بالنسبه لتشقير جسم العروس قبل عرسها ..فيدونــــي :)

[مـهـرهـ]

ارررحبوآ:eh_s(9):
شخباركم بنات .. عندي سؤال يطرح نفسه !!:eh_s(10):

طبعا معروف العروس قبل عرسها لازم تسوي صيانه من حف وتشقير و..و.. الخ


سؤالي .. هل لازم العروس تسوي تشقير للجســـــم( كله ) ؟!! قبل الحف

يعني هالشي ضروري ماتحسون انه يخلي بعض مناطق الجسم افتح من بعضها ؟!!

طيب واذا ماسوت عادي والا يفضل انها تسوي <ياربي احس تنحت ؟!
ويعطيكم العافيه .. وياليت تفيدوني ..
:wqedqw:

 

[الأميره الصامته]

رد : بالنسبه لتشقير جسم العروس قبل عرسها ..فيدونــــي

عادي حبيبتي
بس التشقير للجسم كله احسها صعبه يخنق ريحته قويه تصك الراس
بس حفي ترا الحف يبييض ويخلي جسمج ناعم مايحتاج تشقرين

 

[الـــذربـــة]

آآآب فيدونـآآ بنـآآت

ع فكرهـٌ كلآ أسمع التشقير يفتح الجسم وفي جم بنت سوت هالشغلة قبل العرس شقرت الجسم كللله

عقب حفت ...<< بس أنا ماشجعج تحفين ظهرج وبطنج << سويتها وطلعتلي حبوب بظهري

 

[غلاديس..~]

رد : بالنسبه لتشقير جسم العروس قبل عرسها ..فيدونــــي

اذا الوحده ناويه تشقر تشقر جز ء جزء مو كله مره وحده بتموت من لسع الاكسجين

 

[*-*Lo0o0Raaa*-*]

شوفي حبيبتي

انا نصيحتي


انج تسويين تقشير

لاني انا قبل عرسي سويت

وطلعتي بالانفاس هم سويت

اولا يفتح لون اليشره

وبعدها بيوم الحف بتطلعين منوره :eh_s(3):

يعني مثلا في مثل الوبر قي الصدر وعلى البطن وعلى الظهر يعني حلاته ما يبين فيج الشعر كلللش كلللش

يعني شعر الصدر والنحر مو مال تشيلينه بشيره فلما تشقرينه ما يبين


هذه نصيحتي

وهذا البرنامج


اولا حمام مغربي

بعدها بيوم اوكسجين

بعدها بيوم الحف + الويه ( عشااان ما يبقع اذا انتي بشرتج حساسه مثلي )

بعدها حواجب + بديكر والمنكير

ووووبس


والف مبروووك*-*Lo0o0Raaa*-*

 

[وآحشنــي زمآنـك]

رد : بالنسبه لتشقير جسم العروس قبل عرسها ..فيدونــــي

التشقيــر فــآيدته غير أنه يبيض على كلآن بعض البنــآت ..


إذاا عقب طلعلج شعر صغيــر مآيبين من التشقيــر ..

 

[مدام زيزو]

رد : بالنسبه لتشقير جسم العروس قبل عرسها ..فيدونــــي

انا عندي افضل التشقير احسه يبيض البشره اصلا

 

["GloRia"]

ومنــكم نستفيـــد

 

[bint_looda]

والله انا اشوف الفرق الي يسوويه وايد حلوو ويفكج من حف بعض الاماكن الي يكون فيها الشعر وايد ضغير او خفيف

 

[روزماري]

رد : بالنسبه لتشقير جسم العروس قبل عرسها ..فيدونــــي

آي آكييد التشقير مهم سواء عروس أو مو عروس
انا بعرسي شقرت قبل الحف بس الحين صرت أحف وعقبها بيوم او يومين اشقر كل جسمي
وآذى خايفة يلسع حطر فازلين انا دايم اسوي جذي
وترا من عمر استعملة يعني ماله اضرار لا تحاتيين

 

[عنود المهـــا]

اكيد حبيبتي التشقير مهم حيل

وحطي كله مره وحده لكامل الجسم

عشان يبيض ويخفي الشعر الصغار

ويكون لون الجسم موحد افضل من جزء جزء نصيحه

وبعدها بيوم الحف عشان ما تحترق البشره

 

[فـديـت ^-^ روحـي]

رد : رد: بالنسبه لتشقير جسم العروس قبل عرسها ..فيدونــــي

والبقا


البنات كفوا ووفوا يالغلا

 

[كيـف أسيـبكـ]

رد : بالنسبه لتشقير جسم العروس قبل عرسها ..فيدونــــي

طبعا لازم التشقير


يخلي الجسم فاتح ومنور



بعدها الحف بيومين


>>> فيه بنات يشقرون وبعد يومين حف
وبعد كم يوم تشقير من جديد
اول يومين بعد العرس

 

[••غـلآًهْـم••]

والله انها كانت اكبر غلطه يوم شقرت قبل الحف

والله انها شقرت لي جسمي كامل زطلع فاتح يهبل لوني

لكن في اماكن ماحفتهم ولالمستهم الشيره مع العلم اني كنت مربيه الشعر من قبل عرسي بثلاث شهور عشان حتى الصغير يطلع وربي في اماكن مانشالت لان الشعر اشقر مومبين

هذي تجربتي وانتي شوفي اللي يريحج

 

[الأميرة جوري]

رد : بالنسبه لتشقير جسم العروس قبل عرسها ..فيدونــــي

التشقير يبيض يخليج لمبه ...... حتى لو حافه

 

[طموحه بزياده]

يمدحونه يبين الجسم فااااااااتح حيل


بس جربي قبل عرسج ب 3 شهور يمكن جسمج يتحسس منه وتحترقين

 

[MOOON&M]

اهو صج يخنق بس يخلي الجسم فاااااااااتح

 

[عذبة السجآيآ]

مثل ماقالوا البنات’’’

بس لاتحفين لاظهرج ولابطنج ولاصدرج لانه يطلع حبوب ’’

 

[نوني الحلوه]

انا كان بخاطري اشقر جسمي
بس ماقدرت يبي له احد يقعد يلطخ بجسمك
بس نصيحه سوي
يبيض

 

[Nwayef]

رد : بالنسبه لتشقير جسم العروس قبل عرسها ..فيدونــــي

التشقير زين للجسم .. واذا استمريتي عليه بين فترة وفترة قبل كل حف .. ممتاز .. خاصة على الظهر والرقبة والفخوذ..

بس عيبه الوحيد .. يكثر الشعر

بس مع الوقت يفتح البشة حييييل وتصيرين لمبة مثل ما قالو