باي اسبوع ولدتي ؟؟؟؟

[Laymo0ona]

ابجري يومين طلق صناعي بالاسبوع ال 38 لانه فيني سكر ومانزل الحوض فحولوني قيصريه
الثانيه هم طلق صناعي من 7:30 الصبح لي 7:30 بالليل كنت مفتوحه وينزل شوي افرازات فتسهلت وبنتي كانت اولريدي نازله الحوض والحمدلله طبيعي بس شفط

 

[++MesK++]

ليمونه شلون بالثانيه عطوج طلق صناعي؟ اللي اعرفه ما يصير عقب القيصريه طلق صناعي

 

[أم عزيـز]

اول 2 من عيالي طفت التاسع وفوقهم 10 ايام وعطوني طلق صناعي وولدوني
بجري كانت شفط لان راسها يمين ما قدرت تسحبها طبيعي بس ما حسيت فيها يوم طلعتها
وولدي لله الحمدالله مو شفط بس طبعا طلق صناعي

بنتي الصغيره خلصت التاسع وفوقه 5 ايام تقريبا وولدت بمجهودي لوووووووووول
ماشاء الله تبارك الله صج الولاده الطبيعيه فرق
بس هم الحمدالله كله رحمه واجر وعافيه

 

[أم عزيـز]

طبعا نصيحتي للي ما تولد الا بطلق صناعي تخلي دكتورتها تسوي لها توسيع
تره هذا يهيج الرحم ويخليها تولد طبيعي باذن الله

بس عاد تحملي العوار لان اهم شي ترخين نفسج وما تكونين شاده والدكتوره توسع لج
والله يكتب السهاله لكل الحوامل ويرزقهم بالذرية الصالحة