باعيد عندكم... وين أروح؟!!

[أم وضاحي]

مرحبا حبيباتي
إن الله راد إن شاء الله راح أعيد في الكويت:3lm1: و باقعد فيها لمدة أربعة أيام. أبتداء من أول أيام العيد.
المشكلة .. إن هاي أول زيارة لي للكويت .. و ما أعرف وين أروح
شنهي أفضل الأماكن للترفية و التمشي و التسوق ..
بالنسبة للسوق أنا أحب الأستايلات الغريبة و الراقية في نفس الوقت..
و أبغي شغلات حق بنتي وضاحي عمرها قريب السنه:edbf4317b9: ..
و شغلات للبيت .. صواني .. أكواب الشاي و القهوة .. و هالفناتك
أبي تدلوني على أحسن الأماكن إللي أقدر أروح لها..
ودمتم سالمين
:hearting: :hearting: :hearting:

 

[قلم صريح]

الاماكن الترفهية عندج المدينة الترفهية وحديقة الشعب والمركز العلمي

الاسواق

الافينوز والمارينا مول والسالميه اليديده مثل ( سنتر بوينت , الفنار , ليلى جاليري )

وحياج الله بينا

 

[أم وضاحي]

حبيبتي قلم صريح
مشكورة يا عمري ما تقصرين
و الله يحيج يا الغالية

 

[ArEEj]

هلا فيج بديرتج الثانيه
أنصحج بعدة أماكن
المجمعات الافنيوز - المارينا مول - شرق - الكوت - وكلهم فيهم سينمات ومطاعم وكافيهات
المطاعم انصحج بمطعم فريج صويلح اكل كويتى 100%
وتلاقين جدام المطعم سوق السالميه فيه شغلات حلوه

وشارع الخليج العربي كله مطاعم الوجبات السريعه اذا تحبين
وفيه بعد مطعم ميس الغانم وبرج الحمام للاكل اللبنانى
تحبين شغلات تراثيه روحى سوق المباركيه وناسه هناك

ويا هلا ومرحبا فيج

 

[أم وضاحي]

مشكووووووووووووووووووورة يا عمري أريج
وإن شاء الله راح أروح الأماكن إللي وصيتوني عليها..
بس سؤال
المجمعات متى تفتح في العيد؟!!

 

[brettey]

يا قلبي المجمعات تفتح من الساعه 10 صباحا حتى منتصف الليل للمجمعات الي فيهم سينما بس المحلات تسكر 10 بالليل
وعندج المجمعات المهمه بالكويت
الافنيوز -مارينا مول- سوق شرق-الفنار ويمه البستان وليلى غاليري وقبالهم مجمع زهره بس غالي وسنتر بوينت بس مو غالي وايد اسعاره وسط - المهلب - سيتي سنتر السالميه بس رخيص وفيه فوق العاب ترفيهيه حق اليهال
واماكن الترفيه المدينه الترفيهيه وحديقه الشعب
وحياج الله ونتمنى لج اقامه سعيده بينا

 

[أم وضاحي]

حبيبتي brettey
تسلمين يا عمري على هالمعلومات
بس الأوقات إللي ذكرتيها أعتقد أنها في الأيام العادية..
أنا أبي أعرف أوقات الدوام في العيد..
يعني مثلا أول أيام العيد وين أروح و خاصة أني ما أعرف حد بالكويت أزوره
و المجمعات بتفتح ثاني العيد و لا لأ..
وسؤال..
أنا شفت عند أهلي صندوق زي شنطة حق ترامس الشاي و القهوة... بس ماركات .. جايتهم هدية من الكويت ... بس ما أعرف .. من وين بالضبط..
أنا آسفه حبيباتي .. أسأل وايد .. لأن هذي أول مرة أروح الكويت و ودي ما أفوت شي..خخخخخخخخ

 

[dnyay_mll]

اخذي راحتج حبيبتـي
وحيـاج الله بيننـا
اذا تبين مواعين وهالسوالف رامز بالشويخ وكل شويخ فيها مواعين
وعندج سيتي سنتر فوق فيه مواعين
وبعد مركز سلطان
وعموما اذا تبين ترفيه وتمشي
كل شارع الخليج فيه هالسوالف

 

[بنت عبدالغني شربت]

ما قصرو البنات يعطيهم العافيه وحياج الله بالكويت

 

[شيهانه]

حياك الله يا ام وضاحي ... والله يخليلك بنتك ويبلغك فيها ان شاء الله

اذا تبين أشياء غريبه وراقيه ..

فيلا مودا ------------ غوتشي - برادا - ميو ميو - اترو - فيرغامو - بوتيجا فينتا - مارني - دواتشي اند جابانا
هذولي بوتيكات داخل فيلا مودا ( اللحين فترة سيل ما ادري عن التشكيلات الجديدة للربيع نزلت ولا لأ )
والطابق الثاني عندك كول هان + ماركات متعدده مثل ( ميسوني - آنيا - بلو مارين - فيفيان وستوود - وغيرها اشياء غريبه وفخمة جدا وموديلات راااااااااااااااااقيه جدا )
موقعه في الشويخ - المنطقه الحرة


الصالحية ----------- شانيل - كارتير - شوبارد - فالنتينو - فرساتشي - ماكس مارا - لويس فويتون - آيجنر - ديور - كنزو - ماريلا - لايم لايت ( ماركات متعدده ) - كوكو ريبن ( ماركات متعددة وغريبه ) - جيمي تشوو - لوريل - ... الخ ما راح اخلص
شوفي هذا المجمع كثير فيه محلات حلوة وفيه اشياء راقيه وغريبه جدا اهو 3 طوابق كل طابق فيه عدد كبير من المحلات ومتنوعه في بضاعتها واغلبها راااااااااااااقيه جدا مكانه بالصالحية وبجانبه ملاصق فيه الاسطوره هذا بعد بوتيك معروف عندنا مثل فبلا مودا كله ماركات عالمية وهو 3 طوابق فيه للسهره وللاثاث الخفيف للمصممين وفيه ملابس واكسسوارات وشنط
ومقابل المجمع فيه لاين مطاعم مثل جوني ريكوتز - ساشي ياباني - بريد توك - فوشون - لورينزو


مجمع زهرة ---------- مجمع صغير وحلو فيه طلبك من ملابس غريبه والراقيه ( الاسطوره - فوغ - كازا مودا- الفاتنة - لحظة من فضلك - نورامينا - .. الخ ) وفيه محلات اواني شغلهم حلو بالطابق الثاني وفيه بعد القسم الي بره محل معروف عندنا متخصص في ملابس الاطفال شي كشخه وحلو ( كيد ستور ) . ومكانه بالسالمية


الثريا -------- مقابل تقريبا مجمع زهرة فيه بوتيكات ماركات ( كلوي - البرتا فيريتي - جون جاليانو - موسكينو - بوتشي - روبيرتو كفالي - آيس بيرج - كاشاريل - محلات مجوهرات - ومحلات ملابس سهره )


مجمع مريم ------------ السرداب فيه محل اسمه العثمان له مدخل لحاله هذا متخصص ملابس حلو وغاليه وغريبه مثل ساس اند بيد - ماثيو ويليمسون - ايلي صعب وغيره وفيه بالمجمع نورامينا وبعد الحذاء المريح ( احذيه وشنط ايطاليه ) - والسرداب الثاني فيه محل كبييييير للاطفال وكله ماركات حلووووووووه وراااااااااااااقيه ).


الرايه ------------ مجمع حلو وراقي فيه كثير ماركات مثل بيربري - سيلين - BCBG - كاشاريل - اويللي - ويسلز - لوندري - ميسوني - شوميه - عباية نجد - بالي وغيرها وفيه محلات للاطفال كثيره وحلوة وفيه بالطابق الثاني محل كبير من طابقين متخصص اواني ومفروشات للبيت اسمه هوم سيلكشن واايد حلو .. وفيه مطعمين جربي تزورينهم بورجر بوتيك + ماكارون وااايد الاكل لذيذ عن تجربه . ومكانه في شرق

مقابل الرايه في مجمع فيه محل وااحد اسمه 109 جديد فاتح وفيه ماركات cnc - جاليانو - فرساتشي وما ادري بعد اذا تحبين تزورينه واذا لا عادي لانه محل واحد ما ادري يستاهل ولا لا ؟؟


الافينيوز --------- اكبر مجمعات الكويت وااااااااااااايد حلو وفيه كل الماركات العمليه وفيه مطاعم حلوة وفيه كارفور هذا ضروري تزورينه وفيه قسم متخصص لاغراض المنزل بجانب ايكيا ..



المارينا مول ---------- مول كبير فيه ماركات عمليه وفيه محلات تجيب شغلات حلوة وغريبه ( جيد فاشن - سكنتشرز - زربفت ) ومتصل فيه بجسر المارينا كرسينت كله مطاعم وقعدته حلوة ورايقه وخصوصا بالايام هذي ..



الفنار ------------ مول صغير نسبيا فيه ماركات حلوة مثل رالف لورين - غوتشي - وغيرها يعني متنوع وبجانبه مجمع البستان صغير بعد وفيه كريستيان لاكروا والطابق الثاني محلات سهرة وللاطفال وبجانب البستان مجمع ليلي جاليري متخصص ملابس سهره بالطابق الثاني ومحلات مجوهرات الطابق الاول .


سوق شرق ----------- مجمع كبير فيه ماركات كثيره متكون من طابقين .ومقابله مراكز لمعارض بنات الكويت يعرضون فيها بضايعهم من تصاميمهم او من ماركات متعدده يتغير كل 3 ايام اسمهم كاريزما - السدرة - الشرق مقابل المستشفى الاميري



المهلب ------------- في حولي مجمع تلاقين محلات متنوعه صناعتها خصيصا للكويت وفيه محل لجظة من فضلك في ملابس للاطفال مميزة وفيه قسم للاواني شغلاته مميزة جدا ..

 

[الاسطورية]

اهم شي الافينيوز لاتطوفينه

والصالحيه مع الكافيهات الي جباله روعه

 

[أم وضاحي]

تسلمووووووووووووووووووووووووووووووووووون
أنا اليوم مسافرة و راح أروح كل الأماكن إللي ذكرتوها لي
بس إن شاء الله يمدي الوقت عيدكم مبارك
:e3::balo:
::lolo::lolo::lolo::lolo::lolo

 

[MyLittleBerry]

سوالف الشاي والمطاطير والاستكانات لاتطوفين المحل اللي بسرداب مجمع المهلب اللي بمنطقة حولي


المجمعات نفس اللي ذكروها

عندج حق عيالج اذا تبين لبس ماركات عندج مجمع مريم اللي بالسالميه نفس سطرة المجمعات


اماكن ترفيهيه

1- ابراج الكويت حلو حق غدا او ريوق او عشا

2- المدينه الترفيهيه

3- حديقة الشعب الترفيهيه

4- المركز العلمي

5- الجزيره الخضره حلو حق التمشي

6-

 

[شندوخه]

اول يوم عيد مصكرييين