بأمانة شنو اللي تغير فيك بعد الزواج؟؟؟!!؟؟!

[.،:"$الـعـوبــــة$":،.]

صارت الدنيا سوداء بعيوني وصرت اتمنى الموت

لحووووووووول أم شيوخ مو لهدرجة !!!؟؟؟ الله يفك ضيقتك يارب !!
​

::زادت عندى العاطفه وصرت حساسه يعنى مجرد احد يقولى بكت ابكى على طوااااااااااال

وانا بعد صارو عيالى وزوجى محور حياتى:ioljnmlk:

يعني صرتي رغيغة !! حلو !
​

وياااااااااااااااي كأنج تتكلمين على لساني س فرقي عنج اني ماغندي عيال
نفسي اصلا من كثر ماني ماطلع صرت نكرة والله عرسي كان كله مو نصة اهلي ورفيجاتي والحين بس انعزالية وافكر استقيل من وظيفتي مادري وش صاير فيني

اي والله ودي ارد نفس قبل !! ازور الناس وأوجبها واشوفها واوسع خاطري !! الله كريم !!
​

واااااااااي مابي اتزوج هونت =(

خخخخخخخخخخخخخ واالله صدق انبني ضميري !! أحس سببت رعب للبنات اللي للحين ماتزوجوا !
​

والله انا دلوعه حيييييييل واهلي مو مقصرين معاي

وانا مستعده اتحمل زوجي والمشاكل واعباء الحياة
بس والله اكثر شي اخاف منه انه بيوم يجرحني لان انا اللي يجرحني بحياتي ما انساه

احنا البنات قلوبنا رقيقه والله الوحده فينا ماتتحمل كلمه حتى لو سوت نفسها قويه بس من داخل تنجرح

الحين انا النوم على كيف جدتن جابت امي <<<<اقصد على كيف كيفي

عاديقولي انتي ماتشبعين نوم
اذا جيتي عندي نومنا مع بعض وقعدتنا مع بعض ......
والله شايله هم ..


الله يعين ياااارب

يا بنت الحلال اذا هي جت على النوم !! سهااااااااالات !!
​

اكثر شي تغير فيني انه لساني صار طويل قبل كنت ادا احد غلط علي احقره جني ما سمعت اللحين لااا صار الكلمه بعشر لوووووووووووووول صرت صج ام ناااااااصر

يلا الحمدالله طلعنا بشي من هالزيجه المقروده

لا انا من قبل الزواج لا يمكن اسكت عن حقي وللحين !! يعني ما تغيرت من هالناحية خخخخخخخخخ !!
​

كل شيئ تغير جسمي وحتي رشاقتي وبصراااااحه كنت بريئه حيل ومااعرف شيءوالحين احس اني عصبيه مو رايقه لشيئ وحتى صارت اروح للناس كلهم ههههههههههههههههههه وشو كمان ايو كنت اتخانق اول مع اخوي اللي اصغر مني بسنتين هل مافي حد اتخانق معه مافي الا زوجي

استغفرالله !! يمكن لو انا نتعوذ من ابليس !! تروح عنا هالضيقة والعصبية اللي عالفاضي والمليان !!
​

امممممممم تغير كل شي كلللللللللل شي

مثل شنو ؟؟
​

خوووش ردود تفتح النفس الصراحه خخخخخخخخخخخخخخخخخخخخخ

شفتي ،، نبي نرفع معنويات البنات اللي على وشك الزواج تهههههههههههههه !!
​

بـنـات حـدكـم ضـيـقـتـو خـلـقـي
مـابـي اتـغـيـر لـمـا اتـزوج

على حسب فيه بنات يتغيرون بعد الزواج لأحسن ، مثل وحدة اعرفها قبل ممنوع اتعدى عتبة بابهم الا للمدرسة أو الطبيب !! الحين ما شالله تبارك الرحمن ما بقى دولة ماراحت !!​

صرت حساسه وايد

..

ماقمت اهتم حق احد طاقتهم بالطوفه

..

همي كله منصب على امي وابوي وريلي واهله

أحسسسسسسسسسسسن شي !!
​

فديتوج العوبه انتى ومواضيعج


انا تغير شغلات واااااااجد فينى


اولها ودعت الراحه والقلب الخالى

صرت حيل احاتى واشيل هم كبير اف

واطبخ وانفخ <<<عذااااب

وانا قبل حتى قلاص ماى مااجيبه لنفسى ههههههههههههههههههههه

وصرت راعيه مسئوليه كبيرة

بس بنفس الوقت حلو

والله يعنيا ياارب

فديت عيونك والله ،، مرورك يشرفني يالغلا ،، وكلنا شلنا الهم عسى ربي يهون علينا انشالله !!
​

كل شي تغير بمعني كلللللللللللللللللل شي

الجسم

النفسية

التفكير

الحساسيه و الحنان الزايد

الماده

حتى علاقاتي

بس احلى ما في ... " الأمـــــــــــــــــــــومة"

شكرا على الموضوع

اي والله الأمومة روعة مع ان عيالي فيلم بروح بس حلوين طيبين بنحبهم فديتهم 1!
​

الحمد لله كل شي صار احلى وكفايه نعمة الذريه وكلمة ماما وصرت ملكة في بيتي اسوي اللي ابيه بمملكتي بس في تغير غريب بحياتي اني كنت وااايد اسرع بالشارع بس من صار عندي عيال قمت ما اسوق إلا بسايد النايمين وما اعدي 80

لأنك شلتي مسؤووليتهم وودك ترجعين لهم سالمة ،، عسى ربي يحفظكم ويخليكم لبعض !!
​

صرت حدى حسااااااسه وابجى على اى شى

شسالفتكم عالحساسية !! لا والله انا صرت تنحة بزيادة مو اي شي يبكيني ،، بالذات قدام زوجي ما حب ابكي !!​

 

[النرجسيه...]

ذااا تزوجت قلتلكم ههههههههههههههههه><>>>>بعد خمس سنين ان شااء الله

 

[طاريه ضيع علومي]

بعد الزواج تعلمت الصبر بالغربه
صرت مسؤله عن شخص اكله لبسه كل شي فيه
ماصرت انام مثل قبل لو شنو ينفجر عندي مااقوم الحين ع طول اقوووم من يدق المنبه واقوم الأخ اللي نايم بجنبي
صرت اطلع كثير كتمشيات مو عزايم وحفلات ومادري شنو بعد ماكنت اربع وعشرين جالسه بالبيت مو السبب من اهلي بعدم طلعاتي السبب مني لانن كنت بيوتيييه حييييييل
جسمي تغير 180 درجه بعد الزواج تزوجت بشهر 7 وبعد شهر العسل سلمت ع اهلي ورجيت للكويت مع زوجي ولما رحت لاهلي بعيد الاضحى الكل انصدم بشكلي نحفففففففت حيييييييل هههههههههه حتى زوجي انحرج من جدتي قالت له حشى شنوحك ذابح بنتنا بالجوووع هههههههههه مانسى شكله لما قالته له جدتي ههههههههه توووووحفه طلع نحفت حيييل بعد الزواج ماصرت اكل لاسباب:
1/استحي منه واذا كنت عند حمولتي بعد استحي منهم
2/انسدت نفسي ع بداية الزواج عشانن بغربه وبعيده عن اهلي والشوووق لهم ذابحني وخوف من الزواج والمسؤليه
3/تعودت ع المقدار اللي صرت اكل فيه بعد الزواج صرت اشبع ع طووول

موووضوووع رائئئئئئئئع يسلمووووو

 

[مجنونة بس عاقلة]

انطويت على نفسي كنت حيل اجتماعيه وانقطعت علاقتي بصديقاتي
اللهم اكلمهم بالمناسبات والاعياد بسسسس
و كنت بريئه ولا اعرف اغلط ولا اجرح او احرج احد بس
عشت مع ناس علموني اطول لساني واصير عوبا بحقي وياويل اللي يدوسلي على طرف
شنسوي هذي حال الدنيا يوم اتذكر شلون كنت هاديه وبريئه اعييييييييييييط واعيييييييييييييييط
اياااااااااام سقى الله هذيك الايام

 

[opera]

ههههههههههه

ضحكتني تعليقات البنات العزابيه


وردود العوبه عليهم

عجيييبه


لوووووووووول

 

[ضمني لكـ]

قبل كنت انام مرتاحه ماهمني احد.... الحين ما اقدر انام الا وولدي جنبي واذا نمت وهو مو عندي راسي يفتر واحاتي .... صدق مسؤوليه
......... ............. ................ ...................... .................................
هذا غير اني قبل كنت هاديه وصوتي ما يطلع .... الحين صايره مصدوعه وكل من شافني قال سبحان اللي يغير ولا يتغير ....
طبعا صوتي ولجتي ما تطلع الا عند اهلي ,,,, ههههههههههههههههههههههههههه

 

[Souly]

شخصيتي تغيرت

 

[كنت اعرفك]

الشخصيه تغيرت شوووي
قبل لا اتزوج كان لساني طويل واقط بالويه
الحين وايد اجامل وماقول اللي بقلبي حق اي احد غير زوجي
وبالعكس عيشتي الحين احلى من العزوبيه بألف مره
معا ريلي شفت الدنيا عدل واكتشفت اماكن يديده بالكويت لول

 

[دلوعة*ريلي]

والله تبين الصراحه اول شي جسمي تغير متنت اشوي من الحمل والولاده
ثانيا صرت وايد حساسه سرعه ابجي مادري ليش
ثالثا انه وايد حنووونه من كنت بنت والحين الحنان زايد فيني حيل وصايره وايد اسكت عن حقي وخصوصا اذا احد ظلمني وغير جذيه اسااااااااامح الناس وما احب ازعل احد مني حتى لو غلطان علي
ويسلمو حبيبتي

 

[حنان الذكريات]

اذا تزوجت اكييد راح اتحمل المسئولية اكثر وما راح اتصرف علي كيفي بكل شي ولازم اشاور ريلي بكل شي اسويه
يعني راح اكون مقيده شوي

 

[مشتاقة الى الله]

انا صرت حساسة وهم صرت منطقية
صرت اتحمل المسؤولية واعرف كيف اعامل كل شخص باسلوبه:klhfl: وشخصيته:ggdw:
غير جذي الحمدلله والشكر ما تغير شيء غير انه خاطري بالحمال فإدعولي بليييييز:0bee2e8d89:​

 

[مجنونة بس عاقلة]

الا ليت الشباب يعود يوماااا
خخخخخخخخخخخخخخخ

 

[@فطفوووطه@]

المسؤوليه عرفت شلون اكون مسؤوله عن زوج وبيت واحس ان في احد يهتم فيني واهتم فيه وقبل الزواج كنت اقول شنو الحب

ولمن تزوجت عرفت الحب والمسؤوليه
ومشكوره عالموضوع الفرفوشي

 

[فانتا ستروبري]

طبعا اول شي تغير فيني جسمي واااااااي على جسمي كنت رشيقة وجسمي اينن اشوف صور الملجة واتحسر

والشي الثاني صرت اتضايق من اي كلمة احد يقطها عليي بسرعة واشيل بخاطري حتى لو شي بسيط

وثالث شي حسيت بالمسؤلية ان عندي ريل وبيت لازم اهتم بكل شي ولا اقصر على ريلي بشي

وسلامتج ومشكورة عالموضوع : )​

 

[حنين]

اذا زواج بغيرني الى احسن ابي اتزوج لاني حدي حساسه يمكن اذا تزوجة يمكن اكشر عن انيابي لوووووووول هلرقيقيه بصير وحش
بس مو اي وحش وحش دلوع لووووووووول

 

[رويال ديزاين]

جسمي تغير ما زاد وزني للاسف هاذي امنيتي ازيد وزني و امتن شوي بس اللي تغير بجسمي قبل كنت عصله بس يهبل جسمي و بطني حيل حلو الحين مكرشه و فيه خطوووط ستريج مارك ويع !


قبل كنت هاديه و صوتي ناعم وواطي ما ارفعه كلش!

الحين اعوذ بالله كله صراخ من بناتي طلعولي قرون و سوالفهم ما تخلص

قبل ماكو عباة الحين عباة

قبل كنت احب الافلام الرومانسيه من خذيت ريلي نسيت شي اسمه رومانسيه يعني قبل الافلام تخليني اتمنى اليوم اللي اتزوج فيه الحين اوووف احس كله جذب و خرابيط و تمثيل بتمثيل لأن ريلي مو رووومااانسي


قبل كنت احس كل اليهال حلوين الحين اشوف اليهال وحوووش

بس الشي الحلو انج تطلعين من مملكة ابوج و امج و يصير عندج مملكه خاصه فيج

 

[عين عذاري @@]

بس اقولكم نسيت الدنيا وتذكرت دنيا عيالي

 

[bent-al-asool]

امممم

بعد الزواج تغير أن ما قمت اواااصل بالسهر ولا أطول بالنوم


صرت حساااسه حيل ولله الحمد إحلا شي تعلمته أني أصبر وبس

 

[جوك احلى جو]

اغلب الردود سلبيه يا خرااااااااشي

 

[انتي كويتيه ارفعي راسج]

صرت اغيـــــــــــــــــــــــر حيـــــــــــــــــــــــــــــــــل

وبعد حســـــــــــــــــــاسهـ حيــــــــــــــــــــل

وشايله هم عايله بنتي وزوجي وبعد خدامتي

>> مسئوليه والله يقدرني عليــهاا

تحياتي لكم كثير كثير