بتداومون اليوم

[البندري22]

بسم الله الرحمن الرحيم



احنا معلمين ومعلمات وزارة التربية ناس اكاديميين وفاهمين وواعين ومحنا لعبة بايد كائن من كان موظفين نحترم وظايفنا ومو مستهترين وما غبنا لانا نبيها من الله غبنا لانا ناس واعية ونفهم القرارات الي تصدر من الوزاره

قرينا الخبر على القنوات الرسمية والخبر ينص بالحرف الواحد ان اليوم سيتم تعطيل الدراسة

وما قرينا قرار يقول العطله للطلبه بس


فاذا كانوا المسؤولين بالوزارة مو عارفين يصسغون قرار هم يتحملون احنا قرينا القرار وطبقناه مثل ما تلقيناه

اما موضوع طبيه ما طبيه انا عن نفسي ما راح اخذ طبيه واخسر يوم من ايام الغياب المسموح لي فيها على غلطة وزاره . في صياغة خبر . الغلطان يتحمل غلطه مو احنا نداري على اخطاء الغير

لو كاتبين نستثني المعلمين جان احنا اول من داوم لو السما تنقط جمر مو غبار بس لاننا ناس ملتزمين بالدوام واصحاب كفاءة ولا نرضى اننا نعامل بهالطريقه

بس الخبر بكل القنوات تعطيل الدراسه وبلا استثناء يذكر ويوم غبنا وخلصنا تقولون لا المعلمين يداومون .. اسفين يا اخوانا صيغوا قراراتكم عدل بعدين حاسبونا

منو فيكم قرا قرار تعطيل الطلبه فقط؟؟؟؟ منو فيكم

منو فيكم ما كلم معلمات بمدارس ثانيه وشاف ان في ناظرات يقولون غيبوا وفي ناظرات يقولون ما يانا شي رسمي

هالتخبط هذا لي متى ؟؟!!! القرار بثواني يقدر يوصل لكل المدارس بل للكويت كلها

بس ما وصلنا شي فما لهم حق يحاسبونا

وكون 90% من المعلمين غايبين فهذا اكبر دليل على كلامي اللي اقول بتحاسبون 90% عشان غلطة جم شخص في صياغة الخبر .. قمة الظلم

 

[دانة بعين بحاري]

انا مادومت وبمدرستي الاداره بكبرها غابت
والقرار اي شي بصراحه الطلبه يغيبون واحنا نداوم انزين ليش بالله
احنا نروح شنسوي بدون طلبه!!!

 

[PuPa^^SWeeT]

البندري صاااجة بكل كلمة قلتييها

 

[البندري22]

واضف على كلامي ان العام حصلت اجازة بسبب الغبار وشملت الجميع ..فاذا هالاجازه بتحرمونا منها لاي سبب كان مفروض نبلغ لان شي طبيعي نغيب الا اذا صدر استثناء بحضورنا ومع هذا ما صدر استثناء ..على اي اساس بتحاسبونا ؟؟

90% عدد لا يستهان به و 10 % اللي داوموا يا ما قروا الخبر العاجل يا داقين عليهم وقايلين لهم تعالوا اما احنا شذنبنا اللي قرينا الخبر وفهمناه مثل ما هو مكتوب لانا ما ندخل بنية اللي صاغ الخبر ونعرف شيقصد احنا نقرا ونفهم على طول والخبر واضح ان عطله

 

[كويتيه=)]

انا سامعه بالاخبار الصبح بالراديو الغياب حرصا على سلامة ابنائنا وليس معلماتنا وقالو كل موظفين وزارات الدولة تداوم
وبعدين قالو تعطيل الدراسه مو تعطيل العمل !! يعني الغياب خاص حق الطالب !!! وانتو يا معلمات دايما تقولون ان المدرسه مو بس تروح حصتها تشرح وتطلع وان عندها اشغال ثانيه غير التدريس

 

[البندري22]

انا سامعه بالاخبار الصبح بالراديو الغياب حرصا على سلامة ابنائنا وليس معلماتنا وقالو كل موظفين وزارات الدولة تداوم
وبعدين قالو تعطيل الدراسه مو تعطيل العمل !! يعني الغياب خاص حق الطالب !!! وانتو يا معلمات دايما تقولون ان المدرسه مو بس تروح حصتها تشرح وتطلع وان عندها اشغال ثانيه غير التدريس

اختي انتي واضح من كلامج انج مو معلمه والموضوع يخص المعلمات هذا اولا


ثانيا تسمعين بالراديو تشوفين بالتلفزيون احنا قرينا الخبر العاجل بكل القنوات تعطيل المدارس والعام نفس الخبر وغبنا وماحاسبونا عليه


اشمعنى هالسنه بيحاسبونا عليه


الله يسامحك يا الكادر :rerrerek:

 

[PuPa^^SWeeT]

كويتية شفييج زدتي على كلامج


الظاهر ماعجبج لأنه ماكان بيزعلنا


ابشرج حتى كلامج اللي زدتييه ماراح يزعلنا




:d:d:d

 

[كويتيه=)]

ايه يعني اشمعنى المدرسات اللي لازم يعطلون وباقي وزارات الدولة لا!

وعلى فكرة زدت على كلامي اولا لان هذا اهوا كلامكم كل كلمة وثانيه وظيفة المدرسه مو بس تشرح بحصتها وبس

ثانيا لان ادري بتقولون شنو الفايده نداوم ومافي طلبه من جذي زدت جملتكم الشهيرة المدرسه مو بس تشرح حصتها

 

[البندري22]

ايه يعني اشمعنى المدرسات اللي لازم يعطلون وباقي وزارات الدولة لا!

وعلى فكرة زدت على كلامي اولا لان هذا اهوا كلامكم كل كلمة وثانيه وظيفة المدرسه مو بس تشرح بحصتها وبس

ثانيا لان ادري بتقولون شنو الفايده نداوم ومافي طلبه من جذي زدت جملتكم الشهيرة المدرسه مو بس تشرح حصتها

اختي احنا هنيه نقاش موضوع يتعلق فينا يا المعلمات انهم قالوا عطله والحين ناوين يحسبونه خصم واهم قالوا عطله ولا استثنونا من القرار

كونج انتي ودج انا نداوم هذا شانج احنا نناقش الموضوع من صيغته ومن باب قانوني ومن حقنا انهم ما يحاسبوننا واحنا 90 % على قرار اخطؤوا في صياغته

فموضوع شمعنا المعلمين ومو احنا هذا مو موضوعنا هنيه تبين حطيلج موضوع ثاني وكتبي كل اللي تبيه بس بنبهج لشغله


لا تزاحم احدا على رزقه فالارزاق موزعة ,اسجد واطلب الله الرزق واسع له بنظافة

وعمر الحسد ما ينفع

 

[سفيرة العشق]

احنا داومنا الصبح وقعنا وقالولنا ردوا مافي دوااام وعقب نص ساعه دقوا علينا وقالوا لنا ردوا المدرسة وقمة الصدمة ان الفراشات مو مداومين واحنا نداوم

السؤال ليش وحق منو نداوم دام عطلتوا الطلبة ما يستحق المعلم راحة يوم بالله تعبنا من الغبار ماراح نغيب عقبها يعني والله مسخرة

 

[كويتيه=)]

حبيبتي ليش حاسبتيني على هالجمله وما ناقشتيني على الجمل الثانيه؟

ولا تسون فيها حسد وحقد الحق حق وما ينزعل منه

وايد مدارس شفت سياير على بابها واكيد هذي سياير معلمات

فيالله ماني قايله اشمعني موظفات باقي وزاره الدولة الحين بقول شمعنى معلمات هالمدارس مداومين؟

 

[الاميره]

ايه يعني اشمعنى المدرسات اللي لازم يعطلون وباقي وزارات الدولة لا!

القرار صادر من وزارة التربيه وكل وزارة لها وزير مختص فيها

 

[البندري22]

حبيبتي ليش حاسبتيني على هالجمله وما ناقشتيني على الجمل الثانيه؟

ولا تسون فيها حسد وحقد الحق حق وما ينزعل منه

وايد مدارس شفت سياير على بابها واكيد هذي سياير معلمات

فيالله ماني قايله اشمعني موظفات باقي وزاره الدولة الحين بقول شمعنى معلمات هالمدارس مداومين؟

اللي داوموا بالكويت كلها من المعلمين والمعلمات 10 %بس ونصهم ما قروا الخبر العاجل ومنهم خواتي ما دروا ويوم راحوا لمدارسهم انصدموا وفي وايد طلعوا ووايد ناظراتهم قالوا ما ينا شي رسمي

واحنا اختي شذنبنا ناخذ خصم واهم قالوا عطله ؟؟؟؟؟؟؟؟؟؟؟؟؟؟؟؟؟؟؟؟



باي ذنب لو قالوا المعلمين يدامون جان داومنا بس ما استثنونا فاكيد بغيب لانها صارت العام والغياب شمل الجميع


شذنبنا ينخصم منا واهم اللي قالوا عطله وما استثنونا ؟؟

 

[كويتيه=)]

شوفو بنات بما انكم حاسبتوني على كلمه اشمعنى ترا حتى بوزارتنا طلعونا بسرعه

بس ما سوينا نفسكم قرينا الخبر وقعدنا بالبيت لا داومنا ومن طيب الاداره قالو لنا رجعو البيت

وعلى سالفه العام اتذكر اختي الصغيره كانت مداومه وطلعناها وكان في مدرسات ما كان في غياب

ووحده من رفيجاتي تقول العام داومت وطلعوهم

الانسان الحريص على شغله يتأكد بنفسه ويروح المدرسه ويشوف شنو السالفه بالضبط

خاصه على قولتكم الخبر مو دقيق

 

[moony77]

لان يا كويتيه في بعض الادارات لللاسف مو كفو مثلج وشايفه عمرها بس انشالله انشالله اتمنى ان الوزير يصدر قرار بمحاسبة الادارات التي اجبرت المعلمين من الحضور والتوقيع وهو صادر قرار بانه عطله رسميه طيب ليش القرار اللي يتعدل عليه اللي تصدر منى اللوغاني مو على لسان الوزير ما فكرتوا يمكن اللوغاني حابه تخرب علي الوزير عشان يتحول استجواب لان وانتوا عارفين عن قرار تجميد اللوغاني باجر يبين الحجي ....

رجاءا يا كويتية دام انج مو معلمه بليز بليز لا تشاركين في الموضوع لان هنا مخصص للمعلمات فقط فهمتي المعلمات فقط انشالله توصل المعلومه لج وتفهمين لان مصيبه اذا ما تفهمين لا حول ولا قوة الا بالله صج العقل نعمه ..

 

[البندري22]

شوفو بنات بما انكم حاسبتوني على كلمه اشمعنى ترا حتى بوزارتنا طلعونا بسرعه

بس ما سوينا نفسكم قرينا الخبر وقعدنا بالبيت لا داومنا ومن طيب الاداره قالو لنا رجعو البيت

وعلى سالفه العام اتذكر اختي الصغيره كانت مداومه وطلعناها وكان في مدرسات ما كان في غياب

ووحده من رفيجاتي تقول العام داومت وطلعوهم

الانسان الحريص على شغله يتأكد بنفسه ويروح المدرسه ويشوف شنو السالفه بالضبط

خاصه على قولتكم الخبر مو دقيق

الخبر دقيق وواضح ومافيه اي لبس واضح ان العطله تشمل الجميع معلمين وطلاب بس اهم تالي غيروا رايهم وما بلغونا وقاموا يتلاعبون ببالخبر

والا من قرا ان الخبر بس للطلبه ؟ صيغة الخبر تعطيل المدارس يعني كل اللي بالمدارس


والعام حبيبتي سبب دوام اختج ان الخبر العاجل وصل نتاخر تقريبا 8 او 8 وشي يعني كلنا داومنا مع الطلاب وبعدين صدر قرار انه عطله رسميه شملت الجميع طبعا


لكن هالسنه الخبر طلع مبجر فعشان جذيه ما يحتاج نروح مدارسنا ونسال لان الخبر واضح عطله بدليل ان الكل فهم ان المعلمين بيعطلون والوزارات الثانيه بعضهم اللي نفوسهم ضعيفه انقهروا لان الخبر واضح عطله لنا


وبعدين لا تقولين الحريص على شغله جن احنا المعلمين مو حريصين 90% من المعلمين يعني مو حريصين اختي اتمنى تثمنين كلامج

 

[كويتيه=)]

اشحقا موني الغلط !!! انتو اللي منقهرين ليش بيصير فيها خصم مو أنا

يعني شنو فيها لو دوامتو 5 دقايق بس وعرفتو شنو القصه بالضبط

وعقبها كل وحده تروح على بيتها

مافيها شي اصلا انتي قاعده قاعده ما راح يأثر بشي

وبعدين اثمن كلامي وانتو سويتها ان حاسدينكم اشحقا بالله نحسدكم

ادارتنا عطلونا حالنا حالكم وحتى في وزاره من الوزارت

طلعوا الموظفات امبجر فمو بس انتو =d

 

[PuPa^^SWeeT]

يا كويتية يالطيبة


الحين انتي بعد اتحاسبينا على كلامنا لما انقول مو بس حصتنا


عالعموووم انتي داشة لج حاجة بنفسج



بنات ترا عضوة يدييدة مشاركاتها قلييللة


يعني مفهوومة الحركة

اللي بترد علييها راح ينقلب الموضوع و توقف عضويتج انتي


فا خليييها اتسولف ويا رووحها البندري

 

[كويتيه=)]

لي شفتو ماعندكم حجة طلعتو علي اكثر من حجه خارج الموضوع نفسه

لا حول ولا قوة الا بالله

الله الهادي

 

[كويتيه cool]

بوبا بغيت أسألج لما طلعوكم 8 ونص وقعتي حضور وانصراف؟