بأي مستشفى ولدتي وعند اي دكتوره-ساعدي خواتج البجريات

[صريحة النسب]

بنات ودي اعرف منو كانت ولادتها الاولى قيصريه .. والثاني طبيعي وشنو كانت المشكله في المره الاولى

والولاده الثانيه عند منو اهم شي .. عفيه ضرووووووووووووووووووري

 

[3rosa]

ولدت بدار الشفا دكتوري محمود الاسطل خارج مستشفى

 

[فرفشه منعنشه]

ولدت في السلام
عند دكتورة نجلاء الزعفراني
قمة بالاخلاق واللطافه والاسلوب الراقي ومعاملتها حيل حلوة وحبوبه وتدخل معاج من اول لحظه وما تفارقج غير لصلاتها وترجع وتباشرج بنفسها طول الوقت وحيل صبورة وتشجعج اثناء الولاده وتقرا عليج القر ان وتهون عليج بالكلام
ولدت مرتين عندهم والعناية والنظافة والاسعااار تينن واللحين المره الثالثه انشالله بعد عندهم ونفس الدكتورة باذن الله

 

[نونا**]

ماقصرتوا بنوتات ^_^

 

[msmshasnsn]

2001 كانت بالسلام عند فجايا بس حسبي الله عليهاالعبت فيني لعب الا بتولدني ولاده طبيعيه مع اني قلتلها انا ما اولد طبيعي وقالت الدكتور اللي قالج هالكلام مايفهم وحطتلي طلق صناعي من الثلاثه لي الخميس وانا اطلق والرحم موراظي يفتح اكثر من 5سم لانه انا عندي الرحم ظيج خلقه ومردها سوت لي قيصريه بعد معاناه 3 ايام وانا اطلق
2005 بالمواساه عند الافغاني قيصريه بس الحمدالله رب العالمين كانت سهاله وهالمره انشاءالله عنده

 

[نونا**]

امبيييه

حدها غلطانه

مشكوره حبيبتي على طرح تجربتج

 

[الفرح والدلال لي]

انا تجربتي الاولى كانت بالفروانية لان كل مستشفيات الخاص ارفضت تستقبلني لاني كنت وايد تعبانة وكانت تجربة مريرة وصعبة وماتنسى وهذا الحجي من 6 سنوات وتجربتي الثانية من 9 شهور كانت برويال حياة عند الدكتورة امل عبدالعزيز وكانت ولادة عجييييييييبة مريحة وسهلة والحمدلله على كل حاااااال بالرغم من انها كانت قيصرية بس هم كانت مريحة اريح من الطبيعية وان شاء الله اذا الله كتب بالحمال الثالث من غير تفكير رويال وامل امي الحنونة

 

[njoom1]

انا ولدت بمستشفى طيبه .. دكتورتي منى خوووش دكتوره والله تهبل

بس العداااان >>>> وعععععع صراحه اختي ولدت هناك وخوفتني منهم قلت والله ماروح اولد عندهم
مايبون وحده تصرخ والله تقولي اللي تصرخ يطقونها ويقرصونها لااا ويطنشووونها بعد !!!

 

[ZOHOR]

انا بدش عرض
اول ولاده بالفروانيه
عند دكتور اسمه جمال
وكانت من اروع لحظات حياتى لانه كان حيل مراعينى ويهبل بمراعاته
وكانو السسترات 4معاى
مع انى موواسطه

بس ربي سهل لى ولادتى وجبت احلى ولد
وكانت ولادتى قبل 7سنوات
وبنات قبل لاتطلبون الدكتوره وتحاتونها
ادعو ربي يسهل ولادتكم
لا
لا الدكتورة ولا المستشفى والطاقم اهو اللى بيسهلها
وعسى ربي يسهل لكم ولادتكم
ويوصلنى ويفرحنى
اميييييييييييييييييييييييييييين يارب العالمين

الحين موجود ولالا؟؟؟

ياريت تقولين فراونية دكاترة حلوين ولالا..

 

[زهرة الزهور]

ايه والله ودنا نعرف

 

[ZOHOR]

انا تجربتي الاولى كانت بالفروانية لان كل مستشفيات الخاص ارفضت تستقبلني لاني كنت وايد تعبانة وكانت تجربة مريرة وصعبة وماتنسى وهذا الحجي من 6 سنوات وتجربتي الثانية من 9 شهور كانت برويال حياة عند الدكتورة امل عبدالعزيز وكانت ولادة عجييييييييبة مريحة وسهلة والحمدلله على كل حاااااال بالرغم من انها كانت قيصرية بس هم كانت مريحة اريح من الطبيعية وان شاء الله اذا الله كتب بالحمال الثالث من غير تفكير رويال وامل امي الحنونة

شلون المستشفى الفروانية زين ولالا؟؟؟

 

[عمشه المنتفشه]

انا ولدت بجري بدار الشفا عند دكتور حسام

يهبل هالانساتن روووووعه اسلوبه وتعامله

صراحه هو ماكان معاي من البدايه لان كان يوم اجازته ياني اخر شي وماشالله على كلام امي وخالتي اللي كانوا معاي داخل

قالوا سيده دخل ايده وطلع الياهل بكل سهاله وايده خفيفه

وثاني يوم وثالث يوم ياني الغرفه قعد ويسولف ويقولي امريني ياحبيبتي انا ياي عشانج قولي اللي عندج

والا اللي غيره خلاص اخذ فلوسه شيبي فيني

وعقب الاربعين عطاني حبوب مانع وعطاني رقمه قالي اذا صارلج اي مشكله مع الحبوب او اي شي دقي علي ليش تيين

تدفعين فلوس على سؤال عادي

صراحه يزاه الله خير اصلا الكل يمدحه هناك وهو رئيس القسم

وعادي كل دكتور تلاقين عليه ناس تمدحه وناس تذمه كل وحده وتجربتها

مثلا عندج ناهده هني ثلاث ارباع المنتدى يمدحةنها ويحبونها

الاسبوع اللي طاف بالمستشفى سمعت ثنتين يسولفون عنها ويذمونها حيل حيل

يعني السهلات من الله والدكتور هو سبب بس


والحين حمالي الثاني اراجع عند مصطفى تومسو بس توني شهرين ووقت الولاده يمكن بختار دكتوره مابي دكتور

بس الولاده محتاره شكلي بغير عن دار الشفا رفعوا اسعارهم وتغيروا

 

[كويتيه شقره]

انا في بجري يبتها بسنه 2007 عند دكتوره فيرجينا مارتن اللي بالمواساه بصرااحه حبووبه..
وهمن بالثانيه سنه 2008 عند نفس الدكتوره ونفس المستشفي
بس ولادتي تعسرت شويه