لازوردي
New member
- إنضم
- 4 يناير 2006
- المشاركات
- 4,929
- مستوى التفاعل
- 0
- النقاط
- 0
شلونكم يا حلوين اليوم بحط لكم طريقة الباستا مع الدياي و البيستو و انا احط ساعات معاها طماط مجفف و ساعات لا بس اللي يحب يحط معاها لأنها تطلع لذيذه
المقادير :
اي نوع من الباستا انتوا اتحبون تستخدمون حطوا بس اتكون مفيوحه
صدور دياي بدون عظم مطبوخين و مسحبين اللحم منهم / طبخ الدياي على حسب طريقة كل وحده يعني انا فحت الدياي مع البهار
صلصلة بيستو جاهزه من الجمعيه و ترا مو كل الجمعيات يبيعونها انا خذيتها من جمعية قرطبة و هم اخذها من ماركس اند سبنسر وهم الطماط المجفف هم من جمعية قرطبة او من ماركس اند سبنسر
ملعقه وسط ثوم ناعم
بصله وحده مقطعه الى شرائح
اوريجانو ملعقة وسط
جبنة برميجان مبشوره
انييب مقله كبيره او جدر على حسب الرغبه انحط فيه زيت زيتون و ثوم ناعم و بصل و نحمسهم و بعدين انضيف لهم الدياي اللي سحبناه و نحطه مع الحمسه و بعدين انضيف له فلفل اسود و ناخذ صلصلة البيستو 4 ملاعق كبار و نخلطهم مع الدياي و انضيف لهم الاوريغانو و اذا اتحبون حطوا طماط مجفف معاه و خلطوا و بعدين انضيف لهم الباستا و انخلط كلشي مع بعض و انضيف لهم الملح و عقب انحطهم في البايركس للتقديم و اذا اتحبون ضيفوا على الوجه طماط مجفف او اناناس مقطع صغير او ملعقه من صلصة البيستو + رشه خفيف من جبنة البرميجان
و بالعافيه
