بتروحين الصين تعالى نتيمع ونسولف

["*آآآنؤؤؤقهـ*"]

واااو شوقتوني


اب



اب

 

[sweet lady]

رفع
رفع

 

[زين ودلال]

انا رحتلها ٢٠١٠ اخر شهر ١

اول شي رحنا هونج كونج وعقب قعدنا بجزيره اسمها مكاوي

واخر شي رحنا الصين

حلووووه بس مشكلتي كنت حامل واتنسى ههههههههه

ومادري ودي اروحلها مره ثانيه قاعده افكررررر

على شهر ٤ او ٥ او يمكن ٣

 

[بنت سعود21]

8
8
8


شلون الجو في يناير؟!!

اذا الله اراد باروح لها 17 يناير

وهل صحيح الاسواق تسكر في فبراير؟!!!

 

[*Crafty-girl*]

بنات شهر ١٢ حلووووووو الجو وله ماتصلح من تاريخ ٦-١٢ لمن ١٦-١٢

 

["*آآآنؤؤؤقهـ*"]

ا شلووووون


جووهاااااا



شهر واااحد 1

 

[ام لعيال]

السلام عليكم خواتى العزيزات انا رحلت لها لمن كنت اثاثث بيت العمر بس لما نزلنا العاصمه قالوا مايصير تنزلون جوانزاو الا بفيزا فسوينا فيزا ودخلنا جوانزاو (للاخت الغاده) اختى قبوط مربين تصلح لتجاره ميه بالميه وفيها اشياء وايد حلوه -مقصدي كان محلات الاثاث كان فيه ثلاث درجات اولى وثانيه وثالثه التعبانه من قلب لا شكل ولا ذوق الدرجه الاولى اغلبه مستورد وكان نوعا ما غالي اما الشحن من خلال المكتب اللي اخذنا منه المترجمه كانت تحسب حجم الصندوق اشكثر ياخذ في الكونتينر لين ماتعبا فل وفيه مجال ايشركونك في كونتينر مع ناس بس احنا اغراضنا وايده وسكروا بعيد السنه الصينيه وكان عزكم الله عيد الخنزير حسب كلام المترجمه كل سنه يحتفلون بحيوان معين 0جوانزاو مش نظيفه وايد كانت الفيران تركض معانا على الرصيف وحجمها حدث ولا حرج واخذنا معانا 10000 دينار ماصرفناها كلها لما سكروا نزلنا تايلاند انجدد شهر العسل 000000

 

[المزيــونه]

ياحلو الصين تهبل

رحت لها شهر 6/2011 انا وابوي واختي

واتمنى اروح لها مره ثانيه يارب

بالنسبه للجو كان حلو مو حر ولا برد

وفي شغله مهمه الي اهيا الفيزا تأآكدو اذا مره او مرتين او عدة مرات
احنا اخترنا مرتين لان رحنا هونغ كونغ وردينا مره ثانيه
هونغ كونغ ماتحتاج فيزا كلش اتسوينها بالمطار واذا كنتي رايحه بقطار اتسوينها داخل القطار اهما يوزعون عليكم اوراق

الفندق شندادي روعه وكل طابق في امن مسلحين يخرعون لوول يعني امان
وقريب عندنا كل الاسواق تقريبا

اول شي بتكلم عن كوانزو :

فيها كل الاسواق كل سوق تروحين له تقعدين فيه يوم كامل حده كبير وماتخلصينه بعد ههه
سوق تحت الارض هذا اول ماطلعنا من فندقنا نزلنا له قريب حيل عندنا حلو اشوي عليه كل شي فيه بس الي يغث يعجبني بعض الشغلات لازم اشتري جمله شسوي فيهم
عجبني انا واختي تي شيرتات حدهم يهبلون قالت من كل تي شيرت لازم تأخذين درزن المهم قنعتها قالت خلاص اخذي 12 قطعه مختلفين طلعت بنت حلال وبعد فيه مشكله مايتكلمون انجليزي اذا دشينا محل ينادون الي يعرفونهم بمحلات ثانيه يعرف انجليزي وقليل يعرفون
المهم دشينا الساعه 9 الصبح طلعنا الساعه 5 المغرب وشفنا نصه ههه
وفي كوفي اسمه اوكي استنساخ ستاربكس بس مغيرين الأسم كوبي بيست كل شي

بعدين ردينا تعبانين حدنا قعدنا الصبح لازم مترجم ولا ماينفع ودقينا على وحده حاطين رقمها بمنتدى العرب المسافرون قالت عندي واحد قلت لها بس انا ابي بنت قالت اليوم اهو يطلع معاكم وباجر اشوفلج وحده قلنا اوكي وتواعدنا معاه بسوق الجناط

سوق الجناط من حلاته مابي اطلع كل شي فيه جناط شوزات اكسسوارات ساعات ملابس تقليد ماركه
وفي شغله الي يوقفون عند الباب و يقولون صعدو معانا فوق مكاتب صعدو معاهم عادي لان شغلهم رووعه دشينا مكتب ساعات انا حدي خفت نفس سوالف المافيا تلفزيون برا والباب سيكورتي شي يخرع ولما دشينا قفلو الباب علينا هههه بس طلع عادي لان ممنوع عليهم غرامه طلعو يقلدون الماركات بس شغلهم رووعه احترت شنو اخذ اصلا واصور وادز لاختي بالكويت اهيا احتارت بعد
وفي بعد مكاتب حق الجناط الماركه من كثر الكواليتي ماتفرقين بينها وبين الاصليه اختي شرت جنطة ال في توها نازله بالبوتيك بـ 40 دينار عندهم وبالبوتيك 800 لما ردينا للكويت قالت حق الي يشتغل هاذي اصليه او لا اهو احتار خاف يقول اصليه واهيا مو اصليه يعني ماكو فرق حييل

المهم الله رزقنا مترجم حيل زين حتى لما ردينا ابوي قالي لا تغيرينه ارتحنا له ومحترم حيل
ورحنا بالليل حق شارع بجين لو رووعه بس مو امان احس الوضع يخرع
يعني هاذي اول واخر مره انروح باليل
ورحنا سوق الاحذيه مانصح فيه تحترين عالفاضي كله بالجمله في جم محل بسوق الجناط حق الشوزات رووعه
وسوق ون لينك لو امدح فيه مني لي باجر رووعه اشوي عليه حبيته حيل من 7 طوابق يوم كامل له بروحه ويسوى ماردينا بتكسي ردينا سياره كبيره عشان الاغراض هههه
وسوق الاكسسوارات يهبل يم فندقنا رحنا مشي في اثنين رحت لهم اثنينهم والاثنين يستاهلون بصراحه بس واحنا قاعدين نشتري جان اتصكر علينا المحل خرعتنا جان اتقول في تفتيش الي يشوفون عندهم ماركات غرامه

سوق بايما وايما هم قريب من فندقنا انصحكم فيهم حلوين

وابوي راح منطقة العرب عشان يبي يحلق انا واختي رحنا المحلات يم فندقنا يسون كروت واجياس وتاغ حق المحلات عجبنا حيل وشفت شكثر محلات عربيه مكتوب الرياض الخبر الامارات بس للأسف ماشفت ولا محل كويتي واسعارهم عجيبه ورخيصه والاشكال كواليتي

في شكثر اسواق بكوانزو في نصهم نسيتهم وفي مادشيتهم

قبل لا اروح للصين كلمت شخص صيني بالنت عنده مصنع وقلت اذا زرت الصين بشوف المصنع وكان بمنطقة شنزن قريبه من كوانزو ساعه تقريبا بالقطار المهم كلمه المترجم ودله على المكان ورحنا شنزن تهببببببل حيل سياحيه وجوها رووعه ورحنا للمصنع كانت تجربه عجيبه تخيلو 300 شخص تقريبا يخيطون بنفس الوقت حتى لما دشيت ماحد رفع رأسه يشوف شي غريب هههه
ورنا شلون يسون الدست باغ والتاغ يعني شي جميل
طلعنا الساعه 2 الظهر ماندري وين نروح قالنا التكسي يودينا مكان حلو قال حديقة windows to world احلى حديقه عندنا قلنا اوكي وصج اتهبل حيل حلوه استانسنا فيها حيل طريقتها مجسمات حق معالم الدول كلها
مسويين برج ايفل استنساخ وشلالات نياجرا ماشفتها بالطبيعه شفتها عندهم نفسها بالضبط ابداع بالتقليد خفت يستنسخوني ههههه

الي ماعجبني في شنزن الخز مايروحون لها عرب وايد فا شافونا متحجبين مستغربين وياريت بس جذي لا يبون يصورون معانا والبنات يلمسون عيوني يقولون طبيعي (المترجم يترجم لنا كلامهم) ابوي يقولهم قولو مشاءالله شعرفهم حرام لووول

ورحنا هونغ كونغ ديزني لاند صغيره مو نفس ديزني لاند باريس بس بهونغ كونغ استانست اكثر مادري ليش وبالليل رحنا شاطئ كولون بس بسرعه
حيل عجبتني هونغ كونغ احس ماشفتها عدل لي روحه ثانيه ان شاء الله لها

احس تعبت ماقدر اكتب بعد :eh_s(2):

 

[ميـرآ]

واللي تلبس نقاب غريب عندهم ولا عادي

 

[جوك احلى جو]

بنات شنو تنصحون احسن الماركات بسوالف الميكب وكريمات العنايه بالبشره وهالسوالف من هناك يعني ابي الاشياء اللي لازم اخذها منهم

 

[M!SS.LOBY]

لوووول

 

[حلوة بس موسهلة]

مشكوره قوت والاخوات فدوتني وايد​

 

[فساتين]

السلام عليكم

شلونكم بنات

انا كل شهرين اروح الصين تقريبا لان ريلي عنده ثلاث مكاتب بالصين مكاتب للسياحه والتجاره مكتب بكوانزو وشنقهاي ومكتب في اويو

راح ابسطلكم الصين للي ماراح لها

العمله:
الرممبي
1 رممبي = 45 فلس

اكبر ورقه هي الميةة رممبي 100= اربعه ونص دينار كويتي


كوانزو:
هي مدينة تجارية بحته فيها اسواق الجملة للمبلابس والاحذيه والاجهزه الكهربائيه ووالاكسسوارات وليست هي الارخص بالاكسسوارات


واوعدكم بموضوع مدعم بالصور عن الصين

للي تبي تتعامل مع مكتب ريلي تكلمني واتساب بالنسبه للسياحه او التجاره
وفتح ريلي حاليا بمليزيا بس ماخلص قريبا يستقبل الزباين

يوفر المكتب كتب :
مترجم +سكن اوتيل+طعام عربي + سياحه +مواصلات + تسوق مصانع للكميات وجملة للبضايع البسيطه +الاستقبال من المطار والعوده الى المطار= 200 دولار باليوم للشخص لاضافة شخص زيادة 100 دولار

للزباين الفي اي بي 350 دولار للشخص
سويت في اروع الاوتيلات غرفة مطله على منظر طبيعي + زيارت الشلالات + التسوق +زيارت البحيرات + زيارت الجبال +التسوق من الاوتيل وترتيب جدول اعمال تجاري + اطعمه فاخره حسب الطلب + سياره + مترجم +رحلات نهرية باليخت + الاستقبال والعوده الى المطار

يوفر الشحن الجوي والبحري بارخص الاسعار

ملاحظة / لايوجد اي مكتب في كوانزو يوفر هذه الخدمات اطلاقا فقط ياخذون خمسه بالمية من المشتريات مقابل الشحن ( والله يرزق الجميع)


للي تبي تتعامل تتراسل معاي واتساب او تتصل الرقم بالتوقيع وانا اربطها مع المكتب حياكم الله ونتشرف فيكم

باجر ان شاء الله انزل موضوع مستقل بالصور مفصل عن كوانزو للي تحب تتعرف على كوانزو واسواقها وشوارعها

 

[فساتين]

على فكره ماانصح احد يروح للصين شهر 1 و 2

برد + عطله رسميه للجميع مصانع وشركات القليل فاتحين بس برد يموت ههههههههههههه والله برد وايد راح تكرهين السفر بسببه هههههه

نصحتكم وكيفكم
اللي تبي سناسيلها تجمد تروح ههههههههههه

نصحني ريلي وماطعت ههههههههههههههه بس راح استمتع لما اقرا تجربت وحده رراحت بهالشهرين هههههههههههههه راح اموت من الضحك لان البعض عنيد ومايفهم شنو يعني برد برد مو لعب

شهر ثلاث بعد عشره ثلاثه الجو يتحسن ومعقول