بأي عمر تتمنين تتزوجين؟وليش؟؟؟

[vogue grl]

السلام عليكم بنات


انا حابه اطرح موضوع :بأي عمر تتمنين تتزوجين وليش؟



تفضلين تتزوجين وانتي للحينج تدرسين وماخلصتي دراسه ولا؟


وشنو تتمنين يكون زوج مستقبل من ناحية الشهادة والوظيفه والشكل والعايله؟


متى تحسين انج تتسرعين بلزواج ومتى تحسين انه اختيارج صحيح؟



هل تؤمنين بأستقلاليتك ولاتربطينها في زوجك؟يعني تخافين تكونين مقيده؟


جم طفل تبين؟ ولا ماعندج عدد معين يعني عادي لو تيبين اكثر من 5؟


واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟


متى يكون زواج نعمه ونقمه؟


هل لديكي مخاوف من زواج؟ماهي شاركينا؟


برايج متى البنت ماتزوج؟وشنو تنصحين البنات؟؟



برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )​

 

[vogue grl]

بنات وينكم؟!

 

[وجن الحب]

ياقلبو صباح الورد
انا متزوجة بس ابي اجاوب على اسالتك توي ماتزوجت لي سنة ونص
انا تمنيت اتزوج وانا في بدايات العشرين قوليلي لييييييييييييييييييييش؟ اقولك ا/ البنت تكبر كثير بعد الزواج وفي سن العشرين تحب تهتم في نفسها وااااااااايد يعني مابي اتزوج في 30 وبعدين يخرب جسمي ومايمديني الحق علية
2/ ابي عيالي يكوني قريب مني ابي اصير صديقتهم حيل مابي احس ان اهما في عالم وانا بعالم
3/ كنت ابي البس اثوب الابيض بسرعة ههههههههههههههههههههه
اما بنسبة لدراسة وووووووووووووووووووووووعععععععععععععع للللللللللللللللوية ادرس واتزوج حوسة انا خلصت البكلوريس وهذا شرطي على اهلي من البداية ما فية زواج لين اخلص تعليم وكلهم وافقو وشجعوني شهادة البنت اهم والمراءة لما تكون مثقفة يرتفع قدرها عند زوجها واهلة على الطاري انا عمري 24 سنة من الرياض بس أموت في كلامكم ههههههههههههههههه تقليد الاعمى يضر
بنسبة للزوج
كان اهم شي عندي يحن على اهلة واخواتة قولي ليش لان الرجال يبين معدنة الصدقي من معاملتة لاهلة
وحالة ميسور
شكلة مقبول
ومن حسن الحظ زوجي طلع زي مابي الحمد الله الله يرزقك باحسن منة
من جد كنت اخاف من ناحية الاستقلالية والمسؤلية
بس الحمد الله تناقشت معاة من اول مكالمة لية ايام الملكة باسلوب وذوق مو طقاق هههههههههههه
وبينت لة الفواصل الحمراء بيني وبينة وبالفعل اقتنع وارتحت وحسية اني احسنت اختياري لانة بان علية صدقة وجديته من ايام الملكة
وبالمكالمات بتعرفي هو صادق اولا وتحددين مشاعرك ومواقفك
بصراحة بنسبة لليهههههال مازلت اقلد وش رايك ابي 5 او 6 او7 ابي لمة حولي وناسة ابي افتخر فيهم بعدين وابي اغلبهم بنات يازين البنات زيناة
طبعن زوجي مايواطن شي اسمة بيبي لانة في 35 ومايبي دوشة
بس مو علي ولا بكيفة بجيب امة محمد هههههههههههه
بس بنسبة للميزانية وتاثيرها العلم عند الله هو اعلم منا بالخير لنا
اما بنسبة اخوف كنت ميتة مت خلاص من الخوف افكر في بيت ومسؤلية وحمولة ولوية هههههههههه اعجبك
بس كلها خوف نسبي ومع الاستخارة ارتحت حيييييييييييييييييييييييل الحمد الله وترى اذا تم الامر صدق بتندوشين وما عاد تفكرين بهذي الاشياء ما تفكرين الا بعد ماترجعين البيت وتقولين مالي ومال هالدوشة
بالعكس اشجع الكل يتزوج بس يحسن الاختيال في الزوج الكفؤ وتتوكل على ربها والله متعة انك تحسين لك الريموت بالحالك
هههههههههههههههههه
ومحد يصحيك من النوم
وناسة تركبين بالاول ههههههههههههههههه
لك مميزات عديدة
لا تنسين انك اذا زعلتي جاء راضاك بضمة اوبوسة
واذا نام حسيتي انة النونو حقيك تخافين علية وتسعدينة وتشوفين خبراتك في كيد النساء والله بتنصدمين في نفسك كيف انك دااااااااااااااااهية
انصح الوحدة انها ماتتزوج الغامض الي محد يعرفة ولا وش يسوي هذا الانسان داهية الافضل تبطل تتزوج احسن لها من عوار القلب
والله يوفق الجميع

وسلا متك

 

[بنت.المطيري]

18
عشان مايمديني ابطل عيني على الدنيا واصحصح الا بويهي الحبيب
ههههههههههههههههههههه

 

[*عاشقه الورد*]

السلام عليكم بنات

وعليكم السلام ^_^

انا حابه اطرح موضوع :بأي عمر تتمنين تتزوجين وليش؟

انا متزوجه عمري 19 بس برد عليج ..اتمنى لو كنت متزوجه وانا عمري 25 ..السبب لاحقين على المسؤليه خل نستانس

تفضلين تتزوجين وانتي للحينج تدرسين وماخلصتي دراسه ولا؟


طبعا انا توني متخرجه امس كان اخر امتحان فاينل لي ...بس واااي العيشه مستحيله دراسه وزوج وياااهل صج تعبت .انا افضل تكون متخرجه

وشنو تتمنين يكون زوج مستقبل من ناحية الشهادة والوظيفه والشكل والعايله؟

يكون جامعي وخلوق ووظيفه زينه والشكل يكون مملوح لا جميل ولا جيكر
واهم شي العايله تكون اصيله وناس تعرف الاصول والاحترام يكون متبادل


متى تحسين انج تتسرعين بلزواج ومتى تحسين انه اختيارج صحيح؟

مرات اقول وااايد تسرعت بالزواج يعني 19 حسيت اني مو قد مسؤليه بيت وزوج ..بس لما اشوف ريلي وولدي احمد ربي على نصيبي ..

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

لا لا الحمدالله انا اعيش مستقله بس كله برضى زوجي ورضاي وما اتعدى حدودي كل مره متزوجه

جم طفل تبين؟ ولا ماعندج عدد معين يعني عادي لو تيبين اكثر من 5؟

انا عندي واحد الحين ربي يحفظه ..واذا علي انا ارضى ب4 بس ريلي يبي 6 ^_^ وكل شي رزقه من رب العالمين

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

امي كله تقول كل ياهل ايي على هالدنيا ورزقه معاااه ربج ما ينسى احد

متى يكون زواج نعمه ونقمه؟

الزواج نعمه من رب العالمين وستر للمره ..بس يكون نقمه لاصارت المشاكل اللي بينهم مالها حل وينتهي بالطلاق

هل لديكي مخاوف من زواج؟ماهي شاركينا؟

لا

برايج متى البنت ماتزوج؟وشنو تنصحين البنات؟؟

انا برايي ومن كثر ما نشوف بهالزمن ان البنت كل همها اتزوج واحر فلانه واسوي عرس احلى من عرس فلنتانه واسافر كل مكان بس لا ييتي فبيتها ماتبي تهتم لا بالبيت ولا الزوج واليهال ... اذا شافت نفسها مو قد مسؤليه زوج وبيت لا تتزوج ..


برايج تفضلين البنت ماتزوج وتأخر عن زواج على انه تتزوج شخص شايب (اكملي الفراغ وقولي )​

 

[Stylista_Q8]

اسأله وايده وانا وراي امتحان باجر دعواتج :$ لوول

بس بجاوبج بشويه اسألة وانا مو متزوجة

و ودي اتزوج لما يكون عمري 22 ولا 23 ان شالله ع الاقل شفت الدنيـا استااانست وبقالي شويه واتخرج من الجاامعه

والله كريم ان شالله

 

[sweety_love2]

انا تزوجت عمري 20 إلا شهرين الحمدالله زين الزواج بالهعمر وانا عندي 4 الحين الحمدالله والشكر لله
بس لو مخلصه دراستي احسن لي قبل لا اتزوج لانه الدراسه والزواج ومسوؤليه البيبي مشكله مع الدرااااااسه لاني الحين متوهقه شلووووون اكمل دراستي وانا عندي يهال الله يحفظهم يارب بس الله كريم
كل وحده انصحها تخلص دراستها اذا كانت ثانويه او جامعه او اي شي قبل الزواج لانه صج مسوؤليه الزواج والحين شباب هالوقت اكثر مسعجلين على الزواج وما ادراك ما الزوااااج كلها مسوؤليات فوق راسك واهم شي الخدم الحين ومشاكلهم <<<دشيت عرض صح لووووووووووول
بس لا تتسرعون يا بنات إلا إذا كنتي بالعمر شويه كبيره يعني مو حلو البنت تتزوج 27 أو 28 إذا الريال المطلوب بأخلاقه و شهادته وعايلته موجود طبعا
والله يوفقكم جميعا

 

[دندنه23]

اتمنى اتزوج بعمري الحين 25 ان شاءالله

 

[حنان الذكريات]

انا اشوف عمري الحين مناسب جدا للزواج (عمري 26) لاني احس ان تفكيري نضج وصرت اتحمل مسئولية ...
يالله ادعولي اتزوج خلال هالسنه
قولو امين

 

[شوشو الشقيه]

تسلمين يا قمر
اختي هذا لو اكتب فيه من اليوم الي باكر ما يخلص واايد اشياء في بالي ما تخلص
فاي اي عمر اتمني اتزوج سؤال وجيه
بصراحه انا افضل اتزوج لما اشوف الشخص ملائم لي وملائم لطموحاتي وهوايتاتي مو مهم ما نتشارك نفس الهوايات بعد كل شخص له حريته في هوايته مثلا انا احب الرياضه هو يحب كره القدم بعد ما يصير اقوله لازم يكون لك هوايات نفس هواياتي اعطيه فرصه عشان يحس بكيانه بانه شخص مستقل
بس اهم شيء ما يكون عصبي لاني ما اقدر استحمل شيء يعصب علي وزعوله بدرجه كبيره
ثانيا يدفعني لتحقيق ذاتي ويشاركني همومي واحزاني طبعااا لما اشوف الشخص طيب وقلبه ذهب كريم وخلوق ومحترم ويحرتم الناس وذوق
اهم شيء يقدر يستحمل طباعي وتصرفاتي انا تصرفاتي زينه بس لي بعض الافكار تجنن الواحد
انا انسانه احب الدلع والاهتما م ورعايه صدق اقول الصراحه
يعني ياتي لي واحد ما يهتم فيني كل مشغول بشغله اتعب نفسيااااااااااا ههههههههههههه
مو متعوده احد يوبخني اذا وبخوني دمعتي على خدي يكلموني بهدوء عادي اما يوبخوني بشده ما اقدر
انا ما يهمني الفلوس عمري ما اهتميت للفلوس بس اهم شيء عندي الحب والمشاعر الصادقه والاخلاص
ولا ني من النوع الي اطلب كثير انا الي اريد الحب وحنان
بصراحه اهم شيء ما يكون راعي نساء بعد الزواج
ما ينظر لامراه اخري
يكون متساعد في البيت وتربيه الاطفال ويشاركني تربيتهم
ابي يكون له دور في تربيتهم له دور في البيت انا لااحب ون وحدي متسلطه في البيت
احب يكون تعاون من كلا الطرفين وحتى في اصدار قرار يكون كلا الطرفين متناقشين فيه
عشان هو يشيلني وانا اشيله انا مو كل شيء بعرفه اكيد بحتاج له
بصراحه خاطري في تؤائم
بسميهم نوف /هنوف او جنان /افنان او نور /انوار او فاير/فواز او نايف /نواف او نوره /نواره
كم عدد الاطفال اهم شيء يكون عندي تؤائم طفلين
ولد اهم شيء يكون عني ولد وبنات
مواصفات فارس احلامي لازم يكون متعلم وخلوق ومثقف وحكيم وهاديء ودبلوماسي مؤدب رزين وثقيل وليس طائش اي شيء في باله يعمله
ما يهتم لا في دينه ولا لغيره
اهم شيء خلوق مؤدب لاني ما اقدر استحمل نزواته بعد الزواج
ثانياااااا يدفعني عشان اشتغل لاني بصراحه افكر اشتغل فلازم هو يدفعني للعمل
يشجعني ويوقف معاي
ابيه يكون له حضور في البيت ابي احس بوجوده في البيت وابيه يشاركني في كل شيء
بصراحه
يعني في الزواج ابيه يكون واثق فيني لاني مو مستعده اتزوج واحد شكاك لانه بيحول حياتي وحياته جحيم
ثالثا
بصراحه
انا افكر حاليا اتوظف بس برجع لدراستي
لانه حلمي ادخل يا تخصص حقوق او اكمل تخصص الي انا فيه الحين
واحد من الاثنين بختار بصراحه
يا اني بكمل دراستي او اني بتوظف بدرس
واحد من الاثنين
سبحان اله جاء عريس مناسب لي لازم يقبل اني بدرس مو يقول لي مافي دراسه لانه ما برضي انه يحطم احلامي بدقيقه
بصراحه امي تقول لي تزوجي وكملي دراستج اذا جاء رجل مناسب
بس انا بصراحه متوخفه من هذه النقطه بصراحه
ليش
شنو يضمني انه يخلن اكمل دراستي بصراحه
شنو يضمني انه بعد ما اتزوجه يضرب براسه اني ما اكمل دراستي واجلس في البيت
شنو يضمني انه يظهر رجل مثقف يعني يشجعني على تحقيق طموحي اخاف يظهر واحد مثل هذه الرجال الي لما يتزوجون البنت يجلسونها في البيت يمنعون عنها تحقيق طموحاتهاااااا
شنو يضمني بعد يظهر رجل محترم وخلوق وطيب اخاف يظهر راعي نساء ونزوات نسائيه بصراحه وحقير كل يضرب ويشتم
رابعااااااااااااا
اخاف انه ما يهتم فيني وكل يوم مسوي مشاكل وانا مو ناقصه مشاكل بصراحه احب الهدوء وراحه احب اكون دائما رايقه
اخاف يظهر انه ما يحترم اهلي بصراحه انا ما ارضي احد يسيء لاهلي
اخاف بصراحه افشل في الزواج ههههههههههههههه
اخاف بصراحه اتطلق وانا صغيره
بصراحه انا لا اريد الطلاق ابي اعيش مع واحد طوال حياتي نكون اسره متعاونه على قلب واحد
ابي بصراحه تزوج فققط واحد في حياتي
لا اريد ان اتزوج كم رجل في حياتي
اخاف انه يطلقني يروح لمراه اخري يقولون ان الرجل ما له امان
بسرعه ينجذب للنساء
بصراحه اخاف اتطلق لسبب ما اني اخاف انه يتزوج امراه اخري علي انا مستحيل اعيش مع رجل عنده زوجتين
يا انا او هي بصراحه
انا اعرف نفسي بستحمل وصبوره ولكن المخاوف كلها من ادم لانه ما له امان
بصراحه انا ابي اشتغل عشان اصرف على نفسي
واصرف على اطفالي في المستقبل
لو سبحان الله ذهب لمراه اخري عليه بعافيه ما بيهمني لاني اقدر اهتم باطفالي ارعاهم اصرف عليهم ولا اخليهم يحتاجون حق اي احد
ولا اكون تحت رحمته
انا شنو يضمني الحين اجلس في البيت بعدها بكم سنه عقله يطير يشوف امراه اخري تعجبه
يروح عني
بعدها اطفالي من لهم من يصرف عليهم اذا كنت انا ما اشتغل
من كذا ابي اؤمن حياه اطفالي ومستقبلهم اخليهم ما يحتاجون شيء واعوضهم مكان ابوهم
من كذا مستحيل اتنازل عن العمل او الوظيفه
لانه فيه مستقبل اطفالي ابي اؤمن حياتهم
ثانيااااا انا ما تعودت اقول ابي فلوس
احب بنفسي اصرف على نفسي شنو اروح اقلوه عطني فلوس بصراحه فشيله هههههههههههههههه
بصراحه وظيفتي بتعوض اطفالي عن مكان ابوهم حتى لو تخلي عني بيوم من الايام انا لن احتاج له
انا اقدر اعوض اطفالي مكان الاب والام
لو انا ما عندي اطفال بقولها لج ليس مهم الوظيفه او العمل
بس لو صار عندي اطفال الوظيفه
حتى لو كان زوج المستقبل غني عنده فلوس بعد لن اتنازل عن وظيفه
فلوسه له بس بعد لن اتنازل مو متعود اطلب من احد فلوس هذا الشيء طبعي

بصراحه اختي البنت تفضل طوال عمرها عازبه لا تزوج شخص راعي نساء
بصراحه اختي الرجل الذي لديه عده علاقات نسائيه صعب العيش معه
تكرهين حياتك معاه
فانا بصراحه افضل ابقي طوال عمري عازبه ولا اتزوج رجل ذو علاقات نسائيه
لاني بصراحه مو مستعده حق اني اعيش مع شخص اناني يحب نفسه وشخص ما يصون العشره
وشخص يجري اتجاه نزواته
فانا مو مستعده يحول حياتي من بدل الدموع دم
انا مو مستعده بسبب هذا التصرف اني اتطلق واخر شيء اكون مطلقه
انا رافضه فكره شيء اسمه طلاق
ابي اعيش مع انسان طوال حياتي مو ناقصه اني اتزوج وهذه حالتي واتطلق
ابي اعيش مع انسان مرتاحه البال واثقه فيه
مو كل يوم جالسه افكر هل هو بيخوني والله بيجلس حافظ العشره
بصراحه مو مستعده
هو صدق الزواج حلال ما فيها شيء اني اتزوج مره ومرتين
ولكن انا بصراحه نفسي ما بتقبل كل شهر او كل سنه مع واحد
ومن كل زوج عندي طفل او طفلين
بصراحه لا مستحيل اكون جذي
زوجي واحد وقبري واحد وخلاص
والحمد الله
من اختك شوشو الشقيه

 

[PinKiSHo]

انا حابه اطرح موضوع :بأي عمر تتمنين تتزوجين وليش؟


انا عمرري 19 الحييين واتمنى اتزوج عالـ 21 او 22 لان هالعمر يكون الانسان نضج خلاص وعشااان مابي يكون في فرق وايد بيني وبين عيالي


تفضلين تتزوجين وانتي للحينج تدرسين وماخلصتي دراسه ولا؟
لالااااااااا افضل اني اكووون مخلصه درااسه عشاان ارتاااااح وما احاتي ادرس ولا اجابل بيتي وعيالي

وشنو تتمنين يكون زوج مستقبل من ناحية الشهادة والوظيفه والشكل والعايله؟

ابييييي يكون عنده شهاده اتمنااه مهندس مادري لييش :$ وولد عااايله محترمه واهله ناس زينيين وسمعتهم زينه عشان بااجر عيالي يفتخروون بنسبهم ومو مهم يكوون حلو المهم مملوح عالاقل اقدر اطالعه واجابله لوووووووووول واهم شي مايكون قصير لاني اكره القصار ولا طويل وايد لاني اكره الطوال ولابطه ولا عصقوول يعني جسمه حلو وطوله زيييين

متى تحسين انج تتسرعين بلزواج ومتى تحسين انه اختيارج صحيح؟

اذا تززززوجت وااااحد امه نسره لوووول و احمد ربي اذا كان زين ويخاف الله فيني وامه تحبني <<< متعقده من الخالات لووول

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

ابي استقلاليتي اكييد واكره اني اكون مقيده واحلى شي نكوون متفاهمين

جم طفل تبين؟ ولا ماعندج عدد معين يعني عادي لو تيبين اكثر من 5؟
ابيييييي 4 او اذا يووووووني توأم امنيتييييييييي ماااقوول لا

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟
لاا ماحا ارضى صرااحة انااا ابي 4 عشاان ادلعهم واعيشهم احلى عيشه ليش اييب اكثر ويصير المصرووف حده حده

متى يكون زواج نعمه ونقمه؟
يكوون نعمه اذا زوجج يحبج ويحترمج ومدلعج ويكوون نقمه لما يكون عندج ام ريل نسره والناس يتدخلون بحياتكم وتكثر مشاكلكم

هل لديكي مخاوف من زواج؟ماهي شاركينا؟
ايييي اخاف من ليله الدخلة لوووول لاتستغربون صج صج اخاف وكله افكر بهاليووم واخاف ان حريتي تتقيد وريلي يحكرني لاني احب الحرييييه واخاف ان ام ريلي تكوون نسره وانا الي يأذيني ااذيه والي زين معاي اشيله فوق راسي وانا مابيها تكون نسره لان الريال الي امه تحبج اهو يحبج

برايج متى البنت ماتزوج؟وشنو تنصحين البنات؟؟

لا تتزووووج دامهااا بالتعش ليلحين لانها بفتره مراهقه وتبي تعيش حياتها وتشوف الدنيا لاحقه على الزواج والمسؤووليات وانصحهم خلصوا دراستكم وتزوجووووووا

برايج تفضلين البنت ماتزوج وتأخر عن زواج على انه تتزوج شخص.. مدمن وراعي خرابيط وخريج سجون (اكملي الفراغ وقولي )

 

[عمشه جآكسون~]

السلام عليكم بنات

وعليكم السلام ...

انا حابه اطرح موضوع :بأي عمر تتمنين تتزوجين وليش؟


كنت اتمنى اتزوج وانا بعمر 23 لاني كن ناويه اكمل دراستي بمصر بس الحين ملجت وانا بكمل 20 سنه ...

تفضلين تتزوجين وانتي للحينج تدرسين وماخلصتي دراسه ولا؟


عادي اصلا ودي اتزوج وزوجي يقول لاتدرسين قعدي بالبيت لاني اكره الدراسه وقعدت الصبح واكره الدوام واكره المرأه تكرف احس مو حلو وانا ادرس مو حبا بالشهاده لا والله عشان اهلي :eh_s(3):

وشنو تتمنين يكون زوج مستقبل من ناحية الشهادة والوظيفه والشكل والعايله؟
يكون خايق ربه ومتفهم وكريم واهله خوش ناس ...

متى تحسين انج تتسرعين بلزواج ومتى تحسين انه اختيارج صحيح؟

من ناحية زواجي تقدرين تقولين ان يماتدخلت اهلي يسوون الي يبون وانا ساكته بس امي قالت اول مره ها شرايج قلت سوو الي ترتاحون له وتم كل شي يعني للحين مادري انا الي اتخذت قراري او اهلي اتخذوه عني لوووول ...

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

الزوج يسمونه شريك الحياه شي اكيد بكون مقيده فيه
جم طفل تبين؟ ولا ماعندج عدد معين يعني عادي لو تيبين اكثر من 5؟

ما ابي الا اثنين لاني ما احب الاطفال ولا احب اجابلهم :|

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

ماله شغل المصاريف ماتزوج الا وهو قادر ومقتدر ورب العالمين ماينسى احد كلن يولد ورزقه معاه ... بس انا من ناحيتي اهم شي عندي جسمي ثم جسمي ثم جسمي بعد كل ولاده بسوي شد وتجميل وحالتي حاله اخاف على جسمي وشكلي اكثر من اني افكر بالعيال وغيره ...

متى يكون زواج نعمه ونقمه؟
يكون نعمه اذا استقريتي .. ويكون نقمه اذا حسيتي انه مايستاهلج او ما استمريتو مع بعض ( الله لايقوله [ ] )
هل لديكي مخاوف من زواج؟ماهي شاركينا؟
اي والله حيل خايفه حتى بيوم ملجتي بجيت بجي مو طبيعي كله اتخيل اني ماراح اتوفق او انه يكون عصبي عاد انا اكره العصبيه وعلى اي زفه دمعتي قبلي وحدي خايفه وبنفس الوقت مرتاحه لما صليت ودعيت ربي بس الخوف ماكل قلبي والله ...

برايج متى البنت ماتزوج؟وشنو تنصحين البنات؟؟

مافيه كلمة متى البنت ماتتزوج ... اذا جاها نصيبها تحمد ربها ومن ترضو دينه فزوجوه يسألون عنه واذا كان اوكي الحمد الله واذا لا هني لاتتزوج ...

انصحهم يسألون عن الرجال الف مره قبل وخصوصا الرجال تعرف علوم بعض :fun: ...

برايج تفضلين البنت ماتزوج وتأخر عن زواج على انه تتزوج شخص...يخاف ربه وسألين عنه عدل ....(اكملي الفراغ وقولي )​

مشكوره على الموضوع

 

[vogue grl]

مشكورين بنات تفاعلتوا مع الموضوع وتعرفنا على راي كل بنت ونتمنى نشوف المزيد من الاعضاء يشاركونا ويزيدونا ويمكن يفتحون اعيونا على اشياء احنا يمكن نغفل عنها.. وانشالله كل بنت ماتزوجت تتزوج وتاخذ ريال الي بالها وتتوفق معاه امين
وحياكم يا المتزوجات نبي ردودكم نتعلم من خبرتكم ويمكن تنصحون البنات على اشياء قبل زواج وتنبهونهم
اتمنى الموضوع يستمر بردود كل البنات الي ماشاركوا خاصه انه موضوع حساس ومصيري

 

[الشيهاانة]

انا اتمنى اتزوج بعمري الحين 24 ياارب هالسنة ياارب
واتمنى يكون عندي 10 عيال لاني اموووت باليهال , وحلو البنت تتزوج بعد ماتخلص دراستها وتتوظف
على الاقل تكون ناضجه ومتعلمة وواعية اكثر وتعرف تدير بيتها

وبس يسلموووووو عالموضوع

 

[vogue grl]

برايج متى البنت ماتزوج؟وشنو تنصحين البنات؟؟

انا برايي ومن كثر ما نشوف بهالزمن ان البنت كل همها اتزوج واحر فلانه واسوي عرس احلى من عرس فلنتانه واسافر كل مكان بس لا ييتي فبيتها ماتبي تهتم لا بالبيت ولا الزوج واليهال ... اذا شافت نفسها مو قد مسؤليه زوج وبيت لا تتزوج ..

​

اي انا هذا وايد اشووفه يتزوجون عشان فلانه تحتر "

 

[دلوعة أبوهآ]

...

 

[دلوعة أبوهآ]

بأي عمر تتمنين تتزوجين وليش؟

أتمنى أتزوج ويكون عمري 23 أو 24 بالكثير ..
لأني أكون وقتها خلصت دراسه وأرتحت من هم كبير بحياتي ..
ووقتها أكون فاضيه اقابل زوجي وحياتي ومافي شي يشغلني عن زوجي وحياتي الخاصه ..,
تفضلين تتزوجين وانتي للحينج تدرسين وماخلصتي دراسه ولا؟

لا طبعاً مستحيل أتزوج وأنا أدرس
لاني ماقدر أوفق بين الاثنين .. أنا آخر العنقود ودلوعة أبوي وأمي وماعرف اسوي شي بدونهم
ف مستحيل أتزوج وانا بادرس ...
وشنو تتمنين يكون زوج مستقبل من ناحية الشهادة والوظيفه والشكل والعايله؟

أتمنى تكون معاه شهاده عاليه ومركز عالي ..,
ويكون انسان مقبول الشكل يعني وسيم ..,
ومن عايله محترمه وتعرف وتقّدر الغير .. ولهم سمعه زينه وإحترام ..

متى تحسين انج تتسرعين بلزواج ومتى تحسين انه اختيارج صحيح؟

والله ماتزوجت عشان أقول إني تسرعت .. بس مرات كثير
أشوف صديقاتي المتزوجات وعندكم أطفال واشوف شلون حياتهم معقده مع الدراسه
احمد ربي اني ماتزوجت وتسرعت ..,
كل شي بوقته حلوو ..


هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

كل انسان له شخصيه مستقله فيه .. باسوي اللي يريحني ويماشي شخصيتي دام اني ماعصيت ربي و أهلي و زوجي ..,


جم طفل تبين؟ ولا ماعندج عدد معين يعني عادي لو تيبين اكثر من 5؟

أتمنى أجيب توأم بنتين وولد بس .. يعني أبي 3 بس ..
والله يرزقني مثل مابي وأهم شي يكونون بصحه وعافيه ..
واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

والله ع حسب .. بس عموماً مو حلو لما يكون عدد الاطفال كثير ..
الواحد مايقدر ع تربيتهم ومصاريفهم في هالزمن ..,
وانا لي فكرتي مابي اجيب اجيب وارميهم كذا بدون اهتمام وتربيه
خلاص يكونون قليل وأربيهم احسن تربيه
وأصرف عليهم أغلى صررف ..

متى يكون زواج نعمه ونقمه؟

يكون نقمه لما تكثر المشاكل بين الزوجين ومايصير فيه تفاهم واحترام ..


هل لديكي مخاوف من زواج؟ماهي شاركينا؟

لا ان شاءالله ..

برايج متى البنت ماتزوج؟وشنو تنصحين البنات؟؟

لما تكون تبي تتزوج عشان تصيع وتاخذ راحتها أكثر بحكم انها متزوجه
ولما تبي تتفشخر قدام الله وخلقه وتشوف نفسها ع غيرها
وقتها خليها في بيت اهلها أبرك ...

برايج تفضلين البنت ماتزوج وتأخر عن زواج على انه تتزوج شخص مايصلي ولا يعرف ربه ولايخاف منه (اكملي الفراغ وقولي ) ​

​

مشكوره ياعسسسل ع الموضوع ..​

 

[غلاها]

وعليكم السلام والرحمهـ

بأي عمر تتمنين تتزوجين وليش؟
انا عمري 24 آتمنى الزواج هالسنه أو السنه اليايه

تفضلين تتزوجين وانتي للحينج تدرسين وماخلصتي دراسه ولا؟
انا موظفة بمعهد الأبحاث العلمية يعني مو تالبه : )

وشنو تتمنين يكون زوج مستقبل من ناحية الشهادة والوظيفه والشكل والعايله؟
آتمنى ايكون دمقراطي وحبوب وحنون حيل مثل إبوي
ومن ناحيه شهادته اهم شي مخلص الثانويه أو الدبلوم وزين بعد لان اكثرهم فاشلين ههههه
والعايله اهـم شي دينه وأخلاقه اما الاصل عآدي

متى تحسين انج تتسرعين بلزواج ومتى تحسين انه اختيارج صحيح؟
هالجواب ما اقدر اجاوبه

هل تؤمنين بأستقلاليتك ولاتربطينها في زوجك؟يعني تخافين تكونين مقيده؟
استقلاليتي هذي اهم شي لاني تعودت عليها من كنت صغيره
وكل همي وخوفي ان ريلي باجر بيكون حجر ويمنعني من هالشي ويكون مفل

جم طفل تبين؟ ولا ماعندج عدد معين يعني عادي لو تيبين اكثر من 5؟
هالجواب ما اقدر اجاوبه

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟هذا شي بإيد رب العالمين وحده يعني مو بيدي ولا بيد احد ياما ناس قالو احنا استخدمنا حبوب وغيره
لكن حملوو شلون مادري !

متى يكون زواج نعمه ونقمه؟
نعمة لما يكون الإحترام والتفاهم متبادل بين الزوجين
ونغمة لما ينعدم هالشي !

هل لديكي مخاوف من زواج؟ماهي شاركينا؟
كتلة مخآآآآآآآآوف مو واحد ولا اثنين
اخاف انصدم بعد الزواج واتمنى اني ما تزوجت

برايج متى البنت ماتزوج؟وشنو تنصحين البنات؟؟
شلون يعني متى البنت ما اتزوج ؟

برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )
تافه ولا يتسمى ريال

و لا خلا ولا عدم حبيبتي :eh_s(17):
​

 

[توته وااااااااو]

انا عمري الحين 18 وما افكر بالزواج الا ليمن يسير عمري 30 سنه

 

[@@jwan@@]

بأي عمر تتمنين تتزوجين وليش؟

يعني عمر 21 زين

تفضلين تتزوجين وانتي للحينج تدرسين وماخلصتي دراسه ولا؟
ماكو فرق بس اهم شي ما اييب عيال وانا ادرس :\

وشنو تتمنين يكون زوج مستقبل من ناحية الشهادة والوظيفه والشكل والعايله؟

يكون شكله مقبول والباجي مايهمني بس ماتكون شهادته اقل من الدبلوم


هل تؤمنين بأستقلاليتك ولاتربطينها في زوجك؟يعني تخافين تكونين مقيده؟

يعين اكيد اسمع كلام ريلي بس هم انا لازم يكو ن لي راي واذا شي ماعجبني احاول اقنعه ماحب شي ينفرض علي

جم طفل تبين؟ ولا ماعندج عدد معين يعني عادي لو تيبين اكثر من 5؟

ان شاءالله اييب عيال وايد حلوه العايله تكون كبيره

واذ زوجك طلب اكثر من عدد الي تبينه توافقين؟حتى لو انتوا ماتقدرون على مصاريف اكثر من 3 اطفال؟؟؟

ما افكر بلمصاريف خخخ


هل لديكي مخاوف من زواج؟ماهي شاركينا؟

شوي يمكن من اهله واختلاف البيئه شوي وانه يفرض علي شي انا ما ابيه


برايج تفضلين البنت ماتزوج وتأخر عن زواج على انه تتزوج شخص...................(اكملي الفراغ وقولي )

أكيد اذا ماياها شخص مناسب مولازم تتزوج

انا مخطوبه توني دعواتكم لي