بتركه لطيقته وانسحب من حياته وشرايكم.....

[ام يارا القمره]

دخلت علشانك والله يصبرك على البلوى الي نزلت عليكم هي الغيره وعمايله
وترى كم يوم قريت في الجريد وحده يوم درت ان طليقها تزوج حرقت نفسها هي وبنتها الرضيعه وماتوا نتيجه الحرق لان غير قويه
بالعكس المفروض تكوني فرحانه لان في غيرك تمنى مكانك وماقدرت علشان كذا دائماً بالمحاكم
وربي يوفقك
يسلمو فارسه على تأيدك الي كتبته

 

[حواء ناعمه]

حواء ناعمه...
جزاااك الله خير وووقاك من كل شر....
شوفي يالغاليه بعيد عن طليقته كل بيت فيه مشاكله...لكن هي تخليه دايم زعلان ومتضايق
تخيلي تعيشين مع شخص كذا...
وليه يحط الحره فيني وفبناتي المفروض انا اللي اكون دايما زعلانه ومتضايقه وهو اللي يدور رضاي
لان منعه من السفر يعني منعي من شوفة اهلي...
واذا بشوفهم يعني لازم اعني اخوي ليه وشذنب اخوي من خذيت رجلي وهو دايم مكلف يوديني ويجيبني
كافي عليه مرته وعياله الله يحفظه لهم ويحفظهم له..
الشي الثاني صابره علي ظروفه الماديه ....
الشي الرابع اعاني اعاني من ضعفه وتعبت من كثر ما اسوي عمليات........ويقول اصلا انا
مافيني شي انتي اللي متحملين......
بالنسبه لبناتي هن نقطة ضعفي انا افكر فالانفصال من زمان بس لما افكر بحبهن لابوهن اهون
لما اقول عايشات براحه ببيتهن محد يتحكم فيهن اهون راسي بينفجر متقطعه بين راحتي وبين راحتهن واللي هي الاهم طبعا
انا منشغله عنه ونتقابل بحدود اصلا هو دايما ياطالع او راقد عايش كانه عزوبي....

شفتي شلون راحة بناتج من راحتج


احيانا نضيق ونحس لو نخرب الدنيا بالطقاق اصلا احنا ماراح نستفيد شي ويجي الشيطان بلحظة ضعف ايمانا ويقل خلاص تعبتي وصلتي حدج وانتي تحملتي فوق طاقتج وبالنسبه للعيال لهم رب ماراح يخليهم ولا بيقول اهلي بيراعونهم يخلي الوحده فيني توقف حتى عن عطاء الامومه تفكيرها يوقف حتى غنه يفكر شبيصير على العيال ((كيفهم يعيشون يولون خلاص لهم ابو يتحملهم ))اذا حست الابو معطي طااااف يوصلنا لمرحله نياس فيه وننسى رحمة الله وهذا والعياذ بالله يقول عنه الشيخ سلمان العوده اليأس من رحمة الله نسميه بالشرع كفر

ترا الشيطان مايقولنا كفروا بربكم لا اختي بس يقطع اي امل يربطنا برحمة الله عالاقل يوصلنا للطلاق وكلنا نعرف حديث الرسول اللي قال فيه الشيطان وعره على الماء يجمع الشياطين واللي يقوله فرق بين زوجين يقربه له ((الحديث باختصار لانه مشهور))



لكن بلحظة صفاء وهدوء نفس لما نشوف عيالنا حوالينا يضحكون من قلب ومرتاحين ويسولفون معاعان بحب نقول تخسي رغباتنا الزوجيه جدام السعاده اللي نشوفها بعيون عيالنا وراحتهم اللي اهم مايدرون إنها على حساب راحتنا ((0عيل ليش ارتبط رضا الوالدين برضا الله سبحانه وتعالى ؟ظ))ويمكن اهلنا قبل كانوا جذي


علشان جذي قلت لج لما حسيت بكلامج الانفجار والقهر منه ومن جحوده قلت لج صلي استخاره بالطلاق لاني اصلا مومايده بس احنا زوجات نحس باللي تحسين فيه



وزوجج ماله إلا ربج سبحانه قادر يغير قلبه تقربي لله وزيدي ايمانج بالله بالاستغفار الكثييييييييييير وقراءة القرىن وحاولي تصلي صلاة الليل عسى ربي يغير حالكم




ولاتنسين التوكل كتبي على قوقل اسرار التوكل ((حملة الشيخ مشاري الخراز وبتدعليلي ))

هاه موتنسين تدعيلي

الله وياج

 

[مفرفشه عالاخر]

مفرفشه عالاخر...
جعل السعاده فالك والله يوفقك ويستر عليك....
انا يالغاليه ماجيب طاريها اصلا انساااااها ماتطري علي او عليه....
بس غصب اذا رفعت قضايا اتضايق خصوصا لما اشوفه تعب ويقول عطوها اللي تبي
حطي نفسك مكاني (الله لايقوله ولا يقدر عليك بشر) .....
هو تعب من القضايا ومن الصرف علي المحامين
يوم رفعت زيادة نفقه ماراح المحكمه ولا وكل محامي ولا حضر ولا جلسه....
فاعتبره القاضي انه مقتدر وحكم بزيادة النفقه حكم نهائي...رغم ان معاشه مايسمح وانا ذكرت هالشي بموضوعي الاول
حتي ان الشؤون الماليه بوزارة رجلي رفضت تنفيذ الحكم لان معاشه مايسمح...
طبعا مارحمني القاضي..... وبما انه حكم نهائي غير قابل للنقض وبما ان الشؤون رفضت تقص من معاشه حكم عليه يروح يدفع الزياده فالمحكمه تسلم باليد
واذا مانفذ يمنع من السفر ويحجز علي سيارته ويكون عليه القاء قبض
ماكنت اضن ان فيه قانون ظالم كذا
طيب وحنا انا وبناته وهو طبعا وش قطاوه مالنا حق نعيش
اكيد لابد مهما كنت صبوره بتكلم وبزعل لو عشان بناتي ...انا بشر....
ولا تضنين اني معشته بزعل وهم ونكد لا واللي خلقني دايم اضحك واخفف عليه بس الحياة صعبه والضغوط كبيره

الله يعينج ياحبيبتي ويصبرج انشالله وينصرج صدقيني رحمة ربج واسعه وبالنهاية انتي الي بترتاحين

وعارفه ان الحياة صعبه حيل والله يعينج عليها هالشي اختبار لج
وحاسة حييييييييييييييييل بظروفج لأني امر بظروف مشابهه لكن ما باليد حيله

وماتضيق الا تاليتها تفرج

مالج حل الا الصبر دام قعدتي عنده 11 سنه مشالله وزوجته تطلقت بشهور هذا دليل حبه لج وتمسكة فيج

حاولي تطبقين قانون الجذب بحياتج

ولا تستعجلين ابدا بقرار الطلاق :eh_s(7):

والله يقربكم من بعض يارب ويبعد عنكم المشاكل

لاتنسين الالحاح بالدعاء ترا الدعاء يغير القدر او يردة

 

[أو عبوش]

الخيار لج



بس اول فكري

اخوج يحب بناتج ويعاملهم عدل لانج بعيده عنه ويسافر عشان يشوفكم



بس اذا صرتي في بيته وعنده وكل مسؤولييتج ومسؤوليه بناتج عنده وبين مرته وعياله رااااح تتغير المعامله وتقولين ليتني قعدت عند زوجي عالاقل بيتي لحالي وبناتي عند ابوهن


شوفي بناتج توهم صغار عطيهم مهله سنتين او اكثر هنّ اللي راح يطلعونج من اللي انتي فيه

ترى البنت لها غلا خاص عند ابوها تقدر تحنّ عليه ودينا للالعاب مشينا كله محبوسين

وانتي كلميه خليه يسوقج سياره عشان تخدمين نفسج


وشكل رجلج طيب بس ضروفه اقوى منه وهالمحاكم لعوزته



ادعي ان الله يفكم من شر هالمحاكم.............ز اعتبريها شده وتزووووول

 

[زينــــي طبيعــــي]

تكفيييييييييييييين لاااااا

لااااااااااااااا تنازلين عن زوجج ... اووووقفي معاه احتويـــه ,, اضحكي خففي عليه ,,

بس لاتتنازلين بتندمين ,,,


تكفيييييييييييييييييين ,,, هذا سترج وغطاج ... شلون بتنازلين عنه

 

[Miss^NeozZ]

حرام تتطلقين اهو شنو ذنبه ! هذا معناته استلمتي حق البنت وخليتي ريلج حقها !

 

[Miss^NeozZ]

والبنت هذي ماعندها اخو ماعندها ريال يوقفها عند حدها ؟ شهالبشر :s

 

[DaShTeYa_Q8]

ليش مايرجعها ويخليها معلقة ؟؟
يذلها نفس ماذلته!

 

[ثلوج الليل]

ام يارا القمره...حواء ناعمه....مفرفشه عالاخر
تعجز كلمات الشكر والثناء ان توصل لكن اللي بقلبي...
كل اللي اقدر اقوله جعل ربي يجعل السعاده والراحه والفرح دوم فالكن...
والله يحقق امانيكن ويحفظك لكم ازواجكم وعيالكم من كل شر...
دخلت مخصوص عشان اطمنكم عن اخر اخباري ....
زادت الكآآآآآبه عندي وعيوني وارمه من كثر البكاء فالبدايه ماكان مهتم
لاني بطبعي ما اطول ولاني راعيه بكاء وحزن واكتآب بس فعلا وصلت لمرحله حسيت اني
مختنقه عندي احساس داخلي يدفعني اهج ودي اطلع من البيت باي طريقه
حسو فيني بناتي الله لايخليني ولا اياكن وجوني وقالوا يمه لاتتهاوشين مع ابوي...
ابوي مزعلك صح...رغم انهم اسم الله علي قلوبهن ماحضروا مشكلتنا ولا سمعن شي
وقالت بنتي الكبيره يمه ماحبك تزعلين علي ابوي انا احبه واحبك انتي بعد....
ضاعت حيلتي وانضغطت زياده رغم اني قلبتها معهن ضحك وقلت عادي انتن تهاوش مع بعض يعني تكرهون بعض
عادي ياحبايبي..
المهم بعد ماراحن المدرسه تركت العنان لنفسي ويوم شاف حالتي كذا اعتذر واعتذر واعتذر واللهم لك الحمد كما ينبغي لجلال وجهه ولعظيم سلطانه...
وخلاني اطلع اللي بخاطري واعترف بغلطه وبتقصيره...
انا ادري ماراح يتغير بس عالاقل سمعني خلاني اطلع اللي بقلبي وقعد يسمعني
شاكره مره اخري وقفتكن معي فانا كنت بحاله مايعلمها الا الله...
الله ياقاكن من كل شر ومكروه

 

[ثلوج الليل]

او عبوش....
الله يجزاك خير وينور قلبك.....
اخوي الله يحفظه عمله نادره جعل ربي يحفظه من كل شر....
بس انا بطبعي ما احب اضايق مرته او اثقل عليها رغم انها حبوبه واحبها تاخذ راحتها ببيتها
بس جعلك ماتذوقين الحره والقهر اللي فيني ....
وبناتي كبار وحده بثالث وحده بثاني ومالهن تاثير عليه الا نادرا لانه دايم طالع
واذا رجع مايحب الازعاج ويقعد اكثر الوقت لحاله...

 

[ثلوج الليل]

زيني طبيعي...
جعلني ما ابكيك ولا اذوق حزنك ...
حسيت اختي اللي تكلمني الله يوفقك ويرضي عليك ويرضيك
صدقيني انا قويه وصابره صابره بس للانسان قوة احتمال اذا نفذت بدي عليه الخلل والضعف
والله يالغلا تعبت فعلا تعبت ما اقولها دلع ...لكن باعتذاره لي واستماعه للي بقلبي عطاني دفعه
جديده للصبر من جديد وعسي الله يغير الحال للافضل ويرزقها احسن واغني الرجال بس تفكنا بحالنا
وتنسانا

 

[نشيج الروح]

شوفي وين الافضل للجميع وسويه

 

[ثلوج الليل]

والبنت هذي ماعندها اخو ماعندها ريال يوقفها عند حدها ؟ شهالبشر :s

من كثر مافضحتهم واحد من اخوانها مقاطعهم ومايرضيه تصرفاتها لانها ماخذه خواتها المطلقات
وتخليهن يرفعن قضايا مثلها..
اخوها يعلم رجلي يقول حاولت بس بتسحبني فالمخفر وبتسجني وبتفصلني من وظيفتي
وامها من اكبر المؤيدين ....رغم ان المخافر والقضايا مهي لنا ولاهي من سلومنا وعيب
عندنا هالشي وبنات عمها يقولن لاتحسبينا كذا بس هي وامها شوفي فلانه وفلانه وفلانه
مطلقات بس ولا وحده رفعت قضيه واللي تسوي هالشي ننقد عليها...

ليش مايرجعها ويخليها معلقة ؟؟
يذلها نفس ماذلته!

صدقيني يالغاليه تقدر ترفع نفس القضايا وهي علي ذمته...
هالشي عرفناه من المحامي طلب من رجلي اني ارفع عليه قضيه واطالبه مثل مهي تطالبه
عشان يشوف القاضي ان عليه نفقتين ويخف عليه شوي...



جزاااااكن الله الجنه جميعا....

 

[Miss^NeozZ]

اممممممممممممم .. غريبه ماكو ريال يقدر يوقفها عند حدها جد انصدمت .. الله يهونها عليج فديتج

 

[لمى...]

روحي عند اهلك وشوفي وش القرار اللي ترتاحين له بعد ماتقعدين فترة جم شهر عند اهلج كتجربة