات تشترين اقطان من هناك الصراحه انا لفيت السوق ابي قمصان كل اللي اشوفهم خامتهم شفافه ما استفدت شي واسعارهم اقل واحد ب15 قلت بروح اشتريلي خامات اقطان ماتشف ولاتتعفس وبسويهم بخياط جمعية المنصوريه ههههههه جربت من قبل سويت عنده قميص وشغله زين

 

[White Musk]

السلام عليكم للجميع
ام مهاوش ، وايت مسك ، ام كشه والبنات الباجي شلونكم شخباركم خلصتوا تجهيزاتكم ولا بعد ؟
ماعليكم امر ابي جناط سفر عمليه وخفيفه ونوعيه ممتازه من وين ؟

صباح الورد
انا دايما اشتري من عمارة الدولية الي قبل فيها المخازن الكبرى تكون ورا خياط شاهين اذا تذكرينه وفيها محل كتكات ومحلات رجالية
تحت في محلات تبيع جناط تحصلين اشكال والوان وانواعهم جيدة انا مجربتهم واسعارهم بعد رخيصة
اتمنى اني اكون فدتج

 

[ام مهاوش]

السلام عليكم للجميع
ام مهاوش ، وايت مسك ، ام كشه والبنات الباجي شلونكم شخباركم خلصتوا تجهيزاتكم ولا بعد ؟
اليوم عرفت ان في منتدى اسمه زاد المسافر فيه معلووووووومات وايد مفيده للسفر لاي بلد تبونه
طلوا عليه وشوفوا تقارير الناس
ماعليكم امر ابي جناط سفر عمليه وخفيفه ونوعيه ممتازه من وين ؟
واذا ابي اشحن من ميونيخ لي الكويت شلون الطريقه ؟ لان انا سفرتي عالخطوط القطريه و الوزن بالرجعه بس 20 كيلو للشخص

حدهم شويه

اهلين معشوقة سفر اشلونج شخبارج
اول مره اسمع عن هالمنتدى بمر عليه
احسن جناط بمركز سلطان بس غالين اشويه وعندج سوق المباركيه زينين جناطهم واشكال والوان طبي وتخيري واسعارهم زينه

 

[جوووونم]

هاااااااااااي بنوتات شلوونكم ؟؟
انشاء الله اليوم بنروح نستلم التذاكر لان مابقا شي عالسفرة بعد اسبوعين
وقاعدة احاتي التجهيز اخاف انسى شي لازم نسجل ...
بغييت أسالكم عن ملابس( ديربي جينز ) وين القاهم ؟؟
وثانكس

 

[ام مهاوش]

هاااااااااااي بنوتات شلوونكم ؟؟
انشاء الله اليوم بنروح نستلم التذاكر لان مابقا شي عالسفرة بعد اسبوعين
وقاعدة احاتي التجهيز اخاف انسى شي لازم نسجل ...
بغييت أسالكم عن ملابس( ديربي جينز ) وين القاهم ؟؟
وثانكس

اهلين حبيبتي
ديربي تلقينه محلهم بسوق شرق فوق عند انيرجي ومركز سلطان

 

[Ms.LoL]

ما شاء الله قدرتوا تردون
أمس من ال 11 و أنا احاول أدخل مو راضي \=
قايمه بروح النادي ما صدقت فتح المنتدى قمت أحوس فيه ..
و الحين ظهر على ما أوصل النادي إلا أنا ساييييحه و مافيني حيل أقعد عالأجهزة ..
وناسة هالسفره خلتني أضعف ..
قلت قبل لا نسافر لازم يصير وزني 50 أو 52 ..
و الحين وصلت 54 .. معني مو متينه كنت 58 ..
قلت بضعف وراي بلعه بالسفر بيتزا و بطاط و اس كريم و حلوو و كيك و برواني لوول ..
و وراها رمضان البلعه ..
فهذي فرصتي ..


إللي تسأل عن جناط سفر ..
نصيحة لا تشترين جنطه أي كلام .. أو رخيصة ..
أو تاخذين على الشكل بدون القوه و الجوده ..
أذكر شرينا من تايلند جناط شكلهم قوي و طقم مع بعض و أحجام ..
سافرنا فيهم استراليا .. من كثر ما ننقل من مطار لي مطار و منطقة لي منطقة ..
ما تحملوا فج الخياط ! و التواير تفججوا و المسكه انقطعت !
يعني حق سفرة و لا سفرتين ومايتحلمون ..

حق هالسفرة شارين جناط تشبه ماركة كب لنق ..
السحاب متين .. و قويه .. و خفيفه ..
و في ماركة دلسي وايد زينه من عمر ناخذها ..
بس عيبها ثقيله من غير هدوم ..
و راح تحسب عليج وزن أكثر ..


=====


أم ميمي ..
إي مع أهلي .. شكلي أنا الوحيدة الآنسه إللي تسولف وياكم p= لوول ..
مو عبالكم ياهل عاد متخرجة من الجامعة P= ..


أم مهاوش ..
قلت كذا مره لوول ..
بس ما تنلامين وايد بالموضوع ما تثبتين ..
بنسافر 4-7 إن شاء الله ..
و أنا اللي قلت قبل جم رد إنه بس حجزنا تذاكر و ما سوينا شي ..
و إنه سفرتنا آخرها فيها هولندا ..
أبوي حجز فندق هلتون الدانوب .. بس مادري بأي ديره لوول ! يمكن فيينا !
باجي الفنادق لي الحين \= ..
و كل ما قلناله روح السفريات ..
يقول لا السفريات يعطونج بعييد آخر الدنيا ..
أو ما يهمهم نظيف أو فيه ريوق ..


وايت مسك ..
لووووووووووووووووول
و الله يمكن شفتج وأنا مادري ..
إحنا رحنا من 8 لين صكروا المحلات ..
أحس بالسفر راح أعرفج ..
أشوف أم معاها بنات لابسين حجابات إسلامية ..
و جناطها وايد من كثر الاغراض اللي فيها هيهيهي ..
بس انتي سفرتج مو ويانا صح .؟ يعني مو نفس الدول ..؟
جنه قلتي رايحين فرنسا ؟

جونم ..
في بمجمع زهرة تحت ..
و في بالبيرق مول ..
و في بعد بالسالمية يم مجمع الوطنية ..
و في بشرق ..

 

[ام مهاوش]

لوووووووووووووووووووووول
مس لول والله عذريني مومني من اللويه
وعلى فكره ترا السفره مع الاهل احلى من مع الريل هذا رايي يعني استانسي حلوه حيات العزوبيه

 

[Ms.LoL]

هههههههههههههههههههههه
صج يعني سفرات الأهل أونس شي ..
أدري حياة العزوبية حلوة p=
الله يخليكم لأهلكم و يخليلكم لريايلكم و عيالكم ^.^