باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايتهم حتي

[بنت الأصايل]

اكبر حرامية زين زين زين كل شهر يطلعون لي عله واخر شي يقولي غلطة موظف

 

[shmoo5 2ntha]

رد : باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايتهم حت

وي الله يعوضج إن شاء الله

خلج على زين أحسن إشوي ع الأقل ,,

 

[الجوري74]

نفس الشي صار مع اختي
لما دقت عليهم "زين" قالولها نفس كلامج

 

[غزالي وبس@@]

انا اختي والله الشهر اللي فات نفس الحركه صار فيها لدرجه باعت الايفون وكرهته لانه خلال يومين فاتورتها 50 جذيه انصدمت بس تدبست لازم تدفع مع انها قبلها بجم يوم دافعه
واناتعلمت منها اول ماخذيت الايفون دقيت وقلت افصل الانترنت قالي الموضف على ماييج المسج حاولي ياتسكرين الخط او تنقلين الشريحه بجهاز ثاني عشان مايحسب عليج وهذا اللي صار صج لانه تخيلي اغلب البرامج تحدث نفسها ولا ممكن تتصفحين تفتحين شي يشفط رصيدج دايركت

 

[om deaj]

حبيبتي خطي زين وصارت فيني نفس الحرجة انه الجي بي ار اس يحسب علي من خدمة النت وانا مادري على اساس انها مجاني ومحد قالي

 

[wawiya]

زين العن منهم بالبوق

 

[cuteya1986]

نفس سالفتي بالضببببببط مع نفس الشركة
لمن شريت الايفون برمضان شبكت يوم وااحد والله العظيم ثاني يوم اقطعو خطي
دشيت موقع فيفا اشوف تفاصيل الفاتورة والا مكتوب فاتورة انترنت
بطوووو جبدي
وبدليل انهم نصابين اصلا لمن طلعت هالشركة وحجزنا خطوطنا تذكرون...
انا من يومها وها خطي ماغيرته
طبعا فواتير جان اقول للي يشتغل اقدر احوله كروت قال بعد 6 اشهر
بس عقب مامرت سنة قلت بحوله كروت جان ادق عليهم قلت بحول خطي كروت
قال مايصير انتي اشتريتيه ع اساس انه فواتير بسسس
والحين من متى واهو عندي وشغاله عليه فواتير
ودي اقطعه واشتري زين والا وطنية بصراااحة

 

[ام عفاف الكويت]

انا دقيت ولغيتها من اول ماشريته

 

[G!RLooNa]

نفس الشي بزين لازم تقطعين الخدمه ولا يشبك عالرصيد

 

[ما كو اسم]

بنات بمووووت من القهر والنصب اللى عينك عينك

اول شي عندي خط فواتير فيفا صار له سنتين وهم ايقو فيفا
انزين
وقبل 4 ايام دفعت مكلماتي 70 دينار مكالمات شهريين
قبل يوميين شريت ايفون وكان عندي بلاك بيري بس مافيه انترنت لاغية الخدمه من خطي لان بيتنا في وايرس دي اس ال
واذا ابيه كنت برا اركب خط داتا وهكذا ...

المهم ومن شريت الايفون على اساس الانترنت ملغي وكنت قاعده بالبيت ماطلعت من كثر ما اتعبث فيه ومستانسه وشابكه على الواير لس وبعدها بيوم اللى اهو امس مسكت بدق بالتلفون والا يطلع الخط مقطوووع استغربت قبل جم يوم دافعه مكالماتي 70 شلوووون ينقطع قلت اكيد مايدرون دقيت على خدمه العملاءوالا يقولي عليج فاتوره 60 دينار

قلت بسم الله ماكلمت احد وتاوني رادته من يوميين اذا طارت مكالماتي 5 واللى اذكره مادقيت على احد يذكر كله من تلفون البيت قالي اختي فاتوره انترنت بيوم واحد 40 دينار اللى اهو امس واليوم 16 دينار
تبققت اعيوني قلت له انا اشبك على الدي اس ال خافووو ربكم يوميين ورصيدي يمشي قالي اختي ليش ما دقيتي علينا علشان نلغي لج خدمه الجي بي ار اس لانها من تشتريين الايفون تشتغل على طوول حتى لو انج مو مشتركه بخدمه النت اللى مبرمجه تشتغل من نفسها

مت مت قهر انزين قلت له شالحل انا مالي ذنب قالي حتا احنا مالنا ذنب قلت مالت عليكم يا فيفا يالحراميه عينك عينك شكلي لو مو حاطه مراقبة ميزانيه وحطه حد لمكالماتي يمكن توصلوني الى 2000 حسبي الله ونعم الوكيل ..
يومييين واللى يقهر اني بالبيت 56 دينار حسبي الله عليكم ..

كان المفروض شركه فيفا تبلغ عملاءها ان خدمه الجي بي ار اس حتى لوو في وايرس يمشي من رصيدي ولازم نلغيها

والله رقمي ذهبي وذرب لدرجه ان 6 ارقام مكرره الكل يتمناه من بعد السالفه سددت الفاتوره وقطعته لاني كرهتهم وهم سكرت الايقوو
وببيع الاسهم مابي اي شي في فيفا يمه حتى ما اطيق اشوفهم الحراميه ..

كان المفروض يتساهلووون مع العميل ..

ورحت لزين وشريت لي خط يديد كرووت طبعا وقطعه ايقووو والله يستر منهم ..

مع ان شركه زين رفيجتي تمدح فيهم وتقول ان زوجها كانت الخدمه تسرق تلفونه وتتكلم دولي واهو مايدري يوم وصل الحد 300 وشوي قطعوه وانصدم يوم عرف بشهر واحد 300 وراح لهم وطلع برنت وطلع كله سيرلانكا وفسر لهم السالفه ان الخدامه اللى كانت تتكلم وتصدقوون تحلف شالوو كل المكالمات الدولي وطلع فاتورته 80 تقريبا .. والباقي لغووه .. زين منهم والله..

انتو شرايكم ....

رفيجتج ما عندها سالفه اكو مثل زين حراميه

 

[::كيك وعسل::]

رد : باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايتهم حت

الشركات حراميه بس عندنا لكن روحي شوفي بالدول الثانيه حييل محترمين
ليش يعني الكويتيين ناس تدفع وفلوسهم زياده حسبي الله عليهم

 

[البندري w]

رد : باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايتهم حت

عاد انا ماحب غير البطايق مسبقة الدفع اريحلي

 

[masoo 511]

كل شركات الاتصالات حرامية وبواوقة وعروضهم تافهة وبوق بس شنو انسوي مضطرين نتعامل معاهم جشع مايشبعون ويتفننون بطرق البوق

 

[كوشيه فوشيه]

رد : باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايتهم حت







كلهم نصابين

وخاصتا زيـــــــــــن


قبل فتره عبيت 5 دنانير وشبكت طارت بربع ساعه


لو انج فاتحه وطنيه احسن لج

ع الاقل ارحم من زين


والله يعوض عليج

 

[قطوووة]

كلهم شي العن من شي

 

[الكريستال]

انا قبل كان عندي قطعة ايجو واشتراك بو 15 واول ما يوصل لي مسج ان مزل اشترتكي ادفعه بالنت بنفس الوقت
ذاك ابشعر وصل المسج ودفعت عقب بيومين الا دازين مرة ثانية قلت يمكن مخربطين ولازجم يوم وفاصلينه لان نظامهم شهر بشهره
المهم دقيت معصبة قلت لهم شلون تفصلونه وانا دافعة قبل اسبوع قالو يصير يكون غلط دزي كشف الحساب ان انخصم منج بالفاكس او تعالي راجعينا
بعدين صار الغلط مني لهيت مع العرس وقلت طقاق ال 15
عقب 3 شهور رحت بسأل الفرع عن السالفة ولا يقولون لي عليج 60 قلت شنووووو
انا من 2 شهور منفصل عندي مع اني دافعة يعني انا اللس اطالبكم قال. ان الفاتورة ماشية كل شهر 15
ريلي قال طوفي ودفعهم بس بوق عيني عينكم الاتصالات ناهبينه*

 

[فيونكه فوشية]

رد : باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايتهم حت

انا ما ادافع عنهم
بس هذي مشكله الايفون
لاحظي هالمشكله بس للايفون والتلفونات الثانية لأ ..
انا صارت لي هالمشكله اول ما شريت الايفون الرصيد يطير
لاحظت ان شابك على الـ 3g
وسكرت ال3g
واختفت المسألة
لان صج الشركه ما تقدر توقف الاعدادات هو تلقائي يشتغل عالنت بدون اشتراك
بس الحمد لله اكتشفت الموضوع وتداركته

 

[دراما كوين]

الله يعيييييييييييييينج
وفيفا احسن من غيرها ع الاقل عروضها حلوه , وتسوي مكالمات مجانيه غير خدمه البيست فريند

اما زييييييين شنو شفنا منها ؟؟؟ عمرها سوت مكالمات مجانيه والا مسجات مجانيه ؟؟؟ هالعرووووض تسويها بس حق مصر والسعوديه لما اشووووف اعلاناتها برمضااان تنبط جبدي والله

 

[)( مسألة وقت )(]

رد: رد : باقووني شركة فيفا بيوميين.. ومن اتذكر السالفه اكرههم وصرت ما احب اشوف دعايته

انا ما ادافع عنهم
بس هذي مشكله الايفون
لاحظي هالمشكله بس للايفون والتلفونات الثانية لأ ..
انا صارت لي هالمشكله اول ما شريت الايفون الرصيد يطير
لاحظت ان شابك على الـ 3g
وسكرت ال3g
واختفت المسألة
لان صج الشركه ما تقدر توقف الاعدادات هو تلقائي يشتغل عالنت بدون اشتراك
بس الحمد لله اكتشفت الموضوع وتداركته

أنا نفسك ..

كنت أسكر الـ 3g بس ما أنحلت المشكلة ..

أول ما أخذت الآيفون ما كنت ادري شالسالفة .. دقيت وضفت خدمة الإنترنت والوسائط ..

الله وكيلكم يومين بالضبط كروت ب20 أو 30 دينار ما أتذكر .. مع إن مكالماتي يمكن ما توصل دينار ونص ..

وكان كل شوي يوصل مسج إن ما عندي رصيد كافي طبعا بالإنجليزي .. وما كنت أدري إنه النت هو اللي يسحب الرصيد ..

قمت دقيت على خدمة العملاء وقلت له الموضوع .. قال إيه رصيدك يروح لأنك تستعملين النت .. قلت أنا مسكرة الـ 3g

وشايلة الإعدادات .. قال لا لازم تتوقف الخدمة من عندنا .. قلت أوكي وقفها .. قال تروح الوسائط قلت مو مشكلة ..

وصرت أسكر الـ 3g أحيانا علشان يوفر الشحن :fun22:

ألحين حولت خطي فواتير وحطيت إشتراك نت بـ 7 دنانير وخدمة ويانا بـ 10 دنانير .. بس ليش إني لما أدفع الفاتورة ما

أدفع كاملة فما أدري إذا في بوقات ولا لا ..

جزاكم الله خير نبهتوني .. بطلب كشف تفصيلي وبوقف ببلعوهم إذا في شي .. حاريني .. يقطعون الخط بـ 22 الشهر

ويدرون المعاش ينزل بـ 28 الشهر .. شنو إستهبال ؟؟

فنصيحة .. أخذوا إشتراك نت .. زين عندهم بـ 7 .. وبـ 14 دينار للفواتير .. ما أدري ع باقي الشركات ..

وألحين أخيرا حسوا ونزلوا النت لخطوط الإيزي .. فيه 3 إشتراكات يمكن بـ 5 و 7 و 14 مو متأكدة دقوا وسألوهم ..

أحسن ما تخلون النت مفتوح بدون إشتراك ..