باجر تسجيلي بالجامعه ضروري ارجو الرد الان!

[نورالكوت]

بنات الكويت ياحلوات

محتاره وخايفه باجر تسجيلي ومو عارفه شنو الطلبات يعني شيبون مني ومتى اختبار قدرات والامافيه انا بدش شريعه انشالله ووين اروح بالضبط بالشويخ ساااااااااااااااعدوني واختبار القدرات ضروري اسويه واهم ايصقطون فيه 0000​

 

[نورالكوت]

[i]شدعوه يا حبيباتي ليش مافيه رد ترى معتازتكم يابنات ديرتي [/i]

 

[kwt9090]

حبيبتي دام انج بتقدمين على الشريعه اعتقد مو ضروري تختبرين امتحان قدرات

و الطلبات على ما اذكر نسخه من شهادتج الثنويه و بطاقتج المدنيه و ناسية جم صورة يبون

بس مو ذاكرة عدل الطلبات

و المكان روحي صالة القبول (mtc) بشويخ و انتي بس ادشين اتوقع بنات القوائم ماراح يقصرون معاج راح يدلونج

و ان شاللله البنات يفيدونج اكثر

و موفقه قلبي ..

 

[~~ SaM ~~]

دامج مختاره كلية ادبيه مو شرط القدرات لان ما يدخل ضمن النسبة .. بس تخذينه تمهيدي عادي

و باجر تروحين التسجيل بقاعه الام تي سي بالشويخ

اول ما تدشين عند السيكيورتي عند البوابه قوليله اشلون اروح لقاعه التسجيل واهو يدليج


و تاخذين معاج هالطلبات

1. النسخة الأصلية من شهادة الثانوية العامة .
2. البطاقة المدنية الأصلية سارية المفعول وصورة عنها للمطابقة .
3. صورة من جواز السفر .
4. عدد ( 2) صورة شخصية ملونة وحديثة للمتقدم .
5. مستندات أخرى لإثبات فئة القبول للمتقدم ( للطلبة الغير آويتيين ) .
6. تسديد مقابل نقدي قدره ( 10 دنانير) غير قابلة للرد نظير طلب الإلتحاق .

ورقه تحويل راتب من البنك عشان المكافأه



اي ولازم تروحين قبل الساعه 8 لآنهم يبطلون 8

و طق اعصي اهناك


روحي على 7 او 7 ونص لآن بالارقام



ومبروووووووووووك مقدما

 

[نورالكوت]

مشكورين ماقصرتوا يابنات ديرتي هدا العشم فيكم 000
يعطيكم الف عااااااااااااااااافيه

 

[آلآرجـُوآنْ]

هلا حبيبتي

بس بطاقتح المدنيه وصوره عنها وصورتيين شخصيه لج وشهادتج الاصليه اتوقع بس هذا

وموفقه حبيبتي

 

[وش الحياة بدوني يا بشر]

والله انا بكرا تسجيلي بعد
عسا الله يوفقنا جميعا
ومشكورييييييييين