بالاسبوع السابع ومافي نبض ؟؟

[بنت_ابوها]

السلام عليكم


خواتي عندي استفسار شاغل بالي

انا اخر دورة لي بدت تاريخ 1\3 .. وحللت والحمدلله طلعت حامل .. يعني الحين حامل بالاسبوع السابع

قبل يومين رحت اسوي سونار بمستشفى دار الشفا عند الدكتورة الهندية لاكشمي عشان اشوف النبض

بس المشكلة انه مافي نبض


اهي قالت المفروض في نبض بس قالت تعالي عقب اسبوعين نتاكد

بنات هالشي طبيعي او لا ؟ لأن جد مخوفني وقريت بالنت انه وحده مالقوا نبض بالجنين بالاسبوع السابع وسوولها تنظيفات يعني الجنين عندها ميت

 

[بنت_ابوها]

مع العلم انه هذا اول حمال لي ومو حاسة بأي عوارض للحمل يعني لاترجيع تكرمون ولانساة ولاوحام ولا دوخه اللهم بس انقطاع الدورة

 

[كويتيه صغيره]

نطري بعد اسبوعين يبين وايد ناس جذي بعدين يبين النبض بالشهر بدايه الثالث اهم شي ادعي والاستغفار والله يثبته ويفرح قلبج

 

[كويتيه صغيره]

اذاعلى النساة والدوخه خالتي من حملت ليما ولدت ماحست باعراض الحمال شي عادي

 

[big heart]

لا تحاتين مافيج الا الخير انشالله

سوي سونار بعد اسبوعين

 

[بنت_ابوها]

يعطيكم العافيه عالرد

واللي مرت بنفس الوضع لاتبخل علي

 

[عيون السعودية]

الله يتمم لك حملك يارب أنا احس بدري استني شوي يعني بعد إسبوع
أنا ماتت بنتي في بطني في الشهر الثامن بعد ماشريت لها ملابسها وتوقف النبض بدون سبب طبي بالرغم إن كان حملي سليم وما كنت أعاني من شي بس الحمدلله على قضاء ربي وحتى لما ولدتها غير بقيصري إلى الآن احس بالألم وأنا لي سبع شهور
كل وحده تقرأ ردي تـــدعي لي

 

[مناي]

حبيبتي انا من اول ماحملت ماحسيت حتى بلوعه ولادوخه ولا كاني حامل وخفت لانه سبق واجهضت بعد الشهرين بدت فيني النساة واي لوعه ودوخه وترجيع بس خفيف وللحين لوعه
اما بالنسبه للنبض فسمعته بعد ال7 اسابيع ولغايه خمس اسابيع والدكاترة موشايفين كيس الحمل لاني رحت عند وايد دكاتره اتاكد والحين الحمد الله حملي سليم وكل مراجعه اسمع نبضه لاتحاتين واذا فيه شي فالله كاتبه وربي يفرحج بضناج يارب

 

[كلاسيكال]

ان شاء الله يبين بالاسبوع الياي او اللي بعده لاتحاتين وادعي ربج واستغفري

 

[SKY123]

ذكرتيني في نفسي انا رحت سويت سونار وقالولي ماكو نبض واحتمال كيييس بدوون جنييين ولازم تنزلينه
حزنت ضاااق خلقي حييل بس صبرت
وبعد اسبوعين رديت سويت سونار ولقيت النبض فديييييييييته سرييع
سألت الدكتوره قالت لي احيانا يصير تبويض مادري تكوويين متأخر.
الحين انا بالثامن الحمدالله
حتى بعد اسبوعين اذا ماكو نبض روحي وراها باسبووع عشان تتأكدين اكثر

 

[غلا عبودي]

والله ياختي ماودي اضيق صدرك بس انا مثل حالتك حملت بشهر 9اللي راح ولما سويت سونار بال6 مافي نبض وقالت لي بعد اسبوعين هم بعد ماكو نبض طول شهر رمضان وقالت خلاص لازم تنظيف ورفضت قلت بنزل من الل هانا مارح انزله وفلا 3 يوم بالعيد نزل نزيف وسويت تنظيف والحمد لله مامر شهرين الاوحملت والحمد لله اانا الحين في الشهر السادس وان شاء الله الله يكرمني بتمااااامه
ع فكره انا مثلك كنت بكريه

 

[^^دموع الكويت^^]

اول شي الف مبروك الحمال والله يتمم عليج لا تحاتين بعضهم ما يبين معاهم النبض الا بالاسبوع الثامن

 

[::مسك::]

حبيبتي انا اخر دورة ١١ مارس وانا الحيين خلصت الاسبوع الثامن يعني انتي بالاسبوع العاشر حسبتج غلط ماابي اضيق خلقج ماايصير لليلحين مافي نبض الا اذا دورتج مو منتظمه والتبيويض صار متاخر احتمال الله يرزقج ان شالله نطري جم يوم وسوي سونار والله يكتب اللي فيه الخييير

 

[عبث طفله]

عادي حياتي يمكن التبويض صار عندج متأخر ..

ترى شكثر اعرفهم ما يسمعون النبض الا بالتاسع او الثامن ..

انطري اسبوعين وروحي والله كريم...

الله يطمن قلبج يارب

 

[Violetta]

عليج بالدعاء حبيبتي النبض يعطونج فرصه لي الاسبوع التاسع

 

[بنت_ابوها]

حبيباتي و الله ماقصرتوا عالردود و الي حامل الله يثبته ان شاءالله ويرزقها باحلى بيبي


مسك و الله خرعتيني انا الدكتور سألني باول موعد لي متى اخر يوم دوره وسوالي سونار وقال النبض مايبين الا بالخامس هالحجي قبل ٣ اسابيع

بس الي فهمته من كلامه اني قبل ٣ اسابيع كنت بالرابع والحين بالسابع

 

[كويتيه مذهله 87]

تبويج الظاهر صار متأخر
روحي بعد اسبوعين وعادي انا نسااتي يااتني اخر الثالث

 

[بتبوتااا]

ان شاء الله مافي الا العافيه حياتي

جذي مره صار معاي قعدت يمكن ربع ساعه تدور النبض وما حصلته رقصت قلبي من الخرعه واخر شي لمن قالت ماكو شي قلت لهاا دوري عدل فوق شوي لانه كله تسمع تحت البطن فراحت صوب تحت السره وسمعنا والحمدلله ..

طمنيناا ياقلبي عليج وان شاء الله الله يتمم حملج على خير

 

[قطيف]

في حملي الأول و كنت بكرية رحت سويت سونار في الاسبوع الرابع و كل شي أوكي

و طول هالفترة ماحسيت بوحم نهائياً و كأني مينونة في الأكل الشهية مفتوحـة على الآخر بعدها نزل مني دم بني في الاسبوع العاشر رحت شافت كيس و جنين بدون نبض و قالت لي بأن حجم الجنين ماتغير و لا صاير فيه نمو فلازم ينزل و صحيح إسبوع و نزل و حملت بعده بشهرين الحمد لله

بس وضعك ان شاء الله غير عني و ربي يثبته لك و تقر عينك و عين أبوه بشوفته

 

[marshmelo0o]

انشاء الله ماكو الا العافيه