اي استفسار لطلبة الحقوق - جامعة الكويت

[jasmin90]

انا وصلت وخلصت للمرحله هذي لووووووووووووووووووووووووول
الله ايفكيني من هالتفكير الخاايس

 

[jasmin90]

اي والله يا لووير الرقيه اهم شي بستمر عليهاا ان شااالله
والله ايكافينا شر هالعيون يارب ياحبيبي

 

[L a w y e R]

اللهم امين

 

[سيلينا]

احبكم بنااات كليتي بس انا قديييمه حدي انا هالشهر اكمل 4 سنين من تخرجت

صج ايام اشلون كنت اتآزم بالفاينل ولا بعد كنت اغلب الكتاب احذفه من نفسي لان مايمديني اخلص المطلوب
سبحان الله الحين لما اتذكر احس كانت من احلى ايامي

رفيف انتي اي دفعه كنتي؟؟ انا بعد لحقت على حولي سنتين

موفقين بنااااات وشدوا حيلكم

 

[L a w y e R]

هلا وغلا حبيبتي

منورة

الفاينل تاثيره شنيع علينا

وكلنا نحذف من كيفنا لووووول

مايمدي نراجع اصلا عشان يمدي ندرس المطلوب @@

 

[رفييف]

^
^
^
انا عيل كنت تخصص اني ادرس المحذوف من زود الحرص لووول

رفيجاتي لي الحين يعاروني لوووووووول

ياسمين انا متخرررجه من زمااان


سيليناا انا دفعه 99 .. انتي 2001 ها ؟

واي يا زين ذيج الايام

 

[jasmin90]

ويييييييييييي يا حلوج رفييف على بالي معاناا متى تخرجتي ؟؟!
واشلون كانت اياام الدراسه

 

[lawyer.89]

فديت كليتي على كثر ماتغث أحبها

jasmin90 عادي كلنا مرينا بحالة الاحباط هذي بأولى ولازم فترة الفاينل جذي وتقولين انج بتحولين وخلاص

بس كلها فترة وتعدي صبري والوقت يركض

انا بامتحان التزامات اللي طاف نص الليل قاعده ادرس وباقيلي وايد والامتحان الساعه 2 الظهر يعني في وقت قمت قطيت الكتاب من ايدي وقلت ماني دارسه خلاص بالطقاق واللي يصير يصير من كثر مالاعت جبدي :krkrkr:

بس دشيت الامتحان وتحسفت 100% تكميلي

يعني لازم نصك على روحنا شوي ونهد الطلعات والنت <<< أهم شي :dddds:

واهم شي رفعي معدلج باولى لان مواد أولى سهلة وماي والامتحانات سهله حسافه ما ترفعين معدلج فيها لان بثانيه راح تتحسفين المعدل كل سنه ينزل اكثر والمواد تتصعب يعني اولى تعتبر ولا شي بس انا وغبائي ما كنت أدرس بأولى ومعدلي الحين عالحفه وتحسفت

ويليت تأدبت :krkrkr: ليلحين حاطه يمي كتاب دولي اللي جنه دبابه صارله ساعتين يمي وما درست شي :krkrkr:


المهم تمي بالكليه مستقبلها حلو وخلي احد يساعدج بالدراسه وييبي مدرسين خصوصيين عندي رقم 6 مدرسين جان تبينهم جربيهم وشوفي الاحسن تمي عليه مع ان احسنهم محمد بلال وبويوسف مممم وهم بو احمد زين
والله يوفقج :tek:

 

[lawyer.89]

lawyer

انتي اي دفعه؟ ولما نزل معدلج عن 70 شنو سويتي وشنو مصيرج لاني وراج بالطابور شكلي ماراح أروح ثالثه معدلي خلاص مايدخلني ثالثه شوي وينزل عن ال70 :dddds:

فبعرف شنو صارلج بالضبط عشان اعرف شنو مصيري :krkrkr:

 

[lawyer.89]

وليش سهرانين ليلحين ماتروحون المكتبه تدرسون ؟ انا صرت ماعرف ادرس الا بالمكتبه

اذا بالبيت اخلص باليوم 50 صفحه بالمكتبه اخلص باليوم 100 صفحه

وبقولكم عن تلاخيص محمد بلال ديرو بالكم منهم اعتمدت عليهم بجزائي والتزامات وماحليت شي بالامتحانين يوهقونكم

ماكو أحسن من دراسة الكتاب نفسه

معني الحين قاعده ادرس من تلخيصه :krkrkr:

بس انا حالة خاصه لاني وايد بطيأه بالدراسه ومايمديني أخلص الكميه اذا من الكتاب فمضطره ادرس من تلخيص وهمن ما اخلص الكميه وادش الامتحان مطوفه نص الدروس

 

[L a w y e R]

اسمالله عليج

انا دفعة 2006

معدلي 68 وخردة لوول

وماخلوني اروح ثالثة للاسف معنه 69 يروحون عادي :/

بس الحمدلله على كل حال

كنت شادة حيلي بثانية حيل الصراحة وقريداتي وايد زينة

بس للاسف التزامات نزلت معدلي لي اقل من 70

معدلي كان 77 وكنت معشمة روحي اني ارفع معدلي واوصله 80

بس قدر الله وماشاء فعل

ماعندي مواد يايبه فيهم d

فـ اخذت اصول ودستوري رفع معدل ، وعدت التزامات ، وطبعا وحدات التزامات انشالت من المعدل

عشان جذي معدلي طاح طيحة سنعة

.
.

تفاءلوا بالخير تجدوه

عن نفسي راضية عن تقديمي بالامتحانات ، والحمدلله متفائلة

بس الحقوق عيبها تصدم !!

يعني طالب الحقوق المفروض مايعشم روحه لووول

لان بالحقوق .. توقع غير المتوقع لوول

بس الله كريم انشالله

وانتي اهم شي شدي حيلج فباجي المواد

وسبيشالي احوال .. 6 وحدات ضمنيييهم

واداري بعد .. ولاتستهينين بالـ 4 وحدات ملوت باجي المواد

لان 4 على 4 على 4 بلابلابلابلا ... يسوون شغل

 

[L a w y e R]

وصاجة ترى دراسة المكتبة تينن

العام كنت ادرس بالمكتبة وصج الدراسة هناك ما اتقارن بالدراسة بالبيت

كنت اروح من 8 الصبح وارد 10 بالليل

ولي ضاق خلقي رحت قزيت بربوع كليتنا الجميلة انا ورفيجاتي فديتهم

الله ياني ولهانة على ذيج الاياااام

هالسنة مادرست بالمكتبة قلت مايسوا لوول كل المواد عايدتهم بعد شماله اعيش الدور وايد لووول

 

[lawyer.89]

أمبييييييييييييه انتي معدلج كان 77 وصار اقل من 70 انا تدرين جم معدلي؟؟

انا 71 :krkrkr:

لا خلاص ماكو ثالثه الله يستر والله قلبي قام يرقع :krkrkr:

خصوصا اني مبدعه بالتزامات وجزائي بالفاينل أوووف الله يستر

شكلي كل يوم بقوم الليل لما تطلع النتايج :krkrkr:

أمبيه الوضع مو صج

بس يالله اللي الله كاتبه بيصير واللي الله كاتبه فيه الخير انشالله :eh_s(6):

 

[lawyer.89]

ليش جذي نحاستهم ليش مانروح ثالثه يعني خل يخلون اي معدل يمشي وبس

انشالله يشيلون هالقانون قبل النتايج

 

[lawyer.89]

صح كلامج صدماااات وانا صرت معاكم ضد الصدمات

يأسسونا عدل حق المستقبل

 

[L a w y e R]

مادري ليش وايد متساهلين بسالفة الـ 70

حرام ترى يعني في ناس تتعب وتدرس واخر شي على اعشار تضيع من اعمارهم سنة كاملة

ويتاخرون عن دفعتهم ! بسبة نحاسة دكاترة ؟؟

الله يسامحهم بس

ولا تحطين فبالج ترى سهالات انشالله ماتدرين يمكن يرتفع معدلج اصلا

قلتلج بالحقوق .. توقع غير المتوقع

 

[رفييف]

مابي تكرهوني بس انا كنت من مؤيدين ال 70 بالاميه بشده @@

بس كنت مع اقتراح قطيه الدرجات .. ان يسمحون ان الوحده تلقط شوي درجات رفيجاتها اذا في احد يبي يعطيها لووول

لان كان عندي رفيجه حبيبه قلبي على جم عشر هم ما راحت ثالثه


عاد كنا جنه اول او ثاني سنه يطبقون عليها هالقرار

 

[jasmin90]

لوووووير 89 حبيبتي مشكوره وماتقصرين رفعتي معنوياتي يبيلي هالاياام كل يوم احد يرفعهاا لووووووووووووول من الكليه الحلوه مالتنا

لاتخافون بنات انشاء الله يتساهلوون بالتصحيح وايمشوونكم بس انتو ادعوو ولا تنسون الدعااااء

 

[jasmin90]

بنااااااااااات ممكن م اتقولون لنا اشلون طريقة دراستكم للمواد الدسمه وجم يوم اتخلوون اذا انتي بطيئه حيل
نبي الي عندهم خبراا

 

[دمي خفيف]

بنااات ما فهمت
يعني اللي تييب بالماده اقل من 70 تعييدها تكميلي ؟؟وشنو يعني تكميلي لوووول <<حدها ميح
وسلون تعيد السنه ؟؟؟
وضحوولي اكثر ترى ما اعرف بهالسواالف .. ابي تفصيل ممل