باب غرفة الولادة

[عبق البنفسج]

بنات شتحطون على باب غرفة الولادة غير التفافيخ
انا مااحب التفافيخ وخلاص صارت شغلة مستهلكة
شنووو عندكم افكار
قبل فترة شفت وحدة حاطة شغلة مدورة مادري اذا كانت خشب ولا فلين وبداخلها محفور اسم البيبي وكلها ورد
صورته ورحت بوابة الهدايا قالي مانسوي ورحت محل ورد قالي لازم تروحين عند النجار يسويلج اياه وعقب انا احطلج الورد السالفة حووسة

 

[عن النسآ أفرق ~]

والله مادري
بس اذا بخاطرج سويها عند نجار سهاله
والله يقر عينج فيه يا رب ♥♥

 

[الروح كالريحان]

روحي للي يصممون كوش للعرايس
اتوقع عندهم
او الي يزينون الطاولات بالعروس والحفلات

 

[عبق البنفسج]

السالفة حوسة اروح عند نجار ولازم واحد يحفر الاسم بخط حلوو وعقب محل ورد


اوكي بشوف محلات الافراااح


موشرط هالفكرة اذا عندكم افكارثانية يريت تساعدوني

 

[FuSheYa]

انا ماحط شي
كافي البوكيهات اللي تبيي احطها بره يم الباب
واساسا اطلب بارتشن خشب اصك فيه الباب من جهه والجهه الثانيه مبطله واخلي الباب مفتوح والورد صوب الجهه المبطله ينترس الممر
انا عن نفسي كللللللش ماحب التفافيخ احسه عيد ميﻻد مو رزه!

والله يسهل عليج وتقومين بالسﻻمه ♥

 

[Aloe Vera]

انا ما احب احط شي
بس شفت ناس مسوين حركات حلوة برويال حياة
وحدة حاطة بدلة كاملة بشت مع دشداشة و حزام صغيرونو عند مسكة الباب
و وحدة معلقة بخنق مطرز عليه بالذهبي اسم البنت
و شفت ناس حاطين لافته زجاج عالارض محفور فيها اسم البيبي بس روعة لان فيها ليت بس باهت مادري شلون مسوينها حيل غريبة و اهما اعتقد لبنانيين بس شي راقي

 

[baa6aa]

تقدرين تروحين محل ورد يحل اول حرف من اسم البيبي كبير تعلقينه عالباب

او تروحين دسمان يسوون لج بالفلين اسم البيبي وتصبغينه و تحطينه قبل المدخل حركه حلوة

او يسوي لج الحروف صغار شوي تحطينهم بالطول عالباب بعد

او تروحين بالوني لاند بالتلال

يتفخون لج بالون على شكل ولد وماسك بالونات باسم الياهل

ونفس الشي على بنيه

 

[سعادة قلبي وياه]

الحين يحطون عند الباب اصايص كبيره ورد طبيعي

 

[أبله أريج]

اااااااااااااااااااب

 

[M!SS.LOBY]

الله يسهل عليج

 

[M!SS.LOBY]

سبحان الله

 

[M!SS.LOBY]

الحمدالله

 

[M!SS.LOBY]

الله أكبر

 

[موجة ~ بحر]

ااب

 

[M!SS.LOBY]

استغفرالله

استغفرالله

استغفرالله

 

[أبكاني ذنبي]

ماله داعي تحطين شي اللي بييبونه لج من ورد حطيه عند الباب

ولا هالحووسه اللي مالها داعية


والله يهون عليج يارب

 

[~Diva~]

سالفه شي على الباب مال اول ويصير المكان أوفر كانه عرس بتان ههههه
احسن شي سويلج باقه ورود عند الباب لبقه فيها فكره

 

[عبق البنفسج]

يعطيكم الف عافية عالافكار
في بنات يمكن مافهموني انا ابي شغلة ناعمة حيل تتعلق عالباب ومابي شي اووفر

 

[حياة ريلي]

شفت وحده حاطه مثل رنر المفرش اللي يكون ضعيف و رابطته من النص و معلقه عليه اول حرف من اسم ولدها شاريته من ايس اللي يصيرون حديد
شكله رزه حدددده
بس انا مع الخوات ما احب اي شي عالباب كافي الورد اللي بره و لو اني حتى ورد برة ما احط
التزيين كله داخل

 

[latkt7as]

تحصلينها عن محل البالونات

اسمه بالون شوب باسواق القرين