بالغربه و متوهقه ((ابي اشياء حق رمضان))

[chocolate cake]

السلام عليكم

بنااااات بليز ابي مساعدتكم

اقدر اسوي الكنافه بالتوست ؟؟

لاني ما حصلت الشعريه اللي يسوون فيها الكنافه (بأمريكا)

فبليز اللي عندها طريقة لا تبخل علي



و اللي تعرف حلو سهل سريع اقدر اسويه حق رمضان تقولي و يصلح للتفريز و تكون مكوناته سهله احصلها بأي مكان



و ادري ثقلت عليكم

بس ابي كبب اقدر اسويها ما يكون فيها برغل لان ما عندي

و تكون سهله



و مشكوووووورييييين و ما قصرتوا

 

[شندوخه]

مايمج بقاله عربيه ؟ انتي اي ولايه وشنو مدينتج عشان نسويلج سيرج بالنت
تقدرين تسوين كبه التوست مره جاره القمر نزلتها وكبه عيش بالشبنت
والحلو عجيبنه سمبوسه قصصيها صغار وحشيها جبن كيري او فيلادلفيا وقليهم وصبي عليهم شيره وفستق مطحون ويصلح يتفرزن

 

[chocolate cake]

هلا والله شندوووخه

والله امبله في يمنا بس بعيده ان شاءلله بنروووح لها قبل رمضان بس ما ادري شنو فيها عرفتي يمكن ما احصل اللي ابيه

و الحلو اللي قلتي عنه شكلي بسوي منه عادي احطه بالفريزر صح؟؟


و الكبب اللي قلتي عنها بسوي سيرج و بدوو المواضيع

مشكوووووووووره حبيبتي ما قصرتي

 

[جارة القمر]

هلا حبيبتي


شوفي هالمواضيع

http://q8yat.net/showthread.php?p=4563622&posted=1#post4563622


كنافة التوست

المقادير
كيس توست
إصبع زبدة (150 غرام)
كوب حليب سائل
ثلاث ملاعق نشاء
علبة قشطة المراعي
ملعقتين جبن سائل (جبن كاسات)
فنجان سكر


الطريقة
يفرم خبز التوست بعد إزالة حوافه ويضاف له إصبع زبدة بعد إذابتة. .1
نضع أكثر من نصف الخبز في صينية دائرية. .2
نخلط في الخلاط كوب حليب سائل مع ثلاث ملاعق نشاء ونضعها على النار، وعندما تبدأ بالتخثر نضيف لها القشطة مع ملعقتين جبن سائل وفنجان سكر. .3
توضع الخلطة على الخبز ونغطيها بباقي الخبز وتوضع في الفرن على نار هادئة .4
توضع عليها الشيرة وهي حارة وتوضع في الثلاجة. وبالهناء والشفاء. .5

 

[جارة القمر]

المقادير



1 شرائح توست


1 كوب فستق حلبي


1 كوب حليب سائل



الحشو :


2 كوب حليب


1/4 كوب سكر


4 ملعقة كبيرة نشا


1ملعقة كبيرة دقيق


1 كوب قشطة


1 كوب جبن موزاريللا


1ملعقة كبيرة ماء الورد


شيرة


فستق حلبي ناعم



الطريقة



نقطع الأطراف البنية للتوست ونتخلص منها



نطحن خبز التوست في المطحنة الكهربائية ثم نطحن الفستق ونضيف الحليب عليه ويخلط جيدا


ونتركه جانبا.

نسكب السكر والطحين والنشا والحليب في قدر و نحركهم جيدا ثم نضعهم على النار


ونستمر بالتحريك حتى يتماسك ويغلي نشيله عن النار نضيف القشطة ثم الجبن


ونضيف ماء الورد.



في صينية الفرن نرص نص كمية الخبز المطحون في الصينية ثم نضع الخليط فوقه ثم نغطيه بالنصف الاخر من الخبز المطحون



وندخله الفرن حتى يتحمر وجه الصينية ونشربه بالقطر قبل التقديم ..

 

[جارة القمر]

شوفي هالمواضيع

http://q8yat.net/showthread.php?t=197095

http://q8yat.net/showthread.php?t=42591


http://q8yat.net/showthread.php?t=13533

وعندج مواضيع الأخت ماكو اسامي قمة بالروعه

 

[chocolate cake]

حبييييييييبتي والله ما قصرتي انقذتيني

يزاج الله خير

و عسى ربي ما يحرمنا منج يالغاليه

 

[شندوخه]

لا اشوه دام يمكم ان شاءالله تحصلين بس ماركات مو معروفه وايد
وعادي يتفرزنون مايظرهم وان شاءالله اشوف بعد شنو في شغلات تتفرزن واقولج

 

[شندوخه]

ايييي نسيت اقولج شوفي طله على مواضيع الاخت ماكو اسامي سوالفها ماشاءالله اتينن وكلها تتفرزن

 

[chocolate cake]

شندوووخه حبيبتي ما اتقصرين

كلمت ابونا اليوم و قال بيوديني ان شالله البقاله العربيه و ان شالله القى اللي ابيه

مشكوووره يالغاليه

و بطلع على مواضيع ماكو اسامي

يعطيج العافيه حبيبتي

 

[ضحكة الدنيا]

ماشاء الله شندوخه
وجارة القمر ماقصروا
وشوفى هالموضوع ان شاء الله يفيدج

http://q8yat.net/showthread.php?t=77063

 

[جارة القمر]

بالعافيييييييييييييييييييية حبيبتي

 

[chocolate cake]

ضحكة الدنياااااا واااااااو الموضوع اينن كل شي فيه

صج صج صج مشكووووره

والله يا بنات فيكم الخير كلكم ساعدتوني ما تقصروووون

انا امس شريت اغراض و حصلت جم شغله بالجمعيه اللي عندنا

ببدي اسوي من اليوم و بحط بالفريزر

مشكووووورين واااايد واااااااااايد

 

[ماكو اسامي]

كبة ولا اسهل
كيس توست اب 500جم
كوب ماي
بيضه
ملعقة طعام بصل اخضر

فتتي التوست بالاطراف مالته وبالمحضره اعجنيه بالبيضه والماي والبصل الاخضر

احشيها لحم مفروم وشكليها مثل الكبه وغبريها بالبقسماط بدون بيض وبس تتفرزن


-----------------------------------------------------------------
التوست نفسه ترقينه
سوي خلطة جبن فيلادلفيا او اي جبن كريمي كل كوب منها ربع كوب سكر اسمر وملعقة متوسطه دارسين
بعد رق التوست قطعيه نصين بالعرض و اضيفي ملعقة شاي من الجبن بعد ما تدهنين التوست بيض مخفوق وسكريه بالشوكه بالضغط على الاطراف
اقليه ورشيه سكر بودر

---------------------------------------------------------
البريوش


بريوش مالح
عندكم مخابز سنعه تسوي بريوش المفرود العريض قصيه بالنص
واحشيه
حمسة دجاج مع بصل ومشروم و كزبره لو توفرت بس ادهني البريوش مايونيز من الناحيتين
ورشي جبن مزارولا قبل الحشو بس رشه وفوق الحشو عشان تمسك الخبزه بالحشو
ادهني الوجه زبده ورشه فلفل اسود
لفيها قصدير ودخليها فرن 10 دق واكشفيها تتحمر 5 دق قصيها شرايح



بريوش حلو

افرمي البريوش خشن قطع كبيره ورصيها ببايركس مدهون زبده
ذوبي م شاي نسكافيه مع نص كوب ماي حار وملعقة طعام سكر وبس يفتر رشي فيه البريوش
300جم فيلادلفيا بحرارة الغرفه اخلطيها مع ظرفين دريم ويب ونقطه فانيلا وملعقتين طعام حليب سايل بس
وزعيها على البريوش - طبعا الحلاة هني خفيفه غرقي الوجه كاكاو فليك او اي كاكاو بالحليب مبشور


بريوش بودنج حلو 2
نتفي البريوش خشن واخلطي معاه مكسرات وكشمش حسب رغبتج
صفيه ببايركس مدهون بس لا تضغطين

فوحي 4 اكواب حليب مع 3 ملاعق نشا ونص كوب سكر ونتفة فانيلا وملعقتين طعام زبده وبس يغلي صبيه على البريوش بالتساوي رشي الوجه سكر ودخليها الفرن بس يتكرمل السكر من فوق
برديها شوي وقدميها دافيه

------------------------------------------------------------------------

عندج العجينة الصينيه بدعي فيها

- كفتة اللحم سويها وفرزنيها
-التوست الفريش ممكن تسوينه قطايف ترقينه وتقطعينه بقطاعه مدوره وتحشينه اللي تبين ويتحجمر ذهبي و ينزل القطر

سوي قطر واحفظيه ببرطمان


واللي يخطر على بالج تسالين انا حاضره

 

[chocolate cake]

ماكو اسامي


والله احرجتيني على هالافكار السنعه

والله جنج تقرين افكاري

حبيييييييبتي مشكووووره و ما تقصرين

والله كتبتي اللي ابيه و زيادة و هم مواضعج تهبل ما عليها كلام ماشاءالله


وعسى ربي يوفقكم و يسعدكم يا حبيبات قلبي كلكم ساعدتوووني