اي استفسار لطلبة الحقوق - جامعة الكويت

[L a w y e R]

اتوقع اخر رقمين حبي

 

[blue diamond]

آخر رقمين حبوبه

 

[رفييف]

واي !! ما عجبني الوضع

 

[L a w y e R]

لوول انا كنت قامتة البجية عن الفشلة بس والا جان بطيتها بجية لوول

طاف طاف اكبر وانسى لوول

 

[رفييف]

ودي اقولج تعالي و اخليها تعوضج و تكلمج عدل .. بس اخاف اكون متعشمه وايد و تفشلني انا معاج لوووووووووووووول
لا بس صج اذا تبين تكلمينها .. انا باجر اروح لها معاج و تسالينها كل اللي بخاطرج .. يعني ما اتوقع تفشلني حده صعبه ميانه معاها وايد

 

[L a w y e R]

لوووول بعد جبدي انتي والله يارفيف

شكرا شكرا لاداعي لوول

لما قلت حق ماما قالت لي خلاص باجر نروح يميع كسرت خاطرها لوول

الله يسامحها

 

[eva beach]

هااااااااي بنااااات واخييييرا سجلت وخلصت ياااحلوي بتقريبا اغلب المواد انا اول وحده اسجل فيها

واااااااااااااااااااي رااااااااااحه بس شوي قاعده احاتي عندي ماده وحده ما سجلتهااا واهي > تجاري < الله يسهل انشالله

بس وااااااااي لووووعه جبد مغيرين بعض الشعب فنصيييييييييييييييييحه بنات باجر قبل التسجيل بساعه دخلوووا وجيكوا على ماده مادة لان في

تغيييير بسيط يقلب الجدول ونصيييحه ثانيه خلووووا اي احد يسجل معاكم لان حددددددده ضغط مو طبيعي انا بنت خالتي بعد جبدي سجلتلي 5 مواد وانا سجلت 3 مواد لان السيستم مااااااات من الضغغغغغغغط فديرواااا بالكم

محاميه الغد حذفي اخر رقمين لانهم رقم الشعبه فماله داعي تحطينهم

لوير حيااااااتي والله فديتج بعد عمري ضيقتي خلقي عاااااد اكره شي بحياتي ان احد يعاملني باسلوووب وقح تلقيني على طوووول اكرهه ولو شنو يصير ماارضى عليه ولا اسامحه


وبعد عمري كلكم فديتكم

 

[L a w y e R]

بنات بليييز

اللي عندها الجدول

ابي ارقام :

اصول + دستوري لاهتنوا

 

[L a w y e R]

ايفا حبي تبارك الرحمن خوش شي

الله يوفقج انشالله ويسهل تسجيلج بتجاري

وانا بعد حيل اكش من اللي يعاملني بطريقة بايخة

.
.

كل الدفعة بنفس الوقت يسجلون حبي ؟

 

[eva beach]

رد: GwA Ya BnAyAT EL.7e8o0o8

السلام عليكم ورحمة الله وبركاته ,

امممم اول شي ابي اقولكم انه انا من زماااااااااااااااان اتابعكم واقرى ردودكم وماشالله عليكم اتينننون كلكم بنات والنعم فيكم ويكفي انكم حقوقياااااااااااااااااات يعني بنات كليتي حبيبتي الحقوووووق :wqedqw:

و خلاص مابقى شي عالدوام صج ولهااااااانه على سوالف الكليه والبنات وبوصالح وحمزه وزينب :dddds:... اه ياحلوج يالحقوق صج تعبتينا وطلعتي روحنا بس نحبج وعسى الله يوفجنا ويسهل علينا وياعساها سنة خير علينا وعليكم


طبعا الجداول ونزلت بعد طووووووول انتظار وبعد ماتلفت اعصابنا بس حمدالله على كل حال

بليز يابنيات وخصوصا اللي اعرفهم ودايما اقرالهم ( ايفا وبلو دايموند ولوير ورفيف وحقوقيه ووو منو بعد سامحوني حبايبي اذا نسييت بس هذيل اللي الحين ابالي ) بليز ابي احد يساعدني ويشور علي بالدكاتره لانه معدلي صج نزل نزله قشرررررررررره بسنه ثانيه :0bee2e8d89: وحرام بعد هالتعب والشقى بس هم الحمدالله وان شاء الله خير بهالسنه ,,

انا وحده عندي اهم شي الفاينال يعني ابي اكون فاهمه فأبي دكاتره تفهم تخليني ادش الفاينال وانا على ثقه بفهمي واقدر اطلع من المواد ب أي وو بي
مابي ناس تنام بالعسل وماتفهم شي ولا حظور ولا شي نووو ماحب جذي :0bee2e8d89:
فياريت تنصحوني بالدكاتره الزيييييييينه واكووون شاكرتلكم



اول شي مرافعات : منو افضل عبدالستار الملا ولا عبيد المطيري
وتشريعات العمل : موسى ولا مشاعل
وعقود مدنيه : حسين شروق ولا خالد الضفيري
وتجاري اللي انا صج ابي رايكم الدقيق وبالتفصيل الممل عن دكتور محمود الكندري لانه في ناس امدحولي اياه وفي ناس ذموه والرشود اللي سمعته مايداوم بس يعطي درجات وتجاري حرام 6 وحدات ونبي درجات فآنا في حيرة من امري فالكندري ولا الرشووود ؟؟

اداري :البااااز ولا الفارسي على الرغم من انه الفارسي مش ولا بد من حيث الشرح بس ماهو الافضل برايكم
جزاء خاص : ابي شرح ممتاز وفهم لانه ماده صعبه جدا هذا اللي سمعته فمنو اللي راح يفيدني بالفاينال فايز الظفيري او منصور العتيبي
مشكورييييييييييييين وماقصرتووو :33_1185028183:​

حيااااج الله بينا كلنا خواتج

مرافعات نصيييييييييييييحه نصيييييييييييييييحه اخذيهاااا عند عبيد وانتي مغمضة عيونج تدرين ليييش لان بالفاينل عبيد اهو الي يحط القضيه فاذا ما عرفتي طريقته راااح تاكلينها عدل لان الملا وعزمي يحطون اسئله مقالية وتكون مكررة كل سنه وماشالله عبيد وااااايد شرحه زين معنه بعض المحاضرات يخوره شويه لانه يشرح بسرعه بس بشكل عاااااام واااايد زين واكثر دكتور يبذل مجهوووود مع طلبته تخيلي كان يخلينا نداوم يوم السبت عشااان يراجع لناا الي شرحه ويعطينا اشياء زياده فعلى اخر السنه راااح تكونين انتي المستفيده لان كل شي فاهمته ومشرووح اكثر من مرة والعاده كمية الميدتيرمات تغطي نسبة معقووله من المنهج
تشريعات بصراااحه مادري لاني مو مجربه ولا واحد فيهم فمااقدر انصحج بشي
عقود انا خذيت عند الظفيري زين بس امتحاناته شوي صعبه واحسه بالمحاضرة قاعد يسمع الكتاب بس بشكل عام الشرح حلوو وينفهم ويعطيج بحث عليه كيرف وهم في بنات سوو بريزنتيشن وعطاهم عليه كيرف واخر السنه يعطي كيرف وانا وحددده رفعنـــــــي وااااااااااااااايد يعني الحياة كلهاا كيرف بكيرف
تجاري نصييييييييييييييييييييييحه اخذي عند الكندري وانا متاكدة ان رااااح تدعيلي
دكتور محترو شرحه روووووووووووووووووووووعه وحيييييل راقي وامتحاناته حلووووووة وسهله وما يبيلهااا شي يعني تدرسين اتييبين بس جد جد يعتبر من احسن الدكاترة الي درسوني في 3 بالاضافه الى المانع والعصار كانوا احسسسسسسسسسن دكااااااااترة مرووووا علي في حياتي
جزاء اذا المانع منزل اخذي عنده وانتي مغمضه لان احسن دكتور درسني يعتبر توب 1 اينننننننن حدددده شرح روووووعه اخلاااااق وراااقي ومحترم وكل شي زين فيه بس شوي امتحاناته صعبه بس تنحل
واذا مو منزل اخذي عند الظفيري لان الكل يمدحه يقولون شرحه حلووووو بس امانه انا مو مجربته
العتيبي ما انصح فيه البته لان شرحه لووووووعه ايييب اليهد والطاعون وكل الامراض الي في العالم

اداري ما اقدر افيدج لان هالدكتورين اكرهم من الله وعمري ماخذيت عندهم كنت ماخذه عند العصار لان حدده اييينننننننننننن وشرحه تووووب
وسلامتج بس الكندري نصيحه مني لا تطوفينه والله ايننننننننننن حددددددددده

 

[eva beach]

لوير اي كل الدفعه يسجلون بنفس الوقت

وانشالله الله يسمع منج فديت قلبج

وبعطيج رقم اصول ودستوري بس مو متاكده منهم

اصول 0210104

دستوري 0210121

 

[R e e M a]

يابعدهم كلهم ياسراجيييي بينهم يا ايفااااااا

مشكوووووووووووووووووووووووووووورررررررره وايد وايد وماقصرتيييييي بعد عمررري
ومبرووووووووووك عالتسجييييييل :ggdw:وحمدالله الله يحبج اللي عطاج اللي اتمنينه والفال لنا باجر

دعواتجج

للاسف جدولي مايضبط الا على العتيبي وبتحمل الامراض الي بتيني منه

 

[eva beach]

ههههههههههههههههههه بدعتي ريما

حبي ما سويت شي لاا شكر على واااااجب عااادي احنا اهني كلنا نساعد بعض ونفيد ونستفيد

الله يبارك فيج بس عندي دكتور واااحد مو عاجبني بالجدول واذا الله سهل انشالله راااح احول تحويل داخلي

وانشالله الله يسهل عليكم وتاخذون عند الدكاترة الي تبونهم

يالله شتسوين تحمليه عااااد واااااي حدددده يفشششششل راااااح تدرسون الجرائم الجنسيه والكتاب الالفاظ كلش كلش مو مال احد يقولها بالمحاضرة بس العتيبي يقوووول كل شي تخيلي الكلمات الي تنقال حدهاااا ماساة والله قمة الاحراج

انا كنت عند المانع بعد عمري كان يختار الالفاظ وينقيهاااا نقوووة عشان ما تطلع كلمه ننحرج منهااا >>> فديته

بس العتيبي يعطي درجاتو درجاته كانت حلوووووة وفي بنات يحبون شرحه وانشالله يعجبج وتحبينه واسم الله عليج من الامراض

 

[L a w y e R]

بعد عمري ايفا تسلم ايدج كفيتي ووفيتي

.
.

ريما حبي موفقة انشالله

انشالله هالسنة تكون احسن من ثانية

كلنا نزلت معدلاتنا بثانية

قمت اكره ثانية جم مرة ادرسها ؟ لوول

والعتيبي انا ماجربته بس يقولون زين

بس من تجربتي الشخصية معاه مافكر اخذ عنده لو شيصير

عسى الله يسخر لج كل الدكاترة حبي :**

 

[eva beach]

افا عليج حاضرين للطيبين ما سويت شي

وترى قصدي منصور العتيبي مو محمد العتيبي

معني احس اثنينهم نفس الطقه

 

[L a w y e R]

احم احم ياشين لقافتي لوول :eh_s(22):

 

[eva beach]

لاااااااااااااا عاااااادي هذي مو لقااافه هذا سووء تفاهم

يا حلوج يبه عاااادي اثنينهم نفس الطقه

 

[L a w y e R]

حبيبتي انتي والله

انا ليلحين ماسويت لي جدول

حدي عايشة الدور على "جدول" لوول

اقصاهم 4 مواد لوول

ابي دستوري عند خليفة

ولما جيكت راح يتعارض مع التزامات اذا اخذت اصول

مادري شسوي

 

[L a w y e R]

شرايكم بالدكتور محمد الفيلي ؟

منزل دستوري

 

[eva beach]

والله الفيلي اذكر رفيجتي كانت تسميه الفيلسوووف

بس بصراااحه مادري عنه اذا زين والا لأ

ويميدج تسوين جدولج وغيري جم دكتور وانشالله يضبط يعني اذا كنتي ماخذه التزامات عند جلال اخذيها عند بهبهاني

او غيري دكتور اصول اذا كنتي ماخذه عند الصيرفي غيريه وحطي عند الرضوان وانشالله يضبط الجدول