بالنفاس واحس بتبقبق مرات صار فيكم؟!

[نماين]

اذا ام خالد عطتك بخور تبخري

واللحين مادام خف الدم تقدرين تبدين بالرشاد حيل ممتاز لحالتك

 

[SaD FaCe]

انا بعد نفاس وخذيت الاعشاب من ام خالد

بس الحين مو ملتزمه فيهم لوول الكسل وما يسوي

لي 20 يوم

ان شاءالله يمدي التزم واتنفس عدل ..!

مع اني البس نص جم واشغل التكييف ..!

 

[دندونه@@@]

اختي اكيد وقت الولاده داشج هوا مو طبيعي ولااازم تشربين اعشاب وابتعدي عن العصير شوي وعليج بالزنجبيل والمرقدوش والشمر سويه شاي واشربيه طول اليوم يطلع كل الغازات والهوا من الرحم وفي بالجمعيه ماء المرقدوش صبي منه بدولكة مليانه ماي وخليه يمج ولا تشربين الا منه ان حسيتي بعطش وابتعدي عن الجوووووووووووع وتبخري بالخواجوا وقشر البصل والميرميه واستخدمي تحاميل البيتادين كل يوم بس يصير لج 30 يوم يعني اخر عشر ايام من الاربعين وكثري من الشوربه باللحم او الدجاج وضيفي عليها الفلفل الابيض والزنجبيل وصدقيني راح تطلعين تمام التمام لا هوا ولا وسع على فكره يوم طلعتج تبخري بالخواجوا لانه راح يسكر لج المنطقه عدل ويشدها سوي عنها بحث وشوفي فوايدها

 

[ديانا سبنسر]

سوي مثل مافالو العضوات

 

[الأميرة جوري]

بنات انا اسمع ان البخور من تحت مووووووووووزين ,,,,,,,,,,,؟؟؟

 

[*Little**Angel*]

بنات خوفتوني
شلون يعني تبقبق وهوا بالضبط اخاف فيني
انا نفاس لي 23 يوم الحين واحاتي وايد الوسع والخراب يكافينا شره
وماخذه ادويه من ام خالد واذا احتجت شي ادز لها مسج ترد على طول بنت الحلال ما تقصر

 

[جـــواهر]

عاااااااااااادي حبيبتي انتي توج بالنفاس .. شي طبيعي تبقبق وتبطبط كل شي يبي يطلع منج
لاوصلتي 30 اخذي تحاميل البتادين عشان تنشفين .. وهالله هالله بالنفاسه الحلوه ..

 

[Bnt.Azmer]

مشكورين بنات على تفاعلكم مع مشكلتي وبسوي الي نصحتوني فيه والله كريم والبنات الي يشتكون نفس حالتي مالكم الا اطبقون نصايح البنات والله يفرجها:eh_s(1):

المشكلة اني بروحي بالنفاس يعني انا قاعدة انفس نفسي بروحي

فماني عارفة شخلي وشحط:0bee2e8d89:

 

[ناتشوو]

دايما اسمع ان الكبو هو علاج للهوا
بس للامانة ماجربته

بدزلج رابط على الخاص اطلعي عليه

 

[GucCiQ8]

بنات مامن خوف بأذن الله ومااضنتي انكم خربانين ومادري شنو

تدرون ليش !

لانه الله يسلمكم انا ولدت قيصريه ومع ذلك حسيت بلي تقولوون عنه تبقبق على مداار اليوم
تخيلووا كنت بكل حركه بالوقفه بالقعده بالمشي كللللللله تبقبق وكنت مصدومه شسالفه انا والده قيصريه لو طبيعي جان قلت خربانه

بس والله كانت الدوره مو منتظمه وياي وياا تنزل فتره ويا تقل
لييين وصل ريلي بالسلامه لوول وسلك المجاري عندي والحمدالله الحين مافيني الا العافيه ^^

بس انا بقولكم شغله ثانيه يمكن اهي السبب . بس مابي اخوفكم صراحه

لانه بعد ماطلعت من الاربعيين دخلت المستشفى مره ثانيه وشالوا لي المراره
ومن عوارضها كانت مسويه فيني واايد هوا لدرجه جسمي كله يعورني كنت اصيييييييح فموذاكره بالضبط هل بعد العمليه حق المراره راح الهوا .. بس الي متأكده منه ان بعد الجماع والله العالم بس مااضن ان سالفة خربانه و...الخ

 

[GucCiQ8]

حبيت اكتب ملاحظه ممكن تفيدكم خواتي

حاولووا تتبخرون بحنه وقشور البصل واايد زينه الوالده لمن دش فيني هوا بالنفاس سوتلي ووقفت فوقه طبعا من غير ملابس وااايد ارتحت
حتى يومتها قالت لي لبسي كوتكس ونامي على طول امبيييه جسمي قام يعرق ونقعت نقعت قام ينزل مني ماااي

 

[الرها]

حبيبتي شنو التحاميل الي استعملتيها ومتى كان لج بالنفاس

عذرا ع التاخير

اخذت تحاميل البوثيل
اخذتهم بعد الاربعين لاني ماطهرت على طوول تقريبا كان لي 43 يووم
وما استخدمت الكرتون كاامل لا بس استخدمت 3 حبات
ومرت حماي كانت والد قبلي واستخدمتهم وتمدحهم

 

[ناتشوو]

بنات مامن خوف بأذن الله ومااضنتي انكم خربانين ومادري شنو

تدرون ليش !

لانه الله يسلمكم انا ولدت قيصريه ومع ذلك حسيت بلي تقولوون عنه تبقبق على مداار اليوم
تخيلووا كنت بكل حركه بالوقفه بالقعده بالمشي كللللللله تبقبق وكنت مصدومه شسالفه انا والده قيصريه لو طبيعي جان قلت خربانه

بس والله كانت الدوره مو منتظمه وياي وياا تنزل فتره ويا تقل
لييين وصل ريلي بالسلامه لوول وسلك المجاري عندي والحمدالله الحين مافيني الا العافيه ^^

بس انا بقولكم شغله ثانيه يمكن اهي السبب . بس مابي اخوفكم صراحه

لانه بعد ماطلعت من الاربعيين دخلت المستشفى مره ثانيه وشالوا لي المراره
ومن عوارضها كانت مسويه فيني واايد هوا لدرجه جسمي كله يعورني كنت اصيييييييح فموذاكره بالضبط هل بعد العمليه حق المراره راح الهوا .. بس الي متأكده منه ان بعد الجماع والله العالم بس مااضن ان سالفة خربانه و...الخ

ماتشوفين شر
بس حبوبة الخراب ماله علاقة بالولادة الطبيعية
ومو مقتصرعليها
الطبيعي يختلف عن القيصري
بشق العجان ويتم خياطته
الخراب هو الرطوبة والهوا مثل ماصار معاج
بس يمكن الخراب درجات وبسرعة تعدل وضعج
علشان جذي دايما اقول الخياط بروحه ماينفع
لازم نظام غذائي معقول اثناء النفاس
لتنظيف الرحم بعد الاجهاد والتعب له بحمل الجنين طول 9 اشهر

 

[حامل يديدة]

رد : بالنفاس واحس بتبقبق مرات صار فيكم؟!

أولا : حبيبتي انا لما كنت نفاس صرت احس باللي تحسين فيه لدرجة كنت ابجي خفت على نفسي


ثانيا: التزمي بتمرين كيجل سوي بحث بقوقل وتلقينه.. اهو اللي يشد العضلات احسن من الادوية وكل شي.

ووو

ثالثا: الممرضة لما ولدتني قالت لي على تمرين

1- انسدحي على الظهر
2- ارفعي الرجلين على ارتفاع بسيط لايتجاوز شبر وهي ممدودتان >> لغه هههه
3- افتحي الرجلين _ركزي عالشرح _ اقصد القدمين وابعديهم عن بعض شبرين تقريبا وردي الصقيهم
4- كرري التمرين طبعا اول مرة بيكون صعب وكرري على الراحة.



رابعا : اذا دخلتي الحمام وانت بكرامة .. لما تبين تتبولين .. اقطعي بنص البول وشدي
اول مرة راح تحسين ماقدرتي تمسكين نفسج والبول وانتي بكرامة ينزل غصب عنج .. مع تكرار هالتمرين راح تقدرين تتحكمين بنفسج اكثر واكثر ..

خامسا: احب انبهج على شغلة مهمة اغلفوا عنها اكثر الحريم

المرأة النفاس تحتاج للتغذية –بحيث ماتشبع زيادة ولاتجوع زيادة_ اكثر من حاجتها للأدوية

وصدقيني لو المرأة الوالدة كانت بس تعتمد على غذاء سليم وفلفل ورشاد .. يغنيها ...

اخر شي .. لاتنسين اختج .. حامل يديدة من دعواتج ..