اي وحده عالجت التكيس ياليت تتفضل هني( محتاجينكم بنات)

[miss_lymoona]

بنات ياليت اي وحده كان فيها تكيس وعالجته تقول لنا تجربتها
لان لاحظت اغلب اسباب تاخر الحمل من التكيس اللي موراضي يروح
ياليت لو وحده تعرف او سمعت شي يوخره تقول لنا

طبعا غير الكولوميد اللي وايد بنات ماسوالهم شي :0bee2e8d89:

انا حاليا قاعده اجرب المرميه ورجيم سمعت انه التكيس بسبب السمنه

يلا بنات ناطرتكم :eh_s(1):

 

[نــعــوومــه]

..............................انا سمعت إنه شراب المردقوش يروحه بإذن الله ..............................

....................................اتمنى لج الشفاء..................................

 

[miss_lymoona]

تسلمين حبيبتي عاد انا شريت مرقدوش استخدمته بس بالبدايه لازم اكمل عليه

بنات نبي تجاربكم

 

[FoOoShYaa]

اتا فيني واخذت حبوب بس يروح ويرجع مافادني لإ المنظار وراحوا

 

[غيـ الناس ـر]

انا مسويه عملية منظار ولا رجع بعدها الحمدالله

 

[miss_lymoona]

صج بنات؟؟ يعني يروح ومايرد الله لايرده انشالله لووووول

انزين شلون عملية المنظار يعور ولا لا مو فاهمه يعني عمليه صجيه ولا لا؟
اشكثر تطول ووين سويتوها وبجم؟؟

انزين دام راح التكيس ليش مافي حمل؟؟

 

[miss_lymoona]

غير الناس...اشكثر تم فيج التكيس حبيبتي؟؟جم شهر او جم سنه وكان بسيط ولا قوي

 

[لوكي 22]

up
انا بعد فيني شلون اوخره ..
وابي اجاوبون نفس الاسئله بلييييييييييز


انزين شلون عملية المنظار يعور ولا لا مو فاهمه يعني عمليه صجيه ولا لا؟
اشكثر تطول ووين سويتوها وبجم؟؟

انزين دام راح التكيس ليش مافي حمل؟؟

ويعطيكم العافيه

 

[كويتيه مذهله 87]

انا برد علي اسئلتكم لان فيني تكيسات من اول بدايه زواجي لان زاد وزني
وكل ما اروح اسوي سونار للاسف التكيسات تزيد
سويت رجيم خذيت مراميه ومرقدوش جميع انواع الاعشاااب ومااااااااااااااااااااااااافـــــــــــــــــــــاد

ودكتوورتي قاالتلي التكيسات تغطي البيوضه ووقت التلقيح ما تخلي الحيوانات المنويه تدش ومايصير حمل

واي من قاالتلي هالشي وانا رااسي يفتر قتلها شنو الحل قالتلي انتي علاجج اذا راحوا التكيسات بسرعه تحملين لان هو الي مأخر حماالي

واقترحت علي اني اسوي كوي تكيسات

سويتها برمضان هالسنه

بنج كامل تكوي التكيسااات وطبعا لمن فج البنج عوار قوي بس بسرعه عطوني مهدئ بالعضل ابر
يومين ظليت متألمه ما ابي اخرعكم وراح العوااار انا تعبت لان كوتهم كلهم وكاانوا وااايد

وكانت اخر دوره لي وماشالله بسرعه حملت

وسويت بعدها سونار ماكو تكيسات الحمدالله

واي سؤال انا حااظره

 

[كويتيه مذهله 87]

up
انا بعد فيني شلون اوخره ..
وابي اجاوبون نفس الاسئله بلييييييييييز


انزين شلون عملية المنظار يعور ولا لا مو فاهمه يعني عمليه صجيه ولا لا؟
اشكثر تطول ووين سويتوها وبجم؟؟

انزين دام راح التكيس ليش مافي حمل؟؟

ويعطيكم العافيه

اي عمليه صجيه :dddds:

بنج كامل وسويتها عند د فوزيه القطان بمستشفي الهاادي هي خيرتني بين الهاادي ورويال حياه انا اخترت الهاادي لان اسمع بنات يذمون برويال بالمنتدى
بس طلع العكس رويال وااايد احسن

لان حتي يوم تنظيفاتي خيرتني بين الهادي ورويال بس هالمره اخترت رويال

المهم

سويتها ب 280 دينار

بنفس اليوم تطلعين يعني ما تنامين بالمستشفي من يفج البنج تظلين ساعه وتطلعين

 

[raq6a]

انا بعد الحين بسويها بس عطاني حبوب اتنزل العاده وبعدين ببلش معاي العمليه وانا حدي خايفه من العوار اللي بعد البنج بس انا قالي تكلفج 500 د.ك اشلون انتي 280د.ك​

 

[كويتيه مذهله 87]

منو دكتوورج؟

دكتووور عن دكتوور يختلف انا دكتوورتي فووزيه القطان

 

[نيبال الايمان]

انا برد علي اسئلتكم لان فيني تكيسات من اول بدايه زواجي لان زاد وزني
وكل ما اروح اسوي سونار للاسف التكيسات تزيد
سويت رجيم خذيت مراميه ومرقدوش جميع انواع الاعشاااب ومااااااااااااااااااااااااافـــــــــــــــــــــاد

ودكتوورتي قاالتلي التكيسات تغطي البيوضه ووقت التلقيح ما تخلي الحيوانات المنويه تدش ومايصير حمل

واي من قاالتلي هالشي وانا رااسي يفتر قتلها شنو الحل قالتلي انتي علاجج اذا راحوا التكيسات بسرعه تحملين لان هو الي مأخر حماالي

واقترحت علي اني اسوي كوي تكيسات

سويتها برمضان هالسنه

بنج كامل تكوي التكيسااات وطبعا لمن فج البنج عوار قوي بس بسرعه عطوني مهدئ بالعضل ابر
يومين ظليت متألمه ما ابي اخرعكم وراح العوااار انا تعبت لان كوتهم كلهم وكاانوا وااايد

وكانت اخر دوره لي وماشالله بسرعه حملت

وسويت بعدها سونار ماكو تكيسات الحمدالله

واي سؤال انا حااظره

ما شاء الله تبارك الرحمن 000 الله يتمم لج على خير وان شاء الله باذن واحد احد عقبال ما تبشرينا بخبر ولادتج وقومتج بالسلامة ولمة ضناج بحضنج بالغالية اللهم امين يارب 000


وعسى الله يرزقنى ويرزق كل محروم ومحرومه منهم اللهم امين يارب

 

[نيبال الايمان]

يا ليمونة المينونة اول شى عسى الله يرزقج بالذرية الصالحه البارة عاجلا غير اجلا اللهم امين يارب 000

ما حبيت ادش بدون ما ادعى لج يالغالية وان شاء الله باذن وواحد احد ما تمر هالسنة الا وانتى مبشرتنا بخبر حمالج اللهم امين يارب


وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[كويتيه مذهله 87]

ما شاء الله تبارك الرحمن 000 الله يتمم لج على خير وان شاء الله باذن واحد احد عقبال ما تبشرينا بخبر ولادتج وقومتج بالسلامة ولمة ضناج بحضنج بالغالية اللهم امين يارب 000


وعسى الله يرزقنى ويرزق كل محروم ومحرومه منهم اللهم امين يارب

لو انا حامل جان الحين ولادتي لان معطيتني موعد ولاده 28-5

بس وقف نموه وسويت تنظيفات شهر 11وان شالله ربي يعوضني ياااااااارب

وان شالله يرزقج ويرزق كل محرووومه

 

[نيبال الايمان]

لو انا حامل جان الحين ولادتي لان معطيتني موعد ولاده 28-5

بس وقف نموه وسويت تنظيفات شهر 11وان شالله ربي يعوضني ياااااااارب

وان شالله يرزقج ويرزق كل محرووومه

ياعمرى يا كويتية مذهلة انا فعلا اسفه انا قريت انج حملتى على طول بعد ما شلتى التكيسات وما ذكرتى انج مسوية تنظيفات انا فعلا اسفه والله يعوضج ان شاء الله باذن واحد احد عن قريب ويارب يارب يارب تبشرينا بخبر حمالج امين يارب 000


وعسى الله يرزقج يالغالية ويعوض صبرج وتعبج بتووووم سليم معافى اللهم امين يا ارحم الراحمين

 

[لوكي 22]

كويتيه بسئلج ..
الي تسوي هالعمليه.. بولادتها لازم قيصري .؟؟ او في امل طبيعي
لان خبري اي وحده مسويه اي شي بالرحم مايجازفون وعلى طول قيصري ؟؟؟
والله يرزقج ويرزقنا بالذريه ان شاءالله

 

[miss_lymoona]

تسلمون كلكم على مروركم ومشكوره حبيبي كويتيه مذهله على ردج بالموضوع
انزين بعرف الكوي اهو نفسه المنظار؟؟ ولا غير
وصج راحوا التكيسات بالكوي؟؟؟

 

[غيـ الناس ـر]

غير الناس...اشكثر تم فيج التكيس حبيبتي؟؟جم شهر او جم سنه وكان بسيط ولا قوي

انا كنت مسويه كي لقرحه وفحصتني الطبيبه سونار داخلي اكتشفت ان فيني تكيس كبير حجمه 9×5

وما يتعالج بالحبوب لازم ينشار ..

سويت منظار 3 فتحات بالبطن فتحات صغيره حيل .. كان في الم اول الايام بس كلها 5 ايام وشالو الخياط وبعدين ما تأذي وايد العمليه سهله ويطلعونج بنفس اليوم من المستشفى بس انا فضلت اني اقعد تحت العنايه الطبيه يوم ..


كلفتني 900 دينار بس لان ريلي الله يهديه قعدني بغرفه ملكي بالشفا عساس امي كانت نايمه وياي ..

وبس هذا مشوار التكيس سويته بنفس الشهراللي اكتشفته فيه

 

[miss_lymoona]

تسلمين حبيبتي

يعني اكيد اذا سويت عمليه مايرجع

انا مادري التكيس اللي فيني وايد ولا شوي ؟؟

لازم اسوي سونار مره ثانيه