اي قائمه راح اتصوتيلها ؟؟؟

[لحظآتَ]

واالله محد برّد جبدي غير RoWaIsHeDyA ..!!



ورغم ذلك ..​

بنات تخيلوا مره بعز الحر والشمس وضغط المحاضرات وحوسه ..
نازله من الدرج والا تمسكني بنت بالمستقلـه .. مالت الآداب
وعلبو انها تعدد لي انجازات قائمتهـآآ .. شقالت لي؟؟
أمبيييييييه والله انقهررررررت ونقدت على نفسي شطولي شعرضي قدامها وقاعده تقولي
احنا راح نحط لكم " مكاين كاكاو " .. وراح نسوي مهرجان كاكاو .. ومكاين ماي ومدري شنو
كل اللي ذكرته اشياء ثانويه وسخيفه وتعيسسسسسسسسسه بعد..!!
يااختي جايه الجامعه انا عشان أزرط كاكاو يعني؟؟
هل يُعقل هذا الكلام؟
والله عيب لو كنت جريئه جان فهمتهـآ ان عيب اكبرووووووووا شوي شنو مكاين كاكاو وين قاعدين؟!!!!!!!!
بس حظها اني حياويه وما احب اجرح احد ..
ذاك اليوم انغثيت حيييل وحسيت ان وضع قوائمنـآ مُزري
شوفوا القوائم برا بأمريكـآآ .. وااااااي مره اسولف مع طالبه هناك مُبتعثه
يوم سولفت لي عن طلبة قوائمهم انقهررررررت تمنيت اروح ادرس هناك ...​

..​

بعد هالهذره والطوالة ..
لا للتصويت .. بما ان صوتي أمانه ماراح اعطيه لأحد بحتفظ فيه لنفسي ..​

 

[صب القفشه]

انا مع الاخت RoWaIsHeDy


فعلااااا صحييح كلااامها ،،

و المسافط هاذي بروحها ساالفه !!

و اقل شي يقدرون يحطون قوانين تمنع السواويق يسفطون ابمسافطنا او حتي يسالون الطلبه يدرون حلول مني مناك ! ،، بس وين اللي يتحرك و انا كثير اسمع عن سالفه المسافط حتى بالراديو قامو يتكلمون عن المسافط !!

و غير الكفتيريا اللي ما اشتهي حتي ادشهاا ،،، الحمدلله احمد ربي ليل نهار اني اداوم بشويخ مو بكيفان ،،،

و هم اوافق RoWaIsHeDy بان البنات يساعدونج و يدقون عليج و يحرقون الفون ! و و الله عقب ما انصوتلهم يسحبون عليج سحبه محترمه ( خوش و هاذي قائمه اسلاميه ) !! ببس همهم مصلحتهم و انهم يمسكون الاتحاد !! و مع ذلك للاسف ما نشوف اي فعاليه او نشاااط !! و حتى اذا صرنا طلبه مستمرين ما يساعدونا و لا شي باختصار المستجدات صيده سهله لهم !! هاذا من واقع تجربه ! و جد اتمني انشوف تغيير هالسنه


و ما راح اصوت حق احد ،،، ما عندي وقت للتصويت ،،، بس اتمنى التغيير هالسنه .،،

 

[~ miss NERD ~]

حق الاتحاد يمكن أصوت حق الائتلافيه و يمكن امتنع
و حق كليتي و الله ودي المستقله اهي اللي تمسكها لان اشوفهم وايد مشتطين و خوش ناس الصراحه غير الكلام اللي سمعته عنهم

 

[KelyAmanii]

سالفه ان المستقله يسوون لكم الككاو وغيرهـْ

واشياء بسيطه ، ترى كل شي حسب الادآرهـْ

يعني كلنآ نرسل للادآرهـْ وهم يوآفقون أو يرفضون ،

والحمدلله كل اللي طلبناه وافقو عليه لكنْ متأخرين فيه شوي

مو منا والله !

اممممم لا تييبون امريكا عندنآ ، يعني امريكا غير عادي لو حاطين حمام سباحه

بنص الكليه والكل يتسبح ، عادي لو من هالأشياء ...الخ ،

اكيد مآبتصير عندنآ قاعدين نحآول نسوي اشياء معقووله ؛)

أشياء عارفين ان الادآرهـْ بتوآفق عليهآْ ،

وسآلفه المطآعم دزينا كتاب وطلبنا فيه مطآعم وآيدهـْ

بس سبق وقلت كل تأخير من الإدآرهـْ نفسهم ؛)

 

[KelyAmanii]

بنــآت عنوآن موضوعهآ اي قآئمه بتصوتيلها ؟

بدونْ تجريح لـ المستقله أو إئتلآفيه أو وسط أو حرهـْ ،

بالتوفيق لـ الجمييييييع

 

[~ miss NERD ~]

عقب ما قريت الموضوع كله
بمتنع عن التصويت

 

[мịsƨ . 9ǝԃ]

صب القفشه !
حبيبتي شلون تتمنين التغيير وانتي ممتنعه عن التصويت

عمرها ماصارت
بصوتج تساعدين ع التغيير الي تتمنينه

يا بنات شيلو فكرة الامتناع عن بالكم
اقرو عن القوائم و شوفو وضع كليتكم و أحكموا باللي شفتوه باسبوع

صحيح صعب نحكم من اول اسبوع بس شنسوي الاتحاد رافض تأجيل الانتخابات ل الكورس الثاني
مع ان جميع القوائم طالبت بالترحيل ( المستقلة ' الوسط الديموقراطي ' الحرة ' الاسلامية )

مع انها رغبة طلابية الا ان

فقط الائتلافية رافضة و ماندري ليش الرفض التااااام !!!!

*​

 

[صب القفشه]

^ ^ ^

اي مفكره امتنع ،، و ادري غلط ان نمتنع عن التصويت يمكن هالشي سلبي ،،،

و الفئه الواعيه اهيا اللي تحاول و تساعد عالتغيير من خلال التصويت للقائمه اللي تستاهل ! ،،،

بس بشوف ان شاء لله بصوت للقائمه اللي تستاهل مع اني لازلت مو مقتنعه بالتصويت ! ...


و طبعا بكل قائمه في الزين و الشين !

 

[عمتكم كلكم]

والله انا عن نفسي بصوت للأتلافيه ..
الصراحه حييييييل ماقصرو واصلا اهم اللي طالبو بزياده اعانه
الجامعه .. بس اسيل العوضي ارفضتها..
وبيطالبون ثاني مره فيها ..
ويبون يحلون مشكله المصافط ..
تخيلو بنات اللي مثلا وحده صافطه عالرصيف ..
ولقت مخالفه على سيارتها ..
تودي المخالفه للجامعه ويلغونها ..
اشتبون اكثر من جذي .. وفي اشياء
وايد غير هالكلام ..
بنات نصيحه صوتكم للأتلافيه ..
لانها قائمه مميزه ..
والدليل كل سنه فايزين

 

[мịsƨ . 9ǝԃ]

عفواً الفوز كل سنه مو معناته ان القائمة جديرة بالفوز و انها التوب ون !'

ليش ما يكون عند الائتلافية ثقة و تأجل الانتخابات الكورس الثاني حتى الطالب يكون واعي وفاهم للحركة الانتخابية ؟
ليش الائتلافية تمنع القوائم الثانية من التواجد في صالة القبول والتسجيل ؟
ليش الائتلافية تفوز دائم ب المستجدين والدليل السنة الس طافت ٦٠٪ من التصويت من المستجدين !

وليش وليش وليش

نصيحة اخت ' أقروا عن مبادئ كل قائمة و اختارو الأنسب لفكركم و مبادئكم

​

 

[мịsƨ . 9ǝԃ]

*

بس باقول شي خلاني ارفض تماماً التصويت للقائمة الام ( الائتلافية )
حطو بقوقل : موقف الاتحاد الكويتي الوطني من بيان تونس !

واللي تم فيه ذكر بند من البنود ان الغزو العراقي مجرد خلاف بين دولتين !
يعني اغتصاب الكويت كان خلااااااااف لا اكثر
دم الشهداء وارواح الإسراء مجرد خلاف



نصيحة اخت ؛ أقروا ب تمعن و لاتنسون الصوت أمانة


! *​

 

[KelyAmanii]

والله انا عن نفسي بصوت للأتلافيه ..
الصراحه حييييييل ماقصرو واصلا اهم اللي طالبو بزياده اعانه
الجامعه .. بس اسيل العوضي ارفضتها..
وبيطالبون ثاني مره فيها ..
ويبون يحلون مشكله المصافط ..
تخيلو بنات اللي مثلا وحده صافطه عالرصيف ..
ولقت مخالفه على سيارتها ..
تودي المخالفه للجامعه ويلغونها ..
اشتبون اكثر من جذي .. وفي اشياء
وايد غير هالكلام ..
بنات نصيحه صوتكم للأتلافيه ..
لانها قائمه مميزه ..
والدليل كل سنه فايزين

:eh_s(15):

يَ فدييييتج انآ ..، :eh_s(7):

 

[قاهرتهم17]

انامستجده وشكلي بمتنع عن التصوويت ..
بس
اذا حدوني على الشغله الاتحاد الاتلافيه ..
و
جمعيه العلوم المستقله ..

 

[قاهرتهم17]

لانه صج كل قائمه تووزع شي على عيني و راسي بس انا طالبه 2011 - 2012 ..
مو طالبه 2010 و لا 2004 و لا 2007 ..

ابي اشووف شي علشان احكم منو يستاهل ..

انا عندي اقتراح مو يأجلون الاتخابا لي ثاني كورس ..
لا يخلوون المستجدين ما يصوتوون ..

شرايكم بالاقتراح :d

 

[KelyAmanii]

*​

بس باقول شي خلاني ارفض تماماً التصويت للقائمة الام ( الائتلافية )
حطو بقوقل : موقف الاتحاد الكويتي الوطني من بيان تونس !​

واللي تم فيه ذكر بند من البنود ان الغزو العراقي مجرد خلاف بين دولتين !
يعني اغتصاب الكويت كان خلااااااااف لا اكثر
دم الشهداء وارواح الإسراء مجرد خلاف ​

​

نصيحة اخت ؛ أقروا ب تمعن و لاتنسون الصوت أمانة ​

! *​

هههههههههههههههههههه للحينكم ع بيان تونس ؟

حبيبتي اللي قريتيه هذا موضوع محرّف

جيبي البيان أشووفه

بيان تونس أصلآ يشرفنا ويشرف الإئتلافيه

يكفينا إنْ [ الشيخ سعد ] دزلنا برقيه شكر عن هالبيان :eh_s(7):

يعني هو خاين ؟ مانسمح لاي احد يتبلى علينآ بهالأشياء ،

انتي لو تقرين هالبيان بتشوفين مكتوب بالبيان فوق الغزو العراقي

مو مذكوره كلمه خلاف

سبب الخلاف كآنْ على الحدود !

ليش مآتكلفينْ نفسجْ شويْ وتقرين البيآن

قبلْ تنقلين هالكلآمْ اللي سمعتيه ..؟

احنا الإئتلآفيه ، شكثر سوينآ ايام الغزوو ..؟

اقري عن الائئلافيه شنو سوو ايام الغزوو ،

واكبر دليل ان احنا مع الغزوو ، خلينا يضيفون بمقرر تاريخ الكويت

موآضيع تتكلم عن الغزو ، ولآ قبل اساسا مآكآنت موجودهـْ

بسْ احنآ خلينآهمْ يضيفون هالموضوعْ

مو صحيح هالكلآم اللي قلتيه :eh_s(7):

 

[KelyAmanii]

بنـآت لآ تمتنعوون عن التصويت ،

وزعنآ عليكم النشر يَ المستجدآت ،

امآ المستمرآت عآرفين منو اللي يستآهلْ ،


واللي بتصوت حق الإئتلآفيه أو المستقله أو ..ألخ ،

بلييز بدون اي تجريح باي قائمه

صووتكمْ امآآآآآآآنه ؛)

 

[мịsƨ . 9ǝԃ]

اقتراحج عين العقل
والدليل كل قوائم الجامعة طالبت بهالشي الا الائتلافية معارضه
بس الائتلافية لو رحلت الانتخابات للكورس الثاني
ضامنه الخسارة 1000%

بعد جبدي والله
الا شرايج بالمهراجان الخطابي ل مستقلة العلوم :$

! *​

 

[الحورية الصغيرة]

القائمة الإئتلافيه رافضه تأجيل الإنتخابات عشان المسنجدين يكنون توهم ما يعرفون شي فيصوتون على عماهم

عدد المستجدين حيل كبير و يضمن الفوز حق اي قائمه

عندي أقتراح صغير

بعد ما تخلص أنتخابات هالكورس

الكورس الثاني يسوون إنتخابات تجريبيه نشوف هل التصويت يتغير ولا لأ

أنا متأكده أنه القائمه الإتلافيه راح يقل حيل عدد المصوتين لها

القائمه المستقله سوت واااااااااااااااااااايد أشياء للجامعه

عندج مثلا

قبل اليوزر نيم مال السستم و الباس إذا ضيعتيه تدفعين فلوس القائمه المستقله حاولوا بالجامعة ما رضوا فلجوا للقضاء و ألحين صار اليوزر نيم اذا ضاع و بتطلعين واحد يديد ما تدفعين فلوس ~

نفس الشي حق شغله نسيت إسمها أول اذا كلاس فيه 25 طالب و طالبة على سبيل المثال

5 بس ياخذون a و 5 ياخذون a- و هكذا و يعني ممكن طالب شاد حيله ياخذ c او d أو حتى f

القائمه المستقله اهم إلي ألغوا هالشي

و إن شاء الله الإتحاد هالسنه يا مستقله أو وسط

لانه حتى الوسط شادين حيلهم و ناوين على حل الشعب المغلقه ~

 

[B6O6A CUTE =)]

المستقلــــــــة

 

[мịsƨ . 9ǝԃ]

.
سممممممي ' هذا البيان
شلون تقولين انه مزور !

http://img532.imageshack.us/img532/8933/48435714ba1fa955cf53168.jpg


عطيني برقية الشكر الي من الشيخ سعد رحمة الله عليه ​