بتتطلق قبل عرسها بسبوعين

[(lola)]

السلام عليكم ورحمة الله وبركاته

بدخل سيدا لان ماكو وقت

بنت خالتي المفروض عرسها بعد اسبوعين بس انصدمنا يوم يمعتنا انها بتنفصل عن ريلها ...
تقول اهو مايبيها ...

ومسكينه كانت تبجي وتصيح تقول انها تحبه
وخالاتي قالوا بيسالون وحده تفتح بالقران وقالت لهم ان مسوين للريال عمل من طرف وحده تبيه وتحبه بمصر؟؟؟؟؟

شلون نفتح السحر ؟؟
انا قتلها تختم سورة البقره ومالها شغل بكلام هالمره؟؟

بس اهي تقول انا اقراء قران بس ماكو فايده ؟؟؟

ماني عارفه شسويلها حرام ودي اساعدها ؟؟
اهي موعد جلست طلاقهم يو الثلاثاء تكفووووون ابي حل ؟؟

 

[star warld]

لاحول ولاقوة الا بالله
ترا يمكن مو خير لها ها الزواج واذا متعلقة فيه مره تتدعي لربها با اخر الليل
وعسئ الله يوفق بينهم

 

[برستيج دلوعه]

واي مسكينه .. بس مني والطريج يبي يطلقها ؟؟؟ عيل ليش تزوجها من الاساس ؟؟ وليش ما تحاجي ابوها عشان يكلم اهله ويقولون (دام ولدكم ياهل ومو قد الزواج والمسوؤليه ليش يتزوج من الاساس) ولا شي حلو ان يخلي الحين بنتي مطلقه !!
وشنو سالفة وحده تفتح بالقران ؟؟ يعني شنو شتسوي حبيبتي ما فهمت ! وشلون درو ان وحده ساحرته بمصر ؟؟ ممكن توضحين حبيبي ..
والله المستعان

 

[ShoO8ShoO8]

حبيبتي خيره لها يمكن ادري شي صعب بس
ما في شي يمنعه ربي الى كان خيره لها
وصدقيني ربي بياخذ حقها من اللي ظلمها

 

[Vdieta]

لا تستسلم بسرعه لازم تقرأ صوره البقره مره مرتين ثلاث اربع
وتدعي ربهآ وان شاء الله تسير الامور على خير

 

[مفسرة الاحلام]

لا اله الا الله ولا حول ولا قوة الا بالله

اختي ترى ماهي نهايه العالم ولا اكبر المصايب وش كثر الى عاشن هالتجربه

انا صديقتي تملكت وكله تلفونات بينها وبين خطيبها وسمنه على عسل حتى كانو ياثثون شقتهم ومابقى على زواجهم الا اسبوع وانتفاجاء انه مرسل ورقه طلاقها بدون سبب ومنيه ومناك وش القصه والسالفه وش جاء الرجال مااااااندري

اللهم يادافع البلاء البنت تعبت نفسيا وتقفلت الدنيا بعيونها بس وكلت امرها لله والحمد الله اهلها كانو معها سند

والله ياخوات مااتمت سنه الا وهي مخطوبه متزوجه من واحد احسن من خطيبها الاول

وماشاء الله الحين معها ولد بنت


قولي لها توكل امرها الي الله وتستعوض ربها خير ورب العالمين هو خير المدبرين سبحانه

 

[كادى الحب]

مسكينة خل تقرا سورة البقرة على طول

 

[ToOoT"Q8]

إي عفيه خل تقرا البقرا أكثر من مره باليوم وتكثر استغفار
يمكن يكون خيره لها
وطمنينا عنها

 

[ما كو اسم]

مو شرط اللي افتحت لهم كلامها صج تلقينها جذابه علشان يقولون لها فتحي العمل وتاخذ من هالفلوس ........

بعد اللي رايحين حق ساحره وين الله يوفقهم ......

والريال يمكن من الاساس ما يبيها ويبي وحده ثانيه واهله مو راضين فتتطلقت الحين احسن من بعدين

 

[(lola)]

اهي الصراحه يقولون اسمها ام الخير...؟؟ (انا مااثق بهالنوعيه من الناس)) يقولون تسوي استخارة بالقران وتعرف شنو بالواحد اذا مسحور ولا لا لان ساكنها يني يتكلم مع القرين واليني مسلم ؟؟؟؟؟؟؟؟

وهي عرفت كل هالاشياء من هالمرة ؟؟
بنت خالتي تقول ان اهو كان يقول ويسولف لها ان في وايد معجبات لان اهو دكتور اعشاب وييوله العياده وايد بنات مع امهاتهم يبونه حق بناتهم؟؟؟

فاهي تقول يمكن وحده منهم ؟؟؟

اهي حييل تعلقت فيه واهله يكلمونها ويسولفون معاها ليلحين وهو كبير مو صغير عمره 31 سنه وهي 24 تقريبا

 

[عـيّــآره]

لاحول ولاقوة الا بالله الله يعنيها ويصبرها .. يمكن خيره لها ..بس مو معقوله يطلقها بدون سبب اكيد فيه شي بس

قوليلها ماتتواصل معاه وترخص بنفسها ختكون قويه ..ادري انها تبيه بس حاجتها تكون عند الله خل تقرى سوره

البقره وتدعي ربها انه يرده لها اذا فيه خيره لها بس نصيحتي لاترخص بنفسها وتكلمه او تترجاه خلها تقوى

وتدعي ربها كثر ماتقدر .. ويارب تنحل السالفه او انه الله يرزقها باللي احسن منه

عورت قلبي بصراحه ..

...كنت هنآآآ...​

 

[عــذووب الغلا]

ماااالكم الا بالدعااااء
يمكن خيرة لهااا انهاا ماا تتزووجه
والله يووفقهااا

 

[(lola)]

وتخيلوا عصبت على امي لان امي قالت لها خيره ؟؟؟؟؟

تقول هذه مو خيره لان مسوين لي عمل ؟؟؟
وتقول شنو يعني خيره اني مااظل معاه ؟؟

تعور القلب

 

[tt2tt]

لااله الا الله

 

[Asoora~]

ام الخيير !! اسستغفرالله من صجكم ؟ يا بابا خلييها تقراا على نفسها ماله داعي لا ام الخير ولا ام الشر
يااربي انا مو مصدقه انه في ناس يصدقون هالخرابيط

وبعدين وين خوانها ؟ وين ابوها ؟ مفروض يمسكونه يدوسوون ابطنه بنات الناس مولعبه حسبي الله ونعم الوكييل فيه

واذا كلش كلش .. اقنعيها انه بالطقااق ان شالله خييره ومو اخر الدنيا رجال بداله الف

 

[دكتواره]

لا حول ولا. قوة الا بالله

 

[عضـــــوه]

لاحوله ولاقوة الا بالله

حبيبتي الخيره فيما اختاره الله

صاحب عياده وبنات رايحين ورادين ويقولها عندي معجبات وبنات مع امهاتهم مع احترامي احس مخه وعقله عقل ١٦ سنه

خيره لها من صجج ومنو ضحك عليها وخلاها تروووووح لام الدواهي هذي العين والسحر والحسد حق بس جذي الناس يعرفووونهم

مافي شي اسمع ماكو فايده هذي تبي معجزه تصير عشان خاطرها استغفر الله من صجها لازم الدعاء وقراءة سورة البقرة يوومياً وقيام الله لازم يكون عندها يقين بان ربج راح يستجيب مو يخيب ظنها بجم يوم ربج مايكتب الا الخير

قالَ رَسُولُ اللهِ: (عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ليسَ ذلكَ لأَحَدٍ إلا للمُؤْمنِ إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ) رواهُ مُسْلِمٌ .

انتو كونوا حواليها لاتصير فيها حاله نفسيه والي خلاها تحبه يخليها تنساه والنسيان نعمه

يمكن الرجال موصالح فيه عيوب ربج صرفه عنها خل تحمد ربها وتستغفر وتدعي انها اذا كان فيه هذا الزواج خير يتمه واذا لأ يصرفه عنه ويصبر قلبها

والنسيان نعمه من ربج سبحان تتعب جم شهر ولا طول العمر ولا تقط نفسه عليه فشله

وهذا راييي الشخصي

وطمنينا وآسفه على الاطاله بس بطت جبدي  لازم تكون مؤمنه وقويه

 

[بقلبي انت]

قوليلها الي باعج بيعيه بالتراب هذا مو كفو والله البنات مو لعبه عنده
اهو مايبيها ليش تركض وراه خل تنساه وتشغل نفسها بشي والله يعوضها بالي احسن منه ويقدرها
ويحبها مسكينه اهي من الصدمه مو عارفه شتسوي الله يعينها

 

[Om_Ksha]

ماكو شي اسمه تفتح بالقران
استغفرالله !


خل تقوي ايمانها بربها وكل شي نصيييييييييييييييييييييب .. وخيره لها ,,

 

[M!Ss Un!VerSe]

انتو شيعه صح؟!

لان احنا السنه ماعندنا شي اسمه خيره بالقرآن

رفيجتي شيعيه قالتلي على هالطريفه انتو تسوونها وقالتلي اسمه علم الجمل مادري شنو وهم تعرف بالقرآن المستقبل

بس انا مااصدق هالامور لانه بعلم الغيب

واذا بتعرفون اذا مسحور الريال لازم يرقونه وادا تعب من القراءة يعني مسحور لازم في اعراض تصير وياه
واذا مافيه شي فخيره

خل يولي وان شاء الله ربي يعوضها بللي احسن منه..

الله يوفقها