بابا في وحدة صاحبتي تحب واحد ومحتاره مش عارفة هو يحبها والا لأ ... تعمل ايه ؟؟

[مدندنه]

كنت اشاهد فيلم قديم لفاتن حمامة وابوها في الفيلم يوسف وهبي ..

هي تحب احمد رمزي ...

ابوها دخل عليها غرفة النوم وقالها " حبيبتي اليوم مش على بعضها مش هتقولي ايه الحكاية ؟ "

قالت له " اصل في وحدة صاحبتي بتحب واحد .. بس مش عارفه بالضبط شعوره من ناحيتها "
( طبعا تتكلم عن نفسها )

ويرد عليها الابو " سلميلي على صاحبتك .. وقوليلها الحب مش عيب بس تتأكد من الراجل وان قصده شربف "


.................... وحكاية زي كده يعني


السؤال ؟؟


يعني لو الوحدة في مجتمعنا حبت واحد .... فعلا مستعده ان تقول لابوها ؟؟

"تقوله مثل فاتن حمامة .. يبه ... في وحدة رفيجتي .. تحب واحد ومو متأكده اذا هو يحبها والا لأ .. شرايك ؟ "
نفرض مثلا زميلها بالجامعه .. وحست انه يحبها او معجب فيها او او او ...

هل من حق البنت ان تقول لابيها ... ان في واحد يحبني ونيته طيبه وشريف ... ؟؟

وماذا ستكون ردة فعل الاب ...

مجرد سؤال .... وخاطرة


................... وتبقى مجرد وجهة نظر

 

[ابيار علي]

عادي مافيها شي اذا الابو متفهم
وخاصه اذا كان حب شريف يعني نهايه زواج مو خرابيط وطلعات وييات
انا لما حبيت قلت حق امي ماقلت حق ابوي لانه ابوي اشوي عصبي بهالامور

 

[مملوحة_الوصايف]

الابو قووويه مستحييييييييييييل انا احس الام اسهل او ما اقولها على طوول الا اذا حست فيني وسألتني اومن الاخر يعني تدري عني بس ساكته هني انا ممكن اقولها بس مو معناته انها بترضى اكلمه اتوقع على طوووووووول بتقوولي خل ايلج ويب اهله ومرسوو عالموضوع

 

[بتبوتااا]

بمجتمعناا طبعا عيب البنت تتكلم مع ابوهاا بهالامور اما العرب عاادي واساسا كل بنت وطريقه تفاهمهاا مع ابوهاا



شوكراا دندون

 

[كوارين]

صعبة عندنا

 

[@ام ضاري@]

لو امي ايه لاكن ابووووووي تبينه يموصطني بالعقاااال
انا حبيت وخذة اللي احبه وامي درات اخر شي

 

[محدقدي]

اكيد دندونه الابو بيذبحا والام بتجلط والحبييب جالس يقرا الخبر في الجريده اوالنت ويقول مسيجينه شحقه ذبحا ومادرا انه اهو السبه صارت قصه ومشكور حبيبتي على ها الخطره الي اتودي ورا الشمس

 

[سيدة الذوق]

بالنسبه للابوي فهو متفهم وقريب لي اكثر من امي
بس اني اقوله احب واحد قويه لاعاداتنا ولاتقاليدنا تسمح الا اذا كان واحد معاي بدوام ولا تعلافت من الجماعه اقول يبه هذا يحاول يتقرب من شلون اتعامل معاه وانا مادري شقصده زواج ولا لعب

ويعطيج الف عافيه عالموضوع التحفه يابت

 

[النوري]

لو بنتي بمصع رقبتها ..

وأحس الله ما خلأ .. على قولة اللبناني .

هذا اللي ناقص ..أحب واحد ..

عشنا وشفنا.. يجوز على بنات هاليومين .. وع منهم مايعين .. و كله يتشكون ..

 

[غلاي غير]

مدام الرجال عنده نيه زواج ليش كلام الحب ما الحب يروح بيت البنت ويقول وياويل قلبي اقول لبوي كاااااااااااااااااااااااااااااااااااااارثه

وماله داعي ندخل بالحرام والحلال

 

[كتكوته و اموره]

لا يبة شسالفة يحليلي وانا اقول حق ابوي يبة انا احب واحد بس مادري شلون اخلية يحبني لووووووووووووووووووووووووول والله يذبحني احس في خوات كبار او ام او خالات اكلمهم بس مو ابوي

 

[Stylista_Q8]

يمكن مادري

 

[Om Ghanem 75]

اكيد دندونه الابو بيذبحا والام بتجلط والحبييب جالس يقرا الخبر في الجريده اوالنت ويقول مسيجينه شحقه ذبحا ومادرا انه اهو السبه صارت قصه ومشكور حبيبتي على ها الخطره الي اتودي ورا الشمس

ههههههههههههههههههههههههههه

ضحكتينييييييييييييييييييييييييي :ggdw:

الاب صعبة كلششششش لا و مو بعيدة يروح الجامعة يفلع راس الريال بس يمكن الام ما يخالف ..

بس اصلا مو حلوة للبنت نفسها تخلي نفسها جذي تحب واحد و تعلق فيه صعبة !!

سؤال شسم الفيلم ؟؟؟

 

[sallyq8]

حسب طبيعة العلاقة بين الأب والبنت وحسب شخصية الأب نفسه
وبعد حسب مواصفات الشخص اللي حبته هالبنت وإذا كان يستاهل ويتشرف فيه الأب فتكون هالشغلة بصالح البنت

ومشكورة حبيبتي على الموضوع

 

[اتعبني غروري 7]

اول شي يعطيج العافيه عالموضوع ...

ثاني شي ... شوفو .. احب واحد واروح اسولف حق اهلي عنه وسوا وقالي ويحبني واحبه
يمااااااه لحقيني .. ولد الفقر زعلان علي .. ولا تشتري هدايا حقه مع امها
لاااااا يبا شالسااالفه (( مع انها صااايره ))

بس اذا بيخطبني ... اروح اقوله يباه ترا في كيت وكيت وكيت ... والصبي بتقدم ..

الحمدلله ابوي متفهم .. عموما اغلب اهلنا متفهمين .. فسهله السالفه تنقال حق ابوي

ولا سالفة .. اخو رفيجتي شافني .. ولد خال وحده من البنات يبيني .. لاااا عندي مالها داعي هالافلام هذي

 

[مدندنه]

لو امي ايه لاكن ابووووووي تبينه يموصطني بالعقاااال
انا حبيت وخذة اللي احبه وامي درات اخر شي

هههههههه .... والله ضحكتيني ام ضاري

خو قوليله وانتي واقفه بعيد .... يعني عن باب الصكة :eh_s(6):

 

[بناتي حبيباتي]

مع الام او الخالات يمكن بس الابو صعبه حيييييل

 

[كعيب الضبي]

هذي فيها قبايل

 

[غربــــة اِحساس]

اذا فاتن بنت حمامة ماقالت لابوها بالفلم

نروح احنا نقول لووووووووووول

على قولة كعيب الظبي فيها قبايل

وفوق هذا الحياء البنت وهيبة الابو والاخوان صعبة نتغاضى عنهم

 

[لولو البحرين]

لو اقول لأمي او أبوي بس عن صديقيتي انها تحب واحد بيقول اذا شفتش مرافقتها براويش مو بعد الا اقوله احب واحد