* ببدآيه زواجج شلون كآن تعامل أم الزوج معاج و شلون كسبتيها >> تعالي فيدينآ

[dreamY nono~]

السلام شلونكم حريم و عرايس جدد وطموشآت >> :eh_s(7):

الموضوع وآضح من العنوآن

ببدايه زواجج شلوون كنتي تتعاملين مع أم زوجج وشلون كآن تعآملهآ معآج ؟ تعالي قوليلنآ


و مثلا سويتي حركه و صارت ام زوجج تحبج أو أستانست منج ؟ تعآلي فيدينآ

و شنو الحركآت الي حسيتي إنهآ ما تحبهآ أو تنقد عليج إذآ سويتيهآ ؟

حبآيبي نبي نفيد بعض و نستفيد من تجارب بعض :eh_s(17): :eh_s(7):

نبي تفاااااعل :eh_s(9): :eh_s(9): :eh_s(9):

و إنشالله ماتكون المشاهدات 1000 و الردود 10 كالعاده
:eh_s(2):

 

[طالبة انجلش]

اناديها يمه
وبجيت يوم نامت بالطبيب
بناتها يغلطون معاي تدافع عنهم
واخر شي تعصب وتعلي صوتها قدام الحريم
الله موجود

 

[dreamY nono~]

اناديها يمه
وبجيت يوم نامت بالطبيب
بناتها يغلطون معاي تدافع عنهم
واخر شي تعصب وتعلي صوتها قدام الحريم
الله موجود

الله يحنن قلبها عليج ويحببها فيج يارب ♡

 

[dreamY nono~]

اب اب نبي تفاااعل

 

[امـ خــزامـى]

الحب من الله


بالنسبه لي اخترت خالتي قبل لا اختاار زوووجي

كنت مهتمه ومقتنعه الام الحنونه اللطيفه الحياويه وتخاف الله مارح تنجب الا عيال ماخذين من اطباعها ومتتطبعين فيها

خطبووني كثييييييير فوق ماتتصورين
بس من كلمه من حركه من سالفه تقولها الام ارفض ومااقابل ولدها


زوجي يوم امه كلمت امي ماوافقت لانه مافيه مميزات بس استخرت وسبحان الله وافقت اقابل اهله

دخلت عليهم ومعي العصير وسلمت يالله يالله اسمع صوت امه هادئه وخجوله عيونها كلها خجل وطيبه
وربي انا اطالع فيها وهي اللي مستحيه

حبيتها جدددددددا هذا غير ان طلع ابوي وابوه كانوا بحاره وحده على وقت مانولدت ويعرفهم زين ناس طيبين وبحالهم


تزوجت والحمدالله نظرتي ماخابت فيهم وزياده عرفت مفاتيحهم
يحبون الكلمه الطيبه وامدحهم وكل شي يسووونه لي كانهم مسوين لي شي كبير
وخالتي وخواتها وامها اناديهم مثل ماينادونهم بناتها


امها يعني جدت زوجيواذا زرتها مستحيل ادخل ايدي فاضيه هدايا وفلوس واخلي زوجي يعبي لها الثلاجه يتقضى لهم


وخالتي وخالي داخله وطالعه ابوس راسهم
وبالاعياد وبالسفر وباي مناسبه اذكرهم


والحمدالله كسبتهم وزياده اني دخلت اطباع جديده عليهم
كل حريم عيالهم مايسوون لهم هالشي مع انهم قرايب

يعني حتى بوسة الراس مايسونها

وعن حسن نيه يارب لك الحمد اسويها وانا مو قصدي لان فلانه وعلانه ماتسوي
بس دخلت عليهم وانا هذي اطباعي والى الان ماغيرتها


قرررقت ادري بس حبيت اقول تجربه حلوه لان انا مليت من كثر مااسمع تجارب سيئه


دعواتك ربي لايغير حالنا الا لاحسن حال
وربي يسخرلك جنود الارض وملائكة السماء

 

[Smchoocha]

اعاملها اهي وعمي مثل امي و ابوي و اهم يعاملوني مثل بنتهم الله يخليهم لي
اول ما اشوفهم ابوس راهم
لمن اطلع اييبلهم معاي شي مو شرط غالي شي بسيط يفرحهم
اذا مرضوا اساعدهم و مرات اشتريلهم الادويه بعد
و هذا و لا شي بحقهم بصراحه يستاهلون اكثر و اكثر

 

[M!SS.LOBY]

الاحترام اكبر وسيلة تكسبين اهل زوجج
وتحاولين تكبرين بعينه

 

[M!SS.LOBY]

والحركة اللي يرتاحون لي

العصر احط سفرة الشاي والقهوة والحلا والفطاير والمكسرات يتجمعون ويسولفون
حيل ام زوجي تستانس مني

 

[dreamY nono~]

الحب من الله


بالنسبه لي اخترت خالتي قبل لا اختاار زوووجي

كنت مهتمه ومقتنعه الام الحنونه اللطيفه الحياويه وتخاف الله مارح تنجب الا عيال ماخذين من اطباعها ومتتطبعين فيها

خطبووني كثييييييير فوق ماتتصورين
بس من كلمه من حركه من سالفه تقولها الام ارفض ومااقابل ولدها


زوجي يوم امه كلمت امي ماوافقت لانه مافيه مميزات بس استخرت وسبحان الله وافقت اقابل اهله

دخلت عليهم ومعي العصير وسلمت يالله يالله اسمع صوت امه هادئه وخجوله عيونها كلها خجل وطيبه
وربي انا اطالع فيها وهي اللي مستحيه

حبيتها جدددددددا هذا غير ان طلع ابوي وابوه كانوا بحاره وحده على وقت مانولدت ويعرفهم زين ناس طيبين وبحالهم


تزوجت والحمدالله نظرتي ماخابت فيهم وزياده عرفت مفاتيحهم
يحبون الكلمه الطيبه وامدحهم وكل شي يسووونه لي كانهم مسوين لي شي كبير
وخالتي وخواتها وامها اناديهم مثل ماينادونهم بناتها


امها يعني جدت زوجيواذا زرتها مستحيل ادخل ايدي فاضيه هدايا وفلوس واخلي زوجي يعبي لها الثلاجه يتقضى لهم


وخالتي وخالي داخله وطالعه ابوس راسهم
وبالاعياد وبالسفر وباي مناسبه اذكرهم


والحمدالله كسبتهم وزياده اني دخلت اطباع جديده عليهم
كل حريم عيالهم مايسوون لهم هالشي مع انهم قرايب

يعني حتى بوسة الراس مايسونها

وعن حسن نيه يارب لك الحمد اسويها وانا مو قصدي لان فلانه وعلانه ماتسوي
بس دخلت عليهم وانا هذي اطباعي والى الان ماغيرتها


قرررقت ادري بس حبيت اقول تجربه حلوه لان انا مليت من كثر مااسمع تجارب سيئه


دعواتك ربي لايغير حالنا الا لاحسن حال
وربي يسخرلك جنود الارض وملائكة السماء

الله لايغير عليكم و الله يوفقج يارب :eh_s(17):

 

[توتة UAE]

كل يوم أول ما أشوفهم أسلم عليهم، أحبهم على رؤوسهم لما أدخل البيت، أدخن البيت كله مب حجرتي بس، لما أكون
فاضية أيلس وياهم أشتري أغراض حق عيالهم، مرات أساعدهم فالمذاكرة . . جذي يعني أهم شي تكونين جزء من عايلتها
وتكونين موجودة فالصورة يعني مب تنعزلين ويا ريلج وتحقرينهم . .

ماتحب لما ولدها مايكلمها فيوم أو يدش ويطلع ومايمر صوبها، مع إنه مالي دخل فالموضوع لكن آكلها لووووووووول
عالعموم خليج زينة وياهم في كل الأحوال . . بس أنا أستحي أزقرها اميه أو أزقر عمي أبوي لكن أحترمهم وأحبهم . .


أعرف أغلبيتنا كنا طيبات وزينات بس تأذينا من أم الزوج بس شو نسوي، ابلعي نفسي واحتسبي الأجر
وطبعا الحال بيتغير وبتحبج أم ريلج . .

 

[حلم مكسور]

احترمهم واعاملهم مثل مااعامل امي وابوي
الاحترام اهم شي في هالموضوع
ادا دخلت عليها واهي تشتغل اساعدها واخد الشغل عنها
اممم خليت عندهم عادات جديده ماكانوا متعودين عليها ومنها التجمع على غداء العيد كانوا يقضوا نهار العيد لحالهم من تزوجت صرت اروح لهم انا وزوجي
وانضمت معاي حماتي
واتوقع قريبا زوجة حماي
بس للاسف
مو مبين في عينهم لاحمدا ولاشكورا غير انه خالتي تتدخل في حياتي الزوجيه وخربت علي زوجي لاتطلعها لاتمشيها لاتصرف عليها واجد وووووووو
في النهاية كلمن يعمل باصله
والحمد الله على كل حال

 

[رسايل البحر]

موضوع جميل والخلاصه المحترم يحترم

 

[فوفو22]

مش بس الخاله لها معامله خاصه لكسبها

رايي واجبنا كمسلمات

نكون. منبع حنان وطيبه وحب للغير

وقلوبنا تسع الكل

والسماح وحسن النيه والابتعاد عن سوء الظن

يعمّر بيت جدرانه قويه

كل زوجه فيها طاقه ايجابيه تلاقين الكل يبحث عنها

وكل زوجه قلبها اسود وحقود وغيور فالله يعلم خائنه الاعين وما تخفي الصدور

لذلك مهما عملت وانجزت ،،،، سبحان الله ،،، ما تترك اثر بالنفوس


فوفو

 

[مذهلة2013]

شوفي انا استغرب من الي يعاملون بجفاف وجذي من ام الريل والزوجه فيها بينهم :eh_s(4):
محد يبي من احد شيء الا ( المعاملة الحلوة) :rerrerek:
انا تعاملي مع خالتي ( ام ريلي ) كل حب وتقدير واحتراااام واحبها نفس مااحب امي واكييد عمي نفس حب ابوي لانه اساسا خالتي (رفيحه امي الروح بالروح ) :eh_s(7):
وبالعكس لما اطلع مكان اشتري لخالتي نفس مااشتري لامي
وانا الي اقول لريلي خل نشتري هذا لخالتي او عمي خل نسوي لهم جذي خل نروح لهم
لانه اذا ( قدرتي اهل ريلج ’’ ريلج بيقدرج ويحطج فوق راسه )
هذ مبدأي

 

[dreamY nono~]

مشكورين كلكم ع الردود

اب اب

 

[dreamY nono~]

اب اب اب

 

[dreamY nono~]

اب اب

 

[dreamY nono~]

اب اب

 

[dreamY nono~]

اب اب

 

[1001]

انا مو متزوجه
بس اسمحيلي حابه ادلي برايي من الي اشوفه بالناس الي حواليي
الزوجه الي ماتحترم ام زوجها اتمنى انها تفكر بنفسها شوي
اولا ام الزوج هي الي اختارتها ولولا انها ماحبتها كان ما اختارتها شريك لولدها قطعه من جسمها لها واختارتها تكون فرد من عايلتها وام لاحفادها
ام الرجل هي الي اختارتك من بين نساء الاهل والاقارب لولا انها ماشفت منك الزين والامان لولدها كان ما ختارتك
هي الي انجبت شريك حياتك وابو عيالك "سندك "
لو انها ماختارتك كيف راح يكون وضعك؟ ومع منو راح تكونين؟

التكبر وشوفة النفس على ام الزوج او ابو الزوج مالها داعي
مايمنع ان يكون في عتب بين ام الزوج والزوجه بس ماتوصل لعدم الاحترام او احرض الزوج على امه واهله