بتزرعين عظام الفك وتزرعين اسنان ؟ حياج تجربتي

[some one waw]

بسم الله الرحمن الرحيم

حبيت انقل تجربتي لكل من تنوي عمل عملية زراعة عظم الفك وزراعة الاسنان بعدها

المكان ببنيد القار يعني مركز حكومي بس عليج تشترين المواد اللي يقولون لج عنها :eh_s(15):

الالم يكااااد يكون معدوم مع البنج


الوقت ساعة ونص زراعة العظام بالفك وبعد ٣ شهور زرعت البراغي بعملية استغرقت ساعتين >> لاني ابي ٣ اسنان

الدكتور اشون هندي معروف وشاااطر >> العافية من ربي سبحانه

وأي سؤال انا حاضرة :eh_s(7):*

 

[Lourdez]

حبيبتي شلونج اول شي مبروك على نجاح العملية شلونج انتي مرتاحة ؟
حبيبتي بسألج انا اخووي مسكين طاحت كل اسنانه اللي فوق لانه مريض بالسكر و تغذيته مو شي فطاحوا كلهم و يبي يسوي زراعه اسنان فمن تجربتج انتي زراعه الاسنان تعووور ؟؟ و وشلون طريقتها بالضبط يعني كل موعد يزرع لج سن واحد ولا كذا سن ؟
و صج يجرح المنطقه عشان يركب شغلة جنها حديد ؟؟و شكثر طولت معاج عملية الزرع
و جم كلفج الزرع

ادري مليون سؤال بس اخوي كاسر خاطري يبي يسوي العملية و ما يعرف احد مسويها فخايف و قايلين له انه الزرع فيها جرح و الاخ الكريم رايح شايف العملية باليوتيوب

 

[some one waw]

الله يبارك فيج اختي

وسلامة أخوج مايشوف شر

بالنسبة لمرضى السكر لااازم يسوي تنظم للسكر عشان العمليه

وسؤالج عن التكلفة بس شريت المواد ل ثلاث أسنان ب٣٣٠

والالم شبه معدوم بسبب البنج وبجلسة وحدة يسوون له كل الأسنان اللي محتاجة الزرع

وموكل واحد بيزرع أسنان لازم يزرع عظم أنا زرعت لان الفك ظئيل منزمان طايحة أسناني ومن الخوف والحمل ماكنت اراجع واعدلهم لين ظمر عندي الفك فاضطريت اسوي زراعة للفك

بس هم الفك شريت له شغلة اذكر ب ١٢٠ بس هذا يعتبر ولاشي بالنسبة لأسعار العيادات الخاصة والمستشفيات الخاصة اللي بالآلاف


وشي حلو انه يشوف عمليات مشابهة باليوتيوب أنا كنت اشوف فيديويات عربية وأجنبية لحالات نفس حالتي

وسلامة اخوج وأي سؤال حياج

 

[some one waw]

وحبيت انوه ان فيه زراعة للفك من عظام صناعية ( يسمونها بودرة العظم )

وفي النوع الثاني من عظامج انتي اللي باخر الفك يأخذون ويدبسونه مع الفك الظئيل >>> وهذي كانت عمليتي

 

[love love]

حبيبتي لي موعد مع دكتور الزراعه

بس حبيت استفسر منج

يزرعون البراقي تالي بعد جم شهر يركبون الضرس؟؟ وهل تركيب الضرس نفس الم زراعه البراقي؟؟

 

[some one waw]

سلامتج وماتشوفين شر اختي love love

البراغي ماراح تحسين فيهم >>> الله يعافي البنج قولي له يحط لج كلما حسيتي بنتفة عوار

اما عن الوقت انا بعد ٣ اشهر من تركيب العظم حطولي البراغي عشان يلتئم العظااام عدل حتى بالخاص لازم ٣ اشهر

وبالنسبة للي مو زارعين عظم بعد البرغي بشهر او بالكثير شهرين ويدقون عليج غالبا بسرعة يدقون >>> حسب زحمة المواعيد عند الدكتور وحسب اللي يكنسلون مواعيدهم لووول


وتركيب السن ماااراح تحسين لانها على برغي مو داخل اللثة

وسلامتج وماتشوفين شر

 

[some one waw]

افا بنات ٦٣ مشاهدة والردود ٢

عالاقل دعوة او حمدالله عالسلامة 

 

[مطيريه ماركه]

شلون آلآلم بعد آلزرآعة ؟؟

 

[Lourdez]

مشكووورة حبيبتي على الرد والله طمنيتيني و حمدالله على سلامتج
و الحين عقب ما سويتي اسنانج ما رح يطيحون ؟ او يتكسرون
ياريت لو تتكلمين عن تجربتج انتي شتحسين انتي مرتاحة فيهم يعني ؟ في اشياء ممنوعه عليج ؟

 

[some one waw]

شلون آلآلم بعد آلزرآعة ؟؟

الالم انا اخذ المسكن اول باول بروفين الحبة الوردية لوول

بس اسبوع خلاص تحسين انج الحمدالله ترتاحين

 

[some one waw]

مشكووورة حبيبتي على الرد والله طمنيتيني و حمدالله على سلامتج
و الحين عقب ما سويتي اسنانج ما رح يطيحون ؟ او يتكسرون
ياريت لو تتكلمين عن تجربتج انتي شتحسين انتي مرتاحة فيهم يعني ؟ في اشياء ممنوعه عليج ؟

الله يسلمج قلبي

فعلا الزراعة اقوى واحسن تقنية للتركيب ماشا الله تحسين ثبات مونفس التلبيس تخافين اي شي ممكن يكسر السن

 

[شموخ المملكه]

الف الحمدالله على السلامه

 

[أحلى البشر]

انا يبيلي زراعة براغي بس حدددددي متردده وخايفه احسه يذبح العوار مو متصوره حديده برغي يدش داخل العظم آي
اشلون ياربي وخاف بعدين تطلع ريحه منه انتي شنو قالولج ؟
والحمدلله على سلامتج

 

[white centre]

الحمدلله على سلامتج ,, ولا تنسين الموعد

 

[some one waw]

الحمدلله على سلامتج ,, ولا تنسين الموعد

الله يسلمكم وايت سنتر هههه

طبعا ما انسى >>> لوووول اي هين

 

[some one waw]

بنات للي يسألون عالخاص

انا مسوية العملية ف بنيد القار >> يعني مستشفى حكومة بحت مو عيادة او مركز ولااا مستشفى خاص

وحياكم الله *

 

[some one waw]

انا يبيلي زراعة براغي بس حدددددي متردده وخايفه احسه يذبح العوار مو متصوره حديده برغي يدش داخل العظم آي
اشلون ياربي وخاف بعدين تطلع ريحه منه انتي شنو قالولج ؟
والحمدلله على سلامتج

هلا غلا احلى البشر

نفس حالتي قبل من الأسنان بس بالنهاية تذكري ان بعد البنج مافي شي اسمه عوار

انا تشجعت توكلت على الله شسوي يعني لي متى بخاف لوووول

والحمدالله ربج سهلها والبرغي قالي الدكتور اذا حسيتي اشري بيدج ازيد بالبنج

ولعلمج انا خوفي كان من العملية الاولى زراعة العظم بس الحمدالله عدت ونجحت والفضل لله ولموضوع كان المنتدى مستضيف دكتور قبل جم شهر وسألته


عن تفاصيل العملية وشرحها جزاه الله الخير كله
وانا كاتبة تجربتي بموضوع عمليات الفك المثبت فوق

 

[some one waw]

الف الحمدالله على السلامه

الله يسلمج اختي شموخ المملكة

 

[أحلى البشر]

هلا غلا احلى البشر

نفس حالتي قبل من الأسنان بس بالنهاية تذكري ان بعد البنج مافي شي اسمه عوار

انا تشجعت توكلت على الله شسوي يعني لي متى بخاف لوووول

والحمدالله ربج سهلها والبرغي قالي الدكتور اذا حسيتي اشري بيدج ازيد بالبنج

ولعلمج انا خوفي كان من العملية الاولى زراعة العظم بس الحمدالله عدت ونجحت والفضل لله ولموضوع كان المنتدى مستضيف دكتور قبل جم شهر وسألته


عن تفاصيل العملية وشرحها جزاه الله الخير كله
وانا كاتبة تجربتي بموضوع عمليات الفك المثبت فوق

الحمد لله على سلامتج غلاتي شجعتيني رربي يسهل علينا :eh_s(7):

 

[some one waw]

الحمد لله على سلامتج غلاتي شجعتيني رربي يسهل علينا :eh_s(7):

ياارب

و وافينا بالنتايج