بآخر الثامن وعندي جم من سؤال .$

[MzOoOn 22]

مرحبآ كروؤشات ..

عسى الله يهون علينا بهون وسلامه .. ويسهل ولادتنا يا ارحم الراحمين .. قولوا امين ..

عندي سؤال :


صج اللي يقولون اذا صاحبج عوار وألم اخر الظهر في الشهر الثامن فهذا دليل ع قرب الولاده ..


وانا احس ان بين فخوذي متفججه ماقدر امشي هل هشي طبعيي ولالا ..


وبعد عندي سؤال :

اللحين متى الدكتوره تفحض البجر ... من اول يوم بالتاسع ولا متى ..


وصج ادخل ايدها كلها ((( سوري بنات بس ماتوقع الايد كلها :eh_s(2):

 

[kingq8q8]

العوار هذا عادي مغص خفيف ويروح لان الرحم يتهيأ حق الولاده

ومااظن الدكتوره تفحص اتوقع تسويلج تخطيط والتخطيط يبن اذا فيج طلوق ولا لأ

 

[*صاحبة السمو*]

الام الظهر انا من اول مااحمل لين اولد ظهري يعورني :d
الطلوق مثل المغص يروح ويجي اول شي فترات متباعده بعدين تزييد

وبالنسبه للفحص انا دكورتي فحصتني لما صار لي اسبوعين بشهري وسهالات مايعور الفحص عشان تشوف الرحم مفتوح والا لا


الله يسهل عليج وتولدين بالسلامه

 

[غلات اهلها]

نفس ما قالوا خواتي اللي قبلي

 

[нάγoηά cнεмίsтяγ]

العوار عادي انا اصلا طول فترة حملي عوار ظهر مو دليل

الفحص اتدخل الايد اي بس لا تفكرين شلون و ليش وقتها انشالله سهالات

انا فحصتني بعد اول اسبوع من التاسع

 

[q8 knosha]

انا دكتورتي فوزيه القطان افحصتي يااخير الثامن او اول التاسع ماذكر

و وسعتني بعد ماقص عليج كان يعور بس ثواني وبعدين عادي ماتحسين بشي

و موايدها كلها عاد :/ لول
ياصبعين او صبع ماكان يبين علي

وبيني وبينج احسن عشان تتسهل الولاده لا تتعسر ويتم رحمج مسكر

 

[um haya]

عوار الظهر مثل ما قالو خواتي من بدايه الحمل عوار الظهررر معاج والحوض شي طبيعي مفججين لانه قاعد يتوسع حق طلعة البيبي وبالنسبه للفحص من ثاني اسبوع يفحصون والفحص ترى يحرض الولاده حطيه فبالج لان مرات يوسعوونج شويه عشان يييج الطلق بسرعه

 

[كل دنيتي امي@]

الله يسهل عليج ويقومك بالسلامه ويرزقك الطفل الصالح السليم المعافا البار بوالديه

 

[رهـوم]

عوار الظهر عادي من اول الحمل لي اخره بس انتبهي لفترات الالم لي يتلج متقاربه هذا معناته طلق ويكون بطنج وظهرج مع بعض يعورونج ومرات خاصرتج تعورج معاهم وبالنسبة للفحص انا فحصوني باول يوم من التاسع لان كان فيني طلق وصج كان يعور الفحص وبعد الفحص نزل علي دم تكرمون ونوموني بالمستشفى عبالهم ولاده بس وقف بنفس اليوم الدم وطلعوني ثاني يوم الله يهون عليج ويسهل ولادتج وتقومين بالسلامه انتي والبيبي

 

[أكذب عليك]

الله يسهل عليج يارب ..بجريه ماعرف شي:$

 

[أبكاني ذنبي]

عوار الظهر ماسكني وانا بأخر السابع واكيد بيستمر للثامن شي عادي


وعلى طاري الفحص مادري انا بجريه


وودي الدكتورة تفحصني عشان توسع الرحم ويستعد للولاده ومرات اقول لا اخااف مابي


والله يسهلها عليج وعلي وعلى كل البنات ياارب

 

[ام حور 2012]

انا بعد باخر الثامن
واحس بالم وطلع طلق
واخذت حبوب وابر لتوقيف الطلق

ياارب سهههل ولاتنااا ياااالله

 

[moool]

عادي حبيبتي الالام دايم تكون مع الحمل لكن اذا الالام قويه ونزل منك موية الجنين هاذي تكون علامة الولاده
و في الشهر التاسع تفحص عنق الرحم هل انفتح ولا لا
بس تفحص باصبعين وما يعور ابد
الله يسهل عليك يا رب​

 

[BubbLe87]

امبيه احس جيلنا خرابييييط حمالنا ملزق لول
انا يتني طلوق خفيفة بعد
الله يتمم حملنا على خير يل رب

 

[MzOoOn 22]

مشكورين بنات .....

 

[ام الحلوااات]

اللـــه يـــســـهــــل عـــلـــيـــج ويـــقـــــومـــــج بـــاالـــســـلامــــه

 

[لمسات شمووخ]

انا عن نفسي لما دشيت التاسع. وطلب يفحصني ما رضيت لان ماكان فيني طلق

بس لما سويت سونار ثاني اسبوع من التاسع قالي المشيمه انفصلت ولازم دخول

دخلت وسوووو لي فحص

 

[خوخه العتيبي]

الله يسهل علينا .. بجريه نفسج ماعرف وبنص الثامن يحوشني عوار الفخوذ الم حيل جنها بتنفصل خصوصا وقت النوم مادري شنو السبب . والحركه مو فاهمتها اهو الراس فوق او تحت . وبغيت اسالكم صج البجري هاحتمال تاخذ شهرها كله ماتولد يعني مو شرط تولد اذا دشت التاسع ؟؟؟ وشنو رايكم بالحلبه في الشهر الثامن مضره ؟؟