باجر موعدي عند الدكتورة

[ghadeer212]

اخر دورة نزلت بتاريخ 20/08/2013 وتاريخ 16/09/2013 نزلت افرازات بنية ولليوم وهي تنزل واحس بانتفاخ في صدري والم اسفل الظهر!

على العلم كنت اعاني من تكيس قبل وعندي بنت عمرها سنتين.

هل في مجال اني اكون حامل (مااتمنى هالشي يصير) او انه تكيسس
خذيت لي موعد بكره واشوف!!!

من مرت بهالشي والله اني خايفة اكون حامل.

بس الحين عشرة ايام هالبني معقول فيه حمل!!!!

 

[Aloe Vera]

مادري كلشي جايز

الله يكتبلج اللي فيه الخير

 

[مذهلة2013]

حبيبتي سبحان الله حرمه عن حرمه يفرق

بس انا نزل عليي افراز بني وهذا شيء مو زين اذا انتي حامل لانه عقبه سبحان الله نزل وردي وعقبه دم
انا كنت حامل حمل كيميائي وسبحان الله نزل على هيئة دوره ... الي اعرفه الحامل بعض الافرازات خطره مثل البني و الدم و الوردي بس يمكن بدايه حمل لانه حرمه عن حرمه تفررررررررررررق اكييد والله

ربي يحقق لج الي تبيه

 

[أم بشبوشة]

يبين بالتحليل الهرموني

 

[fofowa_q8]

اي ممكن يكون حمل ديري بالج هالافرازات موزينه

ممكن الله لايقول يكون اجهاض منذر صارت معاي

نزل تكرمين بني وبعدين دم واجهضت

 

[مــتــنــحــة]

انا فبناتي بالذات لازم تنزل معاي هالافرازات البنيه

ويعطوني مثبتات

ويكون حمل

واذا حمل ديري بالج تحلطمين وتضايقين

والله العظيم صارلي نفس الموقف ماحمدت ربي عالنعمه

قمت اتحلطم مو وقته وماله داعي وهالحمال بالوقت الضايع

وربي يوم رحت بسمع النبض وقالوا مافيه احس قلبي اللي وقف نبضه

انبني ضميري وتضايقت من نفسي وكسر خاطري

اقول لوحامده ربي عالنعمه يمكن الحين يكون بين ايديني

واجهضته ومن بعد الاجهاض وانا فقر دم وانيميا لاني نزفت لين شالوني بين الحياه والموت للمستشفى

احمدوا ربكم عالعافيه ،، غيرنا يدور ريحة الضنا

واذا ربي كاتب لك انه حمل ماتدرين لو هالولد او بنت يصير احسن عيالج عندج بعدين

والله يسهل امورج يارب

 

[كاريزما حلوة]

ممكن يكون حمل سوي تحلي
ل حمل الله يرزقج

 

[M!SS.LOBY]

الله يكون بعونج

 

[نبض السعاده]

سوي تحليل الله يرزقج

 

[الأميرة جوري]

حللي هرمووووووني

 

[Joury86]

طمنينا شصار