اي موضوع بخصوص المنحه (( سيدمج هناا

[~LiBrA~]

رد : ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^

درر

وترا مهما كان الريال نحيس واناني ويحب الفلوس اذا قال باخ الفلوس

والله لو زوجته قالتله عليك بالف الف عافيه حتى الفي حلالك تتصرف فيهم
راح ينكسر خشمه ويستحي على ويهه وماراح يسوي شي

لكن كثر النجره والمداحر والعناد يخلي الريال يعاند زياده حتى لو كان مو في باله الشي

وخلي هالفلسين يكونون نعمه مو نقمه

 

[فاقده حنان ابوه]

رد: ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^°

والله ماكو شغل اتهاوش عشان فلوس

اشوه فلوس بنتي بحسابها بحطهم
وفلوسه له وفلوسي لي

:edbf4317b9:

 

[noynoy]

رد: ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^°

معاج بكل كلمه قلتيها

 

[أم أحمد67]

رد: المنحه ...ومشاكلها الزوجيه

اجتماع مجلس الادارة الاب رئيسا والزوجة نائبة الرئيس تقرر أن :

1- تبديل أثاث الديوانية

2- تجديد اللفت

3- تسديد الاقساط القصيرة

4- تركيب ستائر جديدة للاستقبال

5- توزيع ما تبقى بالتساوي مع جميع أعضاء مجلس الادارة


وانتهى الاجتماع ولله الحمد:bye22::bye22:

 

[سارة ة]

رد: ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^°

مششكورة

 

[hneen2]

والله انا لي الفي وريلي له الفه وعيالي بنعطيهم جزء من الفلوس يتشرون اللي بخاطرهم عيالي كبار اسم الله عليهم ١٥و١٤ و١٣ صبيان الله يحفظهم والباجي بيخشونه لهم

ونفس الشي بنتي مسكينه تقول ماما ابي قاري علي فله وبيت باربي واخذي الباجي لوووول بس طبعا بخش لها فلوسها

وعنونتي كتكوتي بشتريلها من كل لحظه ملابس حاطه عيني عليهم <<< من فلوسي


وحيول ذهب من فلوس ابوها لوووول

وفلوسها بخشهم لها

وبس

 

[كويتيه وافتخر]

رد : ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^

صح لسانج
وسلم الله عقلج وتفكيرج

صاجه بكل شيء قلتيه

اناعني تغشمرت مع زوجي قلت ابي جزء اضبط غرفه عيالي مارضى يبيها لمصالح تهمه اكثر ماعارضته
اللي عندي اقدر اضبط فيه وكافي
ومعاشاتنا بالله وين رايحه على عيالنا والله
اللي مدارس خاصه والعابهم ولمن نوديهم طبيب خاص وماجلتهم بالعافيه يعني هذي من الخمسين لا والله

امس رايحه اشتري لولدي بس جنز وبلوزه ولبس داخلي وشراله لعبه طلع لي شيء وثلاثين وعسل عقلبي من معاشي مو من خمسينه

لاتقولون مايجوز الرسول قالها انت ومالك لابيك

 

[لمسه حزن]

رد : المنحه ...ومشاكلها الزوجيه

ماشاء الله و عليكم بالعافيه

وربي يطول بعمر ابونا صباح

اراء حلوه

 

[Gourges]

رد : ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^

كويتيه وافتخر

هذا الي اقصده

 

[Killer^Girl]

رد: ©§¤°^°¤§©¤ كــــــــــــــل الـــلـــي ردوا على موضوع المنحــه تعالـوا اهو¤©§¤°^°

انا تفكيري مثلج
اذا فلوس العيال بتسد دين او قرض او حاجه
والله اخذهم واستفيد منهم
احنا اولردي مومقصرين معاهم
صارفين دم قلبنا عليهم

 

[متخصصة بالاعشاب]

رد : المنحه ...ومشاكلها الزوجيه

ما نقص مال من صدقة



امانه لا تنسون الصدقه تبارك بمالكم وتدفع عنكم البلاء

والله يتمم افراحكم وافراحنا

 

[لومية]

رد: المنحه ...ومشاكلها الزوجيه

الموضوع مكرر

 

[فـراوله]

رد : اي موضوع بخصوص المنحه (( سيدمج هناا




أنا ألفي للحين ما فكرت شنو بسوي فيه

مادري أحس كل شيء عندي مو محتاجه شيء أشتريه

وألف ولدي بشيله بحسابه

وزوجي كيفه بألفه يسوي اللي يبيه فيه

بس اهو قالي بخلص فيهم التزاماتي أهم شيء

 

[ToOoTi]

بصراحة على زوجي بألف ألف ألف عافية
اهوا ابونا وراعى بيتنا وعمره ما قصر علينا بشئ أبد :ioljnmlk:

حبيباتى يعنى الريال أول وتالى وين بيحط الفلوس غير ببيته ؟


الصراحة الفلوس وصخ دنيا وما تسوى

الله يخلي لج ريلج ويسخره لج ان شاء الله

بس الله يهديج ما يجوز تقولي وصخ دنيا

قال تعالى : { المال والبنون زينة الحياة الدنيا والباقيات الصالحات خير عند ربك ثوابا وخير أملا }

 

[انسام الكويت]

أمبيييييه هاذي صارت محنه مو منحه لووووووووووووووول

بنات لاتفصلون على رياييلكم قبل ماتنزل المنحه بجم يوم


ساحليه وخلاص وإذا مارضى بعد شتسون مراح أتغيرون شيء

استانسوا بالألف مالتكم ولاتحرون عمركم

 

[أميرة ملكية]

رد : اي موضوع بخصوص المنحه (( سيدمج هناا

ايه بنااااااااااات للتذكير لاتنسووون اطلعون من كل فلوس واحد فيكم صدقه ولاتنسووون تشكروون الله وتدععووون حق الشيخ صبااااااااح خل عنكم الهوووشااااااااات لوكل وحده وكلت امرهاالله شوفي شلون راح يوقف معااااج فكل البنات وكلوا اموركم لرب العالمين مني لاستلام المنحه والله يطرح فيها البركه

 

[mich79]

رد : اي موضوع بخصوص المنحه (( سيدمج هناا

أمس ريلي دازلي برودكاست يقول : بعد هالمنحه لحد يقول ماعندي فلوس .. وهذي أرقام أفضل الخطابات بالكويت وتاخذ زوجه أو زوج وبكفاله بعد وحاط مليوووووون رقم خطابه ههههههههههههه

جان أدزله حلو عيل آنا أبي زوج يديد حتى لو من غير كفاله لوووووووووووول جان يعصب الأخ

لكن الحمدالله آنا خذيت بطاقته من يومين لوووووووووووووول (( قويه حدي بس لمصلحته ))

بصراحه زوجي يبط الجبد وماعنده حسن تصرف يعني عااااااادي يصرف كل الفلوس على ربعه ووناستهم مادري عاد هذي طيبه ولا خبال

أول شي سويته خذيت الفيزا مالته وقصيتها جدام عيونه عشان لايرد يسحب منها وتتسكر

وثاني شي بسويه أول ماتنزل الفلوس ان شاءالله بروح أكيش أقساطه مالت الغانم وسيارته والباجي حلال عليه

أما فلوس عياله حرمت عليه يلمسهم قلت له نروح باجر ان شاءالله نفتح لهم حسابات.. لأن حياتي فديتهم عياله 3 وأيتام الله يخليهم لنا يارب ويرزقني بالحمال يارب ياكريم

وقلت له فلوسي تفداك لو تبيها كلها .. أشكره جذابه لو قايل إي جان فضحته ههههههههه

وبصراحه خاطري أشتري له هديه معتبره لأن توه مترقي بس والله محتاره شنو آخذ له

وبسوي مثل مشرفتنا بتبوتا بشتري هالمره عشرين تاير لسيارتي لأن عندي ييران الله يهدي يهالهم حاطين دوبهم ودوب تواير الفريج

 

[Q8Lady]

الحمدلله والشكر على النعمة
وماقصر ابونا صباح عسى عمره طووووويل للحين ماقررت شسوي بألفي
بس يمكن اقلد فيجتي اللي تقول بسوي سمكرة حق عمري لووووووووووووول

بنات تدرون واحد نعرفه أشكره يقول : (( بفلووووسي وفلوووس عيالي وعنده 5 اسم الله عليهم ماشاء الله بروووح أتزووووووووج )) ومعزم ومن صجه ومووووو غشمرة !! بيروح السعودية ويتزوج الله يهداه

 

[زوجي توأم روحي]

الله يخلي لج ريلج ويسخره لج ان شاء الله

بس الله يهديج ما يجوز تقولي وصخ دنيا

قال تعالى : { المال والبنون زينة الحياة الدنيا والباقيات الصالحات خير عند ربك ثوابا وخير أملا }

تسلمين حبيبتى
الله يجزاج خير على التنبيه

وعدل كلامج

 

[عصفورة كويتيات]

نبي نسافر فيهم