باشتري ايبود لولدي اشرايكم

[كويتيه وافتخر]

السلام عليكم ورحمه الله وبركاته

اشلونكم امهات

انا باشتري ايبود لولدي عمره ثمان سنين بس بغيت رايكم لانه باجازه وماكو شغل وماعنده احد يلعب معاه

راح تنفعه الايبود والا اتجنبها احسن ؟؟

 

[II'3anomaII]

والله الايبود حلو بس خليج مراقبته عدل لان في العاب ما تصلح لهم

و لا تخلينه 24 ساعه مجابلها يعني على الاقل بس 3 ساعات باليوم

او يومين بالاسبوع

 

[ام اغلى الناس]

نفس ما قالت غنومه
اهم شي لا يحط ولا لعبه الا انتي شايفتها و عارفتها
ولا يقعد كل وقته عليها
والاحسن تشركينه بنادي

 

[Q8tya_GirL]

رد : باشتري ايبود لولدي اشرايكم

اي عادي انا بنتي عمرها ثلاث سنين توني شاريه لها ايبود

بس طبعا قبل اي لعبه ينزلها شوفي شنو اهيه بالضبط

 

[حلوة الروح]

اي عادي

بس نفس ما قالو اللي قبلي جيكي على الالعاب

 

[q8y-moon]

اخ من الايبووود ادماااااان
تخيلي شريته لبنتي عمرها 9 سنين
واستخفو اخوانها 3 كاهم يبووون وشريت واحد ثاني ولا زال الهواش مستمررررر
وقررت اشتري 2 حق الباجين افتك من هواشهم
حتي ولدي بو 3 سنييين مدمن حييييييييل عليه

 

[احساس امومة]

رد : باشتري ايبود لولدي اشرايكم

انا قول ماله داعي كلش
يعني ماعنده اجهزة ثانية ( سوني ... بلي ستسشن ....الخ)!!!!!!
انا من رايي تشركينه نادي يكون احسن

 

[Pissy Missy]

اي حبيبتي عادي اخذيله انا ولدي عمره 5 سنين وبنتي عمرها 3 سنين عندهم

بالعكس ترا عيالي وايد مستفيدين منها لان انا حاطه لهم العاب تعليميه وايد حلوه و اغاني طيور الجنه وفيدوات بارني ودورا

وبنتي الي عمرها سنه ونص ذابحتني هواش مع اختها على الايبود شكلي باخذ لها وحده وافتك من نجرتهم

انتي اهم شي اختاري الالعاب المفيدة من الapp store ونزليهم

 

[SARA_912]

بنات بجم ؟؟؟ وفيه انواع منه؟؟؟

 

[مسك وطيب]

رد : باشتري ايبود لولدي اشرايكم

هذي مشكلتكم يا بعض الامهات بس تبين الولد ينشغل باي شيء طووول الوقت ويصكر حلجه عن الحنه والرنه ,,, ماكفاهم بلي ستيشن والبي اس بي هالدور ايبود هالالعاب كلها تشد الاعصاب وموزينه وأثرها يطلع بعدين اسم الله على عيالكم

نصيحه دخلوهم حلقة تحفيظ قرآن او نادي رياضي او تعليمي منها وناسه ومنها يتعلمون شيء يفيدهم ,,, ترى الخدم يشووفون الجرايد ويعرفون سعر الايبود واذا شافت الام حاطه لكل واحد ايبود بتحسدج على مالج وعيالج ماله داعي البذخ والاسراف ,,, وعيالكم امانه

 

[كويتيه وافتخر]

رد : باشتري ايبود لولدي اشرايكم

مشكورين

وانا ولدي ماعنده لا بلي ستشين ولا شيء

يعني اول مره راح اجيب له ومشركته بنادي بس يوم بالاسبوع حاليا



واختي اللي سألت عن السعر
انا شفت عرض يوريكا 8 قيقا ب48
و16 قيقا ب58

 

[لومية]

اخذيله بس لا يقعد طول اليوم عليه مجابله

 

[أحلى الألماس]

عااااااادي اشتريله
انا شاريه لعيالي كلهم والحين
بنتي الصغيره عمرها ثلاث سنوات
هواش مع أخوانها تبيه
وانااااا بعد استانس عليه

 

[حشمه]

رد : باشتري ايبود لولدي اشرايكم

انا عندي ايبود اخلي ولدي يلعب فيه

مو يوميا ومااخليه كله بايده يلعب

واخذه منه واتحجج خلص الشحن

لان عمره 3 سنين

كافي التلفزيون بعد ايبود

حرام حق عيونه

 

[Chic & Unique]

بالعكس انا اقولج اشتريه و انتي مرتاحه راح يلهيه بس راقبي الالعاب فيه العاب شوي تكون كبيره عليه

 

[ام دودو المزيونه]

رد: رد : باشتري ايبود لولدي اشرايكم

هذي مشكلتكم يا بعض الامهات بس تبين الولد ينشغل باي شيء طووول الوقت ويصكر حلجه عن الحنه والرنه ,,, ماكفاهم بلي ستيشن والبي اس بي هالدور ايبود هالالعاب كلها تشد الاعصاب وموزينه وأثرها يطلع بعدين اسم الله على عيالكم

نصيحه دخلوهم حلقة تحفيظ قرآن او نادي رياضي او تعليمي منها وناسه ومنها يتعلمون شيء يفيدهم ,,, ترى الخدم يشووفون الجرايد ويعرفون سعر الايبود واذا شافت الام حاطه لكل واحد ايبود بتحسدج على مالج وعيالج ماله داعي البذخ والاسراف ,,, وعيالكم امانه

حبيبتي من قالج طول الوقت بالعكس بس بأوقات معينة الأيبود فيه العاب تعليمية مفيدة لهم وانا حاطه بالأيبود مالي العاب تعليمية وحلقات توم وجيري وبارني ولبنتي ليزي تاون حتي الأيات المقرره عليها بمنهج القرأن امنزلتها وتسمعها علشان تحفظ ( طريقة حديثة بالتحفيظ ) والغرض من هالشئ لكنا بالمستوصف او بالسيارة مع ابوهم فعلا توقف نجرتهم وطقني واطقك حتي مره بالعيد زايرين ناس من اهلنا اعيالي واعيال اخوي اقعدوا تحت ريلي يطلعون توم وجيري وقمة الهدوء والأدب
ولا تخافين من الخدم اغني مني ومنج والله لا سافروا ما بغي ثلاجة والا فرن والا عجانة والا غسالة اتومتك انا ماعندي غسالة تومتك ومن كل نوع اثنين لها ولأختها غير كانت تارسه الثلاجة من داخل ملابس حتي كرتون الفرن الكهربائي امبطلته وتارسته ملابس واحدث التلفونات عندهم كله من خيرنا
عمي بعينهم اذا بتحسدني هم ما عاشوا الا بديرتنا بخيرها تربربوا وزاد وزنهم عندنا وبنوا بيوتهم بديرهم واحنا بيت ماعندنا
والله ما احرم اعيالي علشان خايفة من عين الخدامة اهم حتي اللقمة بحلجج يطالعونج عليها :eh_s(13):

 

[كويتيه وافتخر]

رد : باشتري ايبود لولدي اشرايكم

مشكورين

 

[ZajiL]

الايبود حلو
بس انتي نزليله الالعاب وتعلمينه شلون ينزلهم
عشان ماينزل على كفيه ويكون تحت رقابتج

 

[الأميرة جوري]

رد : باشتري ايبود لولدي اشرايكم

دخليه نادي الكراتيه تقوي شخصيه وبنيته ....او اي نادي يفيده احسن من الايبود

 

[dnyay_mll]

رد : باشتري ايبود لولدي اشرايكم

كل اليهال الحيـن عندهم اي بود مايات عليه مسكيــــن

بس ديري بالج حزة المدرسـه

خليـه يلعب بـس بالويك انـد