بأي مستشفى ولدتي وعند اي دكتوره-ساعدي خواتج البجريات

[SweeTa_4ever]

ولادتي بالهادي عند دكتوره نهاد بعيادة ماجده قيصري لانه واجهت مشكله بالمشيمه الله كريم

والحين حامل عند دكتوره دلال السالم اتيييييييييييييييييييين روعه مااااااااشاللللله نفسيتها وسلوووبها حلوييين ومستشفى الهادي لانه كستاف ممتااااز

 

[knooz]

من سنتين في مستشفى المواساة عند الكتوره شاديه سيد عثمان امبيه حدهااا عجيبه

 

[Saroon]

السلام

ولدت بمستشفى السلام الصراحة دكتوورتي وايد زينة وصبوورة وتحملتني وايد انا تعبت وايد بالولادة بس لاني كنت خايفة ولان ماكان فيني حيل الدكتوورة الله يعافيها وايد ساعدتني

دكتورتي ليلى ابو الليل من الانترناشونال كيلينك وبس

وبالنسبة للمستشفى وخدمتها والممرضات كانوا شي رائع ماشالله عليهم كله يبتسمون وايدهم خفيفة بالإبر وساعدوني بكل شي والله حتى يوم اللي كنت بطلع فيه نزلوني غرفة اليهال وورووني شلون اسبح بنتي

وعسى الله يسهل عليكم

 

[الحور]

انا عندي 4 اطفال ولدتهم بمستشفى المواساة والسلام ورويال حياة ..
وكلهم روعه وعنايه .. والدكتوره اكثر من رووووعه اللي هي ناهد العلي ..
الله يسهل عليج يالغلا ..

 

[نونا**]

يعطيكم العافيه

اب

اب

 

[blue rose]

انا ولدت بدار الشفا عند دكتور اسامه قبل شهرين ونص بصراحه الدكتور زين بس طبعا مايا من البدايه اللي بصراحه كانو التوب اهما السسترات ضلو قاعدين عندي من اول مادخلت الولاده لين خلصت وفي وحده بالذات مشالله عليها ساعدتني بالولاده كانت تضغط على بطني حزت الطلق يعني بإختصار السستر اللي تولد مو الدكتور وكمستشفي زين بس دايمن زحمه والغرف صغار وايد حتى الملكي يعني ماتنفع حق اللي بتسوي استقبال وبيولها ناس وايد

 

[رويليه & مزيونة]

|مرااااااااااااااااحب انا ولدت عند نجمه في مستشفى السلام وكانت الولاده طبيعيه وسهله الحمدالله والولاده الجايه عندها ان شالله

 

[Om _ Almona]

ولادتب ببنتي
ولدت: بالهادي (ويــــــــــــــــــــــــــــع)
دكتورتي: نجيبه القطان(تــــــهـــــــبـــــل بس تحب الطلوق الصناعي، مانطرت إنه اييني طلوق طبيعي، وكل اللي اعرفهم من اللي يراجعون عندها ولدتهم بطلوق صناعي)
تجربتي: حلوه كأول بيبي وفرحانه فيه، بس تمررت بالولاده نفسها مع الطلوق الصناعي ظليت 3 أيام اطلق

بس بالنهايه كل شي يهون دام ان البيبي يطلع لج بصحه وعافية

 

[um 3li]

السلام عليكم

ماشاء الله كل شوي نسمع ان وحده من خواتنا ولدت بالسلامه ووايد نفرحلها وندعي ان الله يجعل المولود من مواليد السعاده

اللي نتمناه من كل خواتي اللي ولدوا انهم يشاركونا تجربتهم احنا البجريات لان حدنا متوهقين وكل يوم نسمع راي يعني مايمدينا نختار دكتوره الا ثاني يوم نسمع عنها ذم موطبيعي

وهذا اللي خلانا نتوهق ونحتار وبسبب انها اول تجربه لنا مانبي نجازف ونخاطر ومانبي نتعرض للقيصريات وغيرها من مشاكل الولاده

فاتمنى منكم ان كل وحده تدخل تذكر اسم المستشفى والدكتوره والتجربه هل كانت ايجابيه ام سلبيه

اسم المستشفى:

اسم الدكتوره:

شلون كانت تجربتج:

مانبي بلييز وحده تدخل تقول سمعت عن الدكتوره الفلانيه انها موزينه او كله تولد قيصري مو لان مو واثقين بكلامكم لكن احنا اول تجربه لنا ومانبي نجازف نبي تجربه شخصيه من العضوه نفسها

اتمنى اتمنى من كل الوالدات المشاركه معانا ماتتخيلون شكثر تجربتكم راح تفيدنا وتساعدنا ومن فرج عن مسلم كربه فرج الله عنه كربه من كرب يوم القيامه

وماتدرين يمكن بنصيحتج لوحده من الخوات تمنعين عنها سوء الولاده او تعرضها لتجربه مريره ومضاعفات خطره

والله يسهل على الكل الحمال والولاده يارب :tek:

اسم المستشفى : في بجري هادي
في الثاني رويال حياة


الدكتورة : معصومه مخصيد


تجربتي : هادي لج عليهم وكلش ما ارتحت هناك
رويال حياة صج فرق والحمدلله الحمدلله وايد ارتحت و ودي اولد هناك مرة ثانية وثالثة ورابعه لوووووووول

 

[حيص بيص]

تجربتي الاولى...السلام ...د.نجمه.....رووووووعه..والسهالات من الله
تجربتي الثانيه...الشفا...د.نجيبه القطان ...والله ولادتي متعسره..وطلق صناعي..بس الحمد لله طبيعي
وان شاء الله الثالثه..الشفا ..مع نجيبه..لانه شاطره وصبوره

 

[كوكو لاتي]

كل ولاداتي بدار الشفا

 

[opera]

ولدت برويال حياة ولاده قيصريه بعد طلق 14 ساعه وكنت مفتوحه 10 سم بس الياهل مو راضي ينزل يقولون لانه ماكان عندي قوه عشان ادفع

دكتورتي دلال السالم ..

 

[**فراشة الكويت**]

انا ولدت 2007 بمستشفى الصباح والحمدلله مرتاحه فيه بس قيصري جبته وبالسابع جاني الطلق وبس راسه فوق ومفتوح 10 سم ومافي مجال ينطرون لان الماي نزل
وخلوا زوجي يوقع على العمليه والحمدلله بصراحه ماقصروا معاي من دكتور او سسترات
وشوفي حبيبتي
ما في فرق بين حكومه وخاص
كل شي بيد رب العالمين والسهاله من الله
والله يسهل على كل حامل ولادتها ​

 

[حبيبة أبوهاآ]

مشكورين حبيباتي على هالمعلومات

 

[م.أسومة]

مشكورين بنات ماقصرتوا و في ميزان حسناتكم
استفدنا منكم وايد و الله يحفظ عيالكم و ازواجكم

 

[al7noona]

ولدت بالهادي اول مره عند د بهواني وطبيعي وثاني مره كنت اراجع عند بهواني طول حملي ولما دشيت التاسع قالت لي ترى انا بسافر عرس بنتي وحولت على د انيتا ماشالله زينه وارتحت لها وولدتني ابنتي الثانيه طبيعي وانطرت علي وايد الحمدالله والسهالات من رب العالمين

 

[وحده كويتيه]

انا ولدت بدار الشفا عند د. حسام كمال وحسبي الله عليه تعبني انا وولدي ب 2006 وحاش ولدي نقص اكسجين وديروا بالكم بنااات العنايه بالبيببي هناك ولا شي يعني يوني قالولي تبين نوقف الاجهزه ويموت لانه احتمال يعيش معاااق طبعا على طول نقلته الصباح والحمدلله مافيه الا العافيه صج شوي متأخر بس طبيعي الحمدلله وكل شي كتبه ربج بس صج الدكتور كان مادي ما رضى احد يولدني ليما يوصل وطول علي

 

[نونا**]

يعطيكم العافيه بنات

وايد وايد تجاربكم مفيده


وحده كويتيه حسبي الله عليه بغى يذبح ولدج

اهمال بشكل كبير

بس الحمدالله على سلامة ولدج ان شالله تشوفينه معرس ياااااااااااااارب

 

[روعة خيال]

انا ولدت بنتي برويال حياة عند الدكتورة امل عبدالعزيز الراشد

الصراااااحة لي يومكم اشكر ربي اللي وداني لها تهببببببببببببببل نفسية روووعة ولادتي الساعة 5 و كانت موجودة و انا توني واصلة المستشفى و عنايتهم بالاطفال واااااااااااااااااااااااااااااااااااااااااااو بحياتي ما شفت عناية جذي و انشالله ولادتي الثانية برويال حياااة

و اللي تقوولي طلع غاالي يمكن من الميني بااار او من الياهل كان شوي تعباان

انا بجريتي بنت بس يبتها بالثامن و يالها بصفار و حطولها جهااز و انا مرتين اخلص الميني باار و اطلب اكل من مطعمهم عششان الضيووف كله طلع علي 1095 بالضببببببببببببببببط يعني لو بنتي ماكان فيها شي جاان اقل بوااااااااااااايد بس الحمدلله عنايتهم فندقية اكثر ماهي سريرية

و لي الحين ارااجع عندهم

و الله يسهل عليكم يا البجرية

 

[نونا**]

يعطيج روعه على طرح تجربتج

ويابنات بليز نبي تجاربكم بعد لاتبخلون علينا