بالاسبوع السابع ومافي نبض ؟؟

[ScarletteO'Hara]

و الي تقول لج انها ما سمعت الانبض الا بالاسبوع العاشر؟
بنات لا تخرعونها بسوالف الجهاض
ترى عادي ان شاء الله عن قريب تسمعينه
ما ادري ليش الدكاترة يحرعون الوحدة!
انا لما راجعت دكتورتي بالاسبوع السابع و ما سمعت النبض ما خرعتني
قالت مع الموعد الياي يبين النبض
و فعلا بين معاي بالاسبوع العاشر
الله يسهل عليج يا رب!
و على فكرة مو شرط لما تحملين تتنسين

 

[kuwatiya]

الله يتمم عليج ياااارب ويرزق الخير كله​

 

[TeKaNa_Girl]

الله يطمن قلبج ان شالله

 

[Om-Bashaar]

يعطيج العافيه حبيبتي والله ما ودي اضيق خلقج انا نفسج ونفس التاريخ بالضبط اخر دور 1/3 وما حسيت بالنساة ورحت قبل اسبوعين قالوا ماكو نبض ورديت بعد هالاسبوعين قبل 3 ايام ونفس الشي وقالي الدكتور ان الجنين ميت وقالي ان هذا الحين فايروس منتشر وان قبلي 17 حاله كلهم جذي ورفيجات خواتي 2 نفس الحاله الله يعوضنا ان شاالله بس هم نطري وتاكدي وان شاالله يكون ما فيج شي بس ترى الجنين6 اسابيع المفروض يكون فيه نبض هذا الطبيعي والله كريم

 

[Om-Bashaar]

وانا بعد حبيبتي بهالاسبوعين الجنين ما صار فيه نمو لي رحتي خل يشوفون النمو اذا طبيعي خلاص ان شالله يمكن اهم مو سامعين وبشرينا عنج يا قلبي

 

[أوكسجين]

عادي حبيبتي انا بالاسبوع السابع مابين
وبعدها باسبوع بين

 

[Miss Chanel]

الله يطمـــن قلبج

 

[بنت_ابوها]

قواكم الله خواتي عالردود و ان شاءالله يلقون النبض

ام بشير حبيبتي الله يعوضج ويعوض خواتج بالذرية الصالحه

 

[بدويه 88]

للللللللللللللللرفع طيب انا دورتي كانت 28-3 وخلصت 2-4كم صااااااااااارلي ماعرف احسب تكفففففففففففففففون

 

[المكسيكيه]

حبيبتي لا تحاتين انتي روحي بعد اسبوعين اذا مشككه ومافيج صبر تنطرين روحي مكان ثاني

 

[om_3azoz]

حبيبتي لاتحاتين انا نفسج رحت لها بالاسبوع 4 لان كنت قبلها مجهضه قلت بروح مبجر لان كنت خايفه حدي رحت مابين ولاشي بس الجيس وصغير قالت تعالي بعد 3 ااسابيع ورحت كنت بالاسبوع 7 وهم مابين الا بيبي صغير وايد وايد قتلها ماقدر اسمع نبضه قالت مايبين الحين لان صغيروايد

يعني انتي لاتحاتين كلش حبيبتي ان شاءالله راح يبين

 

[Om-Bashaar]

الله يسلمج حبيبتي وعسى الله يفرح قلبج ان شاالله ويبين النبض هالمره

 

[kitty eyes]

لا تحاتين

ان شاء الله ما كو الا العافية

يمكن البيبي صغير ما صادت النبض

ان شاء الله بعد اسبوعين راح تسمعينه

 

[f6oma 1991]

http://arabia.babycenter.com / بنات دشو هالموقع مفيد كل شي فيييه يحسب لج و في نصايح و اذا سجلتي فيه يدزون كل شي لج على الايميل يتابعونج اسبوع باسبوع انا من عرفت اني حامل سجلت و متابعيني لحظه بلحظه *