بتسافرين النمسا والمانيا هالصيف؟؟!! حياج بتجمعنا صيف 2010

[خشف بدو]

وايت مسك..المشكله توني مسويه نيو لوك قاصه وصابغه لي شهر..مدري شهبب بنفسي يمكن اغير لوكي باللبس الي خبري خبرج

 

["لولاتى"]

:balo:

 

["لولاتى"]

اخوي اكبر واحد بدش الجامعة ومتى اتخلص اوراقة واحنا نبي انسافر بس اوراق اخوي ادعولي انسافر بسرعة تكفون ساعدوني











دلوعة ابوها..............

​

 

[خشف بدو]

وينكم بنات شفيكم اليوم موموجودين؟؟

 

[ام مهاوش]

بنات خالتي تعبانه وايد ادعولها انه الله يشافيها ويخفف عنها ويعدي هالليله على خير يارب
احتمال اكنسل السفره خالتي وااااااااااااايد تعبانه صج صكت فيني الدنيا وعلى كلام الدكاتره انها مامنها امل واحتمال ما اطول بس احنا املنا بالله والاعمار بيد الله تكفون بنات ادعولها انه الله يخفف عنها ويشافيها ويعدي هالليله على خير يارب

 

[dreamer_33]

ياااااااااااااااااااااااااااارب يشافي خالتج ويقومها بالسلامة ..

 

[خشف بدو]

حياتي ام مهاوش الله يشافيها ويخليها لكم والاعمار بيد الله موبيد الدكاتره..اكره كلمت مامنها بكيفهم هم ((تذكرني بامي الله يرحمها))
وان شاء الله ربي يشفيها وتسافرين على خير..

 

[ام الداده]

الله يشافيها ويطول وبعمرها

لاتحاتين

الاعمار بيد الله

 

[ام الداده]

هلا خجوله

واالله مادري ليش تأخرت

احنا عن طريق مكتب السفريات

كل يوم احن على زوجي عشان يدق ويستفسر بس الله يهداه

 

[خشف بدو]

ام الداده انتي بتروحون بروحكم ولا مع قروب؟

 

[White Musk]

حبيبتي أم مهاوش
الله يشافي خالتج ويلطف فيها وفيكم
كل شي بيد رب العالمين

 

[ديمـ77ــا]

الله يشافي خالتج...ويعافيها...
والله لا يوريكم..مكروه بعزيز...

حبيبتي ام مهاوش...ترى عيوني بارده...
زوجي هو اللي تعب هالفتره فاجلنا السفره.
بس انشالله نعوضها عمره العشر الاواخر..

اما انتي لا تزعلين من شيء...ان ماكتبها الله هالسفرة..
يمكن خيره...ويعوضج انشالله باللي احسن منها.......

 

[+بسبوسة+]

بنات خالتي تعبانه وايد ادعولها انه الله يشافيها ويخفف عنها ويعدي هالليله على خير يارب
احتمال اكنسل السفره خالتي وااااااااااااايد تعبانه صج صكت فيني الدنيا وعلى كلام الدكاتره انها مامنها امل واحتمال ما اطول بس احنا املنا بالله والاعمار بيد الله تكفون بنات ادعولها انه الله يخفف عنها ويشافيها ويعدي هالليله على خير يارب

الله يشافيها يارب

ويطمن قلبكم عليها
ويكتبلج احلا سفرة بالدنيا يارب الحين ولا بعدين
ويكتبلج الرضى وين ماكنتي يارب:blueSmCLR:

 

[ام مهاوش]

مشكورين بنات على الدعاء ماقصرتو وحده وحده
ديما هذا شي بيد الله والله يشافي زوجج ويكتبلكم عمره يارب

 

[ام مهاوش]

بناااااااااااااااااااااااااااااات كملو تجهيزاتكم واستانسو وخططو حق كل يوم بيوم لاتصيرون مثلنا اذا سافرنا نعلق على مكان واحد وننسى باجي الاماكن هههههههههههههههه

 

[bent-oboha]

لا حول ولا قوة الا بالله
والله ضاق خلقي
يارب انك تشافيها وتسافرين وتستانسين يارب
الله المستعان

 

[bent-oboha]

ام مهاوش طمنينا

 

[White Musk]

بنات اليوم مريت الأفنية الأثليت فوت يايب دفعة جديدة من الكروكسات الكحلي واالأحمر والأبيض انا رحت بدلت الألوان الي شريناها من قبل باللألوان الحلوة الكحلي والأحمر عندهم من مقاس 38 لحقو عالمقاسات
والي تبي غلاية قهوة حصلت عند كارفور غلاية مثل ركوة القهوة التركية عالكهربا بـ تقريبا 7 دنانير

 

[مزيونة الهيلا]

مرحبا

اشلونكم بنات

انا بنضم لكم لأن بسافر للنمسا و المانيا وفرنسا

من خبرتكم شنو احلى الاسواق في النمسا والمانيا ؟

السلام ,,,,,,,,,,,,,,,,,,,,, واخيرا انضميت لكم (باذن الله)

حلا الألماس انا نفس سفرتج (النمسا والمانيا وفرنسا )اول شي بنطب بميونيخ 3 ايام بعدين بالقطار لزيلمسي 5 ايام بعدين بالقطار لفيينا 3 ايام بعدين بالطيران الاقتصادي لباريس 4 ايام
انتي اشلون سفرتج ؟؟؟؟؟؟؟؟؟

ايشرايكم بتخطيطي للسفرة عطوني رايكم ؟؟؟؟؟؟؟؟؟؟

 

[مزيونة الهيلا]

بنات خالتي تعبانه وايد ادعولها انه الله يشافيها ويخفف عنها ويعدي هالليله على خير يارب
احتمال اكنسل السفره خالتي وااااااااااااايد تعبانه صج صكت فيني الدنيا وعلى كلام الدكاتره انها مامنها امل واحتمال ما اطول بس احنا املنا بالله والاعمار بيد الله تكفون بنات ادعولها انه الله يخفف عنها ويشافيها ويعدي هالليله على خير يارب

ام مهاوش الله يقوم خالتج بالسلامة كثروا من الاستغفار وادعولها (لايرد القضاء الا الدعاء )

والاعمار بيد الله وطمنينا عليج