اي قائمه راح اتصوتيلها ؟؟؟

[ِAL-ANOOD]

قوه بنات اشلونكم
انا طالبة مستجده واسمع عن انتخابات الجامعة وعن القوائم :bbbiu:
وودي اصوت لقائمه زينه بس ما اعرف اي وحده فيهم :eh_s(4):
فيلييت كل وحده ادش تقولي اي قائمة راح اتصوتلها وليش هالقائمه
ويلييت اتفيدوني :eh_s(11):
واشكر كل وحده دشت وردت على موضوعي

ومشكورييييييييين

​

 

[وحشتني لياليك]

بالنسبة لي بصوت للأجتماعية - لانه وحده منهم ماقصررت معاي
حتى تسجيل تسجل لي وهالكلام طوول السنة مو بس وقت الانتخابات ..
ولاقالت لي صوتي او شي .. لكن انا بصووت عشاانهاا

 

[راتشيل]

طبعا المستقله الان التربوية كانت دائما هي التنجاح بس ما حسينت شيء بالكلية والمستقله يمدحونها

 

[Ray.Bana =$]

في بنات ساعدوني اشكالهم من الائتلافيه بس ماقالولي صوتي صج انهم خوش بنات بس مابي اصوت حق الائتلافيه لأن كل سنه يفوزون لوووول اختي مره قاعده تقول ان بنات الائتلافيه مايعطون ملفات وكرنيهات الا حق اللي يعرفونهم رفيجاتهم ومايعطون الكل لأنهم ضامنين الفوز يعني جايفين نفسهم لووول عشان جذي ماودي اصوت لهم

وفي وحده ماساعدتني وايد بس اهيا من المستقله وشي اكيد حق التصويت ماراح تخليني بحالي بتفجرني مكالمات كاااك

مادري ليش ودي اصوت حق الوسط الديمقراطي معني ما اعرف احد ولا احد منهم ساعدني بشي بس لأن الاسم عاجبني لووووووووول

والا مره اسولف مع رفيجتي قلتلها القائمه اللي يوزعون علينا ملفات واشياء وايد نصوت لهم لووووووول

 

[وحشني شوف الكويت]

أهلين
أنا ما أعرف مرّآ عن الانتخابات والقوائم وايش يسوون وكذا
بس عن نفسي أحب المستقله

< قآآآآآآطه $:

أحب السونق حقتهم /
لا لن تطول غيبتي فـ غدا أعود ، فـ غدا ستكسر صرختي كل القيود

وسينتهي الليل الطووويل على يدي ، الزيف يفنى وحده الحق يسووود

شمس الحقيقه لن تغيب فـ غدا لناظره قريب فترقبو يوم الرجوع شمس الحقيقه لن تغيب

!

و أحب كمان السونق حقت الوسط الديموقراطي $:
نحنو ابناء الكوويت ، كلنا ملك الوطن ، نحنو قلنا سنعود ، في الوسط أم المحن

وسطيووووووووووووون وسطيوووووووووووووون

!

و الثانيه اللي تقول : < مسكت خط
مهما طال الغياب قدر الغايب يعود ، نحنو جبالٍ رواسي قدر الجبل الصمود

نحنو احراااار سنبقى والحر يهوى الصعود ، لا تقولو عنا غبنا قسمن سوف نعووود

!

فـ إذا حآبه تصوتين لا تبعدين عن المستقله
و آسفه ع القطه $: ;*


​

 

[ㅊ.tötášhÿ.ㅊ]

انا راح أصوت لأتلافيه <<~ مَ قصرواا أبد مععاااي:*

 

[ِAL-ANOOD]

سمعت ان الائتلافيه زينه​

 

[ㅊ.tötášhÿ.ㅊ]

^^ اي والله خووش ناس
حبووبين بلاأمانه

 

[~عيون الحب~]

شوفي حبوبه ما انصحج تمشين على كلام البنات وتتبعينهم بيصوتون حق منو
لان كل وحده لها راي غير
اذا تبين تعرفين عن القوائم اقري عنهم
ماراح تعرفين الحين لان الحين مافي شي يبين
شغل القوائم يبين خلال السنه الدراسيه كلها
احنا تونا اول اسبوع ماشفنا شي ؟
انا بصوت على اساس كلام الطلبه اللي صارلهم سنين بالجامعه
قريت عن كل القوائم وعن شغلهم لما مسكو الكليه شنو سوو وشنو انجازاتهم وبشنو طالبو
جذي راح تبين عندج الصوره منو يستحق صوتج
مم بالنسبه لي بعطي صوتي للمستقله
وبالنهايه اي قائمه تفوز انشالله مايقصرون معانا *

 

[FrFaSha]

الائتلافيه بكل سنه تفوز نــبي تغييـــر مو معقولـــه اكثر من 30 سنه الائتلافيه ماسكه اتحاد الطلبه

وخلال مسيرتي الجامعيه ما شفت شي من هالاتحاد ، نبي نشوف مجهود القوائم الأخـــرى

وعشان نشوف مجهودهم لازم نعطيهم فرصـــه ,,,


so abi al mostaqila tfooz & thanks :eh_s(17):

 

[damdom]

طبعااا شي اكييد صووتي حق الائتلافيه الاتحااد والجمعيه

بناات المستقله ناايمين في سبات عميق طوول السنه فجأه حزة الانتخاابات يتذكروناا !!؟؟

طبعا بالحقووق بكليتي ياااحلووو المتحدون صرااحه يهبلون يشتغلون كلهم بضمير وماايقصرون وياانا من انجاازاتهم هالسنه

انه خلو المكافاه ال500 حق اللي معدلاتهم من 80 ومافوق اهيا بس كانت حق 85 وماافوق
ياابولنا لوكرات يديده اتينن وباحجاام متنوعه وكل مجموعه حاطينها باماكن مميزه بالكليه

وبالتسجيل بلابات الكليه ما خلو احد مااساعدوه يعني انا سجلولي جدولي وسجلولي الصيفي
ويسوولنا مرااجعات ودورات وبعد رحلاات

بناات مستقله بس شاطرين مراادد وملاااسن ويدورون الهوااش هذا اللي قاعده اشوفه جدام عيني بس ويعلقون !!!واحناا بنات حقوق معروفين بالاحترام والاسلوب الراقي ومانبي مثل هالناس تمثل كليتنا !!

وعلى فكره اللي يقووولون نبي التغيير الحقوق مسكتها متحدون 6 سنين متواصل و2009 امسكتها مستقله طبعا الكليه صاارت ضييييييييييييييييييييم وقالو بنيب لوكراات يديده وعشمونااا طبعاا انا ماكنت موجوده كنت بالثنويه انا دفعة 2010 بس اختي موجوده واخر شي اللوكرات طاحت بالبحر السفينه يايه من الصين واغرقت (على راسنا دهن) !!!! ماااسووو شي سوو الاسوأ وب 2010 ردت متحدون الحمدالله ويردون يقولون عطونا فرصه احنا تعلمنا
حاامض على بووزكم :eh_s(4): مدخلينا التسجيل سنه اولى عالابجدي مو النسب !!!

 

[غلا،،]

عن نفسي ما راح اصوت لاي قائمه

 

[SAHOOM]

انا مستجده ومااعرف شي عن الانتخابات ولا القوائم وماعرف شنو نظامهم ولاشي :080402ask_prv:
ومادري اصوت لمنو :bbbiu: بنات شنو القوائم الموجوده

 

[ِAL-ANOOD]

والله انا نفسج بس اللي شفته من قوائم :
الائتلافيه
المستقله
التربويه
الحزب الديموقراطي
الاسلاميه ( مو متاكده اذا اسمها جذي )

بس هذا اللي اذكره

بنات خالي قالولي لا تفكرين ولا اتعبين نفسج الائتلافيه وبس

بس انا قلت خنا اشوف راي البنات يمكن عندهم وجهت نظر عن القوائم االثانيه

 

[bal8es]

انتي الحين بنت جامعيه مخيره ولستي مسيره
نصيحه دشي على موقع كل قائمه شوفي افكارهم توجهاتهم قبل انجازاتهم
لا تاخذين على شكل البنات او تعاملهم اهيا بنت قائمه لازم تكون لبقة وحسنة تصرف
في
قائمة :
الوسط الديمقراطي

http://www.facebook.com/pages/قائمة...ق/143586135660797#!/group.php?gid=39947717452



الاتلافيه http://www.q8forever.com/

المستقله http://www.mostaqil.org/site

الاسلاميه http://www.facebook.com/group.php? gid=137704732908867

ونصيحه دشي واقري عن كل قائمه شوفي توجهاتج شنو واي قائمه تناسب افكارج
القوائم في هالفتره كل وحده تتبلى ع الثانيه
ودامج مستجده انصحج ما تصوتين هالسنه لين تعرفين القوائم عدل صوتج اعتبره جرام من الذهب يزيد وايد ويغير وايد من النتيجه

عن نفسي اصوت وسط ديمقراطي و حبيبتي وشركتي بالنك قاعديه بالمستقله فأكيد صوتها مستقله وكل وحده منا له توجهات ولكن لا يفسد من الود قضيه
والتوفيق لجميع القوائم :eh_s(7):

 

[معلومه دآآآيخه]

اول شي لازم تعرفين ان كل وحده تصوت علي حسب توجهها وتفكيرها !!
انا قاعده اشوف بنات يصوتون علي اساس ان هالقائمه اشكالهم حلوه او كشخه وماادري شنو !! شكو <-- كلام المستجدات اللي معاي
طبعا انا بصوت ( للائتلافيه)اللي هي ( التربوية ) عندنا بالتربيه .. اول شي هم مايقصرون ً
بس لاحظت ان عاملات التربويه مو شي ! فرق بينهم وبين عاملات ( العلمية) اللي هي الائتلافيه بالهندسه !! بس همن بصوت للائتلافيه حتي لو انهم ماانفعوني بس عشان لا يمسكون المستقله الاتحاد. وعاد اذا مسكو الاتحاد بنروح فيها !! اول شي قائمة المستقله ماعندهم فكر ( توجه) !! وكل ماسألوهم بلقاء توهقوا ! وشوفوا المناظره بين المستقله والائتلافيه وشوفوا منو اللي دايما يتوهق بالاسئله !!
( الائتلافيه ) هي توجهها اسلامي ( الاخوان - السلف ) وهي مع منع الاختلاط. اما المستقله تبي الاختلاط 
بنات بقولكم شصار معاي بكفتيريا الاداب الله يسلمكم قاعده انطر رفيجاتي وتجي عامله بقائمة الوسط الديمقراطي .. وتقولي انتي مستجده قلت يب قالت تعرفين شي عن القوائم او احد قالج عنهم ؟ ( تبي تشوفني غشيمه ولا لا ) قلت لا ( ابي ابي اتناقش معاها ودي افشلها هي وقائمتهم ) عاد هي استانست وجات بتقعد ولا اشوف رفيجاتي قربوا. وقلت لها لاتعبين عمرج بصوت للائتلافيه  عاد عصصصبت قالت بنفس خايسه اوكي وتروح للي قاعدين وراي بالضبط. وانا والبنات نسمعها عاد البنات اللي قعدت عندهم مايعرفون شي عن القوائم وقعدت تصورخ عليهم  قالت لازم نغير لان الاتحاد لوعوا جبدناا !! ترا كل اللي يصير الحين من عدم قبول والزحمه بالكليه بسبة الاتحاد والبنات ماشين معاها علي الخط  عاد انا والبنات نسعمها ورانا ونضحك نبي نقهرها  واخر شي قالت للبنات ( اذا تبون اي شي دقوا علي وانا اسمي نوف عاد امي تحب اسامي البدو  تبي تكسب البنات 
عاد تدرون ان الوسط الديمقراطي السنه اللي طافت كان عدد اصواتهم ( خمسه )  وثلاث من عاملين القائمه ماصوتوا لقائمتهم  حتي قالوا بقناة الوطن

وبس ان شالله اني افدتكم 

 

[معلومه دآآآيخه]

بنات اصواتكم اماااانه.!! لحد يصوت علي اساس اسم القائمه حلو !!!
ترا محاسبين علي اصواتكم هذي !!
انا من رايي الائتلافيه للمحافظيين !!
احنا ما نصوت للقائمه عشان الخدمات ! احنا نصوت للافضل عشان نبين ان هذي القائمه اللي فازت تمثل المجتمع الكويتي المحافظ!!

وقبل تصوتون شوفوا انجازات الاتحاد !! هم اللي اقروا مكأفأه التفوق وانجازاتهم لا تحصى !! بس انا ماتهمني الانجازات .. *

 

[شقاوتي غير]

انا عن نفسي ماراح اصوت لاحد

 

[أحلى البشر]

بصوت للائئتلافيه لانهم ماقصروا معاي ابد ابد

 

[يآلبى ضحكتي:$$]

آنآبآلنسبه لي مآدري قآئمتنآ آلآجتمآعيه " آلآئتلآفيه "كل سنه تمسك آلكليه ومآآنشوف منهم آشيآء وآآآآآآو كـ آنشطه آوك يسآعدون وغيره بس مآآشوف منهم معآرض سنعه آنشطه حلوة .. وآذآ كلش كلش سوو آنشطه بـ آلكورس آلثآني عشآن قربت آلآنتخآبآت مآدري هذآ آستنتآجي !

ودي مستقله بسسسس بنآتهم مآدري بعضضضضهم مآيعجبوني


مآتوقع آني بصوت

وفديتج شوفي كليتج شوفي كل قآئمه شنوسووت حق آلطططلبه + آلكليه !


موفقه :*​