بتسافرين النمسا والمانيا هالصيف؟؟!! حياج بتجمعنا صيف 2010

[79oo9a]

السلام عليكم

بنات ودي احجز مع قرووب اشرايكم لان بروح انا وابوي وقلت بروحنا بنمل ... منو تعرف سفريات عندهم قروبات بس حجزت التذاكر ما حجزت الفندق لي الحين انطر الفيزا تطلع وماباجي على سفرتنا شي ان شاء الله تطلع الفيزا وماتخرب الروحه علينا

 

[White Musk]

السلام عليكم
علموني اشلون انزل لكم الصور
علشان انزل لكم صور يمكن تستفيدون منها من رحلتي السابقة للنمسا
نصيحة في سالزبورج : اول ما توصلون محطة القطار سألون وين مكان الأوتيل
ليش؟؟
لأنها منطقة صغيرة والاوتيلات قريبة من محطة القطار انا كنت ساكنة رينيسانس وقالنا سايق تاكسي هندي إن التوصيل للفندق تريبا مبلغ وقدرة
بس انا تذكرت هذه المعلومة من منتدى المسافرون العرب قلت حق ابو العيال لحظة خل نسأل وفعلا طلع الأوتيل قريب من المحطة وسحبنا جناطنا ورحنا مشي مع اليهال
سالزبورج يبيلكم 4 ايام فيها رحلاتها:
حديقة الماربل تطلعين منها تلقين متحف موزارت تمشين شوي بالبلدة القديمة تلقين بيت موزارت كله خلال ساعتين تخلصينه
يبيلكم رحلة the sound of music يودونج لكل الأماكن الي صورو فيها الفيلم اليهال راح يستانسون فيها
رحلة منجم الملح ورحلة البحيرات ممكن تروحون بالباص من بحيرة لي بحيرة
محلاتها حلوة احلى من زيلامسي ومطعم هندي ومطعم النوردسي وماكدونالدز
في مكتب يم محطة الباص اسمه بانوراما حجزنا منه الرحلات
وفي استيديو تصوير لا تنسون تصورون عيالكم لقطات تذكارية حلوة
وحاضرين
بس علموني انزل لكم الصور

 

[أم@الحلوين]

السلام عليكم
علموني اشلون انزل لكم الصور
علشان انزل لكم صور يمكن تستفيدون منها من رحلتي السابقة للنمسا
نصيحة في سالزبورج : اول ما توصلون محطة القطار سألون وين مكان الأوتيل
ليش؟؟
لأنها منطقة صغيرة والاوتيلات قريبة من محطة القطار انا كنت ساكنة رينيسانس وقالنا سايق تاكسي هندي إن التوصيل للفندق تريبا مبلغ وقدرة
بس انا تذكرت هذه المعلومة من منتدى المسافرون العرب قلت حق ابو العيال لحظة خل نسأل وفعلا طلع الأوتيل قريب من المحطة وسحبنا جناطنا ورحنا مشي مع اليهال
سالزبورج يبيلكم 4 ايام فيها رحلاتها:
حديقة الماربل تطلعين منها تلقين متحف موزارت تمشين شوي بالبلدة القديمة تلقين بيت موزارت كله خلال ساعتين تخلصينه
يبيلكم رحلة the sound of music يودونج لكل الأماكن الي صورو فيها الفيلم اليهال راح يستانسون فيها
رحلة منجم الملح ورحلة البحيرات ممكن تروحون بالباص من بحيرة لي بحيرة
محلاتها حلوة احلى من زيلامسي ومطعم هندي ومطعم النوردسي وماكدونالدز
في مكتب يم محطة الباص اسمه بانوراما حجزنا منه الرحلات
وفي استيديو تصوير لا تنسون تصورون عيالكم لقطات تذكارية حلوة
وحاضرين
بس علموني انزل لكم الصور

اذا بتنزلين الصور أور شي روحي حق startوبعدها paint

عشان تضبطين حجم الصوره وبعدين تحملينها بموقع التحميل وهذا موقع التحميل سريع
http://www.0zz0.com/

 

[Om_Ksha]

--------------------------------------------------------------------------------

اسواق ميونخ :
ساحة المشاة مارينا بلاتر وفيها جهة للماركات
مجمعات مغلقة:
1. ريم اركادا
2. مجمع الاولمبيك

*مجمع التسوق الألماني الشهيــر :: كاف هوف ::
*محلات ( بريتير ) للملابس

الاسواق في ميونخ
الشارع الرئيسي اختي هو المارين بلاتز شارع كبير للمشاه وفيه اسواق وقهاوي يتفرع من شارع المارين شارع ثاني هو الماكسميليان هذا شارع فيه اغلب الماركات العالميه شارع هادي وغالي جدا
ميونيخ من اجمل المدن اللي زرتها ، واهم اماكن التسوق المشهوره
طبعا المارين بلاز ... و karstadt ...
متاجر kaufhaus
غير المحلات الأوروبيه المعروفه مثل H & M و C&A
بصراحه التسوق في المانيا وبالذات ميونخ.... عن تجربه شفتها حلوه... اول شي انصحج بشارع المارينا بلاتز... فيه كل المحلات .. مثل C&A H&M وعلى فكره بضاعه H&M وايد حلوه وعمليه وبعدين عندج مركز كرستاد في المارينا بلاتز والكوف هوف وفي بعد مركز الهيرتي .. بس غالي شوي مقارنتا ببضاعة الكوف هوف نفس الشي تقريبا على ارخص... وفي مركز الاولمبيك.. حلو بعد .. وبعد في محل عنده اقمشه راقيه وماركات انا دايما لما اروح اخذ عندهم اشياء غريبه اسمه دوناكو وفي مبنى في المارينا بلاتز بجانب موسيقى الاجراس اسمه لودفيج بك فيه بضاعه متنوعه... وعندج مركز اسمه الرايم بس بعيد وكل شي موجود في المارينا ما فاتني شي وصلت له وتعبت نفسي ورجعت فضول
شارع ماكسمليان يوجد فيه جميع الماركات العالميه وامتدادة مجموعه معارض رائعه
بالنسبة للأسواق,,,,سى أند ايه وبعدة بشوى كاف هوف ومقابلنة هيرتى,,,,,,واذا كملتي السير بيطلعلك المارين بلات,,وفية مركز جنب الدانوب زنتروم,,,,,تحصلين كل المحلات اللى فى المارين موجودة فية بس ميزتة ""تحصلين فية أكثر البضاعة اللى مش موجودة فى المارين بالنسبة للمقاهى المارين كلة مقاهى وشارع الماكسي مليان
بالنسبه للأسواق يومي السبت والاحد.. بس يوم السبت نص دوام عندهم من الساعه 7,30 صباحا لين الساعه 3,00 ظهرا .. هذا بس يوم السبت ... ويوم الاحد اجازه رسميه ممكن تروحين حديقه الانجلش جاردن اما باقي الايام فيفتح من 7,30 او 8,00 على ما اذكر لين الساعه 8,00 مساء وهو يفتح على طول ما يسكر عزيزتي.... هذا اللي اعرفه من الصيف اللي فات .. وما اعتقد اتغير شي.. وعلى فكره بالنسبه للمحلات للي في المحطه الرئيسيه الهبتن هوف شغاله 24 ساعه واغلبها سوبرماركت ...
افضل مراكز التسوق في ميونخ
متجر هيرتي (مقابل المريديان)
متجر كافهوف (مارين بلاتز)
متجر karstadt (مارين بلاتز)
متجر C&A ( مارين بلاتز)[/list
متجر كافهوف (مارين بلاتز) كل شي تبينه موجود فيه بس علي فكره تري المجمعات التجارية
متجر هيرتي (مقابل المريديان)
متجر كافهوف (مارين بلاتز)
متجر karstadt (مارين بلاتز)
متجر C&A ( مارين بلاتز)
موجود في كل مقاطعات ألمانيا
وفية مراكز لم تذكر:
1- مركز أسمة بيب .
2- أركادا .
3- جنب حديقة الالمبيك


هاذى المعلومات لقيتها بمنتدى ثاني ونقلتها .. ههههه ودي اسوي ملف ايمع فيه معلومات بس قاعده اطبعه اهني عشان لي احتجت ادور على مشاركاتي !!

<< تحب اللووويه

 

[ام مهاوش]

يابعد عمري ياام مهاوش ماقصرتي الغاليه كفيتي ووفيتي
:ggdw::ggdw::ggdw:

افا عليج بس ماسوينا شي واذا تبين شي بعد من عيوني

 

[ام مهاوش]

السلام عليكم

بنات ودي احجز مع قرووب اشرايكم لان بروح انا وابوي وقلت بروحنا بنمل ... منو تعرف سفريات عندهم قروبات بس حجزت التذاكر ما حجزت الفندق لي الحين انطر الفيزا تطلع وماباجي على سفرتنا شي ان شاء الله تطلع الفيزا وماتخرب الروحه علينا

عليكم السلام
دام انتي وابوج احسن لكم القروب عن ضيقت الخلق بس دام حجزتو التذاكر مادري اشلون بتروحون مع قروب سألي المكتب اللي حجزتو منه التذاكر اذا عندهم قروبات
او دقي على مكاتب السفريات اللي عندهم قروبات وقوليلهم انا حجزت تذاكر بس اقدر اروح معاكم وخلي حجوزات الفنادق معاهم

 

[ام مهاوش]

السلام عليكم
علموني اشلون انزل لكم الصور
علشان انزل لكم صور يمكن تستفيدون منها من رحلتي السابقة للنمسا
نصيحة في سالزبورج : اول ما توصلون محطة القطار سألون وين مكان الأوتيل
ليش؟؟
لأنها منطقة صغيرة والاوتيلات قريبة من محطة القطار انا كنت ساكنة رينيسانس وقالنا سايق تاكسي هندي إن التوصيل للفندق تريبا مبلغ وقدرة
بس انا تذكرت هذه المعلومة من منتدى المسافرون العرب قلت حق ابو العيال لحظة خل نسأل وفعلا طلع الأوتيل قريب من المحطة وسحبنا جناطنا ورحنا مشي مع اليهال
سالزبورج يبيلكم 4 ايام فيها رحلاتها:
حديقة الماربل تطلعين منها تلقين متحف موزارت تمشين شوي بالبلدة القديمة تلقين بيت موزارت كله خلال ساعتين تخلصينه
يبيلكم رحلة the sound of music يودونج لكل الأماكن الي صورو فيها الفيلم اليهال راح يستانسون فيها
رحلة منجم الملح ورحلة البحيرات ممكن تروحون بالباص من بحيرة لي بحيرة
محلاتها حلوة احلى من زيلامسي ومطعم هندي ومطعم النوردسي وماكدونالدز
في مكتب يم محطة الباص اسمه بانوراما حجزنا منه الرحلات
وفي استيديو تصوير لا تنسون تصورون عيالكم لقطات تذكارية حلوة
وحاضرين
بس علموني انزل لكم الصور

يابعد عمري يا وايت مسك انتي طايحه علينا من السما
انا بقعد بزلمسي اسبوع وقلت دام ماكو مسافه بينها وبين سالزبورغ الا ساعه اروح رحلاتها من زلمسي وخصوصا احنا خفاف بس انا وريلي بس الحين جني تحسفت

 

[ام مهاوش]

ام كشه مشكووووووووووووووووووووووووره على هالمعلومات بخزنهم وبكتبهم بتلفوني عشان اذا رحت ما انساهم صج اهم شي السوق بالسفر اذا ماشريت ما ارتاح نفسيا ههههههههههه

 

[White Musk]

حياج الله يا أم مهاوش
شوفو زيلامسي وايد سمعت عنها بس لما رحت لها عقب سالزبورج حسين انها عادية مادري ليش
وازيكم من الشعر بيت
تعرف ولدي على ولد خليجي
وطاحوله لعب بالتراب صوب الدوارف
وعقب تهاوشو مع بعض ولا واحد يكت التراب على راس الثاني
قلت وااااي قالت بنيتي يمه موجنه قاعدين على شاطئ الشويخ ؟؟ والجو كان حر
بس في رحلة لمغارة الثلج انا قالت لي صديقتي انها مهلكة والمشي فيها متعب مع اليهال
وعلى قولتها كأنج داخلة فريزر والباب تسكر عليج فمارحت لها
منجم الملح يونس أكثر

 

[White Musk]

--------------------------------------------------------------------------------

السلام عليكم
اتمنى اساعدكم بالمعلومات الي عندي وانقل لكم تجربتي
زيلامسي ما حبيتها لأن لحظة وصولنا لها الجو كان حاااااااااار واستقبال الأوتيل زفت زفت زفت اضطرينا نروح ندور لنا شقة بكابرون وخسرنا فلوس الحجز الي بزيلامسي 500 دينار دفعنا غيرهم للشقة
اجو كان حاااااااااار وحسينا كأنا قاعدين على شاطئ الشويخ
والخليجيين اشكثرهم مع الشغالاات
بعدين ما فيها اسواق
ما اصحج برحلة الشلالاات مكلفة وعالفاضي
لا تطوفين تروحين للتزلج بكابرون وروحي رحلة للبحيرات الصناعية
وعندي رقم سايق بزيلامسي عنده مكتب سياحي طيب وامين
وخليناه ياخذنه بجولة من زيلامسي لي ألمانيا
بس بأخر يومين الحمدلله غيت وطق ذاق المطر على طول خذينا الشماسي وطلعنا نتمشى مشي الجو كااااااان عجيب والغيوم على البحيرة تهبل
سفرتي كانت آخر شهر 8 وأول 9
لا تاخذين شتوي بس جاكيت مطري خفيف

اسمة الفريد
004306505620298
itaxi
انصحكم اذا انتو مو مع قروب تطلعون برحلاتكم معاه وسلمو عليه
كان يلف على البحيرة ويوزع كروته
خلو تنقلاتكم من منطقة لمنطقة الأحد لأن يوم اجازة خلوه يضيع بالتنقلات
ممكن تروحون معاه لإيطاليا بالباص فقط 4 ساعات الطريج

 

[White Musk]

أم مهاوش تقدرين من زيلامسي تروحين بالقطار لسالزبورج بس والله زيلامسي الرحلات فيها مكلفة وما فيها سوق تتمشين فيه بس بحيرة وقعدة قهاوي اعتقد 4 أيام كافي على زيلامسي
وبعد الزحلاقية كانت مسكرة لأن الثلج ذاب فما راحنا للزحلاقيات
في مكان قريب فيه العاب لليهال رحنا له مع السايق الفريد
مثل ملاهي صغير قريب من كابورن ما شفنا فيه ولا خليجي صاير بين البيوت واليهال استانسو فيه وتذكرته رخيصة
اسم المكان كان فيه جاكوب اعتقد سانت جاكوب

 

[White Musk]

نصيحة للي بيروج جبل الثلج (رحلة التلفريك تركبين أكثر من تلفريك لين توصلين )
اليهال لبسوهم لبس طويل مع جواتي رياضة ودلاغات وجاكيت مطري خفيف ونظارة شمسية لأن الشمس قوية تكسر العين )
وخلو معاكم بالسيارة جنطة هاند باق فيها بنطلونات احتياط لأن بنطلوناتهم راح تتبلل
وروحو من الصبح لأن فيه قهاوي تقدرين تريحين شوي بين كل تلفريك وثاني تشربين فهوتج
اذكر كان في قهوة يمها دوارف صورو عيالكم على الألعاب ليش؟؟
راح تكتشفون ان الصور بتكون روعة ؟؟ لأن اليهال قاعدين يلعبون بمكان مرتفع فبتشوفون وراهم الغيوم
واو بتقولون أمبيه المكان يخرع اشلون العبو بالألعاب
وفي بقمة الجبل بعد قهوة ومحل ايس كريم ماراح تطولون فوق وايد انا بنطلوني تبلل من الثلج
اهم شي التصوير لا تفوتونه

 

[White Musk]

رحلة البحيرات الصناعية تهبل تهبل تهبل
مناظر وطبيعة وقهاوي ووناسة تروحون الصبح وترجعون العصر طولو بالمكان لأن مكان هادي حلو للاسترخاء والتصوير
بتشوفون صور عجيبة ومناظر حلوة استمتعو كثر ما تقدرون بالمكان
لا تفكرون بالسوووووووووووووق والله ان كل شي متوفر عندنا بالكويت
استمتعوا بالديرة

 

[White Musk]

بسالزبزرج في مطعم النورد سي بس بزيلامسي ما شفته
في بزيلامسي مطعم ايراني بس قعدته تلوع الجبد قعدة مطاعم المباركية احلى
جنه مطاعم العزابية مادري الناس طق مطاقق عليه على شنو يم فندق قراند
ما حبيت اقعد فيه كلش
بس لمن طق المطر البنات اشتهو شوربة العدس
رحنا الجمعية و شرينا صمون وخذينا منه الشوربة الحاااارة وقمنا نغمس الصمون بالعدس حددة عجيب
بس تشوفون الغيوم وتبدي السما تمطر مسكو الكاميرا وجكجكو بالصور
لا تثقلون باللبس جينزات طويلة وبلايز أكمامها طويلة وجاكيتات خفيفة
يعني كل ياهل يبيلة حق السفة 2 شورت جينز و3 بنطلونات طويلة مع 3 بلايز كمها طويل وجاكيت خفيف كم طويل وجاكيت ثاني مطري خفيف
و3 تيشيرتات وكروكس مع جوتي رياضة واحد ودلاغات و2 بجامة
تدرون ليش 3؟؟
لأن الجنز ما ينشف بسرعة عقب الغسيل
تصدقون احسن الشماسي خذيتهم من الكويت من سوق المباركية على نص دينار
شماسي قوبة ما تكسرت مع الهوا والمطر

 

[White Musk]

وارجع وأقول لكم سالزبورج وايد أرقى لا تفوتونها

 

[White Musk]

أحلى شي بفينا ان فيها الأندر قراوند
راح توفرون فيها فلوس التكاسي والتنقل

انتبهوا انا مارحت مغارة هتلر
لأن قالو لي ان المكان مسكون لأن المغارة عبارة عن مقبرة كان يدفن فيها الجنود الي يقتلهم
فخفت أروح مع اليهال

 

[White Musk]

احاول احط لكم صور من الرحلات يمكن تستفيدون منها بس ما ني عارفة حجم الصور كبير
ساعدوني

 

[White Musk]

بطريجنا لي ميونخ
رحنا لقصر اسمه نيوشوان
واو عجيب بس وايد مشي وتعب
بس حلو
اهو القصر الي منه خذو فكرة شكل دزني
ومشينا ومشينا ولمن دخلنا ركبنا سلم ورا سلم وانكسر ظهري وانا شايلة ولدي ولمن وصلنا قالو ان الملك مااات وما كمل تأثيث القصر
ما عاش فيه الا فترة بسيطة
بس حلو والصور الي صورتها وااايد حلوة

احلا شي بالسفر الذكريات والتصوير

 

[White Musk]

اخذو معاكم شاي انا ما حصلت هناك شاي مثل شاينا شايهم كله نكهات
واذا عيالكم يحبون الكارنيشن لا تاخذون من الكويت انا شفت بالجمعية الكارنيشن ابطل شفاف صغير وعليه صورة بنت أم عنقوصين عاد انا شوقتني الصورة وشكله مغري لمن فتحناه اكتشفت انه احلى بعد من الكارنيشن حته صورته بكامرتي وانا بالجمعية

 

[White Musk]

مشكووورة أم الحلوين على شرح طرقة رفع الصور