ببدي كورس العناية الاول من: 28 - 12 ولمده شهر...والباب مفتوح

[نور الفنر]

السلام عليكم




اليوم الاسبوع الثاني لي ... بحاول ما التزم بجدولي واحتمال اخليه يوميا حسب الفراغ ....



اليوم خلطتي

سدر وروب وزيت الجرجير ...



بعد 3 ساعات اغسلة بشامبو ميتال

وبخليه شامبووي بالبرنامج ...


,,,,,,,,,,,,,,,,,,,,,,,,,,,,,,,,,,,,,,,,


سارونه وينج مو مبينه اليوم ... عسى المانع خير ...


رغد ... استمرى والحمد لله ان خف التساقط وان شاء الله يوقف مرة وحده ....

 

[نور الفنر]

((عجبني هذا الموضوع وحبيت انقله لكم حتى تستفيدون مثل ما استفدت .....))


...هناك كنز من الأعشاب لعلاج الشعر بطريقة التونك وسهلة وليس لها إضرار جانبيه

ندخل في الموضوع
الأعشاب لها طريقتين في تصنيع التونك
طريقة غلي العشب وتخص العشب إذا كان على هيئة حبوب أو بذور
طريقة نقع العشب في ماء مغلي إذا كان ورق
طريقة نقع العشب في ماء فاتر
الطريقة سهلة جداًَ


ماعليكي سواء تحضير بخاخ فارغ (سبراي ) أو إبرة فارغة
بأذكر الاعشاب التي اثيتت قدرتها على علاج الشعر من ناحية . التساقط . الفراغات . تكثيف الشعر .علاج الشيب . نمو الشعر
أولاً ابدأ بسيد انبات الشعر( بالنسبة لي)
وهو السدر

ولعمل تونك مكثف ومطول ومنبت

حطي 3 ملاعق سدر بلتر ماي وخليه بالثلاجه ينقع يوم كامل بعدين صفيه وحطي بعلبة بخاخ فارغة

وكل يوم او يوم بعد يوم على حسب الوقت رشي بالبخاخ على فروه الرأس وعلى الشعر ومشطيه وخليه على الشعر ماله ريحة ولااحد بيلاحظ واذا جف على طول تروح الريحة فائدته يطول الشعر ويوقف التساقط ويكثف
وخزنيه بالثلاجة لا يتغير وكل ماخلص سوي وبعد شهر تلاحظين الفرق


وللاستزادة من التجارب المبهرة عنه ما عليكم الا البحث والتصفح وستجدون العجب ...

+++++++++++++++

وللموضوع بقيه .... دمتو بخيـــــــر :aha:

 

[سارونه*المزيونه]

رد : رد: ببدي كورس العناية الاول من: 28 - 12 ولمده شهر...والباب مفتوح

شوشو حياج الله بين خواتج ... ننتظر عنايتج اليوميه لشعرج


سارونه ...شامبو صحت جربته وسوالي تساقط فظييييييع يمكن ماناسبني بس بجرب ميتال .... تسلمين على اثراء الموضوع بالمعلومات الحلوة... واصلي حياتي ... وان شاء الله تعم الفايدة ونشوف نتايج حلوة بعد شهر ...



دغيسه .... اهلين ...واصلي ....ننتظر عنايتج اليوميه ...


,,,,,,,,,,,,,,,,,,,,,,,,,,,,,,,,,,

بالنسبة لي اليوم للاسف طالعه من الصبح ومامداني اسوي شي ...

هلا حبوبة انا بعد مثلج شامبو صحت اليديد لما استخدمة شعري يتساقط منه اما القديم كان رووووووعة

مادري شنو اللي ضايفين داخلة قام يطيح شعورنه لووووول

 

[سارونه*المزيونه]

رد : رد: ببدي كورس العناية الاول من: 28 - 12 ولمده شهر...والباب مفتوح

كـــــل عـــــــام انـــــتـــــو بـــــــخيــــــــــر


عساها سنة خير وبركة علينا وعلى ديرتنا يارب





امس شريت اغراض من الوسيط تنفعني حق برنامجي



ولاني حامل ... شريت اشياء سطحيه قصدي سوالف ما تضرني ان شاء الله ....



خصوصا اني مو راعية صالونات وروحات ما عندي وقت لها ... فحطيت عدتي بالبيت حق شغل المزاج لوووول



شريت هذي ...

نفس الصورة بالضبط ونفس اللون ومعاها 5 روس ... وتشتغل على باتري ... صج شوقني





وشريت....

كاب حراري حق الخلطات و يستخدم مرة بالاسبوع ولمده ربع ساعه اعتقد ... كان عندي من سنين وكان يهببببل



وبث ....



وناويه كل ما تميت ... شريت لي شي ... مابي اكود عشان ما امل ...


,,,,,,,,,,,,,,,,,,,,,,,,,,,,

ملاحظه :


- كل البنات اللي انضمو ... اتمنى تتفاعلون بالموضوع يوميا .... سواءا بصور او يومياتكم او تجارب فعليه واقعيه

حتى تعم الفايدة من هالتجمع الحلو .. وحلو ان الانسان ينفع غيره.... وبصراحه شكر خاص وحار حق سارونه ورغوده ... الله ينفعكم يارب



-وكل بنت ا نضمت لنا تسجل طول شعرها وتاريخ بدايتها وجدولها الاسبوعي... رجاءا رجاءا رجاءا ...عشان تقارن بعد

شهر من بدايتها ... وشنو تطور من: طول - نعومه - بيبي هير - الخ ....


عفيه التزمو بهالنقطه عشان كل وحده تقولنا بعدين نتايجها بوضوح وواقعيه .... لان ورانا كورس ثاني اذا الله احيانا...






وعساكمـــــ دومـــــ بصحهـــــ وعافيهــــ

نووووور اييه هالفرشة مالت الاستحمام اعرفهاااا وشريت منهااا قبل لان ايدي ما توصل لضهري

بس لما شريتها وفركت فيها الهزاز وقف:jumpon: لييييييييييش قلت يمكن البطارية تقليد وغيرتها وحطيت يديدة

هم نفس الشي ما تدور حيل

موووو شي هالفرشة قصوا علي :bbbiu: لو قايلتلي قبل لا تشترينها كان قلت لج اتوقع انتي بعد مثلي صح .,, ما استفدتي منها


والكاب حراري هذا روووووعة مثل البخار صح ؟؟ بس دربااااااالج ترا مو زين وايد تقعدين تحت البخار

شعرج جذي يتساقط اكثر :eh_s(17):

انا لما اروح الصالون دايما بعد كل خلطة يخلوني اقعد عالبخار ساعة كاملة بس انا ما اقعد اقولها بقعد 15 دقيقة واقوم

ترى البخار هو اللي يجفف الشعر ويطيحة درباالكم ما اقولكم لا تقعدون تحته بس عالاقل بالشهر مرة بس

 

[مطيريه ماركه]

رد : ببدي كورس العناية الاول من: 28 - 12 ولمده شهر...والباب مفتوح


يآهلآ وغلآآآ

تدرين آحلى شي آلحملآت تخلي آلبنآت يتشجعووون

آنآ بآدية صآرلي فترة وآلله يخلي لبس آلسونآ آللي من آلنصر آلريآضي آخلط وآنآم فيه

طول شعرها وحالته

طول شعري نهآية آلخصر مآعندي متر آقيسه ههههههههههههه

حآلته تسآآقط

هدفها من البرنامج الاول

هدفي آوقف تسآقط شعري ويرجع مثل آول كثآفة وطول وحيوية

وكذلك آوحد لون جسمي وبشرتي بِ بسآآآآآطة آرجع آنثى بِ مآتعنيه آلكلمة من معنى

تاريخ البدايه

نقول من آليوم مع آني بآدية من زمآآن

2 / 1 / 2011

خلطتها

بَ أستخدم آلخلطة آلعجيبة لِـ آلشعر + جلسآت آلصبآر في آلصآلون مشتركة على آني مرتين بِ آلآسبوع آروح لهم + حمآم زيت شبه يومي

كل آسبوعين حمآم مغربي + توحيد لون

وآستخدم كريم مآجيك من آلمغربي وترطيب دآآئم لِـ آلبشرة

وآلمنطقة آلحسآسة آستخدم كريم آفآلون + فآزلين + زيت آللوز + سودود

آخلطهم بِ آلتسآآوي

ومآ آنسى خلطتي آلصآبونية آنآ مسويتهآآآ آستخدمهآ في كل حمآم بِ آلآضآفة آلى سنفرة بودي شوب

بِ تشوفون خلطآتي وآجد بس عشآن آبي نتيجة آسرررررع

تاريخ نهاية البرنآمج

متسمرة لِـ شهر 4 آن شآء آلله

النتايج (بعد البرنامج طبعا )

آن شآء آلله روعــة

نور آلفنر سجليني معآكم آن شآء آلله كل يوم بَ أدخل وآقول شنو سويت

 

[مطيريه ماركه]

رد : ببدي كورس العناية الاول من: 28 - 12 ولمده شهر...والباب مفتوح



نور آلفنر

نصيييييييحة من آخت لآ تستخدمين آلبخآر على شعرج في حآلة حآطة شي

وآلله يفتح مسآم آلرآآآآس ديري بآآلج

 

[سارونه*المزيونه]

رد : رد: ببدي كورس العناية الاول من: 28 - 12 ولمده شهر...والباب مفتوح

السلام عليكم




اليوم الاسبوع الثاني لي ... بحاول ما التزم بجدولي واحتمال اخليه يوميا حسب الفراغ ....



اليوم خلطتي

سدر وروب وزيت الجرجير ...



بعد 3 ساعات اغسلة بشامبو ميتال

وبخليه شامبووي بالبرنامج ...


,,,,,,,,,,,,,,,,,,,,,,,,,,,,,,,,,,,,,,,,


سارونه وينج مو مبينه اليوم ... عسى المانع خير ...


رغد ... استمرى والحمد لله ان خف التساقط وان شاء الله يوقف مرة وحده ....

حلووو شامبو ميتال وينعم الشعر اذا ناوية تستمرين عليه ظلي عليه 3 شهور وبعدين
غيريه ما يصير تستخدمينه شعر وبعده تغيرينه غلط

وحبوبة فديييييتج انا كاني موجودة بس المنتدى وايد يعللللللللق :eh_s(14): بطيييء يعل القلب
انتوا بعد جذي ولا بس انا

 

[مطيريه ماركه]

رد : ببدي كورس العناية الاول من: 28 - 12 ولمده شهر...والباب مفتوح


بسم آلله آلحين حطيت آلخلطة آلعجيبة على رآسي



وبعد سآعتين رآح آتسبح آن شآء آلله

وبَ آستخدم خلطتي آلصآبونية هذي هي

 

[سارونه*المزيونه]

رد : ببدي كورس العناية الاول من: 28 - 12 ولمده شهر...والباب مفتوح



مطيرية ماركة حياج حبيبتي معانه وعنايتج واايد حلوة :hjy5jewf:

انا لما اللحين ما بديت عنايتي مثل ما قلت لكم من يوم الاربعا

اليوم كنت متمللة مادري شسوي ودي اهبب بعمري

فشريت لي زيت الخروع من الحواي لرموشي

وانا اقرا العلبة مكتوب انه ممتاو للشعر عاد لظخته بشعري هههههههههههه الله يعني عالنتيجة

يا يكثف شعري يا يطيحة كله

مادري انتوا شرايكم زيت الخروع زين للشعر ولا لاء :eh_s(10): ؟؟؟ قبل لا انصدم بالنتيجة :eh_s:

 

[سارونه*المزيونه]

رد : ببدي كورس العناية الاول من: 28 - 12 ولمده شهر...والباب مفتوح

بسم آلله آلحين حطيت آلخلطة آلعجيبة على رآسي



وبعد سآعتين رآح آتسبح آن شآء آلله

وبَ آستخدم خلطتي آلصآبونية هذي هي

شنو مكونات خلطتج الصابونية اللي انتي مسويتها وشنو تسوي تبيض ؟؟ :080402ask_prv:

 

[مطيريه ماركه]

رد : ببدي كورس العناية الاول من: 28 - 12 ولمده شهر...والباب مفتوح


هلآ سآرونة

حبيبتي آلخروع مآستخدمته

خلطتي آلصآبونية عبآرة عن :-

زيت جوز آلهند برشوت ، صآبونة كركم ليش آن فيني شوية حبوب ، زيت آللوز ليمون ، صآبونة آلوزير آبشرهآ ، بيض ، جليسويد ، جبن كيري وملح

صج مو تضحكين ههههههههههههههههههههههه

آذآ تبين آلخطوآت حبة حبة أحطهم لج لآني مصورة كل شي من زمآن كنت بَ أنزل موضوع بس آتكيسل

صآرلي 5 شهور آستخدمهآ تنعم آلجسم وتصفيه وتبيض بس بعد آستمرآر

صرآحة آستخدمهآ آسبوع وترك مرة سنفرة بودي شوب مرة هي

بس آلآفضل تستخدمينهآ 3 مرآت آسبوعيآ مع كل حمآم

 

[سارونه*المزيونه]

رد : ببدي كورس العناية الاول من: 28 - 12 ولمده شهر...والباب مفتوح

لوووووووووول ليش حاطة جبن كيري ؟؟؟؟؟ شلون علة ريحت الخلطة ؟
وانتي مطلعتها من عندج ولا متعلمتها من ناس ؟
ويالييت تحطين لنا الصور اذا كنتي مصورة كلشي ومشكووورة حياتي

 

[مطيريه ماركه]

رد : ببدي كورس العناية الاول من: 28 - 12 ولمده شهر...والباب مفتوح


آلجبن زين حق آلبشرة يخليهآ تزلق

لآ وآلله آلخلطة من هنآ وهنآآك آكثر شي آنمدح حطيته

وصج بِ تلآحظين آلنعومة

نسيت آنآ حآطة آلبآبآيآ في آلخلطة بعد

 

[((shoOoshoOo))]

يسعدلي مساكم

شخباركم ياحلوين

يومياتي مع شعري ^_^

قعدت الصبح تريقت وعقب كليت الفيتامينات ملوت الشعر ( بل فود )

وعقب حطيت خلطه الباروكه على شعري عقبال مايصير باروكه يارب ^_^
وتو غسلت شعري .. وان شا الله باجر بشتري الحنه .. لان حنتي خلصت

 

[سارونه*المزيونه]

رد : ببدي كورس العناية الاول من: 28 - 12 ولمده شهر...والباب مفتوح

شكلج خبييرة بالبشرة ياليت تحطين لنا الصور عشان نتعلم

 

[عجميه ولي الفخر]

رد : ببدي كورس العناية الاول من: 28 - 12 ولمده شهر...والباب مفتوح

انا معاكم ..


اول شي بعتني بشعري من عقب الولاده قام يطيح

وصار باهت .. متقصف .. تساقط .. اختي كل ما تشوف شعري تقول شنو هذا كهربا ههههههه من كثر ماهو رايح فيها بس الحمدالله والشكر

.. بجرب خلطه anl ّ+ وايدي ورجولي صارت الوان الحمدالله والشكر فكل يوم بفرك ايدي بليمون ..

وبسوي سونا مره بالاسبوع ..


وانا الحين مسويه رجيم ولازم اسوي رياضه مع اني اكره شي اسمه رياضه بس مضطره شسوي ..

وبس اذا في شي جديد بضيفه

 

[نور الفنر]

رد: رد : رد: ببدي كورس العناية الاول من: 28 - 12 ولمده شهر...والباب مفتوح

نووووور اييه هالفرشة مالت الاستحمام اعرفهاااا وشريت منهااا قبل لان ايدي ما توصل لضهري

بس لما شريتها وفركت فيها الهزاز وقف:jumpon: لييييييييييش قلت يمكن البطارية تقليد وغيرتها وحطيت يديدة

هم نفس الشي ما تدور حيل

موووو شي هالفرشة قصوا علي :bbbiu: لو قايلتلي قبل لا تشترينها كان قلت لج اتوقع انتي بعد مثلي صح .,, ما استفدتي منها


والكاب حراري هذا روووووعة مثل البخار صح ؟؟ بس دربااااااالج ترا مو زين وايد تقعدين تحت البخار

شعرج جذي يتساقط اكثر :eh_s(17):

انا لما اروح الصالون دايما بعد كل خلطة يخلوني اقعد عالبخار ساعة كاملة بس انا ما اقعد اقولها بقعد 15 دقيقة واقوم

ترى البخار هو اللي يجفف الشعر ويطيحة درباالكم ما اقولكم لا تقعدون تحته بس عالاقل بالشهر مرة بس

اهلين سارونه ... اي والله ناويه استخدم ميتال طول البرنامج << يعني 3 اشهر اذا الله احيانا


والفرشه شنج تدرين خخخخخخ ... اول مرة استعملنها توني ... وانا استعملها خنست البطاريه ... بس مو متحسفه عليها عادي بالعكس لانها موغاليه...لاني

ناويه اخذلي وحده خشب المعروفه ...بس هذي زينه حتى لوما تدور المهم تأدي الغرض... الحلو فيها معاها روووس تتبدل ...


وابيه من صجج البخار مرة بالشهر ؟؟؟ انا اللي اعرفه مرة بالاسبوع بس لمدة ربع ساعه ...

انزين انتي تحطينه بعد ما تغسلين الخلطه ؟؟؟ غريبه انا حتى بالصالونات يحطونلي اياه والخلطة على قبل لا اغسلها ؟؟

....

والخروع اذا كان الانجليزي الصغير هذا زيييييين عن تجربه ... اما الانواع الثانيه ما جربتها

 

[نور الفنر]

رد: رد : ببدي كورس العناية الاول من: 28 - 12 ولمده شهر...والباب مفتوح

يآهلآ وغلآآآ

تدرين آحلى شي آلحملآت تخلي آلبنآت يتشجعووون

آنآ بآدية صآرلي فترة وآلله يخلي لبس آلسونآ آللي من آلنصر آلريآضي آخلط وآنآم فيه

طول شعرها وحالته

طول شعري نهآية آلخصر مآعندي متر آقيسه ههههههههههههه

حآلته تسآآقط

هدفها من البرنامج الاول

هدفي آوقف تسآقط شعري ويرجع مثل آول كثآفة وطول وحيوية

وكذلك آوحد لون جسمي وبشرتي بِ بسآآآآآطة آرجع آنثى بِ مآتعنيه آلكلمة من معنى

تاريخ البدايه

نقول من آليوم مع آني بآدية من زمآآن

2 / 1 / 2011

خلطتها

بَ أستخدم آلخلطة آلعجيبة لِـ آلشعر + جلسآت آلصبآر في آلصآلون مشتركة على آني مرتين بِ آلآسبوع آروح لهم + حمآم زيت شبه يومي

كل آسبوعين حمآم مغربي + توحيد لون

وآستخدم كريم مآجيك من آلمغربي وترطيب دآآئم لِـ آلبشرة

وآلمنطقة آلحسآسة آستخدم كريم آفآلون + فآزلين + زيت آللوز + سودود

آخلطهم بِ آلتسآآوي

ومآ آنسى خلطتي آلصآبونية آنآ مسويتهآآآ آستخدمهآ في كل حمآم بِ آلآضآفة آلى سنفرة بودي شوب

بِ تشوفون خلطآتي وآجد بس عشآن آبي نتيجة آسرررررع

تاريخ نهاية البرنآمج

متسمرة لِـ شهر 4 آن شآء آلله

النتايج (بعد البرنامج طبعا )

آن شآء آلله روعــة

نور آلفنر سجليني معآكم آن شآء آلله كل يوم بَ أدخل وآقول شنو سويت

حياج الله بين خواتج

وان شاء الله يكون احلى تجمع بوجودكم :33_1185028183:


انتي مسجلة ياقلبي ... اهم شي الجديه والاستمرار ... وانج تنفعين خواتج بتجاربج الحلوة ... عسى الله ينفعج دنيا واخرة


وبرنامجج واااااو بس ما اقدر عليه الحين ...ورا الولاده بيكون الشغل على اصله ....


واعجبتني عبارتج : ارجـــع انثى بمآآآ تعــنــيــهــ الــكلمــــهــ << بخليها شعار البرنامج الثاني ههههههه اشرايكم



بانتظار يومياتج يا احلى ماركة

 

[نور الفنر]

رد: رد : ببدي كورس العناية الاول من: 28 - 12 ولمده شهر...والباب مفتوح

نور آلفنر

نصيييييييحة من آخت لآ تستخدمين آلبخآر على شعرج في حآلة حآطة شي

وآلله يفتح مسآم آلرآآآآس ديري بآآلج

ماركه فديتج ... عيل اشلون طريقة استخدامه الصحيحه؟؟

 

[نور الفنر]

يسعدلي مساكم

شخباركم ياحلوين

يومياتي مع شعري ^_^

قعدت الصبح تريقت وعقب كليت الفيتامينات ملوت الشعر ( بل فود )

وعقب حطيت خلطه الباروكه على شعري عقبال مايصير باروكه يارب ^_^
وتو غسلت شعري .. وان شا الله باجر بشتري الحنه .. لان حنتي خلصت

شوووشووو ... شلونج يالغلا

شدي حيلج وان شاء الله بعد شهر تشوفين احلى النتايج وتبشرينا :icon30: