باستا الأجبان الأربعة .. كل من شاف صورتها سألني عن مقاديرها

[UM M&M]

هذي الباستا سويتها لما كنا مسافرين
طبعاً من تأليفي لكنها خطيييييييييييره شويه عليها
هذي مو شهادتي شهادة اللي ذاقوها
المهم

الصوره




المقادير :
- صدور دجاج بدون عظم بدون جلد ( مقطعه مكعبات و متبله من مده بالثلاجه )
- باستا الطواليه نفس اللي بالصوره ( انصحكم لاتستخدمون المطاحن تخرب الطعم .. في وحده بقوطي ازرق لذيذه )
- الأجبان الأربعة ( انا شريتهم مبشورين و مجيسين مع بعض ) اذا مالقيتوا حطو مزرولا و شيدر مبشور
- مشروم فرش مقطع شرايح
- كريمة كي دي دي
- بصل مفروم
- ثوم مهروس
- ماجي دجاج
- كتشب
- بابريكا


الطريقة :

- نحمس البصل في جدر عميق
- نضيف الثوم
- نضيف الماجي
- نضيف المشروم
- نضيف الدجاج مع التقليب لما يتغير لونه و ينشف الماي
- نضيف الكريمة
- نضيف الكتشب + البابريكا
- نقلب بين فترات لما تثقل الصلصه و يقل حجمها
- نضيف تقريبا ملعقتين كبار من الاجبان الاربعه ( او حسب الرغبة )
- بهالوقت نكون سالقين الباستا مع شوية دهن و ملح
- نشخل الباستا من الماي و نضيفها عالصلصه و نقلبها ، تكون جاهزه للتقديم



بنات ترا المقادير كلها حسب الرغبة
ذوقي طول مانتي تطبخين p;
و بالعااااااااااااافيه :eh_s(21):

 

[ام سوسو الحلوة]

رد : باستا الأجبان الأربعة .. كل من شاف صورتها سألني عن مقاديرها

ياااي شكلهااااااا لذيذ تسلم الايااادي
الاكل بالسفر له طعم غيييييييييييير
بس بسالج عن الاجبان الاربعه وين احصلهم
يعني ينباااعووون جاهزين​

 

[UM M&M]

والله انا شريتهم من الجمعيه هناك بامريكا كانوا مبشورين و مجيسين مع بعض
لكن هني بالكويت مادري اذا في او لا
اهم عباره عن مزرولا و شيدر و نوعين ماعرفهم p;

بس اتوقع المزرولا و الشدر يغنون

 

[xxx]

الله شكلها لذيذة

تسلم ايدج

والجبن انا شايفته بمركز سلطان

شيدر + موزريلا مع بعض

 

[جارة القمر]

رد : باستا الأجبان الأربعة .. كل من شاف صورتها سألني عن مقاديرها

مشكووووووووووره


وتسلم ايدج

 

[در الـبحـور]

السلام عليكم

ما شاء الله تبارك الرحمن

بصراحة أموووت عالباستا و شكل الطبخة لذييذة يبيلها تطبيق بإذن الله

تسلم الأيادي حبوبة الله يعطيج العافية

 

[عذب القوافي$]

شكراااااااااا

 

[am_kshaa]

تسلم ايدج
وانشالله اليوم الوالدة تسويها لنا على العشى
واذا طلعت مولذيذة عليج حق ppPP

 

[أم علي الرفاعي]

شكلها خطيييييييييييير !!!!
ابي اجربها !!


تسلم الأيادي
ويعطيج 1000 عافية

 

[مساء مونترو]

تســــــــــــلم ايدج...

 

[شنوووفه]

وااااي يوووعانه شكلها عجيييبه مشكوووره حبيبتي

 

[كولوراديه]

تسلم ايدج

 

[ذات الهمة العالية]

يصير أحط بدال الدجاج لحم

 

[كادي_كادي]

صارلي يومين نفسي بباستا اليوم باذن الله لازم أطبق وآكل يسلمووو

 

[<<لمار>>]

تسلم ايدج وانا مجربتها لذيذة بس انا اسويها مع خضار بجرب الدجاج هالمرة

 

[قطوة@@]

رد : باستا الأجبان الأربعة .. كل من شاف صورتها سألني عن مقاديرها

يمي يمي


حدهاا تشوووق

مشكورة

 

[^^دموع الكويت^^]

رد : باستا الأجبان الأربعة .. كل من شاف صورتها سألني عن مقاديرها

تسلم ايدج
يعطيج العافية


شكلها لذيذة

 

[مسك81]

تسلم ايدج وعيونج

 

[um khaled]

تسلم ايدج
واو

 

[UM M&M]

حياااااااكم الله كلكم
عليكم بالعافيه

سهله و سريعه و لذيذه شتبون اكثر من جذي بعد p;

اللي تسويها تقولي شصار عليها


(( ذات الهمه العاليه ))
يصير اكيد بس يمكن اللحم يصير عرد الدياي اترف و احلى