اي معلومة عن معهد الكويت للأبحاث العلمية والمركز العلمي

[Malak]

مركز الأبحاث العلمية ؟

شنو تعرفون عنه

طبيعة شغلهم ؟

رواتبهم ؟ وبالأخص وظيفة مساعد باحث

هل لهم اي مميزات ؟


أي معلومة ممكن تفيد



وسؤال جانبي .. قريت في أحد المواضيع انه المركز العلمي عنده وظايف شاغرة ؟؟ اللي شايفة الاعلان ياليت تحطه لنا او تقولنا وش التخصصات المطلوبة ؟ والمدة للتقديم ؟



يعطيكم العافية

 

[بمبة المفترسة]

روحي قدمي عندهم وخلاص
ان وظفووكم مشكلة قعدتوا تتشرطون وان ماوظفووكم هم تتشكون
قدمي وخلاص

 

[Malak]

روحي قدمي عندهم وخلاص
ان وظفووكم مشكلة قعدتوا تتشرطون وان ماوظفووكم هم تتشكون
قدمي وخلاص

لو سمحتي اختي

اسلوبج هذا مو مقبول ابدا


والكل له الحق يحط استفسارات ويسأل ويستفيد من خواتنا اللي بالمنتدى

ودام ماعندج اي معلومة مفيدة اتمنى ماتردين


. واللي عندها اي معلومة لا تقصر .

 

[LOLO-caty]

لا والله اختي ماعندي معلومات وايد بس الي اعرفه انهم مايوضفون الا جامعيين بالمعهد العلمي للابحاث هذا الي عرفته والله بس انتي روحي ساليهم احسن لاتقعدين لان الحين التوظيف مو بسرعه نفس قبل
كلامج صح حبيبتي الي مالها خلق تتكلم وتعطي رايها لاتقول كلام ماله داعي الصراحه اول شي الاحترام مافي داعي التجريح
ويعطيج العافيه حبيبتي

 

[Stay alive]

up

up

 

[م فطومه]

الى اعرفة ان الدوام من 8 الى 3 العصر والرواتب حلوة

قدمي وتوكلي على الله ترى هالمكانين يالله تحصلين فيهم وضيفة والله يوفقج

 

[لآ بيرلآ]

قوة حبيبتي ..

انا اشتغلت فيه بالصيف .. دورة كانت للطلبة ..
بس صراحة المكان هدوووء و وايد محترم .. و اتوقع على حسب البحث و المشروع يكون الشغل و الدوام ..
بس اهوا مثل ما قالولج الدوام اساسا من 8 لي 3 .. و الرواتب ممتازة .. و المكان هااادي .. مو لوية و عفسة
و حاطين اعلان يبون موظفين .. حملة بكالوريوس و دبلوم بعد .. البكالوريوس مساعد ابحاث .. و الدبلوم فني ابحاث

المركز العلمي ماادري و الله .. بس اتوقع نفس الشي مو بعيد عنه وايد ..

و الله يرزقج و يرزقنا .. احب هالمكانين وايد حلوين و محترمين صراحة .. و مافي منهم بالكويت ..

 

[jaggy-cat]

حبيبتي انا اشتغل في معهد الكويت للابحاث العلمية ، مثل ما قالوا البنات الدوام من 7:30 الى 3:00 العصر
والمكان الحمدالله وايد هادي وحلو وكل الموظفين محترمين ومافي لويه وازعاج (غير الوزارات) وبالنسبة للتعيين اللي اعرفه لازم يكون تقديرج جيد جدا وفوق
وبالنسبة للرواتب الحمدالله احسن رواتب مقارنة بالوزارات.

 

[Malak]

مشكوررييين حبيباتي لمساعدتكم

والله يرزق كل واحد مايتمنى

ماقصرتوو

 

[دانه الدنيا]

مايبون موظفات غير كويتيات؟؟

 

[Malak]

دانة الدنيا

والله ماعندي خبر .. بس دقي عليهم وسألي



up

up