بالسابع والبيبي راسه فوق!!منو صار معاها جذي تفيدني

[وردي وفوشي]

الله يهون عليكم ولايدكم ويهون علي ولاتي

 

[توكلت على الله 22]

واناااااااابعد بعد اسبووووع ادخل السابع والراااااااس فوووووق

الله يستر ويسل عليناااااااااا

 

[Rou7y Te7eba]

أمبيه بالسابع ويبون الراس تحت شي غريب اصلاً راس البيبي اخر الثامن يلف تحت واذا مالف اول التاسع يلف
اول اسمع انه بالسابع لازم راس البيبي تحت بالعكس جذي يسرع الولاده @@
وسوي سيرج بقوقل وشوفي متى ينزل راس البيبي الطبيعي
والله يسهل عليج ولا تخترعين

 

[ريومةالمزيونة]

الف الف شكر لكل وحده ردت علي وطمنتني
حبايبي اللي قالو ان الدكتور فر الياهل
شلون يفره؟ يعور؟؟؟؟؟

 

[ليموني]

هذيلا من صجهم الدكاتره والله سألت الدكتوره تقول اصلا عادي لاتحاتين حتى لو مانزل راس الجنين يبيله صبر لي التاسع

بعدين بنات شلون طريقه الفر اول مره اسمع فيها؟

والله يسهل علينا يارب

 

[ريومةالمزيونة]

والله مادري يا اخت ليموني شفيهم هالدكاتره طايحين فينا تخرع..عاد تصدقين انا مومترقعه بهالحماله!!
بداية حملي قالت لي شيماء ان الحمل مو طبيعي وخارج الرحم!!وشهر كامل وانا ابجي ونفسيتي تحت الصفر..وعقب مارحت للدكتور ماجد
طمني وقالي ماعندها سالفه وسمعني النبض والحمدالله وصلت الحين السابع بس خرعني بهالكلام!!ا
اول مره اسمع بسالفة اللف وخايفة منها..الله ييستر ويرحمنا برحمته يارب

 

[^fajoOra]

رد : بالسابع والبيبي راسه فوق!!منو صار معاها جذي تفيدني

حبيبتي اصلا من مصلحتج ان بالسابع البيبي راسه فوق !! علشان لاتصيرلج ولاده مبكره

انا بولاداتي الثنتين اراجع عند محمود الاسطل شاااااااااااااطر تبارك الرحمن .. و اهو اللي قالي هالحجي اول حمله بولدي كان راسه تحت لي التاسع جان يقلب راسه فوق و قالي الحين صعبه افره لج لان صار كبير و سبحان الله نطر الدكتور لي اخر لحظه و اهو يقولي في امل مثل ما لف يرد .. بس الله ماقسم و كبر البيبي و قالي الحين حتى لو يلف بتتعبين بالولاده و انا من خبرتي 99% ماراح يلف لان بتخلصين شهرج قلت له شورتك و هداية الله و الحمدلله يبت وهابي

و ببنتي عاد العكس لي الثامن راسها فوق و لفها لي و قالي طولي بالسجود بس كنت اختنق ماقدر اسجد وايد و ليش انا كنت اداوم فمافيني حيل .. رحتله باول التاسع ولا راسها فوق مره ثانيه و هم نطرنا لي اخر التاسع جان اقولي بس الحين القرار لج تبين اولدج ولا تنطرين كيفج بس انا رايي خلاص بتخلصين شهرج ماعتقد تقلب و ياينا رمضان قلتله خلاص ولدني ..

وبالنسبه حق سؤالج شلون يقلب البيبي ترى ماااايعور مو مثل ما انتي متخيله ! يقلبه من بره بطنج يمسك راسه و ريله و شوي شوي يحركه مثل شفتي لمن بالسونار ساعات يحرك البيبي شويه لمن يكون البيبي صاك ريله ؟ جذي يعني يضغط على بطنج بس مو مثل ما انتي حاطه ببالج

لاتخافين كلش ريحي بالج كل شي بوقته حلو و كل هالمخاوف باجر تصير ذكريات حزت الحزه ثواااااني كل شي يتغير مو شرط بالسابع راسه فوق خلاص قيصريه انا مره كان فوق و مره كان تحت بالحالتين قيصريه الله و قسمته نطري و شوفي الله شنو كاتبلج

 

[ريومةالمزيونة]

الله يوفقج يا اختي فجورى ويخليلج عيالج يارب وتفرحين فيهم ويرزقج برهم اللهم امــــــــــين
اللي كاتبه الله بيصير..انا بس كنت خايفة من سالفة الفر انها تعور ..وانا خايفه لان وزن بيبياتي عادة كبير على 3ونص فعلى كلامج ماينفع معاي حتى اللف!!
مفكره اروح لهالدكتور وايد اسمع عن شطارته
والله انا صرت ادور بس اللي يريحني ويطمني بالكلام مو مثل ماجد الشمري كلامه يغث و دفش بالكلام وطيح قلبي ببطني الله يسامحه

 

[*Crafty-girl*]

حبيبتي انا مثلج جم يوم صارلي بشهر السابع وقريت موضوعج وكان موعدي امس رحت سويت سونار وسألت وين راس البيبي قالتلي عالجنب !! قتلها عادي وله لازم يكون تحت؟ قالت انتي توج اول السابع عادي !! من اخر السابع واول الثامن اهني يبدون يجيكون كل شوي
فا لاتحاتين تو الناس على سالفه الراس وانشالله الياهل بيفر من نفسه على اول الثامن او نص الثامن او اخر الثامن

والله يسهل عليناا

 

[غنوة ستايل]

سبحان الله
انا كله راسه تحت وبالاخير صار جنب وسويت قيصري
عليج بالدعاء ياقلبي

 

[الجفول&]

رد : بالسابع والبيبي راسه فوق!!منو صار معاها جذي تفيدني

احبي مثل الجاهل واكثري السجود تقلب راس الجاهل

 

[*صاحبة السمو*]

انا اذكر اخر السادس اول اول السابع كان راسه فوق وقالت لي دكتورتي دلال السالم تو الناس عندج الثامن كله في احتمال كبير ان الياهل يفتر من نفسه

واللهم لك الحمد افتر

 

[مدمنة ككاو]

تو الناس على هالكلام شفيه هالدكتور متسرع جذي !!!!!!

صبري يبا تو النااااااس

انتي سجدي وايد وشوفي لي اخر الثامن او اول اسبوع من التاسع اذا ما افتر ذيك الساع له كلام ثاني
بس مو معقوله من الحين يحكم شالسالفه!!! وايد حريم جذي وحزة الولاده يفترون اليهال

لا تحاتين ماكو الا العافيه ان شاء الله

 

[أنفاسي دخون]

لاتحاتين انا بواحد من عيالي الراس كان فوق بالسابع وبالثامن نزل تحت واخذ وضعيه الولاده وبعض الحالات ما يلف الا بوقت الولاده ومع الطلق

والله يكتب لش اللي فيه الخير ان شاء الله

 

[هديبا]

لاتخافين توكلي علي الله انابحملي الاخير باخراسبوع قالت لي الدكتورة راس البيبي فوق وباجر تدشين انحاول نولدج باي طريقه وقالت لي امي امشي اليوم انشالله يفتر جان اطلع من الصباح علي الافنيوز وامشي الافنيوز كلة يوم رحت لها الصبح والحمدلله والراس تحت والولادة طبيعية

 

[سموره 87]

الحمدالله والشكر شنوا هالدكتور
حبوبه مالج شغل انا مانزل راس البيبي الا اخر الثامن

 

[eman84]

انا راس البيبي بحملي الاول كان فوق بالسابع وقالت لي الدكتوره في مجال تو الناس ماخوفتني

ونطرت لي الثامن وهم الراس فووق وصبرت وقالت امشي و تحركي و لاتاكلين وايد علشان البيبي مايكبر وايد و عقب يعترض مايلف وسمعت كلامها وسبحان الله يا الشهر التاسع وقالت ننطر شوي اسبوع واسبوعين و لين كليت 3 ارباع شهري والراس فوووق وهم ماقالت لي قيصرية تقول بحاول طبيعي ودخلتني المستشفى وصبرت علي يوم كامل واهيا تحاول تلف و تعدل وضعية البيبي بس ماكو فايده اخر شي ولدت قيصرية

الحلو بالسالفه انها ما حكمت وقررت قيصرية وبرت ذمتها يزاها الله خير بس اللي ماعجبني ليش التعب هذا كله ومابقى طلق صناعي ولا توسيع ولا فر ماسووه فيني لو مو الابره جان صج مت بمكاني جان قالت لي من البداية قيصرية ووارتحت .. دكتورتي ماجده اليتامى عسى الله يوفقها وماقصرت معاي ابد

 

[cheese cake]

الله يهووووووووووووووون عليكم
حبيبتي احبي نفس البيبي بأذن الله يرد مكانه

 

[بنت^النور]

حبيبتي الله يسهل عليج يارب
ولاتحاتيييين دام انتي عند ماجد الشمري ةبيةلدج رقدي وامني مافي احسن منه كافي اول جراح يسوي عمليات حق البيبي واهو فبطن امه
ويدرس كل الاطبه بالكويت ويلقي محاضرات ودورات بره الديره خبررررره ساليني انا
دام قالج يفر البيبي خل يفره حتن لو يعور شتسويييين اهم شي تولدين طبيعي واللي اعرفه ماجد ايده خفيفه والله يسهل عليج
وادعيلي حبوبه اللله يهون علي واولد بشهري ان شاءالله

 

[ريومةالمزيونة]

مشكوريييييييين حبايبي اللي ردو علي الله يجزاكم عني كل خير يارب
طمنتوني الله يطمنكم فلوبكم دوم يخليلكم كل غالي على قلوبكم
للي الله كاتبه بيصير و بنشوف شيصير معاي الله يستر!!!!!!!!!
اللي تقولي كثري سجود...ما اقدر اطول اتعب وايد واختنق
عزيزتي بنت النور الدكتور ماجد زين ومحترم وشاطر بس كلامه دفش المفروض ينطر علي شوي على كلام البنات مو يخبصني والله ياختي من قالي هالكلام وانما كل يوم اخذ سونار اقول لعل وعسى ينزل راسه!!!!يعني اشتغلت فيني عدل لما مليت
ماادري ليش خايفه من ولادتي هذي بالذات اخاف يصير فيني شي ويضيعون عيالي من وراي!!!
بنت النور عسى الله يسهل ولادتج يارب ويرزقج بالذريه الصالحة