بتتطلق قبل عرسها بسبوعين

[zgrtya]

شنو ام الخير !!! الله يهديكم ان شاء الله !!
و شدراكم انها صاجه و كلامها رايت !!! ما يصير تؤمنون بهالخرابيط !!!
المهم خل تقرا سوره البقره قبل لا تنام و ما فيها الا العافيه !!

 

[حبي لله اشد]

استغفر االلله ربي العالمين

 

[القصيدة]

السلام عليكم و رحمة الله و بركاته

حياتي لازم والد صديقتك يتفاهم مع خطيبها و أهله و يعرف السبب

إذا فيه سبب معين ،، خلاص ربي يعوضها خير

و إذا ما فيه سبب و خطيبها يحس انو متضايق بس و يبغى يطلق ،، لازم تصبر عليه لحد ما يشفيه ربي من السحر أو العين

و العلاج يكون بالقرآن الكريم

أهم شي يبتعدون عن السحرة و المشعوذين

الله يكتب لها اللي فيه الخير :eh_s(17):​

 

[حوراء الرضا]

شنو يعني وحده تفتح القرآن !!!!!

نفس تكت فال !!!!

الله يعينها ويرزقها باللي احسن منه

وإذا على قولتها قرت قران بس ماكو فايده

القرآن يكتبلها الخير مو يرد اللي تبيه

يمكن اهو مو خير حقها

بالعكس عندي البنت تتطلق قبل الزواج يعني العرس احسن من عقب شهر عقب ماشبع قال ماابيها

الله يوفقها ويستر عليها

 

[mf6nt el3lat]

لا حول ولا قوة الا بالله
الله يصبرها ويمكن مو عمل يمكن هو يحب وحده ويبون يرقعون السالفه ؟؟؟؟؟
الله يرزقها باللي احسن منه بمليووووووووووووووووون مره

 

[!الجادل الصعب!]

خل توكل امرهآ لرب العآلمين .. يمكن فيه خيره لهآ ولآ تسمع لكلآم الي يقول
سحر وغيره .. لو سحر هو الي يبآدر ويدور حل .. شبتسوي يعني تمسكه غصب توديه يقرآ ..!

لآ تتعلق بآمل عـ الفآضي .. ترآ مو كل المشآيخ والقرآء مضمونين .. !
الله يوفقها ويصبرهآ ..!

 

[دانة_ديرتي]

الله يفرج كربتها ويعوضها احسن منه يارب

 

[ترانيم القصيم]

لا اله الا الله ولا حول ولا قوة الا بالله

اختي ترى ماهي نهايه العالم ولا اكبر المصايب وش كثر الى عاشن هالتجربه

انا صديقتي تملكت وكله تلفونات بينها وبين خطيبها وسمنه على عسل حتى كانو ياثثون شقتهم ومابقى على زواجهم الا اسبوع وانتفاجاء انه مرسل ورقه طلاقها بدون سبب ومنيه ومناك وش القصه والسالفه وش جاء الرجال مااااااندري

اللهم يادافع البلاء البنت تعبت نفسيا وتقفلت الدنيا بعيونها بس وكلت امرها لله والحمد الله اهلها كانو معها سند

والله ياخوات مااتمت سنه الا وهي مخطوبه متزوجه من واحد احسن من خطيبها الاول

وماشاء الله الحين معها ولد بنت


قولي لها توكل امرها الي الله وتستعوض ربها خير ورب العالمين هو خير المدبرين سبحانه

الله يسعد قلبك ,, :eh_s(9):

يمكن الرجال مهوب من قسمتها سبحان الله ,,

بس هذا مهوب معناهـ إنكم ما تبحثون بالسبب و تعرفون أيش هو سبب الطلاق

حتى لو كانت المسألة ممكن إنها تنحل يمديكم بإذن الله تداركها و حلّها

بس إذا ما انحلّت و وقع الطلاق ,, عااادي ,, قدر الله و ما شاء فعل ,, وش صار ؟ مهوب من قسمتها

و لاهيب أول وحدة و لا آخر وحدة تتطلق ,, لا يهزها الموقف و خلها تتماسك و تذكر الله

و تكثر من قول : حسبي الله لا إله إلا هو عليه توكّلت و هو ربّ العرش العظيم

أيضًا تكثر من قول :

لا حول و لا قوة إلا بالله و لا منجى من الله إلا إليــه ,,

و ما تدري وش الخيرة فيه و أيش مخبي لها الله سبحانه و تعالى ..

يمكن نصيبها الجاي أحسن من هذا بألف مرة ,,

الله يهدي النفوس و يصبر قلبها و يربط عليه ,,

احترامي و تقديري

ترانيم القصيم

 

[zqertya]

يمكن مو قسمتها لاتعترض على حكمة ربهااا يعني ماتوقف الدنيا على ريااال مايستاهل وبعدين شنو القران مايسوي شي استغفر الله يعني شنو تبي تسوي سحر مثلا عشان يرجع ؟؟؟ خلاص ماعندها غير تقرا قران وتدعي ربها غير جذي اذا ماصار شي وعلى قولتج الثلاثه المحكمه ماراح يصير غير اللي الله كاتبه ماتقدر تغير شي بيومين بهالسرعه بس انا من رايي لاتنزل نفسها له عشان لا يشوف نفسه عليهااا

 

[(lola)]

مشكورين على تفاعلكم حبايب قلبي الي سالت انا سنية مو شيعيه بس اهل امي شيعه ويومنون بهالسوالف حاولت انصح ماكو فايده عمري 26 سنه حاولت افهمها واقنعها ان نصيب وكل واحد ياخذ نصيبه ولا تومن بالشعوذه وقتلها الي بيفتح السحر يفتحها لوجه الله مو علشان لفلوس ؟؟؟

وماترضى وتعصب اذا قلنالها خيره تقول ماكو شي اسمة خيره دام دخل موضوع السحر فيه

 

[y7lok_7loho]

االله يعوضها ان شاء الله ويرزقها با الولد الحلال الى توفق معاة ان شاء الله

 

[Lourdez]

أم الخيييير هذي نصاابه و ساحره و دجاله و كله جذب بجذب اعوذ بالله منهم لا تصدقووونهااااا تره الدجالين يسوون جذي يخرعوونكم حسبي الله عليهم عشان تتعلقوون فيها و كل شوي تروحون لهااا تبون تبطلوون العمل
المشكلة انه اهي مقتنعه و مصدقة ام الخير !!!

 

[المجروحههههههه]

حرام حرام حرام تروح لام الشر هذي عرافه ومارح تتوفق ومسالة الطلاق وعسى ان تكرهو شىء وهو خير لكم اما ام الخير وطقتها هاذي عرافه اتقو الله وبدل ها الرجال مليون رجاااال بنت السعوديه

 

[بسوين]

وتخيلوا عصبت على امي لان امي قالت لها خيره ؟؟؟؟؟

تقول هذه مو خيره لان مسوين لي عمل ؟؟؟
وتقول شنو يعني خيره اني مااظل معاه ؟؟

تعور القلب

يابنت الحلال تمر الايام وتنسى هي فعلا خيره لها يطلقها الحين احسن من انه يطلقها بعد الدخله

وام الخير هاذي ايش سالفتها يماما سحر وعرافه كل الي يلجى لجن مسلم ولا غيره عراف شلون الله يوفقها تقرى قران وتقول مايفيد الا يفيد بس بدون هاالخراميط

والي تقول خل تدوس بطنه ليه الزواج غصب ان ماطلقها اليوم يطلقها بكره وانتهينا

 

[حنان البحرين]

بصراحه حرام والله

لا تستعجل في حللول وديه تشوفون لها حل

 

[q8rose]

اللله يعينها

 

[عاشقة هواك]

لا حول ولا قوة الا بالله

 

[عاشقه رويشد]

خيره والله يعوضها بلي احسن منه يارب

 

[نجدية2011]

الله يعين ويفرج كربتها
وبعدين تقراء ع نفسها افضل
الواحد يخاف من ذولي الناس يقول مس ومدري ايش حتى ياخذون بزنس
ويتكسبون وراها بالعلاجات ومدري ايش

 

[فدوووو]

حبيبتي عادي خليها تستخير اهم شي الاستخارة قبل الزواج

وبعدين اشفيها اذا تطلقت قبل الزواج بالعكس احس من انها تتزوجه وتتعب نفسيتها اكثر

انا تطلقت قبل الزواج والحمد لله بعد ثلاث سنين اتزوجت وماباقي على زواجي شي ولله الحمد