بالصور : عيش الربيان على طريقتي الخااااصه اللي دوخت اقدعها راااس :)

[غنوة ستايل]

هههههههههههههههههههههههههههههههههههه خوش عنوان .. حشى ناديه الجندي .. مو غنوة وله هي غنوة مقصره !!!

شوفوا بناااات الطبخه هذه يبي لها تركيز شووووي ...





تجي على خطوتين ..

اول شي .. طبخ الحشو .. ثاني شي جبس ( كبس ) العيش ...

الحشو :
1) مقلاه نحط فيها زيت
نحط شعريه المطاحن ( يكفي كورتين منهم ) كسريهم صغااار
وحمصي الشعريه مني ليما تصير ذهبية ( لا تحترق )

بعد ما تصير ذهبيه نحطها في صحن البايركس الجانبي ......

2) مقلاه وزيت .. و نقلي قطع من البطاط المقطعه مكعبات ( يكفي 2 حبه فقط )

بعد ما تصير ذهبيه نحطها في صحن البايركس الجانبي ......

3) جدر على النار .. فيه الماء يغلي الما نزيد شويه من الخضار المثلجة ( جزر ـ فاصوليا ـ بزلاء ) مع حبه ماجي .. مني ليما ييصير طري ..

بعدين في صحن البايركس الجانبي ......


4) مقلاه وزيت .. ونحط 3 عدد بصل كبير مقطع صغير ... مع 3 حبات فصوص الثوم مني ليما تطلع الريحه الحلوة ... ويصير البصل لونه مائل للذهبي بس مو محروووق
نزيد عليه الربيان المقشر و المنظف ( شيلو الخيط الاسود اللي بظهر الربيان اللي فيه كل الوساااخه )

و نخلي البصل و الربيان و البصل يحمسووووون على النار ..

شوي يذبل الربيان .. نزيد ..
ملعقة صغيره من ( كركم ـ كمون ـ كزبره يابسه مطحونه ـ فلفل اسود ـ ملح حسب الرغبه ـ )
و سر الخلطه ( صوص الصويا ـ و شوي من الدقوس الاحمر الحار ) ( اموت عليهم )

نخلي الخليط يتحبش ونقصر على النار حييل ... ونخلي الربيان يطبخ على كيفه ربع ساعه ( انا احب الربيان مطبووخ عدل )

نزيد الـ شبنت المقطع ... ( ملعقتين ) و نزيد الكزبره الخضره ( ملعقتين )

نزيده في صحن البايركس الجانبي ......

الحين صار عندنا خلطه الحشووووووو


الحين نطبخ العيش .. اما اننا نسلق العيش .. ونطبقه مع الخلطه هذه ونزيد عليهم شوي كركم ... وزعفران وعلى نار هاديه ... وخلاص صار الاكل ..

او اننا نسويه بالطريقه اللي انا سويتها واهي صعبه شوي يبي لها خبره _03BA:_03BA:

شوفوا ...

نجيب جدر ..
وحط الزيت
و نخلي الزيت يحتر
ونجيب العيش المنقع الشاخلينه من الما
ونخليه يحمس بالجدر مع الزيت
بعدين نزيد الحشووو اللي بالبايركس ( ذاكرينه ! )
و نحوووسه ونزيد ملعقة هيل مطحوووون ودارسين شوووي مو وايد عشان لا يخرب الطعم
و بعدين نجيب ماء ساااخن يغلي و نزيده
نخلي الما فوق طبقه العيش بمقدار اصبعين فقط ونحوسه شوي
يغلي الما و العيش
نشيله الجدر
ونحطه على النار الهاااديه ونسكره عدل بالقصدير و المغطا عشااان البخار لا يطلع
ونخليه ربع ساعه ونفتح الجدر مرتين خلال الربع ساااعه عشان نحوس العيش ( نحوسه بالشوكه عشان لا يعجن العيش )

وبالاخير .. يطلع لنا بالشكل الحلو هذا

 

[غلاي غير]

ماشاء الله شكله يشهي

تسلم الايادي

 

[زيـنـه]

تشوق

تسلم ايدج

 

[ام الفهد712]

لا لا غنوة انتي عذااب بضمج حق قاائمة ريمة الكويت وام منصور وجارونه

تسلم ايااديج ياااقلبي

 

[foofo]

ماشاء الله شكله يشهييييييي

تسلم ايدج حبيبتي

 

[aloyaa]

تسلم الايادي

 

[جارة القمر]

مشكوووووووره


وتسلم ايدج

 

[شاربة بيبسي ومدلعة نفسي]

_03ba:ماشاءلله عليج شكله حده عجيييب شهيتيني
تسلم ايدج الحلوه

 

[ودي أتغير!!]

تسلم ايدج

 

[eman84]

انا شلون اخفف اكلي و اضعف وانا اشووف هالاكلات اللذيذة
يسلموووو

 

[بطه فيها نطه]

لذيييييييييييييييييييييييييييييييذه تسلمين غنوه

 

[أسـيـل]

مشاءالله حده يشوق وتسلم ايدينك

 

[digital]

تسلم ايدج

شكله لذذذذذذذيذ

 

[غنوة ستايل]

تسلم ايدج

شكله لذذذذذذذيذ

بالعاااافيه ياقلبي

 

[صمت الهدوء]

ما شاء الله تسلم ايدج
صج اني ما أحب الربيان بس شهيتيني اني اجربة

 

[سبائك]

واااااااااااااااي الشكل بروحه عذااااااااااب تبارك الرحمن

تسلم الايادي غنوه

 

[أم عزيـز]

واااااااااااااااااو

انا اموت على لون العيش اللي جذي
شكله خنين وناااااااااااطع

يعطيج الف عافيه حبيبتي وعساج على القوه

 

[بنت الفقيد]

تسلم ايدج

 

[صوت الناى]

تسلم ايدج يا الغالية
خووووش طبخة
صج صج عجيبة

 

[CaRaMeLaH]

مشكووره على المجهود والشرح

راح اسويه بس بدون الشعرية ولا الخضار أهم شي عندي الخلطه السرية مالت الربيان

والعيش المشخول الريقه الأولى مو الثانيه