باخذ رايكم بهالبرنامج خبيرات ماليزيا فيدوني جزاكم الله خير

[& مــشــايــخ &]

السلام عليكم

هذا برنامج مقترح لقضاء 14 يوم في ماليزيا مع الفنادق وقولو لي شرايكم وهل ألغي شي ولا لا؟ وليش؟


2 يوم في سلانجور ألاقامه في فندق (الخيول الذهبية )

4 ايام جزيرة بيننج الإقامه في فندق (باق رويال )أو فندق (جولدن سيند )

2 يوم في جزيرة لنقاوي الاقامه فيلا فندق (برجاي )

5 ايام في كوالامبور الاقامه في فندق (ويستن )أو (ماريوت )

مع العلم انا معاي عيالي هل هالبرنامج يناسبنا؟

وهل انتم مجربين هالفنادق ؟

أتمنى تفيدوني

 

[um 3li]

حبيبتي انا من رايي انج تخلين جزيرة وحدة لمدة ٤ ايام واليومين الي ظلوا قعدي في صنواي لاجون تراها وااايد حلوة و تونس اليهال

 

[um 3li]

في كوالالمبور فندق ماريوت حلو
وفي جزيرة بينانج فندق الشانجريلا جولدن ساندس عجيب

 

[ديناا كوليكشن]

كوالمبورفندق رتز كارلتون اوفندق سكوت فى شارع الغرب

يمدحونه للعاءلات

 

[ArEEj]

دام معاج اطفال انصحج تلغين لنكاوي
المده قصيره وراح تتعبين بالتنقل
بقترح عليج جدول
يومين بفندق الجولدن هورسس والافضل منه الصن واى لاقون
6 ايام بيانيج بالنسبه للفنادق اللى ذكرتيهم مااعرفهم ما سكنت فيهم اعرف بس الهوليدي ان حلو والباي فيو بيتش هم حلو
7 ايام بكولمبور اما ماريوت او الملينيوم افضل الفنادق بالسنتر بشارع العرب

 

[DoDo909]

نصيحه في بينانج اخذي فندق الهوليدي ان لااان مكاانه رووعه والبي فيوو ماااانصح فيه نهائيااا من حيث الموووقع والنظااافه مووشي

اماا لنكاوي مااتصلح معاااج يهااال لااان تحسين رووومانسيه بزيااده

واذاا بتسكنين بسلانجوور مااتسوى الخيوول الذهبيه خااصه مع عياالج انصحج وبشده في صن واي لااقوون حيل عجيب

وكوالالمبوور وااايد عليهاا 3 اياام تملين بصرااحه

وهذا رايي

 

[& مــشــايــخ &]

مشكوري ياقلبي مانحرم منكم ابد

 

[@الليدي لين@]

جدولج واايد حلو حتى فنادقج ماشاء الله

بس انصحج بدال 5 ايام في كوالا خليها 3 ويومين في صن واي لاجون

 

["*آآآنؤؤؤقهـ*"]

حلو
جدولج
مشاءالله
خليج
عليه

بس.الفنادق.اقعدي.عليهم.لاتستعجلين
لان
مومجربتهم


انا
جربت
استانا.وامبيانا
في
كوالا


وبناينع.فندق.الشانجرلا.جولدن


ولنكاوي
فندق.لنكاوي.لاجون

 

[ذهبيه مرصعه بألماس]

هوليدي ان يهبل ...

 

[عنايد]

يمال العافيه

 

[sweetkoko]

التنقل مع يهال صعبه وخاصة جزيرتين نفس الاجواء الغي لنكاوي وخليها رحلة يوم كامل بالسفينه من بيننغ اونس لليهال بيننغ انصحج وبشده شنغيريلا جولدن ساندس روعه موقع وفخامه وخدمممممممممممممممممممممه الصن واي اونس من الغولدن هورس واشرح ونفس الشي تروحين لها رحله نص ساعه بالسياره او اقل من كوالا او من صن واي واخذي يوم كامل فيها بالنسبه لكوالا ماريوت او الملينيوم موقع وفخامه بس واايد عوايل ينزلون بتايم سكوير بس مادري عن مستوااه وموفقه

 

[مي حريري]

ليش موحاطة جنتنغ من ضمن الرحله مدينه خيالية و باردة والغيوم حواليج وفيها مدينه العاب كبيرة وعروض الفنتازيا بصراحة لاطوفج عجيبة انا قعدت فيها يوميين \\\\