ورد فاخر والله انا من المتوسط وانا افكر بصدري من كثر ما انا متعقده منه ودايمااا اقرا بهالموضوع .طبعا الفضل يرجع حق هالمنتدى لان لولا تجارب البنات واللي شفته جان ما تشجعت ولا عرفت الدكاتره
طبعاا انا كان اهم شي عندي ان تكون دكتوره مووو دكتور من ناحية اني ارتاح اكثر ومن ناحية الحلال والحرام .. رحت حق دكتوره شيرين ابو الفتوح قبل لا اروح استشاره حق الدكتوره اللي سويت عندهاا و لما رحت حق شيرين كنت محتده عليهاا لان ما كنت اعرف غيرهاا وماكو مره غيرهاا وكنت ابي اسوي عندهاا بس لما رحت حق دكتورتي اللي برويال حياة صراحه حسيت ان شيرين ما تفهم وحسيت ان اللي برويال حياه خبره اكثثثر منهاا
من تجربة اختي وحبيبتي floe اللي ما قصرت وياي أذيتها بالاسئله رحت استشاره حق دكتوره جي اللي برويال حياة فتح الملف ب 30 دينار تكلمت معاها عن كككل شي سألتني ليش بتسوينهاا وقلت لها شنو بخاطري قلت لها ابي فل سي
رحنا غرفة عشان تشوفلي المقااس وقالتلي ان في اختلاف بسيط فراح تحطلي بواحد 350 والثاني 325 .. اتفقنا على موعد العمليه وقبل العمليه بجم يوم رحت سويت تحاليل واشعه حق الصدر مو اشعه مادري شنو اشمهاا نسيت نفس السوناار بس حق الصدر عشان يتأكدون ان كل شي اوكي عقب ما خلصت رحت شفت دكتوور التخدير سألني اسئله وجاوبت عليه وقالولي ردي البيت اذا كل شي اوكي نسوي العمليه يوم السبت ودفعت 200 وباجي المبلغ يوم العمليه
دقو علي من باجر الصبح قالولي كل شي اوكي ونقدر نسويها يوم السبت الساعه 12 ولازم 11 اكون عندهم ومدة العمليه ساعه
يوم العمليه ماكو شعوور كلش لا مستانسه ولا خايفه قمت الصبح تسبحت صليت واستخرت للمره المليون هههه و حطيت هدومي بالجنطه وقعدت امي واختي ورحنا المستشفى
وصلناا دخلوني غرفه لبسوني لبس العمليات وحطولي مغذي وقعدت اسولف مع امي واختي على ما جت الدكتووره , لما جت قعدت تخطط على جسمي وصورت صدري بس بكاميرا مالتهاا وقلت لها بليز حطيلي كبير
قالت راح احط حجم كبير مناسب لجسمج وبنفس الوقت مايضرج
صار وقت العمليه انا من قالو الحين بيدخلووني مادري شصار فيني فصصلت ضحححك جنا احد قاعد يدلدغني ضحك ضحك مو طبيييييعي حتى السسترات قامو يضحكون من ضحكي ووحده سستر مصريه تقولي هذا واحنا للحين ما حطينا لج بنج لما بدوو يدزوني بالسرير بدت الدمووع تنزل من عيوني بس هم مصره على الضحك انا هههههه دموع وضحك بنفس الوقت وصلت غرفة العمليات حطولي البنج نمت وانا اخر شي قاعد اقولهم قولولها ابي سي ههههههههه
ودوني غرفة الافاقه ما وعيت الا والسسترات قاعد يقعدوني قلت لهم نادولي امي دشت امي شفتهاا وعقب ودوني غرفتي .. اول يوم ماحسيت بألم كلش بس كنت احس بثقل بصدري وجتني الدكتوره بالليل قبل لاتسافر عشان تشوفني اول ما شفتها قلت لها شنو سايز الكب اللي راح البسه ؟؟ قامت تضحك تقول لاتخافين بيق سي ارتحت نفسياا انا لوول
ثاني يوم كان الممم حيل بس مو الالم اللي ما تتحملونه لا يعني في حدود المعقول بس انا كنت مخترعه وقاعد يعورنيي طبعا جتني السستر وعطتني مسكن .. انا كل ما حسيت بشوية الم ناديت السستر وعطتني مسكن .. المفروض ان من ثاني يوم اطلع بس انا قعدت يوم زياده حسيت ان اريح بالنسبه لي .. وكانو حاطينلي بربيشين واحد صوب اليمين والثاني اليسار وفاتحين لهم فتحه من تحت الصدر .. السسترات ماقصرو وياي كل شوي مناديتهم عشان المسكن .. ثالث يوم طلعت وعطوني ادويتي وعطوني ابره عشان اقيس جم مل ينزل من البربيش واسجل بورقه واوديها لهم وقت مراجعتي ..
بالنسبه للالم محتمل ومع المسكنات ماتحسين بألم حيل .. انا الصعوبه اللي قاعد تواجهني بس وقت القعده من النوم لاني اكون منسدحه وقت طويل فتكون القعده صعبه علي .. خامس يوم من العمليه شالولي البربيش اليساار والحمممدالله من شالوه حسيت براااااحه اثااري كل تعب الحرككه والثقل من البربيش .. الحين بس باجي البربيش اليمين ماشالوه كانت مراجعتي اليوم وقالولي بعد يومين نشيله .. وبسس هذا اللي الحين صار وياي واي سؤال انا حاضره وانشاءالله مانسيت شي :**
